2023-05-14 16:01:18
Судта Дәўлетмурат Тәжимуратов ҳәм Нурлан Найыпов тәртипти бузғаны ушын оларға ескертиў берилдиНөкис ўақыялары бойынша болып өтип атырған апелляциялық суд мәжилисинде 7 жыл мүддетке еркинен айырыў жазасына ҳүким етилген Нурлан Найыпов Дәўлетмурат Тәжимуратов ушын 16 жыллық қамақ жазасы жеткиликли емес екенлигин, оған 20 жыл берилиўи керек екенин айтты.
Сондай-ақ, ол Тәжимуратовты Қарақалпақстан Ишки ислер министрлиги жынаят излеў басқармасының бурынғы баслығы, Қарақалпақстанның биринши президенти Дәўлетбай Шәмшетовтың баласы Полат Шәмшетовтың өлиминде айыплады.
Соннан кейин тәреплер наразылық билдире баслады, суд оларды тәртипке шақырды. Сонда Тәжимуратов Найыповты уражақ болды, бирақ басқа судланыўшылар ҳәм милиция хызметкерлери процесске дәрҳал араласып, оларды ажыратты. Суд мәжилиси кейинге қалдырылды.
Тәнепистен соң судья Дәўлетмурат Тәжимуратов ҳәм Нурлан Найыповқа тәртипти бузғаны ушын ескертиў берди. Исте қатнасып атырған тийкарғы шахс камераның басқа бөлиминде, басқа судланыўшылардан узағырақ жерде отырды.
Султанбек Қайыповтың айтыўынша, ол оларды ажыратып алып атырғанда бармағынан жарақат алған. Сондай-ақ, Тәжимуратовтың жүзи азырақ тырналған.
@KRuzuz
9.5K views13:01