2022-09-04 04:43:45
BOLAJONLARNI KITOB O’QISHGA ODATLANTIRISH UCHUN 10 MASLAHAT
1. O’zingiz avvalo ibrat bo’ling. Farzand o’z uyida ko’rgani bo’yicha odatlarga o’rganadi. Bola ota-onasini kitob o’qigan holatda ko’rib o’rgansa, u ham kitoblarga qiziqish bildiradi.
2. Sharoit yaratib bering. Uyda bolaga kitob o’qishi uchun maxsus joy tayyorlash ham katta natija beradi. Xona harorati o’rtacha-iliq bo’lishi, yorug’ va turli hidlardan holi bo’lishi kerak.
3. Kitob sovg’a qiling. Imkoningizga qarab haftada 1, oyda 1 yoki kamida 3 oyda bir bolalar kitobini sovg’a qilishga harakat qiling.
4. Chalg’ituvchi narsalarni olib qo’ying. Bolalar kitob o’qishlaridan avval televizor, planshet va telefonlar kabi chalg’ituvchi narsalarni o’chirib qo’ying.
5. Kitobxonlik soatini uyushtiring. Oilaviy kitobxonlik soati uyushtiring. Xohlasangiz birga 1 ta kitobni tanlab birga o’qing. O’qib bo’lgach farzandlaringizdan kitob haqidagi fikrlarini so’rang. Bu kitobdan nima o’rganganlari, nima eslarida qolgani va nimadan ta’sirlanganlari haqida so’rang.
6. Yoshlariga va qiziqishlariga mos kitoblarni tanlab bering. Misol uchun +0 yoshdagi jajji bolalarning kitobi asosan dona-dona rasmlardan iborat, qalin qog’ozdan tayyorlangan kitoblar bo’ladi. 2-3 yoshli bolalarga esa hayvonlar, mevalar atrofimizdagi narsalarni tanish bilan bog’liq rasmli va yozuvli kitoblar bo’ladi. Yoshlari ulg’aygan sari so’zlar ko’payib, bolalarning so’z boyligi oshishiga yordam beradi.
7. Kutubxonaga muntazam qatnashni odat qiling. Oilangiz bilan birga ikki haftada 1 yoki oyda 1 bo’lsa ham kutubxonaga birga boring, turli kitoblarni tanlab doimiy o’qishga odatlaning.
8. Kitoblar muqovasi oldinga qaragan holatda, ko’z tushadigan va qo’l yetadigan joyda bo’lishi kerak. Javonining bolalar qo’li yetadigan joyiga kitoblarni joylashga harakat qiling. Eng pastki qavatda emaklaydigan bolajonlar uchun kitoblar, yuqorirog’ida 2-3 yoshdagilarga mos kitoblar va hokazo. Bolaning ko’zi doimo kitobga tushib turishi, uni qiziqib olib o’qishiga turtki bo’ladi.
9. Gazeta yoki jurnallarga a’zo bo’ling.
Farzandingizni yoshi va qiziqishiga mos bo’lgan biron jurnalga a’zo qilib qo’ysangiz, har oy ana shu jurnallarda unga qiziq bo’lgan turli mavzularda maqolalar, topshiriqlar va o’yinlar kelib turadi. Yana, odatda jurnallarda sovrinli musobaqalar ham o’tkazilib turiladi. Bu musobaqalarda qatnashish va jurnalning keyingi sonlarida o’z ismini ko’rish farzandingizni o’qishga yanada ilhomlantiradi va bora-bora kitoblarga bo’lgan mehrini shakllantiradi.
10. Rag’batlantirish. Farzandingiz kitob o’qishni yoqtirmaydimi? Unda, bolaning kitob o’qishga qiziqishini orttirish uchun rag’batlantirish, taqdirlash usulidan foydalaning. Masalan, har oy kichikroq kitobdan 10ta yoki kattarog’idan 3-5 ta kitob o’qib bo’lsa, farzandingizni u-bu joyga olib chiqing, masalan, hayvonot bog’i, kinoteatr yoki ko’ngilochar hiyobonlardan biriga. Yoki, xohlagan o’yinchog’ini sovg’a qiling.
@Yosh_onalarga_maslahatlar
@Marhabo_Karimova_sherlari
@Ayollar_uchun_retseptlar
@Muslima_ona_kundaligi
@Uddaburon_bekalar
@Foydali_tibbiyot_uz
@Homiladorlik_davri
@Dildagii_Satrlar
@Ogilmi_Qizmi
@love_ifor
840 views01:43
M
