Фарзандларингиз қаршисида бир-бирингиз билан гап талашманг. Тарбияга оид масала бўладими ёки ижтимоий-маиший муаммоларми, ҳаммасини ўзаро хонангизда ҳал қилиб олинг.
Жуфтингизни жаҳли чиққан пайтда у билан гап талашманг ва аксинча, сукут қилиб бўлса ҳам уни тинчлантиришга ҳаракат қилинг.
У қилишга ожиз бўлган нарсаларини талаб қилишдан эҳтиёт бўлинг.
Қўли очиқ инсон бўлмасада уни бунда айбламанг. Зиқналигини бошқа йўллар билан “даволанг”, масалан, яхши ҳислатларини эътироф қилинг, ёки ўтган сафар сизга либос ҳарид қилаётганида нақадар саҳийлик қилганини таъкидланг.
Эрингиз уйдан ташқарида сизданда гўзалроғи борлигини ҳатто ўйлаб ҳам ўтирмаслигига ҳаракат қилинг.
Умр йўлдошингиз учун айнан унинг севимли бўлган нарсалари билан зийнатлан, фақатгина ўзингиз яхши кўрадиган нарсалар билангина эмас.
Умр йўлдошингизнинг яхши ҳислатларини мақтанг ва буни гапираётиб уялманг.
Сизнинг ҳаққингга дуо қилишини сўранг.
Ишдан келишига ноодатий тушлик билан хурсанд қилинг.
Фарзандлар чарчаб келган завжингизни олдида шовқин солмасликлари учун қизиқарли бирон бир машғулот билан уларни чалғитишни ўрганинг.
Сокинликни таъминлаш учун ёқимли атмосфера яратинг. Балки бунда сизга ёқимли ифорлар қўл келар ;)
Муаммоларни ишдан келиши билан айтманг. Овқатланиб бўлиб, бироз ҳордиқ чиқаргандан сўнг бафуржа гаплашиб олишигиз мумкин.
Унинг сирларини билишга ҳаракат қилманг ва ҳар бир қилган ишига аралашаверманг.
Жуфтингиз билан бирга таом тановул қилишга ҳаракат қилинг ва “Мен тўқман” дейишдан узоқ туринг.
2023-06-05 14:21:07Абдуллоҳ ибн Умар разияллоҳу анҳумодан ривоят қилинади, Расулуллоҳ саллаллоҳу алайҳи васаллам дедилар: "Жаброил менга катталарни ҳурмат қилишимга буюрдилар" (Саҳиҳул жомеъ).
Пайғамбар алайҳиссалом умматларига инсонлар билан бўладиган муомаладаги энг гўзал одобларни таълим берар эканлар, жумладан ёши катталар билан бўладиган одобни ҳам ўргатдилар. Юқоридаги ҳадисда: "Жаброил менга ёши катталарни олдинга ўтказишимни буюрди", дедилар.
Яъни, мажлисларда ўтирганда, бирор нарса берганда аввал ёши катталардан бошлаш лозим эканлиги айтилмоқда. Ушбу ҳадиснинг ворид бўлиш сабаби Имом Бухорий ва Муслим ривоят қилган ҳадисларда айтилган. Унда айтилишича, Пайғамбар алайҳиссалом айтадилар: "Тушимда мисвок қилаётган эканман. Бир пайт ёнимга икки киши келди. Бирининг ёши иккинчисиникидан каттароқ эди. Мен мисвокимни ёши кичикроғига узатдим. Менга: аввал ёши каттасига бер, дейилди".
Бу гапни айтган Жаброил алайҳиссалом эдилар. Расулуллоҳ айтадилар: "Шундан кейин аввал ёши каттароғига узатдим". Мана бу Жаброил алайҳиссалом томонларидан Расулуллоҳга ва у зотнинг саҳобаларига таълим бўлди. Мана шу одоб салом беришда ҳам, таом, ичимлик ва ҳоказоларни тақдим қилишда ҳам суннат бўлиб қолди. tuhur
Х
