Мастура Хожи Она Шеьрлари

2022-08-29 06:01:24 https://t.me/Masturahojionasherlari Ochish/sharhlash

2022-08-29 06:01:12 ОТАНГНИ ЙЎҚЛАБ ТУР,

ЖОН ҚИЗИМ!


Бу кеча отанг ҳам йиғлади, қизим.
Овозлари титраб, ўпкаси тўлиб.
Ҳеч кўрмаган эдим отанг кўз ёшин.
Унинг шунча йиллик аёли бўлиб.

Уни сен йиғлатдинг, оқ либос кийиб.
Қаршисига келиб, эгиб бошингни.
Ҳарир рўмол ичра дурдек тўкилган.
Кўрсатиб кўзингдан оққан ёшингни.

Сени олиб кетди куёвим- ўғлим.
Қўлига топширдик хазинамизни.
Йигирма йил асраб, авайлаб юрган.
Қўзимиз қораси- гавҳаримизни.

Бу тақдир ҳар бир қиз бошида бордир.
Бўйи етгач кетар ўзга бир уйга.
" Жойи чиқди" - дея хурсанд бўламиз.
Тезроқ топширайлик ишончли қўлга.

Ота юпатишга келган ёр- дўстлар.
Улфатлар бир дамга бўлишди ҳамроҳ.
Ҳувиллаган уйда бошини эгиб.
Кўнгли ҳувиллаган отанг қолди, оҳ!

Биз- оналар асли ожиза ҳилқат.
Соғинсак йиғлаймиз, кўз ёши тўкиб.
Оталар бардошли, сабрли инсон.
Соғинчин яширин ичига ютиб.

Неча бор менга ҳам билдирмай, аста.
Кўчангдан ўтгандир "Кўрсайдим"- дея.
"Узоқдан бўлса ҳам бўйини кўрсам.
Соғ саломатлигин билсайдим"- дея.

Кундами, кунора қўнғироқ қилиб.
Мендан хабар олиб турасан, қизим.
Ҳафтада бир марта бўлса ҳам, майли.
Отангни йўқлаб қўй, ойим, юлдузим.

Нимадир илиниб, бир тансиқ таом.
"Бу сизга отажон"- дегин, қувонсин.
Ота кўнгли нозик, шиша мисоли.
Унга сайқал бергин, чил- чил синмасин.

"Отанинг дуоси ижобат" дерлар.
Отангдан дуо ол, кўзга сурт қўлин.
Оталар ғанимат, англагин, болам.
Отанг рози қилсанг порлоқдир йўлинг.

Аслида оналар қизга яқинроқ.
Лекин ота қизин соғинар кўпроқ.
Насиҳатлар қилар олтинларга тенг.
Ҳар бир сўзин тингла, жим солгин қулоқ.

Куёвим ҳақида айтма ёмон сўз.
Қудалар ҳақида сўзла хуш калом.
Гапни кўпайтирма, қисқа, лўнда қил.
"Ҳамма яхши, сизга айтишди салом".

Солиҳа қиз бўлиб, менмас, отангни.
Жаннатга чорловчи сенсан, жон болам.
Тарбиясин оқла, бошини эгма.
"Отасига раҳмат!" - десин бор олам.

Билиб қўйгин, ўғил фарзандларингга.
Ўтади отангнинг феъли ва ақли.
ИншаАллоҳ, отангдек зўр инсон бўлсин.
Ва яна бўлсинлар отангдек бахтли!

Отангдан дуо ол, тез- тез йўқлаб тур!
Оталар ғанимат! Доим ёдда тут!

https://t.me/Masturahojionasherlari Ochish/sharhlash

2022-08-29 06:01:00 Бугунги шеъримиз қизларимизга насиҳат тарзида ёзилган.

Отасини жаннатга олиб кирадиган солиҳа қизларимиз учун насиҳат. Ochish/sharhlash

2022-08-29 06:00:51 Ҳа, оталар бардошли, сабрли инсон.
Қизи келганда ҳаммадан кўп хурсанд бўладиган ҳам оталар.
Қизи хуш кўрадиган нарсаларни келтириш учун бозорга чопадиганлар ҳам оталар. Ochish/sharhlash

2022-08-29 06:00:36 Ўткан сафар эътиборингизга ҳавола қилган шеъримиз турмушга узатилаётган қизларга оналарнинг тилаги ҳақида эди.

Биз аёллар қизимизни узатиб борамиз, тўйхонанинг тўрига чиқиб меҳмон бўламиз, келин- куёвга тилакларимизни изҳор қилиб, қўлларидан гул оламиз, рақсга тушамиз. Қисқаси, ўйнаб, кулиб келамиз.

Қизига оқ фотиҳа бериб, кўзи ёшланган оталарчи?

" Отаюпатар"га келган ёр- дўстлар тарқалгандан кейин ҳувиллаган уйда қолиб, меҳрибон қизининг хонасига кириб, қизининг ҳар бир нарсасига тикилиб қарайди, дарров қизини соғина бошлайди, унга бахт тилайди. Ochish/sharhlash

2022-08-29 06:00:25 Аллоҳга шукр, соғ саломатликда, тинч осмон остида яна бир тонгни кутиб олдик.

Бошлаган кунингиз унумли, барокотли бўлсин, дилингиздаги барча хайрли мақсадларингизга Аллоҳ осонлик билан, зиёдаси билан етиштирсин!

Кексаларга имон, ёшларга инсоф, беморларга шифо, қарздорларга нажот, ҳақдорларга сабр берсин!

Тўй бошлаганларнинг кори хайрига Аллоҳ ғоиби хазинасидан, ҳалолидан ризқ етказсин!

Оилам, болам- чақам деб мусофир юртларда меҳнат қилаётган ватандошларимиз қуйни- қўнжилари тўлиб, соғ- саломат қайтишсин.

Илм истагида чет элларда юрган юртдошларимизнинг илмлари зиёда бўлсин, илмига амал қиладиган инсонлар бўлишсин! Ochish/sharhlash

2022-08-29 06:00:12 Ассалому алайкум қадрдоним! Омонмисиз? Тану жонингиз соғми? Хонадонингиз аҳли тинчми?
Яхши кўрган инсонларингиз соғ- саломат, кўзингизни қувнатиб юришибдими? Ochish/sharhlash

2022-08-22 11:27:59 " БИР ЖОЙ" ҲАҚИДА.



Бўйинг етиб, она қизим, "бир жой" га узатамиз.
Ёр- ёр айтиб, бахт тилаб, уйингдан кузатамиз.

Қиз боланинг тақдирида бордир "бир жой"га бориш.
Шукр қилгин, жойинг чиқди, бўлма онангга болиш.

Оқ либосда бошинг эгиб "бир жой"га кириб боргин.
Шу "бир жой"нинг маликаси, бекаси бўлиб қолгин.

Мушканбарлар ифори вужудингдан таралсин.
"Бир жой"ни бир кўргину юрагинг жизилласин.

"Бир жой" сени қарши олар катта очиб қучоғин.
Эртаси кун кўрсатади қозон, тандир, ўчоғин.

Ҳеч чўчима, "бир жой"да сени ёринг кутади.
Ҳаёт йўлига бошлаб, қўлларингдан тутади.

Шу "бир жой"да Қайнота бор. " Жон қизим"- деб суяди.
Ҳурматини бажо қилсанг, "Кўп яшанг!" - деб қўяди.

Шу "бир жой"да Қайнона бор. Нурли юзли, мулойим.
Ўз қизидек яхши кўриб, бағрига босар доим.

Шу "бир жой"да топажаксан янги амма, холалар.
Опоқижон, поччажону амаки ва тоғалар.

Шу "бир жой"да чақалоқ ҳам "сиз"ланади, биласан.
Қайни- бўйнинг рози қилсанг ахли жаннат бўласан.

Меҳр қўйгин янги уйга, ўрган, туп қўй, палак от.
"Бир жой" бўлсин ўзингники, қумдек сингиб, тошдек қот!

Ишларингни билиб қилсанг ҳеч ким кетга тепмайди
Гап қайтарма, гўзал сўзла "Уйингга кет!"- демайди

Отажонинг тарбиясин, ўгитларин унутма.
Онажонинг тутимлари, маслаҳатин унутма.

Чақирсалар "Лаббай"- дегин, югуриб бор, куттирма!
Иш айтишса "Хўп бўлади". Юзингни буриштирма!

" Хамирингни йиртмай ёйгин, бўлсин юпқа, думалоқ.
Сомса, мантинг чиройли туг, чучваранг- " сичқон қулоқ".

Оёқ- кийим тўғрилашни ёшлигингдан ўргатдим.
Ишга солдим, дазмолу ош- овқатни кўрсатдим.

Остонангни покиза тут, удир сенинг юз- кўзинг.
Тарбиянгга ишонаман, уялтирма жон қизим.

Асрагин уй, жой, рўзғоринг, барака бордир унда.
Эргинангнинг топгани ҳам икки бўлади шунда.

Ҳамма сенга ҳавас қилсин, сендек келин сўрасин.
Юрганингда қўни- қўшни кўз узолмай қарасин.

Сен эсингни танибсанки эслатамиз "бир жой"ни.
Мақсадимиз: қоқилмагин, уқиб ўрган ҳаётни.

Жон болам, жоним болам, сени дуо қиламиз.
Бизга раҳмат келтирсанг сендан рози бўламиз.

Палахмоннинг тошисан, қайга отса, учасан.
Ниятни хайрли қил, яхши "бир жой"га тушасан.

Ҳар бир қизга битта макон, битта жой насиб қилсин.
Иккита, учта жойлардан Аллоҳ ўзи асрасин!

Мастурахон тилайди ҳаммангизга бахт, бойлик.
Сабр, меҳнат, итоатдан турмуш бўлар чиройлик.

"Бир жой"да бахт кутмоқда, чўчима она қизим.
Ой ва Қуёш у жойда бор, сен бориб бўл юлдузи!


https://t.me/Masturahojionasherlari Ochish/sharhlash

2022-08-22 11:27:41 Ассалому алайкум яна бир бор Қадрдоним! Омонмисиз? Тану жонингиз соғми? Хонадонингиз аҳли тинчми?

Аллохга шукр, хонадонларимизда қиз фарзандлар, неваралар вояга етяпти. Уларнинг қулоғига ёшлигидан. "Бир жойга борадиган қизсан", деб қуямиз.
"Агар бир жойда шу ишингни қилсанг эринг бир ойда кетингга тепади, қайнонанг бир ҳафтада жўнатворади"- деб, гапирамиз. Аллох асрасин.
Бугун қизларимиз борадиган бир жойни таърифладик.
Қизларимиз тушган жойида яйраб, яшнаб юришсин. Эпли келин бўлишсин. Бахтли бўлишсин. Ochish/sharhlash

2022-08-22 07:08:07 https://t.me/Masturahojionasherlari Ochish/sharhlash