🌴🌸IBRATLI XIKOYALAR🌸🌴

2022-10-29 12:06:15 ​ЭРНИНГ  АЙЁРОНА ҲИЙЛАСИ...

Эр аёли билан қаттик,  айтишиб аразлашиб  қолди. Аёл аразлади - ю эри билан  гаплашмай қўйди. Орадан бироз вақт ўтиб  кек гинасини унутган эр  аёлига сўз қотди. Аёли тушмагур қаттиқ аразлаган эканми умр  йулдошининг  сўзларига сукут ила  жавоб берди. Ҳар қанча  уринмасин у аёлини  дилгир кайфиятдан  чиқара олмади. Ахийри  бир ҳийла уйлаб топди..  У жавон ва қутиларни  худди бир нарса  излаётгандай титкилаб  ташлади. Бу қидирув  бир муддат давом  этгач аёл чидолмади:
- Ҳой дадаси, хамма  жойни тинтиб нима  излаяпсиз ўзи?
- Худога шукур  топдимей, - деб айёрона  кулимсиради у.
- Халитдан бери сени  овозингни излаётувдим  онаси! Топдим топдим.
Аёл хам тескари караб жилмайди... Ochish/sharhlash

2022-10-29 12:04:43 #Хайрли_тонг

​​Тонгни қандай бошласангиз, кунингиз ҳам шундай кечади!
Буларни хозироқ меҳр ва ҳиссиёт билан бажаринг!

1. Табассум қилинг, қувноқ нарсаларни ўйлаб кайфиятингизни кўтаринг.

2. 3 та энг бахтли онларингизни эсланг ва уларнинг ҳар бирини яна бир марта ҳиссиёт билан бошдан кечиринг. Расмларингизга қарасангиз ҳам бўлади.

3. 3 та энг катта орзуингиз ёки мақсадингизни ўйлаб, уларга эришиб бўлганингизни тасаввур қилинг. Уларнинг ичида яшаб кўринг.
Хайрли тонг Олисдаги Яқинларим!!!
Мен Сизларни шартсиз яхши кўраман! Ochish/sharhlash

2022-09-10 13:45:54 МАШАҚҚАТГА САБР
  Кунлардан бир кун Расулуллоҳ (соллаллоҳу алайҳи ва саллам) қизлари Фотимайи Заҳро (розияллоҳу анҳо)нинг уйларига келиб:
– Ўғилчаларим қани? – деб Ҳасан ва Ҳусайнни сўрадилар.
  Фотима (розияллоҳу анҳо) жавоб берди:
– Эрталаб турсак уйимизда ейдиган нарса қолмабди. Аллоҳ таолога ҳамдлар айтдик. Али менга: “Мен уларни олиб кетаман. Уйда ҳеч нарса қолмабди, тағин сенга ғалва қилиб қолишмасин”, деб иккаласини олиб яҳудийникига кетди.
  Расули акрам ўша томонга юзландилар. Бориб қарасалар, набиралари ҳовуз бўйида ўйнаб ўтиришибди. Ёнларида бир қанча хурмо. У зот:
– Эй Али, кун қизимасдан буларни олиб уйга қайтмайсанми? – дедилар.
– Эрталаб турсак, уйда ҳеч нарса қолмаган экан. Эй Аллоҳнинг Расули! Бироз ўтириб турсалар, Фотимага ҳам хурмо тўплаб олардим, – деди Али (розияллоҳу анҳу).
  Расулуллоҳ (соллаллоҳу алайҳи ва саллам) ўтириб турдилар. Али (розияллоҳу анҳу) яҳудийнинг хурмосини териб берар ва бир пақир хурмога бир дона хурмо ҳақ олар эди. Хурмодан териб олгач, Расулуллоҳ (соллаллоҳу алайҳи ва саллам), Ҳасан ва Ҳусайнлар билан уйга қайтдилар.
  Фотима (розияллоҳу анҳо) мана шундай ҳаётга чидамли бўлиб, чиройли сабр қилар эди. Аллоҳ таолога кўплаб ҳамдлар айтар эди. Ҳаётидан мамнун, турмушидан рози эди.
Ochish/sharhlash

2022-09-10 13:43:57 АССАЛОМУ АЛАЙКУМ ВА РОҲМАТУЛЛОҲИ ВА БАРОКАТУҲУ!

Барчамизни тинч-омонликда, соғ-саломат тонгга етказган Роббимизга ҳамдлар бўлсин.
Аллоҳ борлиқни тонг шуъласи ила ёритганидек, ҳаётимизни ҳам ҳидоят нури ила мунаввар айласин!

КУНИНГИЗ ҲАЙРЛИ БӮЛСИН! Ochish/sharhlash

2022-05-31 18:02:09 Ночор ота ва тиланчи

2-қисм

Аёл балиқни тозалаш учун ошхонага кирди. Бироз ўтиб хайратланиб хожасини чақирди. Балиқлардан бирининг қорнидан каттакон инжу чиқди.

Фақир одам инжуни олиб заргарнинг олдига борди. Заргар инжунинг бебаҳо эканлигини, агар ўзига сотишса 14000 дирҳам беришини айтди. Фақир одам қийинчиликлар ортда қолганини сезди. Аллоҳ унга неъмат эшикларини очганини тушунди. Заргарга уни 14000 дирҳамга сотиб, пулини олиб уйга қайтди. Бўлиб ўтган воқеани уйига келиб, аёлига ҳам айтиб берди. Ҳаммалари ғамларни аритган Аллоҳга шукроналар айтишди.

Шу пайт эшикда тиланчининг овози эшитилди: “Эй уй эгалари, Аллоҳ сизга бергандан менга ҳам беринг!” Фақир киши эшикни очиб: “Шу пайтда Аллоҳ бизга ҳеч кутмаган жойимиздан 14000 дирҳам ҳадя қилди. Модомики, сен Аллоҳ ризоси учун Аллоҳ берганидан сўраяпсан, мен ҳам шу пулнинг ярмини сенга берай, қолган ярми бизники бўлсин”.

Биргина сўзи учун 7000 дирҳамга эга бўлганидан хурсанд тиланчига пулнинг ярмини олиб чиқиш учун уйига кириб кетди, чиқиб қараса тиланчи йўқ. У ер-бу ерни қараса ҳеч қаерда кўринмади.

Уй эгаси ўша куни ғам-ташвишлардан холи уйқуга кетди ва тушида бояги тиланчини кўрди. Ундан нега кетиб қолганлигини сўраганда, тиланчи: “Мен тиланчи эмас эдим, Аллоҳнинг фаришталаридан бири эдим. Хайрли ишларни қай даражада яхши кўришинг ва Аллоҳга боғлиқлик даражангни билиш учун инсон шаклида сенинг уйингга келдим. Мени Аллоҳ сени охирги марта синаб, даражангни юксалтириш учун хонадонингга юборди. Олдинги куни аёлингнинг рўмолини сотиб, икки дирҳам олганингда ўша икки дирҳамни олган ҳам мен эдим. Ўша икки дирҳамни хотиржамлик билан Аллоҳ ризоси учун менга берганинг учун Аллоҳ сенга инжуни берди. Бугунги сахийлигинг учун эса нариги дунёда тенгсиз неъматлар билан тўла Жаннатга эришасан”.

Сенингдек энг қийин вазиятларда ҳам Аллоҳ ризосини барча нарсадан устун қўювчиларга хушхабар бўлсин…

Аллоҳ барчамиздан, дунё мол-мулкларидан устун қўйган барчадан рози бўлсин…

Шарқ халқлари ҳикояларидан  Ochish/sharhlash

2022-05-31 18:02:09 Ночор ота ва тиланчи

1-қисм

Камбағал ишчи бир куни ишдан ҳайдалди Бошқа даромади бўлмагани учун болалари уч кун овқатсиз, нонсиз қолди. У одам иш қидириб қаёққа борса, “иш йўқ” деб эшикни юзига ёпишди. Устма-уст уч кун қорни оч қолган болаларнинг хархашаси онанинг юрагини эзиб юборди. Чорасизлик билан турмуш ўртоғига: “Кўряпсизми болаларни? Очликдан юзлари сарғайиб кетди. Биз-ку майли чидаймиз, лекин улар бунга чидолмайдилар. Бу ишнинг охири нима бўлади? Ўйлаб кўрдингизми?” деди.

Эр эгилган бошини аёли томон қаратиб: “Неча кундан бери бормаган жойим қолмади. Энг кам ойликка бўлса ҳам иш қидирдим, бир кун бўлса ҳам қорнингиз тўйсин, деб. Лекин ҳеч ким менга иш бермаяпти. Болаларимнинг бу ҳоли менинг ҳам юрагимни эзиб юборди. Лекин кўриб турибсанки, қўлимдан бирор нарса келмаяпти” деди. Шунда аёли: “Ундай бўлса менинг келинлик кунларимдаги рўмолимни олиб бориб сотинг, неча пул бўлса ҳам бирор нарса олиб келинг, болаларимизнинг қорнини тўйдирайлик. Қолганига Аллоҳ Каримдир. Ризқ бергувчи Удир. Бизга албатта бирор хайрли эшик очилади” деди.

Эр уятдан қизариб, тушиб қолган қийин вазиятни ўйлаб, аёли сандиқдан олиб берган ҳали яп-янги турган рўмолни олиб, бозорга борди. Рўмолни ўша пайтда икки дирҳамдан ортиғига олмасдилар. Олган пулига бирор егулик олиш учун кетаётганда йўлда тиланчига дуч келди. Тиланчи ўтган-кетганга шундай дер эди: “Аллоҳ ризоси ва Пайғамбарининг ишқи учун бўш ўтманг. Аллоҳни хурсанд қилиш учун менга ёрдам беришни хоҳловчи йўқми? Дунёда ҳеч нарсаси йўқ, ҳақиқий муҳтожман.

Рўмол сотган одам тиланчининг олдига келди. Аёлининг рўмоли пулини — неча кундир ҳеч нарса емаган болалари учун бирор нарса олмоқчи бўлган пулини тиланчига берди. Энди бўш қўл билан уйга бориш ҳам ноқулай эди. Рўмолнинг пулини сўраган аёлига нима деб жавоб беради? “Рўмолингга икки дирҳам беришди, уни тиланчига бериб юбордим, унинг ялиниб-ёлворишига чидолмадим” деб қандай айтади? Шу ўйлар билан масжидга кириб шом намозини ўқиб, бўш қўл билан уйига қайтди. Аёли ва болалари уни бирор егулик опкелади деб кутиб ўтиришган эди.

Кеч қолганига яхшироқ бирор нарса олиб келса керак, деб ўйладилар. Ота умидсизлик билан эшикдан қаради, аёли бу ҳолатга ҳайрон эди. Болалари эса бу кеча ҳам оч қолишларини ўйлаб мажолсиз овозда йиғлай бошлашди. Аёл ҳам ҳайрон, ҳам жаҳл оҳангида рўмолни нима қилганлигини сўради.

Эр аёлига ҳаммасини бирма-бир айтиб берди. Аёл ишнинг аслини билгач, сабрли оҳангда: “Рўмолнинг пулини Аллоҳ йўлида берган экансиз, У улуғ ва бойдир. Сахийлигингиз эвазига бизга хоҳлаган вақти унинг эвазини беришга Қодирдир. Сиз тўғри иш қилдингиз, қани кўрамиз, қайси эшикни очар экан?” деди.

Эрталаб аёл турмуш ўртоғига отасининг уйидан олиб келган девор соатини берди ва: “Буни сотинг ва эвазига қанча егулик келса олиб келинг” деди. У бозорга бориб, соатни сотишга ҳаракат қилади. Лекин ҳеч олувчи тополмайди. Чарчаб, ҳорғин келаётганда бир балиқ сотувчисига йўлиқди. Балиқчи баланд овозда: “Балиқ бор, балиқ” деб бақирарди. Қўлида икки донагина балиқ қолган эди.

Фақир киши балиқчининг ёнига бориб: “Бу соат менга, бу балиқлар сенга наф келтирмайди, шунинг учун шу икки балиғингни менга бер, мен сенга шу соатни берай” деди. Мижоз йиғиш учун эрталабдан бери бақираётган балиқчи бу одамнинг таклифини қабул қилди. Балиқларни бериб, соатни олиб кетди.

Неча кундан бери уйига биринчи марта егулик олиб кетаётганндан жуда хурсанд бўлаётган ота балиқларни қўлига олиши билан уйига югурди. Оталарининг егулик олиб келганини кўрган болалар жуда хурсанд бўлиб кетишди.

Давоми бор. Ochish/sharhlash

2022-05-31 03:16:25 O‘z kamchiligingizni biling!

Bir yigit yoshgina qizga uylandi. Kunlarning birida uyiga kuyovning og‘aynilari ziyofatga keladigan bo‘lishdi. Odatlariga ko‘ra, kuyov qo‘y so‘ydirdi. Ayoliga chiroyli qilib taom pishirishini tayinladi.
Qiz qo‘rkib ketib, eriga ovqat qilishni bilmasligini, ota uyida o‘rganmaganligini aytdi.

Erning jahli chiqib:
- Narsalaringni tayyorla, seni uyingga qaytarib olib borib qo‘yaman. Sen ovqat qilishni bilmasang, mening xotinim bo‘lishga noloyiqsan, - dedi.

Qizning uyiga kelib, qizning otasiga:
- Bu, sizlarning molingiz, o‘zingizga qaytarildi, - dedi. - Ovqat tayyorlash usullarini unga o‘rgatmaguningizcha, mening yonimda unga o‘rin yo‘q! - dedi.
Ota:
- Ikki oy davomida biz bilan tursin. Shu muddat ichida bilmagan narsalarini o‘rgatamiz, so‘ng sizga qaytaramiz, - dedi.

Qiz ota uyida ikki oy yashadi. Aytilgan vaqt o‘tdi. Eri uni olgani keldi. Eri pishirishni yaxshilab o‘rgangan bo‘lsagina, uni qaytarib olib ketishi mumkinligini ta’kidladi.

Otasi:
- Qizimiz, ojizamiz, barcha taomlarni oliy darajada, xususan, qo‘y go‘shtidan ajoyib narsalar tayyorlashni o‘rgandi, - dedi.
Kuyov:
- Unday bo‘lsa, Alloh barakasini bersin. Qani, ketdik, uyga, - dedi.
Ota:
- Ketishingizdan oldin, qizimning o‘rganganiga o‘zingiz ishonch hosil qilib, keyin ketishingizni xohlayman, - dedi.

Tirik qo‘yni keltirib, kuyovga:
- Buni so‘ying, - dedi. - Qizimizni qay darajada uni pishira olishini o‘zimiz ko‘ramiz, - dedi.
Kuyov:
- Men qo‘y so‘yishni eplay olmayman, - dedi.
Ota:
- Unday bo‘lsa, kuyov to‘ra, boring - da, oilangizdan mardlikni o‘rganib keling! O‘rganib bo‘lganingizdan keyin, marhamat, kelib xotiningizni olib keting, - dedi...

Xulosa:
Bir insonga «Shuni ham bilmaysanmi?» deyish oson!
Lekin unga o‘rgatishni, shu muddat ichida sabr qilishni bilish, katta mahorat!
Insonni Alloh oqil qilib yaratdi. U o‘rganolmaydi, deyish xato. Lekin ayol kishi bilmasa, darrov ota - onasiga ta’na toshlarini yog‘dirishni boshlaydilar! Ota - onasi berolmagan tarbiyani, siz bering! Siz o‘rgating!
O‘zini oila boshlig‘i deb hisoblovchi har bir erkak qo‘l ostida bo‘lgan ojizasi-ayoliga go‘zal munosabatda bo‘lishi lozim. Uning kamchiliklarini yuziga solmay, xushmuomalalik bilan o‘rgatishi darkor. Qiz bola turmush qurgach erining qaramog‘iga o‘tadi, uni go‘zal tarbiya qilish endi erining vazifasi. Ayol misoli g‘uncha, erkak esa bog‘bon! Gulning so‘lib qolishi yoki gullab yashnashi bog‘bonning mahoratiga bog‘liq. Ayolini kamchiliklarini yuziga solib, uni yerga uradigan, undan shikoyat qiladigan erkaklarga hayron qolaman... Go‘yoki o‘zlari mukammal, ayb-nuqsonsizdek! O‘zlari qo‘llariga ishonib topshirilgan Gulni parvarishlay olmay, yana noliydilar... Ayb kimda?-degim keladi.
Aybdor kishigina o‘z xatosini ko‘rmay, boshqalarga ag‘daradi. Shuni bilingki ayolingizga otgan tana toshingiz birinchi bo‘lib o‘zingizning boshingizga kelib tushadi!

O‘zbek oyim Ochish/sharhlash

2022-05-31 03:15:01 ​​ТАРБИЯ

Қадимда уч паҳлавон ораларида ким тарбия беришда илғорлигини аниқламоқчи бўлишибди. Учаласи ҳам биттадан шогирдларини чақиришибди. Ҳар бир шогирд ўз устозига тош отиб, бу санъатни қанчалар ўзлаштирганини намойиш этиши керак экан. Биринчи паҳлавон шогирди отган тошларга эпчиллик билан чап берибди. Иккинчи паҳлавон отилган тошларни усталик билан шогирдига қайтарибди. Учинчи паҳлавоннинг шогирди қанча мажбурлашмасин, устозига тош отишдан бош тортибди. Холис ҳакамлар шу учинчи устоз-шогирдни ғолиб деб топишибди. Қолган икки паҳлавон норози бўлишибди:
- Ахир, улар тош отиш санъатини кўрсатиб беришмади-ку!
- Тўғри, - дебди ҳакам. - Лекин у шогирдини устозига тош отмайдиган қилиб тарбиялабди…

P.S. Албатта маънавий тарбия жисмоний тарбиядан устундир. Аммо, ота-онаси ва устозини эъзозлаган инсон юксалиши муқаррар! Ochish/sharhlash

2022-05-31 03:14:50 Иймондан дарс беринг,
Ислом ўргатинг

Хайрулла Хамидов Ochish/sharhlash

2022-05-31 03:12:05 Ақлим ҳар кун тавба қилар,
Нафсим ҳар он тавбам бузар,
Ўртада қолган бир бечораман
Яхшиямки Сенинг Эшигинг бор...

Ишимиз Аллоҳга қолган бўлса...Битди деб ҳисоблайвер.

Шамс Табризи


Умр кечар ,гоҳ бўрон гоҳи сокин дарёдай
Кимдир бўрон бўлиб тўзитар келган жойини .
Яна кимдир дарёдек . Aгар у қай бир қалбни ишғол этса оқиб кирса, шу кўнгилдан борики ғам-аламни ювар.

Қадрдонларим
Ҳар онингиз хайрли ўтсин ! Ochish/sharhlash