2022-09-09 09:21:19
#onalar_uchun
Farzandlaringizni onasi “charchadim” desa, bu shunchaki charchoq emas, bu soʻzning ostida olam - olam maʼno yotishi mumkin.
Charchoqga hamma xar - hil qaraydi, ahir bizda ayollar “charchash”maydi, ayollarga charchash taʼqiqlangan. Ayniqsa uyida mazza qilib “oʻtiradigan” va kuuuun boʻyi “hech nima” qilmaydigan uy bekalari va onalarga.
Aslida u boshqa bir nimadur deyaptiyu, siz uni eshitmayabsiz. “Bagʻringga bos”. “Mehnatimni qadrla”. “Kim uchundir emas, oʻzim uchun ham yashashimga imkon ber”. “Menga sen uchun qanchalik qadrli ekanimni eslat”. “Yonimdaligingni ayt”. “Biz bugun duch kelayotgan va ertaga hal qilishimiz kerak boʻlgan musibatlarni birgalikda yengib oʻtamiz” de.
U “charchadim” deydi. Lekin, koʻpligidan sababini ajratib boʻlmaydigan xavotirlardan asablarini idrab ketganini aytmaydi.
“Bundan ham yaxshiroq qilish mumkin edi”dan qochib, “odamlarning kelini palondaqa ekan”ga toʻqishib yiqilganini, vazifasi boʻlmasa ham yoʻq joydan yelkasiga ortib qoʻyganingiz masʼuliyatlardan, har kuni toʻrt devor orasida oʻzidan boshqa hammaning koʻngliga qarashdan, “sugʻur kuni”dek qaytariladigan hayotdan zerikganini, mukammal, yaltiroq boʻlishdan charchaganini aytmaydi.
Avvalgi “oʻzi” boʻlishni sogʻingani aytmaydi. Toʻgʻri, farzandlari tugʻilishi bilan qalbida paydo boʻlgan va chuqur ildiz otgan mehr-muhabbat uning uchun bebaho, ammo bular mutlaqo boshqa - boshqa tuygʻular.
Yoʻnalishlarni oʻzgartirishni istashini, uzoq ufqlarga vijdon azobisiz va hech qachon tugamaydigan kundalik tashvishlarsiz sayohat qilishni istashini aytmaydi. Keyinchalik, eslab yuziga tabassum yuguradigan va qalbini mehr-muhabbatga, zavqqa toʻldiradigan xotiralarni istashini aytmaydi.
“Charchadim” deydi. Aslida esa, “meni yupat”, “men bilan boʻl”, “menga ham vaqt ajrat”, “tilingni shirinroq qil” deyotgan boʻladi. Baxt haqidagi oʻziga hos orzularining eng boshida muhabbat turishini ayta olmaydi.
“Charchadim” deydi. Aslida esa, oʻzimni kerakli insondek his qilishimga yordam ber deydi. Masʼuliyat va mehnatning bir qismini sen ham yelkangga ol deyotgan boʻladi.
U charchagan. Aslida esa, “men ham tanamga gʻamxoʻrlik qilishim kerak” - deyapti. Unga gʻamxoʻrlik qilish, kasal vaqtida davolash, mazali taomlantirish, uhlash, charchoqni chiqarib yuborish, oʻzligini his qilish, goʻzalligini his qilishni istashini anglatadi. Oʻziniki boʻlmagan yuklarni koʻtaraverib charchagan yelkalari, sizga farzand dunyoga keltiraman deb tanasiga tushgan chiziqlar, quruqshab ketgan terisi, qoʻpollashib ketgan tovonlari, toʻkilayotgan sochlari, ajin tushib boshlayotgan yuzlari parvarishga muhtoj ekanini aytayotgan boʻladi.
Jonimga tegdi deydi. Aslida esa, “shamollab kelishim kerak” deyotgan boʻladi. Chunki ichida bir hillikdan, qaytariluvchi nasihat va taʼmalardan, ruhiyatini zildek ezuvchi “chida” “sabr qil”lar bilan, bolalaringiz va ota-onangizning injiqliklaridan toʻlib ketgan bir ruhiyati bor uning.
Charchoq - bir soʻz holos. Ortida esa qanchadan-qancha maʼnolar, iltimoslar, jimliklar, ehtiyojlar, sukutlar yashiringan...
Mingʻillab jonimga tegding, hamma sharoiting bor, oʻzi ayol zoti tovuqmiya, noshukur boʻladi deyishdan oldin, shular haqida oʻylab koʻring...
Ayolga ayolligini bermay turib, qanday qilib, qaysi vijdon bilan oʻzingizga boshqa ayol qidirasiz?
Raxshonaxon Muzaffar Qizi
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@love_ifor
2.1K views06:21