LIDERLAR

2021-12-26 19:41:57 Ассалому алайкум, Отабек ака сизга катта рахмат, қизим 8 ёшлик болалар орасида ментал арифметикадан 3-ўринни эгаллади. Лидерлар китобингизда Хиндистонлик Ракешни уқиб, тугарака бергандим. Фарзандлар таълимига инвестиция киритиш энг тугри қарорим булди деб уйлайман. Лидерлар каналига катта рахмат.
Журабек. Ochish/sharhlash

2021-12-25 06:33:46 ​​ Бошқаларга ёқимли кўриниш учун ёқимтой бўлиш керак.

Ўзгаларга таьсир кўрсатиш учун таьсирли бўлмоқ лозим.

Бошқаларни ишонтириш учун ишончга кириш даркор.

Бошқалар билан ишламасдан олдин ўзингиз билан ишлашингиз шарт!

Жим Рон Ochish/sharhlash

2021-12-24 16:23:21 ​​Кечки овқатдан сўнг ётоқхонага қайтаётсак гуруҳимиздаги бир бола қўлида бир жуфт бутсини менга кўрсатиб сўради:
- Одил, кийилган бўлса ҳам зўр бутси, оласанми?
Янгиси йигирма беш минг сўм туради, бунисини беш мингга бериб юбораркан.
Бутсини қўлимга олдим. “Puma”, бус-бутун, пишиқ. Ҳавасдан кўзларим ёниб кетди. У ёқ-бу ёғини айлантириб кўрдим.
- Кийиб кўрсам бўлармикин?
- Майли.
Йўл четидаги ўриндиққа ўтириб шошганимча бутсини кийиб кўрдим. Лоп-лойиқ! Худди ўзимга тикилгандек.
- Ошна, шуни мен олмоқчиман, уйдагилар билан гаплашиб кўрай, майлими?
- Гаплашиб кўр!
Бутсани ечиб, истар-истамай қайтардим. Кун кеч бўлган, уйдагилар билан гаплашишни эртага қолдирдим.
Эртаси куни яна Қўйлиққа ошиқдим. Телеграфдан уйдагилар билан боғландим. Дадам билан гаплашиб бўлиб, онамни чақириб қўйишларини сўрадим. Ҳол-аҳвол сўровидан сўнг кўнглимдагини аста тилимга чиқардим:
- Она...интернатга бутса олиб келишган экан. Кийилган-у, лекин пишиқ, кийса бўлади. Арзонга бераман, деяпти. Кийиб кўрсам мос тушди. Нима дейсиз, олаверайми?
- Олавер ўғлим, биз ҳам даданглар билан сени кўргани бормоқчи эдик.
Жуда хурсанд бўлиб кетдим.
- Қачон келасизлар, она? – негадир сабрсизландим. Тезроқ келишса дарров бутсиларни қўлга киритсам. Худди биров илиб кетаётгандек.
- Даданглар билан маслаҳат қилиб борамиз-да, ўғлим.
- Хўп...
Интернатга кўнглим тўлиб қайтдим. Бутси сотадиган болага айтиб, бировга сотмасликни тайинлаб қўйдим. У рози бўлди.
Ҳафтанинг охирида уйдагилар – дадам, онам ва акам келишди. Онам менга пул узатарканлар, туйқус уларнинг қўлоқларига кўзим тушди. Онамнинг зираклари йўқ эди. Ҳайрон бўлдим. Зиракларсиз кўчага – тўй-ҳашамлар, бирор нозикроқ жойга бормасдилар.
- Она, зирагингиз қани?
- Зиракни сотдик, ўғлим, сениям кам-кўстларинг кўпайиб кетди, - дедилар онам.
Ғалати аҳволга тушдим. Пулни олиш-олмасликни билмай қолдим. Ўзимдан-ўзим уялардим ҳам.
- Ма, ўғлим олмайсанми пулни?
Онамнинг овози бу ғалати аҳволимдан қутқарди. Журъатим етиб-етмай пулни олдим. Бундан бир неча сониялар аввал пулни оламан-у анов боланинг қўлига тутқазаман, деган ўйда эдим. Энди эса ўрнимда бўшашиб ўтирардим.
- Худо хоҳласа, сизга кўп зираклар олиб бераман, она! - овозим чиқдими-йўқми, билмадим.

Онамнинг жилмайганларини кўриб гапим етиб борганини тушундим. Бутсини қайтариб бергим ва пулни олиб онамдан илтимос қилгим келарди: "адашибман, ўша зирагингиз яхши эди..." Лекин тилимни нимадир боғлаган эди. Уятми, хижолатпарастликми...билмайман, эслолмайман.

Уйдагилар кўп туришмади. Наманганга етиб олишимиз керак, деб мен билан хайрлашишди. Уларни интернат дарвозасигача кузатиб чиқдим.

Туни билан уйқу келмади. Фақат йиғлардим. Битта эски бутсини деб онам яхши кўрган зиракларини сотдилар. Оламан деб туриб олмаганимда сотмас эдилар. Уни энди қандай қайтараман? Қайтара оламанми?...


Бахтиёр Абдуғофурнинг "Орзунинг шонли йўли" номли китобидан Ochish/sharhlash

2021-12-24 07:14:54 #Диққат

"Сиёсий-маърифат соати" бошланди!

Вазирлик ва идоралар, Қорақалпоғистон Республикаси Жўқорғи Кенгеси, вилоятлар ва Тошкент шаҳри, шунингдек, барча туман, шаҳар ҳокимликлари раҳбар ва масъул ходимлари диққатига!

Бугунги куннинг энг муҳим ва долзарб мавзулари ҳақида маълумот бериб борувчи "Сиёсий-маърифат соати" бошланди.

Мазкур ўқувни айни дамда Президент ҳузуридаги Давлат хизматини ривожлантириш агентлигининг ilm.argos.uz платформаси ҳамда YouTubeдаги саҳифасига ўтиб, ушбу ҳавола орқали томоша қилишингиз мумкин.

Агентлик Ахборот хизмати
Veb-sayt | Telegram | Facebook | Instagram | You Tube |Murojaat Ochish/sharhlash

2021-12-24 06:37:43 ​​Японияда ишга эрта келадиган ходимлар машинасини «стоянка»да иш жойидан узоқроққа қўйишаркан. Чунки ишга кейин келганлар автомобилини яқинроқда парковка қилишиб ишга кеч қолмай улгуришлари учун.

Бу шу миллат вакилларини бир-бирига бўлган ўзаро ҳурмати белгиси... Ochish/sharhlash

2021-12-23 08:12:57 Ўзбекистонда давлат хизматини қандай қилиб креатив ташкил қилиш мумкин? — Отабек Ҳасанов билан интервью

Давлат хизматини ривожлантириш агентлиги директорининг биринчи ўринбосари Отабек Ҳасанов «Тошкент ёшлар форуми – 2021» тадбирларида иштирок этди ва тадбир якунида Kun.uz мухбирининг саволларига жавоб берди.

https://kun.uz/24156126 Ochish/sharhlash

2021-12-23 06:00:06 ​​ Инсон пиёда юриб ижобий туйғуларни ўзига тортади.

Пиёда юриш кишига руҳий қувват беради. Миянгиздаги кераксиз паразит фикрларни йўқотади.

Агарда дарахтзорлар, ўт-ўланлар, қолаверса, масжид атрофларида юрсангиз, ўзингиз билмаган ҳолда қўшимча энергия ҳам оласиз.

Чунки кўзларимиз монотон равишда ўтаётган нарсаларни кўриб боради.

Бу эса, ўнг ва чап мия ярим шарларининг фаолиятини яхшилайди, ортиқча босим ва тушкун кайфиятни йўқотади.

Шошилмасдан юраверинг, нафас олишингизни кузатинг.

Чуқур нафас олинг, кўкрак диафрагмасини бўшатинг.
Хаёлингизда фақатгина нафас олиш ва нафас чиқариш бўлсин, холос.

Мана шу оддий машқ организмдаги зиддиятни ечиб юборади ва миянгиз ортиқча нарсалардан тозаланаётганини сезасиз.

internet

PS. Одам ўзини ишонтириб, кўп нарсани енгиб ўтади ва ҳеч нарса бежизга эмас... Ochish/sharhlash

2021-12-22 21:56:43 #LIDER_TARBIYASI

Otam bilan sirk ko‘rgani bordik. Chipta uchun navbatga turdik. Oldimizda er-xotin va ularning olti bolasi turardi. Ular juda xursand holda sirk haqida gaplashishardi.
Navbatlari kelgach, ota oyna yoniga borib, chipta narxini so‘radi. Narxni eshitgach, biroz tisarilib, xotiniga pichirlab nimadir dedi. Uning yuzida bezovtalik alomatlari yaqqol sezilib turardi. Shu payt otam cho‘ntagidan 20 dollarni olib, yerga otdi va egilib, uni oldi-da, pulni haligi kishining kaftiga qo‘ydi va “pulingiz tushib ketdi”, dedi.
Haligi odam ko‘zlarida yosh bilan, “rahmat, janob”, dedi. Ular tomosha zaliga kirib ketganidan so‘ng otam qo‘limdan tortdi va biz tashqariga chiqib ketdik. Chunki otamning o‘sha odamga bergan 20 dollaridan boshqa puli yo‘q edi.
O‘sha kundan buyon otam bilan faxrlanaman. Butun hayotimdagi eng go‘zal manzara mana shu bo‘lgandi. Bu holat o‘sha ko‘rolmay qolganim sirk tomoshasidan ham chiroyliroq edi. Tarbiya nazorat bilan emas, ibrat bilan bo‘lishiga ko‘proq amin bo‘ldim!

Charli Chaplin.. Ochish/sharhlash

2021-12-22 06:00:10 ​​"Вақт ҳамма нарсани ўзгартиради" дейишади. Бу нотўғри ибора.
Вақт ҳеч кимни ва ҳеч нарсани ўзгартирмайди.

Ўн йил аввалги ичувчи, ўзини ўзи тарбиялаб, ичкиликдан воз кечмас экан, у ичувчилигича қолаверади.

Ўн йил аввалги хасис, бахил инсон ўз хулқини ўзи тарбияламаса, ўн йилдан кейин хам хасад ўтида ёнаверади.

Ўн йил аввалги дангаса ўзи шижоат қилмас экан, ўн йилдан сўнг хам дангасалигича қолаверади.

Вақт хеч кимни ўзгартирмайди....
Инсон ўзини фақат ўзи ўзгартира олади!

Ўзгариш вақтингиз келмадими? Ochish/sharhlash

2021-12-21 12:38:26 #Давлат_хизмати_ва_ёшлар

Президент ҳузуридаги Давлат хизматини ривожлантириш агентлиги директорининг биринчи ўринбосари Отабек Хасанов "Тошкент ёшлар форуми — 2021" доирасида келажак лидерлари ва ёш давлат хизматчилари билан очиқ мулоқот ўтказди.

Агентлик Ахборот хизмати
Veb-sayt | Telegram | Facebook | Instagram | You Tube |Murojaat Ochish/sharhlash