ITTAQILLAH

2020-07-18 17:47:55 Кимдир темир дубинка билан оёқ қўлларимни росса дўппослаганидек оғрияпти.
Анчадан бери касал бўлмагандим. Қабр азоби хақида кўп ўйладим. Агар ўлиб қолсам оғриқ кўтаролмай, қабрда азобланмасам бўлди деб.
Шу дунёдагисига тоқат қилиш қийин бўлганидан.
Гунохларим кўп, лекин муддатим бормикан тавбага...
Ўлимдан қўрқмиман.
Гунохларимга бериладиган азобдан қўрқаман.
- Азоб берилмайди, рахм қилинасан дейлганида, кетаверардим.
Бу дунё ўзини ранг баранглигини йўқотган мен учун.
Биронта дунё ажойиботи мени ўзига жалб қилолмайди.
Бу дунёда менга маъқул келгани фақат саёхат бўлди.

*

Эркак киши заиф бўлиб қолса жуда хунук кўринаркан.
Лаа хавла ва лаа қуввата илла биллаҳ!

*

60-70 ёшга тўлганимда заифликни хис қиламан деб ўйлардим. Оддий грипсимон шамоллаш бир зумда кўрсатиб берди.

*

Оила аъзоларим, ишчиларим, хаммаси бирин кетин касал бўлиб чиқишяпти. Кимдадир енгилроқ, кимдадир оғирроқ кечяпти.
Бугун 5 кун, сал енгил торттим.

*

Фейсбук, телеграмга умуман киргим келмай қолган.

*

Бир нарса умид беради менга, жаханнамга тушган мусулмонларни тахорат олган аъзолари куймас экан оловдан. Қачондир улар хам жаннатга киришади, жазо муддати тугагач.
Агар жаханнамга кирмай туриб, жаннатга киролсангиз, сиздан бахтли инсон йўқ!

*

Ўзи бу дунё ташвиш ва ғам бўлса, яна жаханнамга кириш...
Имкон қадар оловга кирмаслиу сабабларини қилишимиз керак.

Оғриқ пасайишини умидланиб, шифтга тикилганча хаёлимдан ўтганларини ёзганларим.
Ўлсам оилаларимга даромадим кеп туради ин ша Аллох. У томонлама кўнглим тўқ.
Фарзандларимга Аллохни танитдим.
Тоғут нималигини ўргатдим.
Узилишиб қолсак, у дунёда бирлашиб оламиз.
Аёлларимга айтаман:
-Жаннатда мени топмасанг, Аллохдан мени сўрагин, талаб қилгин, эримни оловдан чиқаргин деб, наузу биллах.
Аллох хаммамизни тўғридан тўғри жаннатга кирувчилардан қилсин.

***

Шу хафтани ўзида кўплаб фейсбукдошларимиз бу дунёни тарк этишди.
Профилларидаги охирги постларини қарасангиз, аксари дин ғамида ёзилган постлар.
Аллох қабрларини нурдан қилсин.

Миразиз Ахмедов

@mirazizblog Ochish/sharhlash

2020-07-03 23:27:45 МУСИҚАНИНГ ҲУКМИ.
(далиллар фақат Қуръон ва Суннатдан)

Мусиқа - Аҳли сунна вал жамоанинг якдил фикрига кўра ҲАРОМ! Бунга фақат бидъатчилар ёки аҳли ҳаволаргина руҳсат бериши мумкин.

Одамлар орасида шундай кимсалар ҳам борки, улар билимсизлик билан (ўзгаларни) Аллоҳнинг йўлидан оздириш учун ва у (йўлни) масхара қилиш учун беҳуда сўз(лар)ни сотиб олур. Ана ўшалар учун хор қилгувчи азоб бордир. (Луқмон, 6)

• Қачон Ибн Масъуд (р.а)дан Аллоҳнинг "беҳуда сўзлари" ҳақида сўрашганда, улар: "Ундан бошқа ибодатга лойиқ илоҳ бўлмаган, Аллоҳга қасамки, - бу қўшиқлардир", - дедилар. Ва бу сўзни 3 маротаба такрорладилар!

Ибн Аби Шайба 6/310, Ҳоким 2/411. Ҳофиз Заҳабий, Ибн Қоййим саҳиҳлигини тасдиқладилар

• Ибн Аббос (р.а) дедилар: "Бу оят мусиқа ва шу билан боғлиқ нарсалар ҳақида"

Бухорий "ал-Адаб ал-Муфрад" 786, Ибн Аби Шайба 6/310. Ибн Қоййим саҳиҳлигини тасдиқлаган

Ҳудди шундай тафсирни Ибн Умар (р.а) айтган.

Тафсирул Қуртубий 5/349, Иғосатул Лаҳфан 1/258

Улардан кучинг етган кимсани овозинг билан қўзг‘ат... (Исро, 64)

Тобеин Мужоҳид раҳимаҳуллоҳ дедилар:

"Бу мусиқа ва мусиқа асбоблари дедилар".

Тафсир Бағавий 3/129, Тафсир Тобарий 16961, Тафсир ал-Жалолайн 288

(Эй мушриклар), ҳали сизлар мана шу Сўздан (Қур’ондан) ажабланурсизларми?! (Ундаги оятларнинг беназир ва бемисл ўгит-насиҳатларидан та’сирланиб) йиг‘ламасдан, г‘офил бўлган ҳолларингизда кулурсизларми?! (Нажм, 59-61)

• Икрима ва Суфёндан ривоят қилинадики, Ибн Аббос (р.а) бу оятни шундай тафсир қилдилар: "Сўз мусиқа ҳақида кетмоқда. Қачон кофирлар Қуръонни тинглаганларида, куйлашни бошладилар ва шу оят нозил қилинди.

Тафсир Тобарий 25273, Тафсир Ибн Касир 4/300

• Расулуллоҳ соллаллоҳу алайҳи васаллам дедилар:

Мендан кейин умматимдан зинони, ипакни, ҳамрни ва мусиқа асбобларини (ал-маъазиф) ҳалол санайдиган кишилар пайдо бўлади.

Бухорий, 5590

• Машҳур тилшунос олим Ибн Манзур айтади

ал-Маъазиф - бу мусиқа асбоблари.

Лисанул Араб, 9/244 Ochish/sharhlash

2020-06-21 20:44:07 Allohga qo'lingizdan kelganicha taqvo qiling va (amrini) tinglang va itoat qiling va infoq qiling - o'zingizga yaxshi bo'ladi. Va kimki nafsinining qizg'anchiqligidan saqlansa, ana o'shalar najot topuvchilardir.

Tag'obun surasi, 16-oyat. Ochish/sharhlash

2020-06-02 21:37:02 Абдуллоҳ ибн Умар розияллоҳу анҳумодан ривоят қилинади: "Расулуллоҳ соллаллоҳу алайҳи ва саллам елкамдан ушлаб, шундай дедилар: «Дунёда бир ғариб ёки йўловчидек бўлгин».


Ибн Умар розияллоҳу анҳумо: “Кеч кирганида тонгни, тонг оттирганингда кечқурун бўлишини кутма. Соғлигингдан касаллигинг (касал бўладиган вақтинг), ҳаётингдан ўлиминг (охиратинг) учун фойдаланиб қол”, дер эдилар.

|| Бухорий ривояти 6416 ||
Ушбу ҳадис ҳукми: саҳиҳ

Ҳадис шарҳи:

____________
Елкамдан ушлади: яъни, олди тарафдан ушлаб, елкамни қисди. Бундай қилишига сабаб: унга айтиладиган сўз учун фикрини жамлаш ва зеҳни ила уни ёдлаб қолиш, эди. Ва бу Набий соллаллоҳу алайҳи ва салламнинг ҳадис айтмоқчи бўлган кишисига берадиган мулоҳазаларидан эди.

Ғариб: ғарийб: бирор қавм ёки бирор шаҳарлик бўлмаган киши. Бу ғарибликдан мурод дунёдаги ғариблик. Бирор нарсага боғланиб қолиши узилади магар ўзининг қайтиш жойи бўлган ватани ва унга сафар қилишдан (қалби) узилмайди.

Йўловчи: ўз ватани тарафга қараб тўхтамасдан кетаётган мусофир.

Агар кечга етиб борсанг, тонг отишини кутма: ундан бир ундаш бўляптики, ўлимни кўзларинг остига олиб қўй. Ўлимга солиҳ амаллар билан ҳозирлан. Ва орзу-хавасни озайтиришга ундов ва дунё ғурурларига мойил бўлишдан қайтаришлик бор.

Соғлигингдан касаллигинг (касал бўладиган вақтинг) учун фойдаланиб қол: яъни, умр соғлик ва касалликдан холи бўлмайди. Агар соғлом, кучли бўлсанг, тежамкор-интилувчи кишининг юришидек юр. Бу соғлик кунларидан унумли фойдаланишга ундовдир. Соғлик вақтлари ичида уни амал қилишдан тўсиб қўядиган ёки заифлаштириб қўядиган касаллик етиб қолишидан ўзини ўзи тинчлантириб туради.

Ҳаётингдан ўлиминг (охиратинг) учун фойдаланиб қол: яъни, ўлим келишидан олдин. Соғ-саломат юрган пайтларингда солиҳ амалларга шошил. Кўпинча, касаллик кутилмаганда келадида, амал қилишдан тўсиб қўяди. Шундай вақтларда сусткашлик қилган киши учун ҳақиқий қайтиш жойи - қиёмат кунига озуқасиз боришлигидан қўрқилади. Бу ҳаётнинг ҳар-бир кунини ғанимат билиш керак эканлигига етарли танбеҳдир. Умринг эътиборсизлик ва ғафлат ичра ўтиб кетмасин. Чунки, ўлган кимсанинг амали тўхтайди ва орзу-умидлари ўтиб пучга чиқади.

#Ибн_Рожаб роҳимаҳуллоҳ айтди:

[ Ушбу ҳадис дунёга орзу-ҳавасни камайтириш кераклигидаги аслдир. Мўъмин киши дунёни ҳақиқий ватан ва маскан тутиб олмаслиги лозим, агар шундай қилса дунёда хотиржам бўлиб қолади. Лекин, у ҳаёти дунёда сафардагидек бўлиши керакки, ҳақиқий риҳлат - ҳисоб китобга ҳозирлик кўради. Пайғамлар ва уларнинг эргашувчилари берган тавсиялар ҳам бу нарсага мувофиқ келади. Мўъмин учун дунё яшаш ховлиси ва ватан эмас экан. Унинг ҳаётдаги тутадиган ўрни икки ҳолатдан бири бўлмоғи лозим: ёки бегона шахарда яшаётган ғарибдек бўлади, ва унинг ғам ташвиши ўз ватанига қайтиш учун озуқа жамлашдан иборат бўлади. Ёки мутлоқ равишда сафардагидек бўлади. Балки, унинг кечаю кундузи уни яшаш жойи (охиратга) етаклаб боради ].
<Жамиъул улуми вал ҳикам 2/377>

#Имом_Нававий айтди:

[ Ҳадиснинг маъноси шундай: дунёга моил бўлма, уни ватан тутиб олма. Уерда абадий қолишни нафсинга тугиб қўйма. Ғариб инсон ўз ватанидан бошқа жойда ортиқча нарсаларга боғланиб қолмаганидек сен ҳам боғланиб қолма ].
<Туҳфатул Аҳвазий 6/515>

#Ийсо алайҳис салом айтдилар:

[ Эй заиф бўлмиш Одам фарзанди, қаерда бўлсанг ҳам Аллоҳдан қўрқ ва дунёда бир мехмондек бўл. Масжидларни уй қилиб ол (яъни, кўп қатна), кўзларингни йиғлашга, жасадингни сабрга, қалбингнм тафаккурга ўргат. Эртанги ризқинга қаттиқ аҳамият берма, чунки бу қаттиқ хатодир.

#ҳадис_шарҳи

@hadis_sharhi Ochish/sharhlash

2020-05-31 18:27:32 Ижтимоий тармоқларда Хадижа онамиз розияллоҳу анҳонинг уйлари оммавий ҳожатхонага айлантирилган деган ЁЛҒОН хабарлар тарқалди.

Хадижа онамизнинг уйлари аслида қаерда жойлашган эди?

Оммавий ҳожатхона кимнинг уйи ўрнида қурилган?

Абу Юсуф Парпиев ҳамда Aljazeera Uz саҳифалари маълумотларидан фойдаланилди.

@at_taqva Ochish/sharhlash

2020-05-27 22:07:09 ‏تنظر إلى رمضان  في أول يوم منه،فتراه طويلا،وتفكر كيف تصومه،فإن نظرت إليه الآن بعد مامضى أحسست كأنه كان ساعة.

ذكريات علي الطنطاوي

Рамазонни биринчи кунига қарасангиз, у сизга жуда узоқ кўринади ва қандай қилиб бир ой рўза тутишингизни ўйлайсиз. Аммо ҳозир унга қарасангиз, у аллақачон ўтмишда қолганини, сиз Рамазон атиги бир соат давом этгандек ҳис қиласиз...

Шайх Тантовийнинг "Зикраят" китобидан.
http://t.me/muavviz Ochish/sharhlash

2020-05-27 02:31:02 Азиз биродарлар!
Мана шу ведеолавҳа ижтимоий тармоқларда тарқалганига роса 2 ой бӯлди. Барчамизга маълум, ӯшанда коронавирус сабабли дунё бӯйлаб масжидлар ёпила бошлаган эди. Шу ведеолавҳадаги имом бир таъсирчан гапни гапиргандилар.
Яъни, жамоат:
– Бу (бало-офат) қачонгача давом этади, домла? - деб сӯраганларида,
Имом:
– АЛЛОҲ БИЗДАН РОЗИ БӮЛГУНИЧА! - деб мунгли жавоб берган эдилар.

Хӯш, мана, 2 ой ҳам ӯтиб боряпти. Биз мӯминлар Аллоҳ таоло бизлардан рози бӯлиши учун нималар қилдик?
Масжидларимиз очилишини сӯраб кӯп дуолар қиляпмизми?
Ӯзимизни ислоҳ қиляпмизми?
Бу бало-офатлардан ибрат оляпмизми?
Ёки орамиздаги айримларимиз бу балолар тугаши биланоқ яна ӯша эски одатларимизга, яширин-у ошкора гуноҳларимизга, маъсиятларимизга ошиқяпмизми?

Аллоҳ таоло Ӯзи яратган инсонларнинг ҳолатини ҳаммадан ҳам яхши билади.
Бошимизга бало келганда, Аллоҳ таолога нажот сӯраб ёлворишимиз ва Роббимиздан ёрдам келиб, бошимиздан балолар ариганида, яна аввалги ҳолатимизга қайтиб, иймон йӯлидан юрмай, шайтоннинг йӯлларида адашиб-улоқиб юришимизни ҳам билади.
"Қачонки инсонга зарар етса, Бизга ёнбошлаган, ӯтирган ёки тик турган ҳолида дуо қиладир. Ундан зарарни кетказсак, худди ӯзига етган зарар ҳақида Бизга дуо қилмагандек, кетаверадир..."
("Юнус" сураси, 12-оят)

Ахир, Аллоҳ таолодан бошқа ҳеч ким бизга ёрдам бера олмаслигини наҳотки тушунмасак?!
Ҳали ҳам бу балолар учун ҳеч бӯлмаганда тавба қилишимиз кераклигини англамадикми?
Ваҳоланки, Аллоҳ таоло Ӯз Каломида: "Албатта, то бирон қавм ӯзларини ӯзгартирмагунларича, Аллоҳ уларнинг ҳолини ӯзгартирмас", деб айтиб қӯйибди.
("Раъд" сураси, 11-оят)

Билмадим, қачон ӯзгарамиз...
Ожиз бир банда эканимизни қачон англаймиз, ахир?!
Аллоҳ таолонинг амрига итоат ва Ӯзигагина ибодат вазифамиз, бурчимиз, фарзимиз, қарзимиз эканини қачон тушунамиз, билмадим...

Эй Роббимиз, энди яна Ӯзинг бизларга раҳм айла!
Яна Масжидларимизда ибодатларимизни бемалол адо этишимизни насиб этгин!
Масжидларимизни соғиндик.....
Сенинг Байтларингни соғиндик.
Лутф-у карамингга зор ожиз бандаларингмиз.....
Зеро, Лутфингдан бошқа ҳеч нарсага арзимаймиз. Иймонларимиз чала, ибодатларимиз қусурли. Қалбларимиз кунда минг бора ӯзгариб туради.
Қалбларимизни Ӯзинг ислоҳ қил ё Роббим!
Бизга Байтларингни яна очиб бер!....
Айбларимизни, билиб-билмай қилган гуноҳларимизни Ӯзинг кечир! Ӯзингга тавбалар қиламиз! Ожизлигимизни танъ олиб, Ӯзинггагина ёлворамиз: Аллоҳим, даргоҳингдан бошқа бош уриб борадиган жойимиз йӯқ. Сендан ӯзга меҳрибонимиз йӯқ!
Бизни даргоҳингдан қувма, уйларингдан ҳайдама!....
Йаа Роббал оламин!
Масжидларимизни очиб бер, йаа Арҳамар-роҳимийн!

Дониёр Файз

@doniyorqori Ochish/sharhlash

2020-05-27 02:31:02 Имом:
— Бугун шом намозидан бошлаб ҳеч ким масжидларда намоз ўқимайди!
Жамоат:
— Шом намозини бирга ўқимаймизми?
Имом:
— Йўқ, бу охирги жамоат намози. Азон айтилаверади лекин намозни уйларингизда ўқинг.
Жамоат:
— Бу қачонгача давом этади, домла?
Имом:
— АЛЛОҲ БИЗДАН РОЗИ БЎЛГУНИЧА!

Йаа Арҳамар-Роҳимийн Ӯзинг бизларга раҳм айла!!!

Фейсбук тармоғидан олинди

@doniyorqori Ochish/sharhlash

2020-05-26 12:07:18 Набий соллалоҳу алайҳи васаллам айтдилар:
“Мени намоз ўқиётганимни кўриб турганингиздек намоз ўқинглар”.
(Бухорий ривояти)

@doniyorqori Ochish/sharhlash

2020-05-26 12:07:18 Набий соллалоҳу алайҳи васаллам айтдилар:
“Мени намоз ўқиётганимни кўриб турганингиздек намоз ўқинглар”.
(Бухорий ривояти)

@doniyorqori Ochish/sharhlash