2022-01-12 07:08:27
Ички ва ташқи мотивация техникаси орқали ўқувчиларни математикага қандай қизиқтириш мумкин!?
Ташқи мотивация Ўқувчининг назоратидан ташқарида пайдо бўладиган мукофотларни ўз ичига олади. Бунга яхши натижа учун этироф, рамзий мукофотлар, тенгдошлар томонидан яхши натижаларнинг тан олиниши кабилар киради.
Шу билан бирга, кўпчилик ўқувчилар мавзуни тушуниш (топшириқ билан боғлиқ), бошқалардан устун бўлиш (эго билан боғлиқ) ёки бошқаларни ҳайратда қолдириш (жамият билан боғлиқ) истакларида ички мотивацияни намойиш этадилар.
Ички ва ташқи мотивациясини ошириш стратегиялари Ўқувчиларнинг билимларидаги бўшлиққа эътибор беринг. Тушуниш жараёнида, айнан қайси қисмда бўшлиқ мавжудлигини аниқланг. Буни билиш учун берилган топшириқни бажариш кетма-кетлигида ким қайси босқичда хатога йўл қўяётганига эътибор қилинг. Бўшлиқни аниқлаштирганингиздан кейин, ўқувчи бажара олмаётган босқични таниш вазиятларни мисол келтириш билан тушунтиринг.
Мантиқий кетма-кетликка эътибор қаратинг. Бирор мисол ёки масалани ишлаш жараёнида бажариладиган қадамлар орасидаги мантиқий боғланишни тушуниш- ўқувчи учун муҳим. Ушбу услубнинг аввалгисидан фарқи шундаки, у ўқувчиларнинг билимларини тўлдиришга эмас, балки ўқувчида шу билимни кенгайтириш учун кучли хоҳиш уйғотишга йўналтирилган.
Мавзунинг фойдали эканлигини кўрсатинг. Дарс бошида математиканинг амалиётда қанчалик кўп қўлланилиши билан синфни таништиринг. Улар бу мавзу реал ҳаётда нечоғлик кераклигини англай бошлашсин. Масалан, фаннинг турли касблар, жумладан, архитектура, тиббиёт, дизайн, менежмент ва ИТ соҳасида муҳимлигини таъкидлашингиз мумкин. Дарсни бошлаш учун кириш қисмини математиканинг аҳамиятига бағишланг.
«Ўқитувчи» саҳифалари Telegram канал | YouTube | Facebook
Мобил илова
8.2K views04:08