Futgolium

2021-07-23 12:21:26 ​“Футболчи сифатида у ҳеч ким эмас”. Замонавий футболнинг энг асосий фирибгари ҳақида ҳикоя

Нидерландиялик Бернио Верҳаген ҳикояси — ўткир сюжетли фильм учун тайёр сценарий бўла олади. Футболчи — у ўзини шундай атайди, футбол ўйнашни билмаса ҳам профессионал клубларни қўпол қилиб айтиладиган бўлса, пайпоқ каби алмаштирган. Мураббийлар ва менежерлар фирибгар қурбонига айланганини тушунган вақтда Бернио аллақачон жуфтакни ростлаб қолган бўларди. Верҳаген кетгани заҳот у билан бирга ўзи ҳақидаги ҳужжатлар ҳам ўз-ўзидан йўқолиб қоларди. Нидерландиялик барибир қамоққа олинди, лекин тасодиф туфайли: уни футбол менежерлари эмас, фоҳишалар тутиб берди. Қандай қилиб оддий йигит замонавий спортнинг бош фирибгарига айланиб қолгани ҳақида қуйида ҳикоя қилинади.

Верҳаген фамилияси билан боғлиқ ғалати ҳодисаларни 2019 йилда Нидерландиянинг Vice Sport газетаси бош муҳаррири Сем ван Раалте бир-бирига боғлаган. 2020 йил ёзида The Athletic бу ҳикояни тўлиқ чоп этди. Мақоланинг номи: “Арвоҳ”: тўққиз ойда тўрт жамоа, уч минтақа. Ўтказилган ўйинлар сони: нол.

“Шунчаки унга нима бўлганини билмоқчи эдим”

Барчаси 2019 йил июнь ойида Раалте Transfermarkt порталини кузатаётганидан бошланди. Журналист ўзининг навбатдаги интервьюси учун қаҳрамон қидираётган эди. Унинг эътибори дунёнинг барча четларида тўп тепадиган нидерландиялик, ҳали номи чиқмаган футболчиларга қаратилганди. Бундай футболчиларнинг кўпчилигида ажралиб турадиган ҳеч нарса йўқ эди. Бироқ улардан бирида бу жиҳат топилади. Энди қаҳрамон бор — “Динамо-Авто” жамоаси билан февраль ойида шартнома имзолаган 25 ёшли Бернио Верҳаген. Тўғри, у билан ёзнинг бошидаёқ шартнома бекор қилинганди.

Батафсил ўқиш

Каналга уланиш https://t.me/joinchat/csS83QbVtskzNDE6 Ochish/sharhlash

2021-07-22 19:01:08 ​Сотилмайдиган Шомуродов, яна ҳам чўзилаётган лағмон ва “Сити”нинг “қора рўйхати”

Сотилмайди, гап тамом! Давиде Баллардини (билмаганлар учун “Женоа” устози) Ўзбекистон терма жамоаси ҳужумчиси Элдор Шомуродовнинг трансферига тақиқ қўйибди. Қандай яхши-а А Серия клубида устозлик қилаётган мураббий ўзбек ҳужумчисини сотиб юборишларини хоҳламаяпти. Ҳа, бу туш эмас. Элдор Италияга кетиб, жуда кўп стереотипларни бузиб ташлади. Ўзбек футболчилари араб ёки рус диёридан нарига ўта олмайди деганларга А Сериядаги голлари билан жавоб қайтарди. Энди эса у янги мавсум “Женоа”нинг асосий ҳужумчиси бўлиши кутилмоқда, ҳар ҳолда мураббийнинг ишончи бунга яққол далил-исбот, назаримизда.

Лағмон чўзилмоқда. Ҳа, тўғри тушундингиз, яна Гризманн ҳақида гаплашамиз. “Барселона” Антуанни ҳозиргача “Атлетико”дан ташқари, “Ювентус”, “Манчестер Сити” ва ҳаттоки “Тоттенҳэм”га таклиф қилиб улгурибди. Бироқ уларнинг ҳеч бири бу таклифга ижобий жавоб қайтармаган. Бунга асосий сабаб эса Гризманнинг Каталонияда олаётган каттагина маошидир. Ҳеч ким унга ҳозиргидек катта маош тўламоқчи эмас. Камига французнинг ўзи ҳам кетса фақат “Атлетико”га ўтишини билдиргани айтилмоқда. Хуллас, “Барселона” икки ўтнинг орасида қолган. Лағмон эса чўзилишда давом этмоқда.

“Қора рўйхат”. “Манчестер Сити” қутулмоқчи бўлган футболчилари рўйхатини тузиб чиқибди. Ушбу рўйхатдан Раҳим Стерлинг, Риёд Маҳрез ва Аймерик Ляпорт ўрин олган. “Шаҳарликлар” мазкур футболчиларнинг асосий таркибдан муқим ўрин эгаллай олмаётгани ва энг асосийси ўта катта маоши сабаб “қувғин” қилмоқчи эканлиги аниқ, бизнинг назаримизда. Коронавирус сабаб юзага келган оғир молиявий аҳвол туфайли катта клублар ҳам катта харидлар эмас, катта сотувларга тайёрлигини араблар ҳомийлигидаги “Сити” мисолида яққол намоён бўлмоқда. Шундай экан, бош омон бўлса, яна шундек футболчилар топилади.

У фақат қолишни истайди. Бир йил аввал “Аякс”дан не-не умидлар билан Манчестерга олиб келинган Донни ван де Бек “Юнайтед”даги биринчи мавсумида ишончни оқлай олмади. Бунинг оқибатида футболчининг клубдан кетиши ҳақида гап-сўзлар чиқди ва бу табиий эди. Бироқ Донни асосий таркибга муносиб эканлигини исботлаш ва курашиш ниятида экан. Бу йўлда у ҳатто Италия, Испания ва Германиянинг номдор клубларидан тушган/тушадиган таклифларни рад жавобини берворар экан. Кўрамиз, “лолалар юрти”дан бўлган 24 ёшли йигит ҳақиқий “қизил иблис”га айлана олармикан?

Ким олади шугинани? Рубен Невеш икки наҳанг — “Арсенал” ва “Манчестер Юнайтед” ўртасида талаш бўлаётган экан. Айтишларича, бу курашда ҳозирча “тўпчилар”нинг эмас, “қизил иблислар”нинг қўли баланд келмоқда. “МЮ” Невеш учун “бўрилар”га 35 млн фунт тўлашга тайёр. “Арсенал”нинг бу миллионлардан ўтказиб, нимадир таклиф қила оладими ёки йўқ, буни, албатта, вақт кўрсатади. АПЛ клубларига шу жиҳатдан беш, балки юз ҳам кетиш керак. Майдонда керагидан ортиқ рақобат тақдим эта оладиган клублар, бу рақобатни трансфер бозорида ҳам давом эттиради. Рақобат бор жойда эса ўсиш ҳам бўлади.

Кўпроқ тестлар https://t.me/joinchat/csS83QbVtskzNDE6 Ochish/sharhlash

2021-07-22 13:29:51 ​Европа Чемпионлар Лигаси тарихидаги энг тезкор гол қуйидаги қайси клуб дарвозасига урилган?

Кўпроқ тестлар https://t.me/joinchat/csS83QbVtskzNDE6 Ochish/sharhlash

2021-07-22 12:18:21 ​“Биз ютқаздик, чунки ғалаба қозона олмадик”.

Ушбу машҳур иқтибос қайси футболчига тегишли?

Кўпроқ тестлар https://t.me/joinchat/csS83QbVtskzNDE6 Ochish/sharhlash

2021-07-22 09:54:57 ​Ҳар ерда ҳозиру нозир ўртакашлар, “Ювентус”лашаётган “Реал” ва йўллари айриладиган трио

Ўртакашлар ҳар ерда ҳозиру нозир. Еден Азар “Реал”да эсда қоларли бирор нарса кўрсата олгани йўқ. Энди эса футболчининг яна Лондонга қайтиши ҳақида хабар чиқди. Маълум бўлишича, ўртакашлар “Челси”га Азар билан шартнома имзолашни таклиф қилган. “Реал” Эденни 60 млн еврога сотишга тайёр, бироқ “аристократлар” бу суммани тўлай олмайди. Молиявий муаммолар лондонликларга ҳам таъсир кўрсатган. Азар “Челси”даги футболчилар билан яхши алоқаларини сақлаб қолган. Агар Эденнинг клубга қайтиши амалга ошадиган бўлса, уни ижобий руҳда кутиб олишлари айтилмоқда. Бироқ бизнингча Азарнинг “Реал”дан кетиши камида Килиан Мбаппе Мадридга кўчиб ўтмасидан олдин амалга ошмайди. Кузатишда давом этамиз.

Қайдасан, эй рус ўлкаси? Уругвай футболининг сўнгги 15 йилликдаги асосий юлдузларидан бири Диего Годин фаолиятини Россияда давом эттириши мумкин. Годин айни дамда “Каляри” аъзоси. Бу клубда ҳам айни дамда молиявий муаммолар мавжуд. 2-3 ҳафта олдин Годин бўйича клубга Россиядан таклиф келиб тушган. Аммо футболчининг ўзи бундан бехабар. Қайд этиш жоиз, Диегонинг “Каляри” билан яна бир йиллик келишуви бор. Годиннинг хизматларига эса “Динамо М” ва “ЦСКА” қизиқиш билдираётгани айтилмоқда. Россия ҳам футбол юлдузлари учун фаолиятининг сўнгида келадиган жойлардан бирига ва мўмай даромад манбайига аллақачон айланиб бўлган. Хуллас, Годинжон, сенга эслатма: Россияга келадиган бўлсанг, ўзинг билан жунпайпоқ ва қалин курткаларингни олиб келгин.

Трионинг йўллари айрилади. Салоҳ—Фирмино—Мане бу ҳужум триоси бир неча йиллардан бери жаҳон футболида ўз ўрнига эга ва ҳимоячиларга анча-мунча бошоғриқ бўлиб келди. Улар айни дамда 29 ёшда. Барчаларининг “Ливерпуль” билан шартномаси 2 йилдан сўнг якунига етади. Мерсисайд клуби ўз олдига асосий вазифа қилиб Муҳаммад Салоҳ билан амалдаги битимни узайтириш қилиб қўйган. Клуб раҳбарияти уларнинг ҳар бирига бир вақтнинг ўзида узоқ муддатли янги битим таклиф этиш мақсадга мувофиқ эмас деган қарорга келган. Яъни 2 йилдан сўнг улар 31 ёшга киради ва уларга узоқ муддатли яхшиланган молиявий битим таклиф қилишни “аҳмоқлик” сифатида кўришмоқда. Триодан ажралиб чиқишига асосий даъвогар эса Роберто Фирмино бўлиши кутилмоқда. Ҳар не бўлганда ҳам камида бир йил биз мухлислар ушбу трионинг биргаликдаги ўйинидан роҳат олиб қолиш учун имконимиз бор.

Бизга фақат сен керак! “Арсенал” Mартин Эдегор ижараси тугаб, Мадридга қайтиб кетганидан сўнг унинг ўрнига “Лестер”дан Жеймс Мэддисонни олиб келишга аҳд қилган ва бу йўлда яхшигина пул тўлашга тайёр. Жумладан, Жеймс учун “тулкилар” 50 млн фунтдан ортиқ маблағ сўраши утиллмоқда. “Тўпчилар” эса бу нархни бироз бўлса ҳам тушириш учун Энсли Мейтленд-Найлз ёки Рис Нелсондан бирини таклиф қилишни режа қилган. Лондонликлар бу трансферни амалга ошира олишларига ишонмоқда, Пепенинг харидидан сўнг биз ҳам “Арсенал”нинг катта трансферлар қила олишига оз бўлса ҳам ишониб қолганмиз. Фақат 4 ўринни олиш борасидаги анъанаси қайта олишига бироз шубҳамиз бор, холос. Майли, омадларини берсин.

“Ювентус”лашаётган “Реал”. Турин клубининг топ-футболчилар билан эркин агент сифатида шартнома имзолашидан хабарингиз бор. “Реал” ҳам шу йўлга ўтаётгани кўринмода. Бу йил Давид Алабани эркин агент сифатида ўз сафига қўшиб олгани бунга исбот. Энди Мадрид 2022 йил ёзида бошқа бир “Бавария” футболчиси Леон Горецкани текинга қўлга киритишни режалаштирган. Бу коронавирус пандемияси яхшигина бало чиқди ўзиям. 100 млн евролик трансферларга кўз юмворадиган “Реал”ни ҳам “текинтомоқ”қа айлантиргани гувоҳи бўлиб турибмиз. Катта эҳтимол, балки, Килиан Мбаппе ҳам 2022 йил ёзида эркин агент сифатида “Реал”га текинга тушар.

Каналга уланиш https://t.me/joinchat/csS83QbVtskzNDE6 Ochish/sharhlash

2021-07-21 19:04:12 ​Элдор Шомуродов кетма-кет 2-ўртоқлик ўйинида ҳам гол урди

Австрияда йиғин ўтказаётган “Женоа” айни дамда маҳаллий “Ваккер” клуби билан ўртоқлик ўйинида куч синашмоқда. 1-бўлимдан сўнг генуяликлар 2:0 ҳисобида олдинда бормоқда. Қувонарлиси “Женоа”нинг иккинчи голига ўзбекистонлик Элдор Шомуродов муаллифлик қилди.

Қайд этиш жоиз, Элдор бир неча кун аввал “Штубай”га қарши баҳсда (5:0) ҳам гол уришга эришганди.

Яна бир эътиборга молик жиҳат, Шомуродов аввалги ўйинда 11-рақамда ҳаракат қилган бўлса, бу сафар у 30-рақамда майдонга тушган.

Каналга уланиш https://t.me/joinchat/csS83QbVtskzNDE6 Ochish/sharhlash

2021-07-21 18:29:00 ​Чучвара “отмен”, энди лағмон қиламиз

Мавсум бошланмасидан қайсидир футболчининг қайсидир жамоага ўтиши худди лағмоннинг узун қилиб, узоқ вақт чўзилишига ўхшаб кетади. Мухлис эса ўз лағмонини бир неча соатдан бери кутаётган хўрандага ўхшайди. Хуллас, кириш қисмдан тушундингиз, гап яна трансфер миш-мишлари ҳақида.

Гап шундаки, “Барселона” Антуан Гризманн трансфери кутилган ишончни оқлай олмаганини тушуниб етди. Шу боисдан ўтган мавсум тугаши билан французнинг клубдан кетиши ҳақида гап-сўзлар овоза бўла бошлади. Яқин-яқингача Антуаннинг собиқ клуби “Атлетико М”га қайтиши, бу йўлда эса унинг Саул Нигес билан алмаштирилиши ҳақида етарлича гапирилди ва ёзилди. Не ажабки, бу “рокировка” ҳам гап-сўздан нарига ўтганича йўқ. Орада “Барселона”нинг “Ювентус”га Гризманни аргентиналик Пауло Дибалага алмаштириш борасида таклиф юборгани айтилди. Бироқ бугун Турин клуби Дибалани сотиш вариантидан воз кечгани ва унга янги шартнома таклиф қилиши ҳақида хабар чиқди. Андеа Пирло туринликлар рулига келгач Дибала захира ўриндиғининг ҳақиқий эгасига айланди-қолганди. Аммо энди вазият ўзгарди, Дибала энди яна эски таниши — Массимилиано Аллегри билан бирга ишлайди. Шу сабаб Дибаланинг Туринда қолишига шубҳа қилмаса ҳам бўлади. Катта эҳтимол билан Пауло янги мавсумда яна “Юве”нинг асосий ўйинчиларидан бирига айланади.

Хўш, “Барселона” нима қилади? Каталонлар яна Саул Нигес вариантига қайтади. Бу гапни биз эмас, “Атлетико”дагилардан бири ОАВга чиқарган. Ва бу ҳақиқатга яқин деб ўйлаймиз. Шундай экан, лағмоннинг чўзилишини кузатишда давом этаверинг. Бундай лағмонлар трансфер бозорида ҳали жуда кўп. Бошингиз омон бўлсин!

Каналга уланиш https://t.me/joinchat/csS83QbVtskzNDE6 Ochish/sharhlash

2021-07-20 20:17:26 ​Зиқналик қилишни биладиган “Сити”, ўзига ҳам ишонмаётган “Челси”, “Реал”га кераксиз ҳужумчи ва от ўрнини боса олмаётган той

Унинг ҳам қўлидан зиқналик келади. “Манчестер Сити” яна бир ҳимоячи олиб келмоқчи. Қаердан дейсизми? Яна Португалиядан. Рубен Диашнинг ўхшаган трансферидан сўнг “шаҳарликлар” бу сафар “Спортинг”нинг 19 ёшли ҳимоячиси Нуну Мендеш учун харидорга айланди. Мендеш 50 млн еврога баҳоланмоқда. Аммо “Сити” бу суммани ҳаддан ортиқ деб баҳоламоқда ва 30 млни етарли деб ҳисобламоқда. Португаллар эса бу суммага кўнмаслигини билдириб бўлган. Кўрамиз, зиқналик ҳам қўлидан келишини кўрсатмоқчи бўлаётган “Сити”нинг бу сафарги ови бароридан келармикан?

Захира варианти. Ҳатто “Челси”нинг ўзи ҳам Эрлинг Ҳоланд трансфери жорий ёзги трансферлар ойнасида амалга ошмаслигига ишонаётгандек. Нега дейсизми? Ҳар ҳолда лондонликлар агар Ҳоландни ўз сафига қўшиб ола билмаса, захира варианти — “Штутгарт” ҳужумчиси Саша Калайжичга бор эътиборини қаратиши ҳақида хабар чиқди. Буни тўғри тушунса бўлади, чунки “Боруссия Д” бир мавсумнинг ўзида икки етакчисини сотиб юбормаса керак. Жейдон Санчо аллақачон “МЮ” футболчиси, Ҳоланд эса энг камида 2022 йил ёзига қадар Дортмундда қолиш эҳтимоли юқори, назаримизда. Бу ҳам бир фикр, қўшилмасликка тўла ҳақлисиз.

Сотишга сабаб йўқ. “Атлетико М”нинг Киран Триппер борасида позицияси аниқ. Агар ёғли таклиф тушмаса ва футболчининг ўзи жамоадан кетишни хоҳлаб қолмаса, “матрасчилар” Евро—2020 финалчисини ҳеч қаерга қўйиб юбормайди. Киран илк мавсумидаёқ “Атлетико” мухлисларининг ёқимтойига айланишга улгурди. Шундай экан, агар футболчи Англияга қайтишни хоҳлаб қолмаса, биз уни янги мавсумда ҳам Мадрид либосида кўрамиз.

От ўрнини боса олмаётган той. Патрик Клюйвертнинг ўғли Жастин ҳам футболчи эканлигини билсангиз керак. Аммо отасидан фарқли ўлароқ омад унга унчалик ҳам кулиб боқаётгани йўқ. “Аякс”дан сўнг Европани “Рома” орқали забт этмоқчи бўлган йигит ўтган мавсумни ижара асосида “Лейпциг”да ўтказганди. Янги мавсумни эса у “Ницца”да ўтказиши аниқ бўлди. Эҳтимол, 22 ёшли кичик Кулюйверт учун бу яна бир имкондир. Ахир Франция чемпионати кўплаб юлдузларнинг қайта порлашига сабабчи бўлмоқда. Бунинг учун Бурак Йилмаз ва Ренату Саншешнинг ўтган мавсумдаги саёҳатларини эслаш кифоя. Хуллас, Жастинбойга ҳам омад тилаб қўяверамиз.

Навбатдаги рокировка режаси. Гризманни Саулга алмаштириш режаси ўхшамай турган вақтда воқеалар ривожи Туринга қараб йўл олди. Айтишларича, “Барселона” Антуанни Пауло Дибалага алмаштириш борасида “Ювентус”га таклиф билан чиқибди. Бу таклифга ҳозирча туринликларнинг жавоби қандай бўлганлиги маълум эмас.

Кераксиз. Лука Йович ўзи учун тўланган 60 млнни оқламади. “Реал” шунинг учун сербиялик ҳужумчидан қандай қилиб бўлса ҳам қутулишни ният қилган. Унинг хизматлари аллақачон “Интер”га таклиф қилинган. Футболчининг агенти Фали Рамазони “Интер”дан мижозини “Реал”дан ижарага олишни сўрагани айтилмоқда. Ҳозирча “Интер” ҳам “Ювентус” сингари қандай жавоб қайтаргани номаълум. Шундай экан, кузатишда давом этаверамиз. Барибир ҳеч нарса йўқотмаймиз, тўғрими?

Расман сотилди. Трансфер миш-мишлари тугамаётган бир вақтда “Ливерпул” асосий таркибга кира олмаган сербиялик ҳимоячиси Марко Груйични “Порту”га сотиб қутулди. Ўтган мавсумни “Порту” сафида ўтказган Марко трансферидан “қизиллар” қарийб 11 миллион евро ишлаб олди. Энди бу ҳам ҳарна-да, азизлар! Борига барака!

Бир-бирига ошуфталар! “Рома” Гранит Жакани ўз сафига қўшиб олиш аҳдидан қайтгани йўқ экан. Римликлар швейцариялик бўйича “Арсенал”га янги таклиф тайёрлаб қўйган. Футболчининг ўзи билан эса ҳаммаси келишилган. Жаканинг ўзи ҳам Римга кўчиб ўтиш иштиёқида ёнмоқда. Жозе Моуриньо ҳам Жакани ўз сафида кўришдан мамнун. Хуллас, улар бир-бирини кутмоқда. Биз ҳам бу сериалча тезроқ тугашини хоҳлаб қолардик.

Ҳозирча шулар, яна дийдорлашиш насиб этсин.

Яна бир бор барча мусулмон дунёси аҳлини Қурбон ҳайити байрами билан табриклаб қоламиз! Уйингиздан қут-барака аримасин!

Каналга уланиш https://t.me/joinchat/csS83QbVtskzNDE6 Ochish/sharhlash

2021-07-19 08:07:48 ​Ижарачи “Милан”, оқланмаган умид ва жамоадоши учун ўлишга тайёр посбон

Ижара ва яна ижара. Ўтган мавсумни ижара асосида “Милан”да ўтказган Диогу Далот яна Италияга қайтиши мумкин. “Россонерилар” 22 ёшли ҳимоячини “Манчестер Юнайтед”дан 2021/22 йилги мавсум сўнгида сотиб олиш ҳуқуқи билан ижарага олишни мақсад қилган, деб ёзмоқда италиялик ҳамкасблар. Сезяпсизларми, “Милан” трансфер бозорида анча фаол бўлиб қолди. Кузатамиз, охири бахайр бўлсин!

Сўнаётган умидлар. “Барселона” не-не умидлар билан Клеман Ленглени жамоага олиб келганди. Клуб раҳбарияти наздида у камида Херард Пикенинг ўринбосари бўлиши лозим эди. Бироқ футболчи асосий таркибдан муқим ўрин эгаллай олмади. Хабарларга кўра клуб менежерлари футболчини АПЛ жамоаларидан бирига “бадарға қилиш” устида ишлаётган экан. Асосий вариант сифатида эса кейинчалик сотиб олиш ҳуқуқи билан ижарага бериш қаралмоқда. Шунингдек, Ленглени бу шарт билан ижарага оладиган клуб унинг маошини тўлалигича қоплаши керак бўлади. Студиямизга эса саволлар тушмоқда: Ленгле ва Умтити кетар экан, жароҳатлар кафолатланмаган, Пике эса энди ёш эмас, у ҳолда “Барса” ҳимоясида кимлар ўйнайди? Яхши савол, аммо энди уни Лапорта ва унинг “ҳамтовоқлар”ига берган маъқул.

У курашади. Атиги бир йил ичида ҳам клуб, ҳам терма жамоада асосий таркибдаги ўрнини йўқотган посбон — Давид де Хеа бўлади. Футболчи “Манчестер Юнайтед”да асосий таркибдаги ўрнини қайтариб олиш учун таътилдан 3 ҳафта олдин машғулотларга қайтибди. Шундай экан, янги мавсумда “МЮ” мухлислари олдида ёқимли бир кураш кечади: Давид де Хеа аввалги мақомини қайтариш учун Дин Ҳендерсон том маънодаги жангга киришади. Бунда ким ютиб чиқишини эса ўша олий ҳакам — вақт кўрсатади.

Месси учун ўлимга ҳам тайёр. Аргентина терма жамоаси сафида қаҳрамонлик кўрсатган посбон Эмилиано Mартинес жамоадоши Лео Месси ҳақида илиқ фикрлар билдириб ўтибди: “Унинг учун ҳаётимни беришга, ўлимга ҳам тайёрман. 4-5 ой олдин Месси мендан олдин Америка Кубогини ютишига рози эканлигимни айтгандим. Ва бу ҳақиқат. Ҳатто бразилияликлар Месси учун Аргентина ғалаба қозонишини хоҳлаётганини айтишди. Шундай экан, биз аргентиналиклар ҳақида қандай гап бўлиши мумкин? Энди унга мундиалда ҳам ғалаба қозонишга ёрдам беришга умид қиламиз”, — дейди Mартинес. Ҳақиқий жамоадошнинг гаплари. Шу ўринда бир гап. Эмилиано Mартинес “Арсенал”дан кетиши билан қойилмақом формага кирди. Лондон клубини аввалроқ тарк этган Лукаш Фабиански, Войтцех Шенсни каби посбонлар ҳам ҳозир ажойиб формада. Бироқ уларнинг ҳеч бири “Арсенал”да асосий посбон бўла олмади. Демак, “тўпчилар”нинг дарвозабонлар билан ишловчи мураббийларида бир гап бор. Бу ҳам бир фаразда, азиз мухлис.

“Бавария” ҳам футболчи сотади. Мюнхен клуби франциялик 26 ёшли ярим ҳимоячиси Корантен Толиссони сотишга тайёр. Клуб раҳбарияти бу трансфердан 20 млн евро ишлаб олишни кўзлаган. Унга “Ювентус” ва “Наполи” харидор, бироқ “зиқна” италияликлар бу суммани ҳаддан ортиқ баланд ҳисоблашмоқда. Аммо бир жиҳат “Бавария”нинг нархни туширишига сабаб бўлиши мумкин. Боиси Толиссонинг мюнхенликлар билан амалдаги келишуви 2022 йил ёзида якунига етади ва у клубни эркин агент сифатида тарк этиши мумкин. Шунинг учун нархни озгина тушириб, борига барака қилиб юбориш мақсадга мувофиқ бўлиши мумкин.

Каналга уланиш https://t.me/joinchat/csS83QbVtskzNDE6 Ochish/sharhlash

2021-07-18 17:13:39 ​​Сардор Рашидов ва ...

Ешитишга ёки кўришга улгурган бўлсангиз керак. Сал бўлса ҳам ўйин услуби, бироз бўлса-да зарбалари ҳам Криштиану Роналдуникига ўхшаб кетадиган ва вақтида катта умидлар боғланган Сардор Рашидов фаолиятида оз эмас, кўп эмас 9-марта клубини алмаштирди.

Агар эсингиздан чиққан бўлса, Сардорнинг саёҳатини қуйидаги кетма-кетлик орқали ёдга олишингиз мумкин:

“Сўғдиёна”→“Бунёдкор”→“Ал-Жаиш”→“Ал-Жазира”→“Локомотив”→“Насионал”—“Қатар СК”→“Пахтакор”→“Кувайт СК”...

Вақтида трансфер баҳоси 2 миллион еврога баҳоланган Сардорнинг ёши ҳам 30 да. Шундай экан, яна бир-икки йил камида “соққа қилиш” имконияти бор. Бунинг учун эса араб клубларидан кўра яхшироқ номзод йўқ. Сардор Португалия клуби — “Насионал”га ўтганида бир хурсанд бўлгандик. Ҳет-трик қайд этганида эса беҳад қувонгандик. Афсуски, ундан уёғига ўта олмади. Нима бўлгани бизга қоронғи. “Насионал” орқали Европанинг кучлироқ клубига ўтишига зиғирдек бўлса-да умидимиз бор эди. Аммо, лекин, бироқ яна ўша эчки бизга халал бериб қўйди.

Рашидовни араб клубига ўтганидан хурсандмиз. Ҳар ҳолда у энди яна аллақачон бюджет клубига айланган “Пахтакор”дан маош олмайди. Чет эл клубига ўтадиган футболчиларнинг нафақат ўзбек футболига, балки мамлакат тараққиёти, бюджетига ҳам фойдаси борлиги сир эмас. Бунинг учун Одил Аҳмедовнинг Наманганда нималар қилаётганию, Отабек Шукуровнинг Қарши ва ўзи туғилиб ўсган Чироқчида нималар очганини эслаб қўйиш кифоя. Шундай экан, Сардорга соққани бос деб қоламиз!

Каналга уланиш https://t.me/joinchat/csS83QbVtskzNDE6 Ochish/sharhlash