Futgolium

2022-05-18 17:32:01 Суперлигамизда 9-тур баҳслари якунланди. Чемпионлик демаймиз-у, аммо етакчи ўринлар учун кураш тур сайин қайнаяпти. Бу “Пахтакор”нинг кучсизланиши билан боғлиқми ёки қолганлар кучайдимикан?

Каналга уланиш @Futgolium Ochish/sharhlash

2022-05-18 17:02:00 O'zbek futboli afsonalari va Italiya futboli afsonalari o'rtasidagi tarixiy uchrashuv boshlandi! (0:0)

Uchrashuvdagi xavfli vaziyatlar, statistikalar va tezkor gollarni quyidagi kanalda kuzatib borishingiz mumkin. Hoziroq obuna bo'ling.


https://t.me/+Jh-PeRswBJ42NTky
https://t.me/+Jh-PeRswBJ42NTky Ochish/sharhlash

2022-05-18 16:18:48 Ўзбекистон ва Италия футболи афсоналарининг бугунги баҳс учун бошланғич таркиблари билан танишинг.

Учрашув соат 18:30да старт олади. Вақтингиз бўлса, “Пахтакор” стадиони томон югуринг!

Каналга уланиш @Futgolium Ochish/sharhlash

2022-05-18 12:22:06 Янги мавсумда ушбу жамоаларнинг ҳужум чизиғида янги трио пайдо бўлиши кутилмоқда. Улар орасида кўзингизга энг кучли бўлиб кўринаётгани қайси бири?

“Сити” —
“Реал” —
“Барса” —

Каналга уланиш @Futgolium Ochish/sharhlash

2022-05-18 09:50:38 Аргентина U-20 терма жамоаси мураббийи Хавьер Маскерано ўз футболчилари учун қуйидаги қоидаларни жорий қилди:

- Уй вазифасини ўз вақтида бажариш;
- Инглиз тилини ўрганиш;
- Аеропортларда телефон ишлатмай, китоб ўқиш;
- Бутсаларни футболчиларнинг ўзи тозалаши керак;
- Таомларни ўзлари олиб кетишлари лозим;
- Овқатлангандан сўнг, идишларни ўз жойига қўйиб кетиш;
- Кийиниш хоналарни тоза сақлаш.

Бундай тартиб жамоа ўйини ва натижасида ҳам акс этишига ишонасизми?

Каналга уланиш @Futgolium Ochish/sharhlash

2022-05-17 23:39:46 “Ливерпуль” қийинчилик билан бўлса-да, “Саутгемптон”ни ютди ва чемпионлик интригасини сўнгги тургача давом этишига замин яратди. Клопп иккинчи таркиб билан муҳим 3 очкони қўлга киритди. Энди барчаси 22 май кунги ўйинларда ҳал бўлади. Шу куни “Сити” уйида Жеррарднинг “Астон Вилла”сини қабул қилса, “Ливерпуль” “Энфилд”да “Вулвес” билан ўйнайди.

4-ўрин эгаси ҳам 38-турдан сўнг аниқланади. “Арсенал" “Эвертон” билан, “Тоттенҳем” эса “Норвич" билан куч синашади.

Барча ўйинлар параллел, Тошкент вақти билан 20:00да бошланади.

Каналга уланиш @Futgolium Ochish/sharhlash

2022-05-17 19:42:37 Суперлиганинг 9-туридан ўрин олган бугунги ўйинларда пешқадам “Навбаҳор” аутсайдер “Нефтчи” билан нурсиз дуранг қайд этди. “Водий дербиси”да жамоаларнинг эгаллаб турган ўрни умуман аҳамиятсиз эканлиги ўз исботини топди. Мўминжонов бир очко ишлаб, “қувғин”дан қутилиб қолди, менимча.

“Насаф” эса мавсумда яхши старт олган “Қизилқум”ни янчиб ташлади. Нестеровсиз навоийликларнинг дарвозаси жуда хароб аҳволда экан. Қарши жамоаси 2та заҳира ўйини билан турнир жадвалида 2-ўринга кўтарилиб олди.

Бу йилги Суперлига — …

Зўр ўтяпти —
Ўша-ўша —
Ўзбек шахматига қизиқмайман —

Каналга уланиш @Futgolium Ochish/sharhlash

2022-05-17 19:07:51 Bilasizmi? JCH-2014 vaqtida dunyo bo'ylab 167 nafar odam bir voqea bo'lishi uchun million dollar pul tikkan. Ochish/sharhlash

2022-05-17 16:48:25 Осиё Кубоги-2023 учун энг зўр номзод бу — Ўзбекистон!

Бу гапни ўзбекистонлик бўлганим учун эмас, шунчаки ҳамма фактлар шунга етаклаб келаётгани учун айтяпман. Вақт, фурсат, зўр бўлмаса-да мавжуд бўлган минимал шароит ва 2022 йилдаги репетицион турнирлар — мени шундай ўйлашга ундамоқда.

Биринчидан, вақт ва иқлим муаммоси. Хитойдаги мундиал ёзда ўтказилиши режалаштирилган эди. 2022 йил охиридаги мундиал сабаб 2023 йилнинг январь ва февраль ойларида ОКни ўтказиш мантиқан тўғри эмасди ҳам. Аммо “чин юрти”нинг мезбонликни бекор қилиши ортидан ОФК жиддий муаммога дуч келмоқда. Қитъамиз футболи маъсуллари ёзда футбол ўйнаб бўладиган, тайёр инфратузилмага эга мамлакатни аҳтараётган бўлса ажабмас. Жанубий Корея ва Япония вариантлари бор, аммо уларда ҳам карантин чекловлари юз бериши мумкинлиги айтилмоқда. Таиланд, Малайзия ва Индонезия каби мамлакатларда ёзда футбол ўйнаш осон иш эмас. Ғарбий ва Жанубий Осиёни-ку гапириш шарт эмас.

Иккинчидан, инфратузилма борасида ҳам бош қотириш керак бўлмоқда. Ўзбекистон бу тарафдан Осиёда ТОП-10ликка даъво қилмайди, бироқ форс-мажор ҳолатда ўртача даражадаги стадион ва меҳмонхоналар хизматидан фойдаланиб турса бўлади назаримда. Турнирнинг ўтказилиш муддати ўзгариб, бутун бошли Осиё мамлакатларининг ички чемпионатлари, шунингдек ОФК байроғи остида ўтадиган ОЧЛ ва ОФК Кубогидаги режаларнинг бузилишидан кўра, ўртамиёна мамлакатда бўлса ҳам турнирни эсон-омон ўтказиш яхшироқ вариант менимча. Минимал имкониятдан максимал фойдаланадиган "момент" ҳозир.

Учинчидан, Ўзбекистон 2022 йилнинг ўзида 3та турнир орқали синовдан ўтказилади. ОФК қарорига кўра, 23 ва 19 ёшгача бўлган футболчилар ўртасидаги Осиё чемпионати мезбонлиги Ўзбекистонга берилган. Шунингдек, Осиё Кубоги-2023 “C” гуруҳ саралаш ўйинлари ҳам мамлакатимизда ўтказилади. Ушбу турнирдаги ўйинлар июнь, июль ва сентябрь ойларига белгиланган. Демак, иқлимимиз осиёликлар учун муаммо туғдирмайди. Мавжуд стадионлар, машғулот майдонлари, меҳмонхона ва бошқа хизмат кўрсатиш соҳалари ҳам катта турнир олдидан “имтиҳон”дан ўтказилиши мумкин.

Балки, мен кўрмаётган тўртинчи ва бешинчи сабаблар ҳам бордир. Балки, юқоридаги фикрларга контр-фактлар ҳам етарлидир. Нима бўлганда ҳам, қийин пайтда ОФКга ўз ёрдамимизни таклиф этишимиз ва бунинг эвазига Тошкент, Наманган ва Қарши шаҳарларида бир ойлик катта футбол фестивалини ўтказишимиз мумкин. Энг аввало — хоҳиш.

Каналга уланиш @Futgolium Ochish/sharhlash

2022-05-17 15:14:02 Мане “Олтин тўп” учун курашда Салоҳни ортда қолдириб, 2-ўринга кўтарилиб олди. Сенегаллик футболчи 1-ўринни Каримдан тортиб олиши учун ЕЧЛ финалида қаҳрамон бўлиши ва ютиши керак. Демак, финалга алоҳида интрига берадиган кураш юзага келмоқда.

Карим —
Садио —

Каналга уланиш @Futgolium Ochish/sharhlash