2022-08-28 11:28:28
Жаҳон ва Ўзбекистондаги озиқ-овқат инфляцияси ҳақида
Айни чоғда жаҳон озиқ-овқат бозори
анча беқарор. 2020 йилнинг май ойида коронавирус пандемияси бошланган пайтда бирданига кўтарилган нархлар ҳозир ҳам анча баландлигича қолмоқда.
ФАО маълумотларига кўра, 2022 йилнинг март ойида озиқ-овқат маҳсулотлари нархи
1990 йиилдан кейинги энг юқори даражага кўтарилган. 2022 йилнинг июль ойида озиқ-овқат нархлари ўртача индексининг кескин тушиб,
140,9 пунктни ташкил этди. Бу эса июнь ойидаги кўрсаткичдан
8,6% паст. Бироқ, у ҳамон январь ойидаги кўрсаткичдан
3,9%, бир йил аввалги кўрсаткичдан эса
13,1% юқорилигича қолмоқда.
2022 йилнинг июль ойида озиқ-овқат товарлари истеъмол нархлари индексининг ўсиши 2021 йилнинг декабрь ойидагига нисбатан
107,7% ни ташкил қилди. Нархларнинг ўсишига қарамасдан, минтақадаги бошқа кўплаб мамлакатлардан фарқли ўлароқ,
кўрилган чора-тадбирлар туфайли Ўзбекистон озиқ-овқат инфляциясини 10% дан пастроқ даражада ушлаб туришга муваффақ бўлди.
2022 йил якунига қадар уй паррандаси гўшти, буғдой уни, ғалла ва ўсимлик ёғини олиб кириш учун
ноль ставкали божхона божи белгиланди.
Ўзбекистон аҳолисининг алоҳида турдаги озиқ-овқат товарларига бўлган эҳтиёжини таъминлаш мақсадида 2022 йилнинг 1 майидан 2023 йилнинг 1 январигача
22 турдаги истеъмол ва озиқ-овқат товарларини олиб кириш учун
ноль ставкали божхона божи белгиланди.
Озиқ-овқат маҳсулотлари импортининг ривожланиши Ўзбекистонда озиқ-овқатдан фойдаланиш ва уларнинг хилма-хиллиги учун қўшимча рағбатни таъминлаяпти. 2022 йилнинг январь-июнь ойларида озиқ-овқат товарлари импорти
$1,6 миллиардни ташкил қилди.
Бу 2021 йилнинг шу давридагига нисбатан 35,8% кўп демакдир.
https://t.me/hudud_inform
2.2K views08:28