KAIZEN | Shaxsiy komillik sari

2022-05-14 02:02:48 O'rganish fitrati

9 oyli o’g’limni kuzatish eng zavqli mashg’ulotim

Bolalar bu bosqichda shu darajada tez o’rganadiki har qanday machine learning (sun’iy intellekt) choy ichadi.

U shu paytgacha faqat 3ta holatda: qorni ochganda, chanqaganda yoki uyqusi kelganda yig’lardi.

Endi atrofida o’rganishga yangi hech narsa qolmaganda ham yig’layapti.

Tomosha qilishga, ushlab, og’ziga solib ko’rishga yangi narsa qolmasa avval xo’mrayadi, keyin yig’laydi.

Mutlaqo yangi joyga borib qolsa 20 daqiqa jim bo’ladi.

O’rganib bo’lgach yana yig’i.

Bolalarni qiziqqon bo’lishini bilardim. Lekin bu 1 yoshga to’lmay boshlanishi hayratlanarli.

Meni xulosam: Yangi narsani o’rganishga intilish odam fitratida (gen) bo’lar ekan.

O’rganmay qolsa och qolish bilan barobar darajada siqilish ham fitratimizda.

Demak:
G’amgin bo’lyapmizmi? — Balki ilm olishdan to’xtab qolgandirmiz?

@azizrakhimov_blog Ochish/sharhlash

2022-04-29 06:36:30 Imom Muslim rivoyat qilgan hadisda Nabiy (alayhissalom) aytadilar: “Kuchli mo‘min kuchsiz mo‘mindan yaxshiroq va Allohga mahbubroqdir. Lekin har ikkisida ham yaxshilik bor.”

Tarixda Abu Hanifa rahmatulloh alayhning shogirdilaridan Abdulloh ibn Muborak degan buyuk ulamo o’tgan. U Xuroson (hozirgi Xorazm) dan bo’lib, Alloh uning boyligiga baraka bergan juda muvaffaqiyatli savdogar bo’lgan. Savdodan tushgan daromadini insonlarga manfaat keltiradigan ishlar: muhtojlarga ehson, ilm yo’lida va boshqa xayrli ishlar uchun sarflagan. Abdulloh ibn Muborak boy bo’lishiga qaramasdan ikki dunyo ilmini egallashda hech to’xtamagan. Shu bilan birga o’zi ham ilm ulashib, tolibi ilmlarni moliyaviy qo’llab-quvvatlagan, kitob nashri uchun katta sarmoya kiritgan.

Alloh bizlarni ham ibn Muborakdek har tomondan kuchli mo’minlardan qilishini ushbu ulug’ kunlarda so’rab qolamiz.

Juma ayyomingiz muborak bo’lsin!

@GenerousMe_UZ Ochish/sharhlash

2022-04-21 13:18:36 «Cambridge» va «Najot Ta'lim» jamoalari 1 mlrd 200 mln so'mlik grant e'lon qiladi

«Najot Ta'lim» va «Cambridge» o'quv markazi o'zaro hamkorlikda kam ta'minlangan va boquvchisini yo'qotgan yoshlarni qo'llab-quvvatlash, ularni mustaqil hayotga qadam qo'yishida ko'maklashish maqsadida "Kelajak yoshlari" nomli grant loyihasiga qo'l urgan.

Ramazon oyida boshlanib, keyingi Ramazon oyining oxirida yakuniga yetuvchi ushbu xayriya aksiyasiga bu yilgi qabul boshlanganligini e'lon qilamiz.

Loyiha uchun umumiy miqdorda 1 mlrd 200 million so'm mablag' ajratildi. Unga ko'ra 60 nafar yigit-qizga ingliz tili hamda IT sohalarini, jumladan, standart dasturlash va grafik dizayn yo'nalishlarini 1 yil davomida mutlaqo bepul o'rganish imkoniyati beriladi.

"Kelajak yoshlari" grantida respublikamizning istalgan hududida istiqomat qiluvchi, 15 yoshdan 22 yoshgacha bo'lgan, kam ta'minlangan va boquvchisini yo'qotgan yoshlar ishtirok etish huquqiga ega.

Talabgorlar «Najot Ta'lim» va «Cambridge» jamoasi a'zolari tomonidan motivatsion xat va suhbat orqali saralab olinadi. Loyihada qatnashish uchun arizalar shu yilning 22-aprelidan 5-may sanasiga qadar qabul qilinadi.

«Cambridge» va «Najot Ta'lim» jamoalari ushbu xayrli ishdan hech qanday moddiy manfaat ko'zlamagan bo'lib, uni o'z qadriyatlaridan kelib chiqqan holda, millat va vatan oldidagi burchi o'laroq amalga oshirmoqda.

"Kelajak yoshlari" loyihasi grantiga ro'yxatdan o'tish

Ma'muriyatga bog'lanish

+998788889888 Ochish/sharhlash

2022-04-15 05:57:50 Kibrlilarga oson emas

Bir joyda qotib qolgan tanishlarimni kuzatishni boshladim. Tahlil qildim.

Yillar o’tsa ham nega ko’proq o’rganmayapti, ko’proq pul topmayapti? Rivojlanmayapti?

Pul topish ikkita narsaga bog’liq: Qobiliyat, o’rganish tezligi. Qobiliyat ham o’rganishsiz bo’lmaydi. Yangi narsani o’rganish uchun esa eski biladiganlarimiz ishlamayotgan yoki yetmayotgan bo’lishi kerak.

Ya’ni biron nimani o’rganish uchun odam “hozirgi holatim yetarli emas, qilayotgan ishim xato” deb tan olishi kerak.

Tan olish = uyalish.

Demak uyalishdan qo’rqmasang o’sasan. Qo’rqsang — yo’q.

Qotib qolgan insonlar uyalishdan qo’rqib kamchiliklarini tan olishmaydi. Eski ishlari xatoligi tan olinmasa yangi narsa o’rganilmaydi.

Odam xatosidan nega uyalishi mumkin? Axir hamma xato qilsa? Egilgan boshni qilich kesmasa?

Uyalishning asosiy sababi u odam xato qilmayman deb o’ylaydi. Doimo o’z fikrini yuqori sanaydi. Fikri haqligi uchun emas. Uniki bo’lgani uchun. Kibrning ham asl tarifi shu — xato bo’lsada o’z fikridan qolmaslik.

Xulosa: Imkon bo’la turib qotib qolish kibr bilan bog'liq va uning zararlarini tanishlarimda ko’rayapman.

Meni holatimda inson kibrining darajasi fikrlash torligi va daromad kamligiga proportsional bo’lib chiqyapti. Yuqori kibr = Kam bilim. Kam bilim = kam daromaddan chiqishning imkonsizligi. Kam daromad = qiyin hayot.

Demak tanlov oddiy. Kibrga to’la qiyin yoki tavoze’li oson hayot.

@azizrakhimov_blog Ochish/sharhlash

2022-04-02 14:00:56 Kirib kelgan "RAMAZON" oyi barchangizga muborak bo'lsin!

@kaizen_jp_uz Ochish/sharhlash

2022-04-01 00:59:07 Hamma Dunyoni oʻzgartiraman deydi, lekin oʻzini oʻzgartirish haqida oʻylab ham koʻrmaydi.

Ruslarning mashhur yozuvchisi Tolstoyga tegishli yuqoridagi soʻzlar. Rostdan ham, koʻpchiligimiz dunyoni oʻrganishni, jamiyatni oʻzgartirishni odamlarni oʻzgartirishni istaymiz.

Ammo, oʻzimizni oʻzgartirish haqida oʻylab ham koʻrmaymiz. Shuning uchun, na odamlarni va na jamiyatni oʻzgartira olamiz. Avvalo, nimanidir chin dildan oʻzgartirishni istasak, dastavval oʻzimizni oʻzgartirishimiz kerak.

Oʻzimizni oʻzgartira olsak, odamlar ham, jamiyat ham oʻzgaradi. Birdaniga katta narsalarni oʻzgartirish emas, kichkina narsalardan boshlash kerak.

Odamlarga tabassum bilan boqishdan, chin dildan salomlashishdan, oʻz odatlaringizni yaxshilari bilan almashtirishdan.

Insonning oʻzgarishiga qandaydir bir kitob, yoki biron bir inson sababchi boʻlishi mumkin. Atrofimizga yaxshilab eʼtibor bilan qarasak, oʻzgarishimizga sabab boʻladigan narsalarni istagancha topish mumkin.

Juma kuni barchamiz uchun fayzli va xayrli boʻlsin!

@kaizen_jp_uz Ochish/sharhlash

2022-03-31 01:07:23 Bizda har kuni kitob o'qiydiganlar ulushi qancha?

Bu ro'yxatdan joy olgan mamlakatlarga e'tibor beradigan bo'lsak, o'z qit'alarining eng ilg'or davlatlari joy olganligini ko'rish mumkin.

Bundan xulosa qilish mumkinki, demak kitob o'qish bilan mamlakatlarning iqtisodiy rivojlanishi o'zaro uzviy bog'liq.

Hozirgi kunda, Xitoy juda ham tez suratlarda rivojlanmoqda va dunyoning 2 chi davlatiga aylandi.

Dunyodagi top universitetlardagi talabalarning aksariyati aynan Xitoyliklar ekanligini ko'rish mumkin.

Manba

Kuningiz xayirli bo'lsin!

@kaizen_jp_uz Ochish/sharhlash

2022-03-27 01:00:05 ​​Ilmni har kimdan, har joydan o'rganish kerak

Ilm - har kimdan, har joydan o'rganish kerak bo'lgan bahosi yo'q eng qimmat narsadir. Shu bilan birga, biz unga intilsak, u ham bizga intiladi va butun boyliklarga bizni yetaklaydi. Lekin, ming afsuski hozirgi kunda ilm olishga bo'lgan munosabatimiz o'zgarib ketdi.

Yaponlarni ko'p misol qilib ko'rsatamiz. Nega? Chunki ular isbotlab qo'ydi. Ilm oldi, amalda qo'lladi va butun dunyo ularni tan oldi. Yapon xalqi kamtar bo'ladi. O'zi bilsa ham, maqtanishni yomon ko'radi. Shuni ham aytish kerakki, og'izda emas, amalda isbotlaydi.

Bizning ota-boblarimiz tengsiz bo'lishgan. Buni har birimiz bilamiz va faxrlanamiz. Ammo, ularga mos avlod bo'la oldikmi bu juda katta so'roq ostida. Ajdodlarimiz bilan qancha faxlansak arziydi. Biroq, o'zimizning hozirgi holatimiz bilan emas.

Ilmni har kimdan, har joydan o'rganish kerak. Va uni tahlil, tafakkur va anglab, amalda ham qo'llash kerak. Dunyo mamlakatlari bizni tan olishni istar ekanmiz, har soniya, har daqiqa, har soat ilm olishimiz zarur. U yapondan bo'lsin, amerikalikdan bo'lsin, rusdan bo'lsin, arabdan bo'lsin, xullas kimdan bo'lishining ahamiyati yo'q. To'g'ri va manfaatli ilm - har doim foyda olib keladi.

Faqat olgan bilimimizni millat uchun, vatan uchun, jamiyat uchun to'g'ri ishlata olsak bas. Marra bizniki bo'ladi. Ilm olishda, mehnat qilishda, biznes qilishda, jamiyat uchun hissa qo'shishda, har bir ishda birlashaylik. Biz ham ajdodlarimizning munosib davomchisi bo'lishni istasak, avlodlarimizga munosib o'rnak bo'lishimiz kerak.

Kaizenni kuzatishda davom eting. Fikr va mulohazalaringizni qoldiring.

@kaizen_jp_uz Ochish/sharhlash

2022-03-26 16:00:25 ​​"Men uchun, g'oyalar amalga oshirilmasa hech narsaga arzimaydi. Ular shunchaki ko'paytiruvchi. Amalga oshirish, millionlab qiymatga egadir."
- Stiv Jobs

Hozirgi kunda oramizda yangi fikr yoki g'oya beruvchilar juda ko'p uchraydi, lekin afsuski o'sha zo'r g'oyalarni amalga oshira oladiganlar esa juda kam. Albatta, biror loyihani amalga oshirishda, har bir jamoada turli xil va yangi g'oyalar beruvchi insonlarni o'rni ham muhim. Ammo, o'sha ajoyib g'oyalar amalga oshirilmasa ularning qiymati yo'q bo'lib, Stiv Jobs aytganidek ular hech narsaga arzimaydi.

Bir qarashda biznesdagi yoki biror loyihadagi muvaffaqiyat formulasi juda oddiy tuyilishi mumkin, ya'ni ajoyib g'oya bo'lib, uni amalga oshirsa, natija muvaffaqiyatli bo'ladi deb o'ylashimiz mumkin.

Aslida esa boshqacharoq bo'ladi. Ajoyib g'oya (ya'ni uni yaxshilab rejalashtirish, ajoyib jamoaviy ish, turli ko'nikma va tajribalar), qolaversa effort (kuch), va yana anchagina vaqt, mana shular jamlansagina muvaffaqiyatli natijaga erishish mumkin.
Eng qiziqarligi, hatto yomon (yoki uncha yaxshi emas deb o'ylangan) g'oyalarni ham yaxshilab rejalashtirib, to'g'ri amalga oshirilsa ajoyib natijaga erishish mumkin.

Biznesingizdagi, yoki biror loyihangizdagi muvaffaqiyat, siz va jamoangizdagilarning g'oyani qanchalik to'g'ri va yaxshi amalga oshirishi bog'liq bo'ladi.

Esingizda bo'lsin: hozir oldingizda turgan narsaga e'tiboringizni qarating (xayol qilishni to'xtating) va maqsadlaringizga erishish uchun kerakli qadamlarni qo'ying.

Postimizni oxirida, yana bir mashhur insonning bir gapini eslab o'tmoqchimiz. "Ko'p ajoyib g'oyalar bor, lekin muvaffaqiyatli amalga oshirilgan g'oyalar, juda kam".

@kaizen_jp_uz Ochish/sharhlash

2022-03-26 05:00:11 ​​O'zi oddiy, lekin juda muhim

Yaponiya - dunyoning bir chekkasida joylashgan kichkina bir davlat. Lekin, Yaponiyani bilmagan davlat bo'lmasa kerak.
Buning sababi nimada? Nega - bu darajada ular dunyoga tanildi?

Tabiiy resurslar yo'q. Hududining 70 foizi tog'li o'rmonlardan iborat. Deyarli bug'doy, paxta ekilmaydi. Unda qanday qilib, dunyoning 3-mamlakatiga aylandi?

Yaponiya iqtisodini ko'targan va o'z kompaniyasini dunyoga tanitgan TOYOTA, PANASONIC, HONDA, SONY va boshqa ko'plab kompaniya rahbarlari "xizmat ko'rsatish" sohasining muhimligini juda tez ilg'ab olishgan.

Panasonic asoschisi Matsushita Konosukening ajoyib bir gapi bor. "O'zingdagi narsani (qobiliyat, mahsulot, bilim va h.k.) kimgadir berish bilan, unga mos narsani (pul, mansab, do'stlik) olishing mumkin. Shunday ekan, ko'p olishni istasang, ko'p berishni ham o'rgan.
Berish degani, bir so'z bilan aytganda "xizmat ko'rsatish" degani. Senda bor narsa bilan dunyoga, jamiyatga bor kuching bilan xizmat ko'rsat. Aqlli odamlar boshi bilan, baquvvat odamlar kuchi bilan, qo'li gul ustalar qo'li bilan, mehribon odamlar mehr bilan, olimlar o'z ilmi bilan, biznesmenlar o'z biznesi bilan".

Ha, bu gaplar bir qarashda juda oddiy tuyulishi mumkin. Lekin, chuqur o'ylab ko'rsak, bu so'zlarning qanchalik muhim ekanligini anglab yetamiz.
Sizda qanday qobiliyat bo'lsa ishga soling. Har bir insonda o'ziga yarasha mahorat bor. Faqat uni ishlatishni o'rganishimiz kerak.

Siz qanday fikrdasiz?

@kaizen_jp_uz Ochish/sharhlash