Futgolium

2021-08-10 17:07:58 ​Месси, Месси, Месси...

Каналга уланиш @Futgolium Ochish/sharhlash

2021-08-10 17:03:28 ​У келди...

Тирик афсонани шундай кутиб олишди

Каналга уланиш @Futgolium Ochish/sharhlash

2021-08-10 16:54:23 ​Сериал расман тугади: Месси “ПСЖ” футболчиси!

Лео Месси эркин агент сифатида “ПСЖ” билан 2 йиллик шартнома имзолади. Келишув 2023 йил 30 июлига қадар амалда бўлади.

Уни яна 1 йилга узайтириш банди ҳам шартномадан ўрин олган. Бонуслар билан қўшиб ҳисоблаганда Месси Парижда йилига 35 млн евро ишлаб топади.

Хуллас, бутун бошли бир эранинг якунига гувоҳ бўлдик, азизлар! Энди фақатгина оддий саволлар қолди, холос. Месси “ПСЖ”да қайси рақамда ўйнаркан: 19 ёки 30?

Каналга уланиш @Futgolium Ochish/sharhlash

2021-08-10 13:00:33 ​Лукаку — дунёнинг энг қимматбаҳо футболчиси?! Қанақасига?

Ромелу Лукаку яна Англияга қайтмоқда. “Челси” тез орада “Интер”дан бельгиялик ҳужумчини 115 млн евро эвазига сотиб олганини эълон қилади.

Ҳисоб-китобларга кўра, Лукаку бу трансфер орқали бир рекордни янгилайди. Ромелунинг жамоа алмаштириши шу вақтга қадар (“Челси” айни трансфери ҳам ҳисобланса) клубларга 324 млн еврога тушган. Бошқа ҳеч бир футболчи учун бунчалик кўп харажат қилинмаган. Бу ерда соф трансфер учун сарфланган пуллар назарда тутилаётганини унутмаймиз.

Аввалги рекорд эса Неймарга тегишли эди. “Барселона” вақтида “Сантос”га Неймар учун 88,2 млн евро тўлаган. “ПСЖ” бразилияликни Каталониядан “ўғирлашга” эса 222 млн евро сарфлагани ҳеч кимнинг ёдидан чиқмаган бўлса керак. Умумий трансфер суммаси эса 310,2 млн еврони ташкил этган ва бу мутлақ рекорд эди.

Кейинги ўринда бўлса, Криштиану Роналду бормоқда. “Манчестер Юнайтед” ўз вақтида “Спортинг”га 19 млн евро, “Реал” эса “МЮ”га 94 млн евро, “Ювентус” бўлса “Реал”га Роналду учун 117 млн евро тўлаган. Унинг умумий трансфери суммаси эса 230 млн еврони ташкил этади.

Хуллас, мана шу ҳисоб-китобларга кўра Ромелу Лукаку — дунёнинг энг қимматбаҳо футболчиси! Қўшилиш-қўшилмаслик, албатта, ўзингизга ҳавола.

Каналга уланиш @Futgolium Ochish/sharhlash

2021-08-09 22:32:42 ​Улар "Барселона"га ёшгина болакай бўлиб келди

Орадан йиллар ўтиб, улар афсона бўлиб кетди...

Каналга уланиш @Futgolium Ochish/sharhlash

2021-08-09 16:59:00 ​Футзалнинг ҳам ўз Неймарлари бор!

Бошқаларга билмадим қандай, аммо менга доим футзалдаги дриблинг, финтлар ҳар доим ўзгача кўринаверади. Балки, майдон кичик, ўйинчилар сони камроқ бўлгани учун санъат асарларининг асл юзи яна ҳам ёрқинроқ кўринар.

Каналга уланиш @Futgolium Ochish/sharhlash

2021-08-09 15:31:09 ​Месси, Месси, Месси! Париж “ёнмоқда”

Каналга уланиш @Futgolium Ochish/sharhlash

2021-08-08 16:12:08 ​Месси ва “ПСЖ”

Мессининг навбатдаги манзили — “ПСЖ” бўлади. Қуйидаги ушбу трансферга оид маълумотларни бирга кўриб чиқамиз.

Ҳамма гап пулда: The Athletic’нинг ёзишича, Месси “ПСЖ” билан шартнома имзолагани учун 25 млн еврога эга бўлади. Шунингдек, у парижликлар билан 2 йиллик шартнома ортидан ҳам йиллик 25 млн еврога тенг маошни ўзиники қилади. Агар томонлар келишувни яна 1 йилга узайтирса, маош ўзгармайди.

Шартномада яна бир банд: Агар Аргентина ЖЧ—2022 финал босқичига йўл олса, Месси мамлакат бош жамоасида ўйнаши шарт бўлади. “ПСЖ” қатарликларга тегишли эканлигини ва ЖЧ—2022 Қатарда бўлиб ўтишини ёддан чиқармаймиз.

Футбол оламининг асосий инсайдери Фабрицио Романо эса бироз бошқача рақамларни тақдим этди. Унга кўра Месси “ПСЖ”да йилига бонуслар билан ҳисоблаганда 35 млн евро ишлаб топади. L’Equipe эса бу сумма 40 млн евро эканини таъкидлайди.

Икки кунда келишув: Ҳа, томонлар икки кун ичида келишувга эришган. 5 август тонгида “ПСЖ” ушбу трансфер амалга ошишига ишонмаган. Куннинг иккинчи ярмида Маурисио Почеттинонинг ўзи Мессига қўнгироқ қилган ва уни ишонтира олган. Бундан ташқари Леонинг Парижга кўчиб ўтишига ишонтиришда Неймар ҳам асосий ролни ўйнагани айтилмоқда.

“Челси” курашда йўқ эди: 7 август куни Лондон клуби Мессини ўз сафига қўшиб олмоқчилиги ҳақида хабар пайдо бўлди. Аммо бу ҳақиқатдан йироқ эди. Боиси лондонликлар 97 млн фунт эвазига Ромелу Лукакуни ортга қайтариш устида ишлаётганди ва бу деярли ҳал бўлди.

Погба Парижга келмай туради: Месси трансфери амалга ошгач, Пол Погбанинг “ПСЖ”га келиши кечиктирилади. 12 ойдан сўнг франциялик футболчи эркин агентга айланади ва текинга Париж клубига ўтиши мумкин.

Молиявий фэйр-плей: Месси трансферидан сўнг “ПСЖ” молиявий фэйр-плейга амал қилиши учун бир неча футболчисини сотиши керак. Бу рўйхатда Абду Диалло, Тило Керер, Идрисса Гуйе, Рафинья, Мауро Икарди, Андер Эррералар бор. Парижликлар Неймар ва Мбаппени олиб қолишни режалаштирган. Аммо Килиан аллақачон кетиш ҳаракатига тушгани ҳеч кимга сир эмас.

Деярли текин: 1 йил олдин “ПСЖ” Месси трансфери учун 500 млн евро тикишга тайёр эди. Ҳозир эса Лео Париж клубига деярли “текин”га тушмоқда.

Каналга уланиш @Futgolium Ochish/sharhlash

2021-08-08 16:12:02 Барча эркаклар учун зарур восита
Эркаклар муаммосини комплекс ечими!

Жинсий заифлик, майлсизлик, қувватсизлик ва танадаги умумий ҳолсизлик ва лоҳасликни ҳамда инсон танасидаги совуқликни даволайди.

Простата бези, қовуқ, моякдаги шамоллаш, яллиғланиш ва оғриқларни қолдириб, ундаги инфекцияларни ўлдиради, уруғнинг тез чиқиб кетишини олдини олади.
Тез-тез ва тутилиб пешоб келишини бартараф этади.

Буюртма учун http://jen-shen.uz/sakura1 Ochish/sharhlash

2021-08-08 13:53:17 ​Мессининг “Барселона”даги сўнгги сўзлари

Билмадим, гапиришга куч топа олармиканман? Сўнгги кунларда мана шу минбардан туриб сизларга нима дейиш ҳақида ўйладим.

Бўлган воқеалардан шок ҳолатига тушдим, ҳозир ҳам шу аҳволдаман. Босиб ўтган узоқ йўлимиздан сўнг бундай бўлиши жуда оғир. Тайёр эмасдим.

Бу йил кетишни истамагандим. Қолишимга ишончим комил эди. Бу менинг уйим. Барчасидан ҳам кўпроқ шуни хоҳлагандим ахир. Барселонадаги ҳаётимдан лаззат олиб яшадим. Ҳаммаси ғаройиб кечди.

“ПСЖ” — эҳтимолий вариант. Аммо ҳеч нарса расман тасдиқланмаган. “Барселона”нинг баёнотидан сўнг бошқа клублардан кўплаб қўнғироқларни қабул қилдим. Ҳеч нарса имзолангани йўқ, биз музокара олиб боряпмиз.

Футболчилар “Барселона”га келишда давом этади. Клуб исталган футболчидан каттароқ, одамлар ҳам бир кун бунга кўникади.

Қачондир клубнинг яна бир қисми бўлиш учун қайтишга умид қиламан. “Барселона” дунёнинг энг кучли клуби бўлиб қолиши учун бу ерга қайтиб, исталган ролни бажаришни хоҳлардим.

Ҳа, ҳозир жуда кўп нарсаларни ёддан чиқаряпман. Чунки ҳозир ўйлаш ва гапириш учун яхши аҳволда эмасман.

Каналга уланиш @Futgolium Ochish/sharhlash