English Teachers

2022-06-16 09:19:23 Joriy yilda ham 5 tagacha yo'nalish tanlash mumkin, faqat endilikda abiturient turli ta'lim shaklini (kunduzgi, sirtqi, kechki, masofaviy) tanlashiga ham ruxsat beriladi

Prezident qaroriga ko'ra, abiturientlarga:

test sinovi topshiriladigan fanlar majmuasi va ketma-ketligi bir xil bo'lgan beshtagacha bakalavriat ta'lim yo'nalishlarini hamda bir vaqtning o'zida barcha ta'lim shakllarini tanlash huquqi beriladi;

ro'yxatdan o'tish jarayonida tanlangan bakalavriat ta'lim yo'nalishlari ustuvorligiga qarab dastlab davlat granti, keyinchalik to'lov-kontrakt asosida tanlovda ishtirok etish imkoniyati beriladi.

@for_english_teachers Ochish/sharhlash

2022-06-16 09:19:06 Magistraturada o'qiydigan barcha xotin-qizlarning to'lov-kontrakt miqdorlari davlat byudjeti hisobidan qoplanadi

O'zAning (@uzauz) xabar berishicha, Prezidentning tegishli qaroriga ko'ra, bundan buyon davlat OTMlari magistraturasiga o'qishga kirgan barcha xotin-qizlarning to'lov-kontrakt miqdorlari davlat byudjeti mablag'lari hisobidan qoplanadi.

Bunda 2-bosqichga o'tgan xotin-qizlarning faqat 2-bosqichi uchun, shuningdek joriy yildan boshlab magistraturaga kiradigan barcha xotin-qizlarning to'liq o'qish davriga to'lov-kontraktlari qoplab beriladi.

Faqat bu yerda oddiy (bazaviy) kontrakt haqida gap ketmoqda. Tabaqalashtirilgan (super) kontrakt bilan kirgan xotin-qizlar super-kontraktini o'zi to'laydi.

@for_english_teachers Ochish/sharhlash

2022-06-16 09:18:47 OTM ga qabul endi 20 iyundan boshlanadi

Prezident qaroriga asosan, davlat OTMlariga qabul jarayonida abiturientlarni onlayn ro'yxatdan o'tkazish YAgona portal va DTMning rasmiy veb-sayti orqali har yili 20 iyundan 20 iyulga qadar (20 iyul kuni ham), chet tili fanidan kasbiy (ijodiy) imtihon o'tkaziladigan bakalavriat ta'lim yo'nalishlari bo'yicha esa 10 iyulga qadar (10 iyul kuni ham) amalga oshiriladi.

@for_english_teachers Ochish/sharhlash