Мотивация

2022-03-30 11:37:30 Бизда айниқса ўзбек тадбиркорларнинг SMM даги хатоси тадбиркорлик фаолиятига оид профилини диний контент билан тўлдиришда деб биламан, шахсий профиль бу бошқа масала.
Айтайлик сиз кийим дўкон ёки автомобилларга дастур ёзадиган устахона эгасисиз. Кийим дўкон сифатида контентни кийим тақдимоти, сифати, материали, тикилиш услубига йўналтирилгани, устахона мисолида эса дастурий таъминотнинг хусусиятлари, афзалликлари, заводнинг дастури билан сизнинг дастурингиз ўртасидаги фарқ ҳақида контентни бойитиш афзал. Рекламага машҳурлар келиши, ҳатто имомлар харидини қандайдир отзыв қилишингиз мумкин, лекин кийим дўкони ёки устахона бизнес профилида қайсидир домланинг бирон бир бошқа мавзуга оид маърузасини қўйиш хато.
Бу аввало имижга зарар, сизнинг харидорингиз сиздан маҳсулот рекламасини кутади, маърузани эмас. Бошқа тамондан сизнинг харидорингиз фақат мусулмонлардан иборат эмас ва амал борасида улар бир - биридан фарқли. Шу сабаб асло ва асло бугун 1000 доллар пул кийим ичига тикилди, ким дўконга келиб ушбу пулни топиб олса уники деб харидор йиғсангиз, эртага исроф ҳақида аккаунтингизга имом маърузасини жойламанг. Машинага дастур ёзиш бўйича контент юритаяпсизми, машинаси бузилиб кўчада қолиб кетган ёши катта одам ҳақида вайн ишлаб ота - она тўғрисида маъруза юкламанг. Агар айнан шу орқали аккаунт активлигини кўтармоқчи бўлсангиз ишонинг сизнинг бизнес аккаунтингизда, маҳсулотингизга қаратилмаган ҳар қандай комент базм, у умумий просмотр, статистикада ўсиш бўлса ҳам бизнесингиз ривожи учун хизмат қилмайди.
Акалар бизнесни ҳалоллик устига қуриш нур устига нур, аммо шахсий диний қарашларни бизнесга аралаштиришда эҳтиёткор бўлиш керак. Чунки дин бизнес эмас, эътиқод, одоб ва яратган билан инсон ўртасидаги риштадир.

Bekhzod Abdurakhmanov

@motivatsiya_oz
https://t.me/motivatsiya_oz Ochish/sharhlash

2022-03-29 20:15:19 ИБРАТ

Америкалик йигит Блейк Майкоски 2004 йилда отасидан қолган каттагина меросга эга бўлади.
Аввалда у бу пулларни қандай қилиб кўпайтириш ҳақида кўп ўйлади. Аммо бир қарорга келолмади.
2005 йилда Аргентинага автомобил мусобақасига борди. Чунки у бу спорт турини яхши кўрар эди.
Аргентинага боргач, Блейк у ерда фақирлик авж олганини кўрди. Хусусан кўп болалар ялангоёқ эди. Чунки уларнинг оёқ кийими олишга пули йўқ эди.
Блейк у ерда оёқ кийими ишлаб чиқарадиган ширкат барпо қилишга аҳд қилди.
Унинг нияти тижорат билан бирга хайрия ишларини ҳам йўлга қўйиш эди.
У оёқ кийимларига ихтисослашган "TOMS" ширкатига асос солди. У ширкат пайпоқсиз кийиладиган енгил спорт оёқ кийимлари ишлаб чиқаришни йўлга қўйди.
Хайрия ишини эса сотилган маҳсулотга боғлиқ қилиб қўйди. Яъни, битта сотилса битта совға қилинадиган бўлди.
Ширкатнинг ривожланишига иккита сабаб бор эди:
1. Бу оёқ кийимларнинг яхшилиги ва енгиллиги.
2. Кишиларнинг бу хайрли ишни қўллаб қувватлашга бўлган рағбати.
Ширкат бугун ҳам ўша ишларини давом эттираяпти. Бирга бир...
Яъни, ҳар бир сотилган маҳсулот бадалига битта оёқ кийими фақирга эҳсон қилинади.
Яхшиликни ким қилишидан қатъи назар у зое бўлмас экан. Мусулмон бўлмаганлар қилган яхшиликлари эвазини шу дунёда албатта олишади.
Бугун "TOMS" ширкати оламга машҳур. Блейк Майкоски эса Америкадаги энг бадавлат кишилардан бири.
Инсоннинг даромад келиб турадиган манба ҳақида ўйлаши яхши албатта. Аммо бой бўлишдан аввал инсон бўлиш ҳақида тафаккур қилиши ундан ҳам яхшидир!

Nargizxon Abdullaeva

@motivatsiya_oz
https://t.me/motivatsiya_oz Ochish/sharhlash

2022-03-22 08:26:00 Бир киши хотини билан чиқишолмай қолибти. Уйда ҳар куни жанжал. Киши ғурбатдан безор бўлиб ажрашишга аҳд қилди. Уларнинг тортишувларидан икки тараф оилалари орасига совуқчилик тушди. У бир куни маслаҳат сўраш учун кўпни кўрган аҳли илм зотнинг олдига бориб, аҳволини айтади. У зот:
— Энди ажрашсанг ҳам ҳеч бир ўзгариш бўлмайди. Бир ой умринг қолибди, нима қилсанг қил, дейди.
Бу гапни эшитган киши махзун бўлиб, ранги оқарган ҳолда чиқиб кетади. Йўлда учраган танишларидан рози ризолик сўрай бошлайди. Уйига қайтиб, «хотин кел, шунча пайт сени хафа қилдим, яхши эр бўлолмадим, мени кечир, мендан рози бўл, дейди.
Хотини, нима учун эри ўзгарганини тушунмасада, унга раҳми келиб:
— Бей, аслида сиз рози бўлинг, мен доим беодоблик қилдим, сизни кўп ранжитдим, дейди. Икковининг ҳам қалби юмшаб кўзлари ёшланади…
Кейин эр, хафалашган қайнотасиникига боради. Улардан ҳам розилик сўрайди. Хотини ҳам, қайнонасидан кечирим сўрайди. Энди уйда ҳар кун жаннатий ҳаётда яшардилар ва бир-бирларини ҳеч ранжитмасдилар…
Лекин у киши, хотинига, муҳтарам зот айтгани ҳақида ҳеч гапирмайди. Бир ой тўлишини санай бошлайди. Кунлар яқинлашгунча яхшиликлари ортар, кечалари ибодат қиларди.
Унинг яхши ишлари кўпайгани сари хотинини ҳам, икки оиланинг ҳам муносабатлари илиқлашиб, муҳаббатлари ортиб борарди.
Бир ой ўтади. Ҳа бугун ўлади, эртага ўлади… Лекин ўлмайди. Аниқ бир ой демади, бир ой атрофида, деди. Балки бир неча кун ҳали бордир, деб ўйлайди.
Бир неча кун кутади, яна ўлмайди. Кейин у зотнинг олдига бориб сўрайди:
— Афандим, мен ўлмадим.
— Умринг зиёда бўлсин — дейди у зот.
— Афандим, сиз бир ойча умринг қолди, дегандингиз, бир ой бўлди. Бироқ мен ўлмадим.
У зот эса:
— Биродар, мен сени қачон ўлишингни билмайман, лекин шуни биламанки, ўлим ҳақ, бир кун албатта ўласан. Ўладиган одам жанжал, низо билан ҳаётини заҳарламайди. Ҳозирги ҳаётингдан хурсандмисан? — дейди.
— Ҳа, ҳеч тортишмаяпмиз.
— Қани, энди шундай давом этинглар, — дейди у зот.
У оиланинг икки фарзанди бўлиб, гулдай яшнаб улғаядилар.
Ҳаётимиздаги кўп муаммолар ўлимнинг ҳақ эканини унутишимиз туфайлидир...

Фахриддин Шайзақов

@motivatsiya_oz
https://t.me/motivatsiya_oz Ochish/sharhlash

2022-03-21 12:06:35 Энг ақлли тадбиркор, бу ўз сармоясини энг фойдали иш учун сарф қилган инсондир.
Сармоянинг энг муҳими, бу умрдир. Инсоннинг қўлида ҳар куни 24 соатлик умр сармояси бор. Бу соатларни ҳар дақиқасини қадрлаб, фойдали ишга йўналтириш, оқил кишининг ишидир.
Мен, беш-ўн минг сўм арзонроқ олайин деб, бу бозордан нариги бозорга бориб, ярим кунини сарф қиладиган инсонларга ҳайрон бўламан.
Яна шундай «ақлли» инсонлар ҳам борки, автобус пулини иқтисод қилишлик учун, ишга ёки ўқишга пиёда борадилар. Ажиб. Ана иқтисод. Ундан кўра, автобусда ўқишга бориб, иқтисод қилган ярим соатини 20 бет китоб ўқиш учун сарф қилган инсон иқтисодчироқ, ақллироқ эмасми?
Ярим ставка иш деган тушунча бор. Бунинг кўриниши хар ҳил бўлади:
15 кун иш, 15 кун дам,
1 ҳафта иш, бир ҳафта дам,
3 кун иш, 4 кун дам,
1 кун иш, бир кун дам,
Ёки ҳар куни пешингача иш... ва ҳоказо...
Лекин кўпчилик ўйлаб кўрмайдиган, кўринишидан тўлиқ, аслида «ярим ставка» ишлар ҳам бор. Масалан, бир соат иш, бир соат беиш. Ёки, ярим соат иш, ярим соат беиш. Ёки бўлмаса, ўн минут ишлайди, ўн минут ишламайди. Яна давом этамиз. Бир дақиқа ишлайди, бир дақиқа ишламайди. Ёки, ҳар икки сониянинг бирида ишламайди.... Улардан сўрасанг, уялмасдан: Тўлиқ ставка ишлайман, дейдилар.
Саккиз соатлик иш вақти бўлган бир корхонани олайлик. Ишчилар бир хил маҳсулот чиқарадилар. Бир ҳил шароитда ишлайдилар. Маош келишуви: ишбай. Иккита бир хил иш бажарадиган ишчи бор. Бири баъзан иккинчисидан деярли икки баробар кам ҳақ олади. Нега? Бунинг сири шу: Биринчиси вақтининг ҳар сониясининг қадрига етади. Яъни, иш вақтининг ҳар сониясида ишлайди. (Буни спортчилар яхши англайдилар.) Иккинчиси эса дақиқаларга ҳам бепарво бўлади.
Энди ўша икки ишчи маошларини вақтбай ҳисобида оладиган корхонада ишлаганларидачи? Нима бўларди? Бир ҳил маош олган бўлардилар. Чунки, бир вақтда ишга келадилар. Бир хил вақтда кетадилар-ку. Йўқ. Бундай ҳолатда, сонияларнинг ҳам қадрига етадиган ишчи учун адолатсизлик қилинган бўлар эди. Ёки, дақиқаларини бесамар ўтказган ишчи, корхонага нисбатан ҳақсизлик қилган бўларди.
Қўл остидаги инсонларга нисбатан адолат билан муомала қилишлик қанчалик қийин-а?!
Умрининг ҳар сониясини исроф қилмаган инсонларга саломлар бўлсин!
Эй иқтисодчи дўстим! Шуни унутма: Иқтисод қилишлик, бу кам сарф қилишлик, дегани эмас! Иқтисод қилишлик, ҳар нарсани ўз ўрнида сарф қилишлик деганидир. Аллоҳнинг коинотнинг тасарруфидаги феълларига боқ. Саноқсиз махлуқотларининг бир заррасида ҳам исроф йўқдир.
Имоми Аъзам (р.а.) шундай дейдилар:
«Исрофда яхшилик бўлмаганидек,
Яхшиликда ҳам исроф йўқдир!»

Shoolim Shomansur

@motivatsiya_oz
https://t.me/motivatsiya_oz Ochish/sharhlash

2022-03-18 06:57:10 Н И С Б И Й Л И К

Эй, ўзининг «SPARK» ёки «MATIZ» машинасининг қадрини том англамаган одам!
Билки, ҳудди мана шу сен ёқтирмаётган, сифатсизлигидан нолиётган машина, агар ўттиз йилгина аввал кимдадир бўлганида, ҳамманинг назари ўша одамга қараган бўлар эди. У эса, бу антиқа машинанинг соҳиби эканидан ўзини жуда юқори тутган бўлиши мумкин эди.
Агар эллик йил аввал биронтасида бўлганида эса, у одам эҳтимол, давлат махсус идораларининг рўйхатида турган бўларди.
Агар юз йил аввал бир одамда бу машина бўлганидами, у «бахтли одам» балки тарих китобларида қолган бўларди.
Юз эллик йил аввал кимдадир бу ғаройиб қурилма бўлганида, нима бўлган бўлиши мумкин эканини ўзинг тасаввур қил!
Бу неъмат сенда шукр ҳиссини уйғотмаганининг сабаби, унинг нуқсонли бўлгани эмас, балки атрофингда ундан яхшироқ машиналарнинг борлиги холос!
Бошқа кўпгина неъматлар ҳам аслида шундай, бошқаларда биздан аълороғи борлиги бизни «бахтсиз» қилади.

Shoolim Shomansur

@motivatsiya_oz
https://t.me/motivatsiya_oz Ochish/sharhlash

2021-12-08 03:49:01 Модомики, балиқнинг оғзи ёпиқ экан, уни ҳеч ким овлай олмайди.
Ишларингни маҳфий тут! Зеро, сени ҳато қилишингни кутиб яшайдиганлар бор.

Авазхужа Бахромов

@motivatsiya_oz
https://t.me/motivatsiya_oz Ochish/sharhlash

2021-11-14 07:25:17 Ўзгариш вақти келган бўлса, японлардан ўрнак олинг!

Агарда япон компанияси қийин иқтисодий ҳолатга тушиб қолса, ойлик маоши қисқатириладиган энг биринчи ишчи бу- компания Президенти бўлади! Шунда ҳам ҳолат ўнгланмай, иш ўринларини қисқартиришга тўғри келиб қолса, биринчи қисқарадиган иш ўрни ҳам айнан бошқарувчиники бўлади! Ҳудди шундай қисқариш, тепадан-пастга қараб келади, аксинча эмас.
Бундай ҳолатларда япон компаниялари оддий иш ўрнини қисқартиришдан бошламайди, чунки уларнинг фикрича: зинҳор ёмон аскарлар бўлмайди, балким “ёмон генераллар” бўлади!

Собир Шермухаммад

@motivatsiya_oz
https://t.me/motivatsiya_oz Ochish/sharhlash

2021-11-08 17:04:42 #Диққат #Тарқатинг
Буни барча ҳайдовчилар кўриши керак

Себзор-Нурафшон кўчалари чорраҳасидан ўтишнинг янги қоидалари жорий қилинди. Хато қилиб қўймаслигингиз учун албатта кўринг

Яқинларга ҳам улашинг!

@SHOPIRLAR Ochish/sharhlash

2021-10-25 23:07:48 «Зеҳндаги манфий фикрларни чиқариб ташлашлик,
Бадандаги кирларни чиқаришликдан муҳимроқдир!»

Shoolim Shomansur

@motivatsiya_oz
https://t.me/motivatsiya_oz Ochish/sharhlash

2021-08-19 08:07:23 #Билиб_қўйган_яхши

Беморликни чақирувчи сўзлар

Немис психотерапевти (келиб чиқиши эронлик бўлган) Нусрат Пезешкиан биринчилардан бўлиб, айнан қандай сўзлар инсонда касалликни келтириб чиқаришини исботлаб берган.
Инсоннинг ўз ички руҳий ахволидан келиб чиқиб айтадиган сўзлари ўзининг саломатлигига сингиб борар экан.
Инсоннинг физиологик органлари фаолиятига бевосита таъсир қилувчи сўзлар - органик нутқ деб ҳам аталади.
Қанчалик бақувват бўлманг, ўзингизга айтилган қуйидаги сўзлар саломатлигингизга путур етказади.
Баъзи пайтларда маълум қийинчиликлар ичига кириб бориб, ғазаб, жаҳл, нафрат билан айтган сўзларимизни органларимиз буйруқ, команда кўринишида бажариб, маълум аъзоларнинг иши издан чиқар экан.
1. "Барчаси менинг бўйнимда", "муаммолар менинг бўйнимда" деган кишиларда - остеохондроз ривожланиши;
2. "Барчаси жонимга тегди" деганларда - ўсмалар ривожланиши;
3. "Юрагимга қаттиқ олдим" деганларда - юрак инфаркти ривожланиши;
4. "Муаммолар менга бош оғриғи бўлди" деганларда - мигрень ривожланиши;
5. "Қонимни ичишди" деганларда - қон касалликлари ривожланиши;
6. "Сабр косам тўлди" деганларда - гипертония ривожланиши.
7. "Эшитгим келмайди, ўчир" деганларда - гаранглик ривожланиши;
8. "Асабимни синама" деганларда - депрессия ривожланиши;
9. "Ҳаётимда қувонч йўқ" деганларда - жигар, ўт қопи касалликлари, семизлик ривожланиши;
10. Ўз-ўзини ейиш, бировларнинг қилиғини ҳазм қила олмаслик - ошқозон яраси касалликлари ривожланиши;
11. "Ўлгудек чарчадим" деганларда - урологик хасталиклар ривожланиши исботланган.
Доимо саломат бўлишни истасак, ўзимизга айтаётган сўзларимизга эҳтиёт бўлайлик.

Илҳомжон Мадалиев

@motivatsiya_oz
https://t.me/motivatsiya_oz Ochish/sharhlash