2021-01-18 15:44:43
Камбағал халқ ичидан Президент сайланса нима бўлади?
Украинанинг амалдаги Президенти Владимир Зеленский аввал ҳам шу лавозимда ишлаб кўрганлигини билармидингиз? Фақат...
Фақат Президент сифатидаги биринчи иш куни шунчаки сериалнинг ичида юз берган эди... Зеленский Украинанинг “Слуга народу” (Халқ хизматкори) сериалида бош ролни, яъни Президентни ижро этган. Ушбу сериал ҳам руҳан, ҳам жисмонан, хуллас ҳар тарафлама бизнинг сусамбилона юртимизга жуда яқин. Албатта, оддий инсон ушбу лавозимга келиб қолишидан бошқа.
Воқеалар ривожи қисқача қуйидагича:
Президент сайловлари бошланаётган бир вақтда оддий мактаб тарих фани ўқитувчисининг сиёсат ҳақида жаҳл устида айтган аччиқ ҳақиқатлари ўқувчиси томонидан интернет тармоғига жойланади. Ушбу видео 8 миллиондан зиёд марта кўрилади ва ҳамма у Президентликка номзодини қўйса, албатта овоз беришини айтиб видео остида изоҳ қолдира бошлайди. Номзодни рўйхатдан ўтказиш учун тўланадиган 2 миллион Украина гривнаси ҳам аҳоли томонидан йиғиб берилади. Хуллас у сайловда мутлақ устунлик билан ғалаба қозонади ва бу ҳақда ўзи ҳам барчадан кейин хабар топади.
Ҳокимиятга келган куниёқ унинг имиджи билан ишлаш бошланади, студияда аввалдан қурувчилар, ёш болакайлар билан учрашгани, далада юргани, кабинетида ўтирганини акс эттирувчи суратларни тайёрлаб олишади. Мактабидаги қўпол ва қўрс директори ҳам уни кўрганда ўзини йўқотиб қўяди, кредитини тўлагани борганда ўз-ўзидан акция ғолибига айланиб қолади, ўша ердаги кассада ўтирган ва навбатини кутиб турганлар ҳам махсус хизмат ходимлари бўлади. Унга дунёдаги энг қимматбаҳо брендлардан кийимлар, автомобиллар, айтган жононини чақириб берадиган ҳар хил тугмачалари бор пульт ҳам беришади. У "аҳмоқ" эса мамлакатда ҳаммасини яхшилаб, ҳалол ишламоқчи бўлади. Қўл остида бирорта тўғри инсон ишламаслигини эса анча кеч тушуниб етади. Президент демократик давлат тузиш йўлида барча ғовларни енгишга уринаверади. Сериалда воқеалар ривожи шу маромда давом этади.
Хуллас, сериал ҳақида кўп гапирса бўлади, кўриб чиқишни тавсия қиламан. Ҳарқалай ютубда ушбу сериал
90 млн.дан зиёд марта кўрилган, турли кучли рейтинглардаги ўртача баҳоси 7.8/10! Шунчаки сериалнинг кичик бир парчаси бўлган пастдаги видеони томоша қилинг. Ўзингиз тушуниб оласиз.
Айтиб ўтганимдек, айни дамда Украина Президенти бўлган Владимир Зеленский, умуман олганда, бошқа ҳамкасбларига қараганда анча яхши ишлаяпти, деса бўлади. Оддий ҚВЗ дан чиққан одам Президент бўлиши, худди сериалдаги ўқитувчи тақдирига ўхшайди. Яна ҳам билмадим...)
Сериални ютубда томоша қилиб, мамлакатда аслида нималар содир бўлишини кўришингиз мумкин.
Мана ҳавола:
https://www.youtube.com/playlist?list=PLSoP62RB3ymmSC-1UmiVAOcMlTijhohVu
@kometauz
244 views12:44