Mr Freeman

2021-02-10 13:21:03 Мен билан досм Алимов

@freemanuz Ochish/sharhlash

2021-02-09 23:39:11 Ота-она ҳар доим фарзандини бахтини ўйлаши керак. Унинг истакларига қарши чиқиб, ўз айтадиганини қилдирадиган ота-она нафақат оиласига, балки жамиятга ҳам катта зарари тегади. Чунки, бундайлар истеъдодли ёшларни ўз истеъдодини юксалтиришга, ўз устида ишлаб, жамиятимизга фойдаси тегиши мумкин бўлган етук мутахассис бўлиб шаклланишига қаршилик қилишади. Ҳар битта шахс юксак иқтидор эгасидир, унинг ички потенциалини рўёбга чиқариш учун фақатгина имконият ва сабр керак. Катта авлод эришолмаган натижаларни фарзандларингиз билан амалга оширинг. Бу дунёни ўзгартиришга ўз ҳиссангизни қўшинг. Ҳозирда бор умид янги авлод ҳисобланувчи сизларнинг фарзандларингиздан. Ochish/sharhlash

2021-02-09 23:30:09 Баъзи ёшлар (асосан қизлар) вилоятларда яшаб, ўзини қобиққа ўралиб қолгандек ҳис қилишади. Чунки улар дунёқараши атрофдаги одамлардан сезиларли фарқ қилишини яхши билишади. Улар ҳаракат қилишлари керак: олдин ҳам айтганман — иложи бўлса, чет элга, ками деганда эса пойтахтга кўчиб ўтинг.

Умр жуда қисқа, ундаги ёшлик даври эса ундан ҳам қисқароқ: сизга ўз орзуларингизни рўёбга чиқаришингиз учун бир мартагина имконият берилади, ундан максимал даражада фойдаланишга ҳаракат қилинг. Менталитет, маънавият, тарбия, бало-баттар каби сўзлар билан бошингизни қотирган одамларнинг фикрига эътибор берманг. Олдин ҳам айтганман, яна такрорлайман ва бу фикримда қатъий тураман: сизнинг хоҳишингизга қулоқ солмайдиган, ҳаётингизни бошдан охиригача ўзича "чизиб" бериб, ўз орзуларини сизнинг мақсадларингиздан устун қўядиган яқинларингизнинг фикрига эътибор берманг. Зотан, сизнинг бахтингизни ўйламайдиган инсон, у ким бўлишидан қатъи назар, меҳрингизга ҳақли эмас. Ochish/sharhlash

2021-02-09 21:37:28 Aввалига блогер Отабек Нуритдинов, кейин Отабек Сатторий
Негадир ўзимдан хавотирдаман...

«Отабек Артиков» телеграм каналига аъзо бўлинг:
https://t.me/joinchat/AAAAAEtFvRLnjN1jTBScYg Ochish/sharhlash

2021-02-09 15:34:55 Орзуларим оғулаб, сен кетдинг аста-аста,
Бормоқдаман ёҳулаб, ортингдан хаста-хаста.

Гулга гул берган ошиқ, қайда жазога лойиқ,
Мен сенга гуноҳкорман - гул тутиб даста-даста...

Ҳам мени қийнаюрсан, ҳам ўзинг йиғлаюрсан,
Билмасмидинг, нигорон, жонингга жон пайваста...

Наволанма муғанний, сан телбага соз қайда,
Ёр йўлида ошиқлар турганда раста-раста...

Сен кетдинг аста-аста...

@freemanuz Ochish/sharhlash

2021-02-09 15:22:36 Мендан сўрашяпти: «Блогерларга босимлар бўладими? Биз ҳам канал очмоқчи эдик, танқидий постлар ёзиб турсак, бизга ҳеч нарса бўлмайдими?». Шу саволларга жавоб берар эканман, бир латифа эсимга тушиб кетди.

Сарой маслаҳатчиси Иван Василевичдан сўрабди:
— Иван Василевич, ислоҳотлар нима?
— Дейлик, мен сенга янги қилич, яхши от бердим ва сен бундан мамнун бўлиб яшаяпсан — мана шу ислоҳот!
— «Сўз эркинлиги» нима?
— «Сўз эркинлиги» — бу сен ўз фикрингни эркин баён этиб яшаётганинг. Бунинг учун сени ҳеч ким таъқиб этмайди. Бизда ҳам сўз эркинлиги бор.
— Менга ҳеч нарса бўлмайдими?
— Ҳеч нарса бўлмайди!
— Сиз ҳақингизда гапирсам ҳам ҳеч нарса бўлмайдими, Иван Васильевич?
— Ҳеч нарса бўлмайди: қилич ҳам бўлмайди, от ҳам...

Ёзаверинглар, дўстлар, ҳеч нарса бўлмайди)


@freemanuz Ochish/sharhlash

2021-02-09 11:27:05 Ҳар қайси хотин ўз эрига таом пишириб бериши шарт, чунки Женева конвенциясига кўра ҳар қандай асир иссиқ овқат ейиш ҳуқуқига эгадир. Ochish/sharhlash