2023-04-20 22:01:05
Қадрли ва муҳтарам мингбулоқликлар!Сизларни меҳр-оқибат, эзгулик ва саховат айёми – муборак Рамазон ҳайити билан самимий табриклаймиз.
Бу қутлуғ байрамда ҳаммамиз аввало шундай файзли ва барокатли кунларга етказгани учун Оллоҳ таолога чексиз шукроналар айтамиз.
Оила, маҳалла ва жамият аҳлига меҳр ва эътибор кўрсатиш, кўмакка муҳтож, эҳтиёжманд кишиларга беғараз ёрдам бериш, яхшилик, сабру қаноат каби эзгу фазилатларни ўзида мужассам этган бу байрамнинг маъно-мазмуни бугунги кунда Ўзбекистонда олиб борилаётган сиёсатга ғоят уйғун ва ҳамоҳанг эканини, ўйлаймизки, шу саодатли дамларда ҳар биримиз чуқур ҳис этмоқдамиз.
Эл-юртимизнинг шу муборак ойда қилган ибодатлари, эзгу ниятлари ижобат бўлсин!
Жонажон Ватанимиз, хонадонларимизда тинчлик, аҳиллик, файзу барака бардавом бўлсин!
Эзгу ишларимиз, интилишларимизда Яратганнинг Ўзи мададкор бўлсин!
Мингбулоқ туман ҳокимлиги
3.4K views19:01