LIDERLAR

2021-12-31 08:30:13 Ochish/sharhlash

2021-12-30 17:54:26 Янги Ўзбекистоннинг 2022–2026 йилларга мўлжалланган тараққиёт стратегияси лойиҳаси жамоатчилик муҳокамасига қўйилди

“Ҳаракатлар стратегиясидан – Тараққиёт стратегияси сари” тамойили асосида кейинги беш йилликда мамлакатимизда амалга ошириладиган ислоҳотларнинг зарур сиёсий-ҳуқуқий, ижтимоий-иқтисодий ва илмий-маърифий асосларини яратиб беришга қаратилган Янги Ўзбекистоннинг 2022–2026 йилларга мўлжалланган тараққиёт стратегияси лойиҳаси жорий йил 31 декабрдан бошлаб Интернетдаги regulation.gov.uz, 2022-2026.strategy.uz ва jamoatchilik.uz порталларида кенг жамоатчилик муҳокамаси учун жойлаштирилди.

Тараққиёт стратегияси лойиҳаси:
инсон қадрини юксалтириш ва эркин фуқаролик жамиятини янада ривожлантириш орқали халқпарвар давлат барпо этиш;

мамлакатимизда адолат ва қонун устуворлиги тамойилларини тараққиётнинг энг асосий ва зарур шартига айлантириш;

миллий иқтисодиётни ривожлантириш, унинг ўсиш суръатларини замон талаблари даражасида таъминлаш;

адолатли ижтимоий сиёсат юритиш, инсон капиталини ривожлантириш;

маънавий тараққиётни таъминлаш, ушбу соҳани тубдан ислоҳ этиш ва янги босқичга олиб чиқиш;

умумбашарий муаммоларга миллий манфаатлардан келиб чиққан ҳолда ечим топиш;

мамлакатимиз хавфсизлиги ва мудофаа салоҳиятини кучайтириш, очиқ ва прагматик, фаол ташқи сиёсат олиб боришга қаратилган 7 та устувор йўналишдаги масалаларни қамраб олади.

Лойиҳада Давлат Раҳбарининг Ўзбекистон Республикаси Президенти лавозимига киришиш тантанали маросимига бағишланган Олий Мажлис палаталари қўшма мажлисидаги нутқи ва сайловолди дастурида илгари сурилган ташаббуслар акс эттирилган.

Муҳокамалар давомида давлат органлари масъул ходимлари, тегишли соҳа мутахассислари, илмий доира вакиллари ҳамда маҳаллий ва халқаро экспертлар иштирокида конференция ва давра суҳбатлари ташкил этилади.

Фуқаролардан Янги Ўзбекистон тараққиёт стратегияси лойиҳасининг муҳокамасида фаол иштирок этиб, мамлакатимиз тараққиётига хизмат қиладиган таклифларни Интернетдаги regulation.gov.uz, 2022-2026.strategy.uz ва jamoatchilik.uz порталлари орқали юборишларини сўраймиз.

Унутманг, Янги Ўзбекистонни биргаликда барпо этамиз!

@yangiuzbekiston_uz Ochish/sharhlash

2021-12-30 06:00:06 ​​ Vaqt – insonning eng katta sarmoyasi.

Muvaffaqiyat siri ana shu sarmoyadan unumli foydalanishda.
So‘zimiz isboti uchun ulug‘lar hayotiga, qilgan ishlariga nazar tashlasak, kifoya.
Ular vaqt isrofidan saqlanishgan, qanday ish bo‘lmasin, jiddiylik bilan yondoshishgan, doim izlanishda, intilishda bo‘lishgan.
Biz ko‘pincha vaqt yetishmayotganidan noliymiz.
Holbuki, ulug‘lar yashagan davr bilan hozirgi paytning vaqt o‘lchovlari farq qilmaydi.

Demak, farq – o‘zimizda. Ochish/sharhlash

2021-12-29 08:47:59 Ўзбекистон янгиликлари, энг ишончли ва инсайд хабарлар, кадрлар тайинлови, давлат хизматчилари учун фойдали ҳаволалар, янги қабул қилинган норматив-ҳуқуқий ҳужжатлар, эксклюзив фотосуратлар ва видеолар, ёшлар ҳаётига оид янгиликлар ҳақида — @yangiuzbekiston_uz Telegram каналида кузатиб боринг!

Каналга уланиш — https://t.me/yangiuzbekiston_uz Ochish/sharhlash

2021-12-29 06:00:05 ​​Бахтли оила қуришнинг икки шарти бордир:

1. Яхши турмуш ўртоғини танлай билмоқ.
2. Яхши турмуш ўртоғи бўлмоқ.

Жалолиддин Румий Ochish/sharhlash

2021-12-28 14:02:30 Олий Мажлис Қонунчилик палатаси мажлисида “Давлат фуқаролик хизмати тўғрисида”ги қонун лойиҳаси депутатлар томонидан бир овоздан қўллаб-қувватланиб, биринчи ўқишда қабул қилинди.

@yangiuzbekiston_uz Ochish/sharhlash

2021-12-28 06:00:05 ​​Луқмони Ҳакимдан сўрадилар:

– Энг доно ким?
Айтди: – Ҳаёт қийинчиликларидан ғамгин бўлмаган киши.

Сўрадилар: – Энг яхши бойлик нима?
Айтди: – Ақл.

Сўрадилар: – Қайси ўт ўз ёқувчисини куйдиради?
Айтди: – Ҳасад ўти.

Сўрадилар: – Қандай бино вайрон бўлмайди?
Айтди: – Адолат биноси. Ochish/sharhlash

2021-12-27 16:19:07 ​​Китоб

«Мен бир нарсага ҳайрон бўлавераман, қачон қараманг, тўртта одам йиғилса, фарзанд тарбиясининг оғирлиги, уларни одам қилишнинг азоблиги тўғрисидаги ҳасратга дуч келамиз. Ў-ў-в биродарлар, бунинг энг осон, энг арзон, энг самарали йўли – усули шундоқ ёнингизда турибди-ку: болангизни китоб ўқишга ўргатинг, унинг кўнглида бадиий адабиётга меҳр ва муҳаббат уйғотинг, фарзандларингизга уч-тўрт сўмни қизғанмай мунтазам китоб олиб беринг! Ахир дунёда китобдан ҳам ақллироқ, ундан ҳам донороқ бирор устозни топиб бўладими? Ахир китобларда йўқ нарсанинг ўзи йўқ-ку! Одамни одам қиладиган жамики куч қудрат, ҳикмат, гўзаллик, ақл ва одоб китобларда “мана-ман” деб турибди-ку! Наҳотки, бу буюк неъматдан, бебаҳо бойликдан бебаҳра бўлиб ҳам одам бўлиш мумкин деб ўйласангиз?!»

Озод Шарофиддинов Ўзбекистон қаҳрамони Ochish/sharhlash

2021-12-27 11:17:42 Шавкат Мирзиёев: Uzbekistan GTL заводи ва Шўртан газ-кимё мажмуасини кенгайтириш бўйича лойиҳалар Янги Ўзбекистонда янги саноат даврини яратиш йўлидаги илк йирик қадамларимиздан биридир
—
Шавкат Мирзиёев: Проекты строительства завода Uzbekistan GTL и расширения Шуртанского газохимического комплекса – это важный этап формирования новой промышленной эпохи Нового Узбекистана

Prezident.uz|Facebook|Instagram|YouTube|Twitter Ochish/sharhlash

2021-12-27 06:00:05 ​​Аслида, ҳаётда бирорта мақсад билан яшашнинг ўзи - Бахт.

Мақсадсиз яшаш шундай кўргиликки, у ҳеч кимнинг бошига тушмасин.

Кишида мақсад бўлса, унга эришиш йўлида курашиш, машаққат чекиш, таъна дашномлар эшитиб, кулиб-ёниб юриш ҳам бахт.

Эркин Воҳидов Ochish/sharhlash