Dizayner kundaligi

2021-01-15 13:34:04 Турлича дунёлар томон ҳаракатланаётган Эстония ва Ўзбекистон ҳақида

Кеча Эстония бош вазири Юри Ратас Porto Franco компаниясига имтиёзли давлат кредити ажратишда гумонлангани учун истеъфо берган. Кулманг, уларда шунақа.

Юри Ратас ўзини айбдор деб билмасада, Прокуратура ўтказаётган суриштирувларга таъсир ўтказмаслик учун шундай қарорга келган.

Гумонланишича, Porto Franco
компанияси Марказчилар партиясига 1 млн.евро хайрия амалга оширган. Porto Franco компанияси айни вақтда йўл қурилиши тендерини қўлга киритган ва бунинг учун давлатдан имтиёзли кредит ваъдасини олган. Шу икки ҳодисани терговчилар пора беришга уриниш ва пул ювиш дея баҳоламоқдалар.

Эстонияда юз бераётган бу жараёнларни ўзимиздаги параллеллар, манфаатлар ва имтиёзлар анқиб турган, эълон қилинаётган ва яширин қарорлар, фармойишлар билан бир солиштиринг. Эстончасига иш тутилса, ҳар куни ўнлаб иш қўзғотиш мумкин, нима дедингиз?

Шунинг учун ҳам Эстония эмасмиз ва шунинг учун ҳам 30 йил аввал бир макондан чиққан бўлсак-да, улар Европанинг, биз учинчи дунёнинг бир қисмига айландик.

@the_bankiroff Ochish/sharhlash

2021-01-13 08:02:38 Салом дўстлар! Яқинда «Biznes Rivoj» жамоаси мени интервью беришга таклиф қилишди. Ва унда график дизайнга қандай кириб келганим, маълум даражага етишдаги меҳнатлар, компьютер графикаси ҳамда «Улар» лойиҳаси ҳақида суҳбатлашдик. Вақтингиз бўлса тoмоша қилиб, фикрларингизни қолдиринг, бундан хурсанд бўламиз.

Интервьюни қуйидаги линк орқали томоша қилишингиз мумкин


Ochish/sharhlash

2021-01-11 13:53:42 Беҳзод Ҳошимов айтяптики, таниш-билишчилик орқали тендерларни ютиб олишаётганини гапираётганимиз яхши, лекин ўша тендерлар нима учун гул, гилам, кўприклар учун hi tech услубидаги чироқлар сотиб олиш учун эълон қилинаётгани бирламчи масала, деб. Балки бюджет пулини йўналтириш учун ундан муҳимроқ муаммолар бордир, деган маънода.

@lazizhamidov Ochish/sharhlash

2021-01-11 07:58:07 «Улар» подкастининг меҳмонлари журналист Муҳрим Аъзамхўжаев ҳамда иқтисодчи Беҳзод Ҳошимов. Биз улар билан 2020 йил якунлари, коронавирус пандемияси оқибатлари ва Давлат харидлари портали ҳақида суҳбатлашдик...

Подкастни тўлиқ кўриш учун




@lazizhamidov Ochish/sharhlash

2020-12-12 00:01:04 Қамчиқ давонидан ўтиб, Попга кириш йўлида дўконга кирдим, сотувчи бола сиз Лазизсиз-а, деб сўраб қолди, ижтимоий тармоқларда кузатиб боришини, ўзи Сеулда ўқиши, карантин сабаб қайтиб келиб қолгани, дўконга чиқиб ишлаётганини айтди.

Қандай қилиб компьютер графикасини мустақил ўрганиш мумкинлиги, халқаро Хан Академияси ҳақида сўради. Дўкондан чиқдим, йўл юзида бир-оз турдим, соат тунги 01:30, машиналарни кузатдим, кимдир машинасини тепасига 4-та стул боғлаб олган, кимдир орқа багажга тўлдириб кўрпа-тўшагини босиб олган, ҳаммани юзида хорғинлик, тирикчилик ғамида юрибди.

Ўйлаб қолдим, сиз ва бизни қандайдир қийинчилик ботқоғидан олиб чиқувчи ягона йўл бу - таълим, билим. Майли у қандайдир олий таълим муассасида бўлмасин, майли якунда қандайдир дипломга эга бўлманг, лекин ўрганинг, билм олинг, оч қолсангиз ҳам ўрганинг, мутахассис бўлинг, бу ягона йўл, Ўзбекистон Америка эмас, сеҳрли диёр ҳам эмас. Бугун аранг ўтаётган тирикчилигимиз эртага янада қийинлашади. Ўзингизни ўзингиз қутқаринг. Жой, макон танламайдиган касбларни эгалланг, XXI асрда бу жуда осон, ҳа, биламан қишлоғимизда свет йўқ, лекин амалланг, иложисини топинг. Бу мени ич-ичимдан чиқаётган гаплар, катталикка йўйманг. Раҳмат.

@dizaynvaIT Ochish/sharhlash

2020-11-25 13:41:53 "Aynan grafik dizayn, barcha yillar davomida yig'ilgan moliyaviy muammolarimni hal qilishimga yordam bergan..."

"Design Club" loyihasining 1-spikeri Laziz Hamidov.

Eslatib o'tamiz. 29-noyabr kuni, soat 14:00 da, Yoshlar ijod saroyida Design Club bo'lib o'tadi. Unda grafik dizayner, youtube platformasidagi"Ular" kanali hamda Mavrid.uz animatsiya va grafik dizayn studiyasi asoschisi Laziz Hamidov, UI dizayner, "Yoko digital" studiosi asoschisi Jamshid Xoliqulov, dizayner, “Maʼno branding” asoschisi, ko'plab xalqaro dizayn tanlovlar g'olibi Temur Saʼdilar spiker sifatida qatnashadi.

Design clubda ishtirok etish uchun ro'yxatdan o'ting

Telegram | Instagram | Facebook Ochish/sharhlash

2020-11-20 08:18:13 «Улар» подкастининг меҳмонлари иқтисодчилар Отабек Бакиров ва Шуҳрат Қурбонов. Биз улар билан Давлат харидлари портали ишлаш тизими, ҳокимларнинг автомобиль хариди ва Тошкент шаҳридаги муаммолар ва шаҳар инфратузилмаси ҳақида суҳбатлашдик...

Подкастни тўлиқ кўриш учун




@lazizhamidov Ochish/sharhlash

2020-11-16 19:03:25 Никита Макаренко "Улар"га нима деди?

Интервьюни кўриб туриб ўзимга ёққан фикрларини ўзбек тилида конспект қилиб олай дегандим, ажойиб нарса чиқди. Суҳбатни кўришга вақти ёки мегабайти танқислар учун маъқул келар балки.

1. Газета.уз дан нега кетдим? Ижод муҳаббат устига қурилиши керак, муҳаббат бўлмаса, ажрашиш керак. Газета.уз билан муҳаббатимиз тугади ва дўстона ажрашдик.
2. Ж.Ортиқхўжаевни нега журналист ва блогерлар ёқтирмайди? Аввало, у сиёсатчи сифатида коммуникацияда бир қатор хатоликларга йўл қўйди. Асосийси, қоидага кўра сиёсатга ҳеч ким соққа қиламан, пул кўпайтираман деб кирмайди. Ҳатто вице президент лавозимида бўлган Байден ҳам ўғлини даволатишга пул тополмай уйини гаровга қўйган. Америкада шундай, ривожланган дунёда шундай.
3. Одамлар сиёсатга қизиқмайди. Аммо уларни қизиқтириш керак. Ҳокимларни сайлаш керак, шунда халқ ўз қарорлари ва келажаги учун масъулият ҳис қилади. Ривожланган жамият ўз тақдири ҳақида қайғурадиган ва масъулият ҳис қиладиган жамиятдир. Ундай жамиятнинг муаммолари кам бўлади.
4. 2016 йилгача мен тахаллус билан ёзардим. 2016 йилдан кейин мен номимни очиқ ёзиб маҳаллий нашрларда ёза бошладим. Яъни бу сўз эркинлиги – катта натижа. Аммо 2018 йилдан кейин ҳаммаси ўзгарди, кескин синиш бўлди. Унгача давлат бизни тинглаяпти деган хулоса бор эди. Шу хулоса йўқолиб қолди, айниқса, 2020 йилда. 2016-17 йиллардаги оптимизм яхши капитал эди, уни етарлича баҳолашмади, қадрлашмади. Энди бу оптимизм йўқолди.
5. Тошкентдаги совет модернизмига тегишли биноларни маданий ёдгорликлар сирасига киритиб, давлат томонидан қўриқлаш керак. Ҳозир дунёда совет модернизмига қизиқиш катта. Бугун ер сотиб пул қилишдан кўра шаҳарнинг узоқ истиқболдаги манфаатлари биринчи ўринда туриши керак.
6. Ижодкор инсон босим остида ривожлана олмайди, эркинлик керак. Албатта, исён, норозилик сифатида ривожланиши мумкин ижод, аммо бизга бу керак эмас. Давлатнинг ижодкорга берадиган энг катта ёрдами бу уларга халақит бермаслигидир. ("Ўзбекконцерт" танқид қилинган, лицензиялаш)
7. Сўнгги 3 йилда қилинган ижобий ўзгаришлар: иқтисодий (банк соҳаси, валюта), чегаралар очилиб қўшнилар билан дўстона алоқалар тикланиши ва сўз эркинлиги.
8. Ўзавтосаноат билан нега курашяпман? Мен сурбетларни ёмон кўраман. Бозорда қўлбола ароқ сота туриб ўзингни Илон Маскдек тутишинг керак эмас.
9. Ўзбек блогерларини санаган, Қобил Хидиров, Хушнудбек, Азиза Умарова, Нозим Сафари, мениям Ўзбек блогосферасининг битта айби жуда экстремизм кўп.
10. Нима учун эркин матбуот жамият учун ҳам, давлат учун ҳам фойдали? Биз яна 25 йил ёпиқ, иқтисоди планлаштирилган давлатни ўзимизга раво кўра олмаймиз. Ҳамма биздан ўзиб кетди. Биздаги каби тотал коррупция билан ривожланган давлат тарихда йўқ, бўлмайди ҳам. Сўз эркинлиги бўлмаган жойда коррупцияни енгиб бўмайди. Бизнинг бошқа имконимиз йўқ.
11. Сўз эркинлигининг чегараси борми? У қаерда тугаши керак? Мен сўз эркинлигининг эркин фаолият юритувчи Парламент томонидан қабул қилинган маъмурий ва жиноий Кодексда назарда тутилгандан ташқари чегаралари бўлмаслиги керак деб ҳисоблайман. Ҳозир етарлича ривожланмаган Парламентимиз билан бу мезонларни ушлаб туролмаймиз.
12. Мақолаларим нега резонанс беради, нега кўп ўқилади? Чунки уларни ўқиш ва тушуниш осон. Менда бу малака ўқиган кўплаб китобларим туфайли шаклланган. Буни ҳеч бир журналистика факультети ўргатмайди. Бу узоқ йиллик жараён, меҳнат, тажриба ортидан келадиган маънавий ва ижодий ривожланиш натижаси. Буларни таҳририятда ўрганиш мумкин, факультетда эмас.
13. Сардобани кўриб... Бу ҳалокатни инсон қўли билан қилинганидан даҳшатга тушасан. Бир томондан, ажратилган ёрдам маблағлари талон-тарож бўлганидан қайғу, бошқа томондан, ёнингдан ўтиб кетаётган узун хайрия карвонларини кўриб руҳан кўтарилиш ҳис этасан.
14. Ватанпарварлик... бу сўзни ёмон кўраман. Сиёсатчилар ўз мақсадлари йўлида қўллаб, унинг маъносини ўзгартириб юборишди. Келинг, бошқа атамани қўллаймиз – муҳаббат. Ватанни севасанми деб сўрасангиз, жуда севаман деб жавоб бераман.

@shahnozxon
P.S. Талқинда айрим номутаносибликлар бўлса, аввалдан узр. Барибир вақт топиб интервьюнинг ўзини кўринг. Ochish/sharhlash

2020-11-15 12:15:27 Мени ўйлашимча, бирор мамлакат бошига янги раҳбар келгач, маълум жамоа уни (президентни) мамлакат ичида ва ташқи майдонда рейтингини ошириш учун салмоқли меҳнат олиб боради, сўз эркинлиги ниҳоят юра бошлайди, силжиш бўлади, болалар меҳнатидан фойдаланиш тўхтатилади, буларни барчаси маълумот сифатида миллионлаб маблағ эвазига халқаро, бутун дунё кузатиб борадиган нашрларда чоп этилади, бир сўз билан айтганда раҳбар ва мамлакат учун обрў-эътибор, минг машаққат ва стратегия билан мисқоллаб йиғила бошланади.

А қачонки вилоят, туман миқиёсидаги раҳбарият ўзининг эскича қарашлари, йиллар давомида ўзи учун яратган бошқарув системаси орқали интернет нашрларида овоза бўлса, уни дағдағалари, қўрқитишлари кескин муносабатларга сабаб бўлса, юқоридаги мисқоллаб йиғилаётган обрў челаклаб сочиб юборилади.

Вилоят, туман миқиёсидаги ўша раҳбарият фаолияти давомида масъулият ҳиссини фақат ўз тумани учун эмас, мамлакат ва халқаро майдон учун ҳам ҳис қилиб кўрса, кенгроқ ўйласа, мулоҳаза қилса, олийжаноб бўла олса, бошқа тақдирлар ҳам унинг бошқарув тизимига боғлиқ эканлигини англаб турса, биз ҳам унга хурмат билан қараган бўлар эдик.

@lazizhamidov Ochish/sharhlash

2020-11-14 09:34:03 «Улар» лойиҳасининг 17-сон меҳмони журналист, блогер, мусиқачи Никита Макаренко. Биз Никитадан GazetaUz'дан нега кетгани, журналистик фаолияти, блогерлик, «Электрооко» гуруҳи ва сўз эркинлиги ҳақида сўрадик...

Интервьюни тўлиқ кўриш учун




***

17-й гость проекта "Ular" - журналист, блогер и музыкант - Никита Макаренко. Мы обсудили с Никитой его уход с GazetaUz, карьеру журналиста, поговорили о блоггинге и группе "Электрооко", а также про свободу слова в Узбекистане...

Чтобы полностью посмотреть интервью




@lazizhamidov Ochish/sharhlash