2023-04-18 13:01:28
"Эл-юрт умиди" жамғармасининг очиқ стипендия танловида номзодларга онлайн ҳужжат топширишда нималарга эътибор бериш талаб этилади
Агар номзод хорижий таълим, илмий ёки бошқа муассасага ўқишга шартли қабул қилинган бўлса (Lеttеr оf cоnditiоnаl аccеptаncе) номзоддан хорижий тилни билиш даражасини белгиловчи CEFR тизими бўйича В2 даражасидан паст бўлмаган амалдаги миллий ёки халқаро сертификат (Миллий сертификат, IELTS, TOEFL ва бошқалар)ни онлайн ҳужжат топшириш платформасига юклаши шарт.
Хорижий таълим муассасасига шартсиз қабул қилинганлиги тўғрисидаги таклифнома-хат (Lеttеr оf аccеptаncе)ни тақдим этган номзодлар, бундан мустасно.
Танлов йўналишлари – вазирлик, давлат қўмиталари ва бошқа давлат бошқаруви органлари ҳамда давлат улуши мавжуд ташкилотларнинг функцияси, тузилмаси ҳамда фаолият олиб бориш соҳаларидан (спецификасидан) келиб чиқиб, қуйидаги категориялар кесимида стипендия квоталарининг ажратилиши назарда тутилади:
-
давлат ва жамият бошқаруви;
-
қонун устуворлигини таъминлаш ва суд-ҳуқуқ соҳаси;
-
таълим, соғлиқни сақлаш ва бошқа ижтимоий соҳалар;
-
иқтисодиёт соҳалари ва тармоқлари.
Бу тизим барча давлат органлари ва ташкилотларини Жамғарма орқали хорижда таҳсил олган мутахассислар билан таъминлашга қаратилган.
Ҳозирги вақтда хорижий давлатлардаги ТОП-300 талик (ёки танлаб олинган фан бўйича ТОП-100 талик) университетларида таълим олаётган талабалар Жамғарма стипендия танловларида иштирок этишлари мумкин.
Бунда, улардан онлайн ҳужжат топшириш платформасига белгиланган тартибда маълумот ва ҳужжатларни юклаши талаб этилади. Хусусан, мазкур номзодлар мос равишда таҳсил олаётганлиги тўғрисида маълумотнома (Certificate of Enrollment, Proof of Enrollment ва унга тенглаштирилган ҳужжатлар) тақдим қилишлари шарт.
Шунингдек, Васийлик кенгашининг рухсатига кўра, ушбу номзодлар учун стипендия танловининг суҳбат босқичи онлайн тарзда ташкил этилиши мумкин.
Номзод хорижда таълим олишдан кўзланган мақсад ва таълим олиш тугагач олинган билимларни Ўзбекистонда қўллаш имкониятлари ҳақида эссе (ёзма иш) ёзишлари тавсия берилган. (http://admission.eyuf.uz/esse_yozish/?lang=uz)
Стипендия танловида докторантура ва магистратурада таълим олиш дастурлари бўйича иштирок этмоқчи бўлган номзодлар олий маълумотга эга бўлиши талаб этилади (яъни номзодлар олий таълим муассасасини тўлиқ тугатган, жумладан, докторантура учун магистратура дипломи, магистратура учун бакалавр дипломига эга бўлиши назарда тутилади).
Жамғарманинг мазкур 1 стипендия танловида ўқишни (олий таълим муассасасини тугатмаган ёки ҳозирда таълим олиб юрган номзодлар иштирок эта олмайди (мазкур талаб бакалавриат таълим йўналиши бўйича номзодларга татбиқ этилмайди).
Eyuf.uz | Telegram | Facebook
| Instagram | YouTube
2.1K viewsedited 10:01
E
