Ekologiya vazirligi | Министерство Экологии | Ministry of Ecology

2022-09-10 09:55:46 Ноёб фото

Қоятошлар орасида юриб бораётган қор қоплонини бир қарашда пайқаш қийин. Чунки унинг ранги, ташқи кўриниши табиий муҳитга шу даражада мослашган бўлиб, бу ҳам назаримизда, она табиатнинг туҳфаси. Зеро, яққол кўзга ташланмаслик ҳам қор қоплонидай ноёб жониворларнинг табиий муҳитда сақланиб қолишида муҳим бир омилдир.

Мутахассисларнинг фикрича, мана шундай жиҳатлари, қолаверса, ўта сезувчанлиги туфайли қор қоплонини тасвирга ёки суратга олиш мушкул ҳисобланади.

Ушбу расмларни эса Давлат экология қўмитаси тасарруфидаги "Ҳисор" давлат қўриқхонаси қўриқлаш ходимлари томонидан ўрнатилган фотоқопқон олган. Ochish/sharhlash

2022-09-10 09:24:27 Ургут тумани Экология ва атроф-муҳитни муҳофаза қилиш назорат бўлими давлат инспекторлари томонидан туман ҳудудида кузатув рейд тадбири олиб борилди.

Рейд тадбири давомида “Чағизмон” маҳалласининг даштли ҳудудидаги туман ҳокимлиги захира ер майдонидан шу маҳаллада яшовчи фуқаро Т.Ш ўз бошқарувида бўлган экскаватор ёрдамида ноқонуний тарзда тупроқ аралашмасини қазиб олиб, юк ташувчи техника воситаларига юклаб беришаётганлиги аниқланди.

Шу боис фуқарога Ўзбекистон Республикаси МЖтКнинг 70-моддаси 1-қисми асосан, маъмурий баённома расмийлаштирилиб, базавий ҳисоблаш миқдорининг 10 баробарида жарима белгиланди.

Самарқанд вилояти Экология ва атроф-муҳитни муҳофаза қилиш бошқармаси матбуот хизмати Ochish/sharhlash

2022-09-10 09:01:37 # rolik

ОДАМ ЎЗ УЙИГА ЧИҚИНДИ ТАШЛАМАЙДИ

@ecogovuz Ochish/sharhlash

2022-09-06 19:08:06 Фонд Zamin совместно с Программой ООН по охране окружающей среды и национальными партнёрами провёл круглый стол на тему «Значение чистого воздуха для качества жизни человека».

В приветственном слове председатель Попечительского совета Фонда Zamin Зироат Мирзиёева отметила:

"Будущее нашей планеты — это будущее всех нас, поэтому мы все ответственны за состояние окружающей среды. Все мы — от нас самих до частного сектора, от общественных организаций до правительств — должны действовать сообща.

На этом пути не бывает малых или больших дел, поэтому любое действие, будь то непричинение вреда растениям или посадка деревьев, либо сокращение отходов на крупных предприятиях, одинаково важны для окружающей среды".

На мероприятии были представлены достигнутые в рамках реализации проекта «Автоматизация мониторинга загрязнения атмосферного воздуха» результаты, обсуждён международный опыт по данному вопросу, намечены дальнейшие планы по усовершенствованию контроля качества воздуха в соответствии с лучшими мировыми практиками.

Zamin | Facebook | Instagram Ochish/sharhlash

2022-09-06 19:07:55 "Zamin" fondi tomonidan BMTning Atrof-muhitni muhofaza qilish dasturi va milliy hamkorlar bilan birgalikda "Toza havoning inson hayoti sifati uchun ahamiyati" mavzusida muhokama o‘tkazildi.

"Zamin" fondi Vasiylik kengashi raisi Ziroat Mirziyoyeva o‘z kirish so‘zida:

"Sayyoramiz kelajagi - hammamizniki, demak, atrof-muhit holatiga har birimiz javobgarmiz, o‘zimizdan boshlab xususiy sektorgacha, jamoat tashkilotlaridan hukumatlargacha - hammamiz birgalikda ish olib borishimiz shart.

Bu borada amallarning katta-kichigi yo‘q, atrof-muhit uchun barcha harakatlar: o‘simliklarga zarar yetkazmaslik yoki kichik daraxt ekish ham, katta korxonalarda chiqindilarni kamaytirish ham o‘ta ahamiyatli", deb ta’kidladi.

Tadbirda “Atmosfera havosi ifloslanishi monitoringini avtomatlashtirish” loyihasini amalga oshirish doirasida erishilgan natijalar taqdimot qilindi, bu boradagi xalqaro tajriba muhokama qilindi, havoni nazorat qilish chora-tadbirlarini eng namunali xalqaro amaliyotga muvofiq holda takomillashtirish bo‘yicha kelgusi rejalar belgilab olindi.

Zamin | Facebook | Instagram Ochish/sharhlash

2022-09-06 15:28:12 Расмий муносабат

Ижтимоий тармоқларда Термиз шаҳридаги Катта боғ кўчасида чиқиндилар йиғилиб қолганлиги бўйича эълон қилинган мурожаат юзасидан Сурхондарё вилоят Экология ва атроф муҳитни муҳофаза қилиш бошқармаси ходимлари томонидан ўрганиш олиб борилди.

Ўрганиш давомида “Катта боғ” ва “Алпомиш” маҳалласи ҳудудида жойлашган кўп қаватли хонадонларда яшовчи фуқаролар ўзларининг хонадонларидан чиқарилган қурилиш чиқиндиларни белгиланмаган жойга ташлаши туфайли ноқонуний чиқиндихона ҳосил бўлганлиги аниқланди.

Ушбу қурилиш чиқиндилари "Bio Texno Eco" MCHJ ходимлари томонидан марказий чиқиндихонага жойлаштирилди ва ушбу ҳудуднинг озодалиги таъминланди.

Сурхондарё вилояти Экология ва атроф-муҳитни муҳофаза қилиш бошқармаси матбуот хизмати Ochish/sharhlash

2022-09-06 14:31:07 Тўқай кезиб юрган Бухоро буғуси

Давлат экология қўмитаси тасарруфидаги "Қизилқум" давлат қўриқхонасига ўрнатилган фотоқопқон табиатнинг ноёб ва гўзал жониворларидан бири бўлган Бухоро буғусини тасвирга олди.

Хонгул ёки Бухоро буғуси (Cervus elaphus bactrianus) - жуфт туёқлилар туркумининг буғулар оиласига мансуб бўлган сут эмизувчи ҳайвонларнинг кенжа тури ҳисобланиб, Ўзбекистон Республикасининг Қизил Китобига ва Табиатни муҳофаза қилиш халқаро иттифоқининг (ТМХИ) Қизил рўйхатига йўқ бўлиб кетаётган, локал тарқалган кенжа тур мақоми билан киритилган.

Кузатувларга кўра, “Қизилқум” давлат қўриқхонасида Бухоро буғуларининг сони 224-232 бошни ташкил этади.

Давлат экология қўмитаси томонидан Бухоро буғулари яшаш ареаллари, уларнинг популяцияси мониторинги олиб борилмоқда ҳамда ушбу ноёб турдаги жонзотларни муҳофазасини таъминлаш ва янада кўпайтириш бўйича чора-тадбирлар амалга оширилмоқда. Ochish/sharhlash

2022-09-06 14:11:06 Шофиркон тумани Экология ва атроф-муҳитни муҳофаза қилиш бўлими томонидан навбатдаги экологик назорат рейд тадбири ўтказилди.

Рейд тадбири давомида туманнинг "Қайрағоч" МФЙ ҳудудидан фуқаро У.Д ноқонуний тарзда қум-шағал аралашмасини қазиб олаётганлиги ниқланди.

Ушбу ҳолат юзасидан фуқарога нисбатан Ўзбекистон Республикаси МЖтКнинг 70-моддаси 1-қисми билан баённома расмийлаштирилиб, 3 млн сўм жарима белгиланди.

Бухоро вилояти Экология бошқармаси матбуот хизмати Ochish/sharhlash

2022-09-06 13:18:30 Давлат экология қўмитасида Хитой Халқ Республикасининг Экология ва атроф-муҳит вазирлиги мутасаддилари билан онлайн учрашув бўлиб ўтди.

Учрашувда атроф муҳит ифлосланишининг олдини олиш мақсадида турли йўналишларида жумладан, замонавий мониторинг тизимлари ва маълумотлар базаларини жорий этиш ва маиший чиқиндилардан электро-энергия ишлаб чиқариш ва бошқа йўналишлар бўйича фикр алмашилди.

Музокара якунида Давлат экология қўмитаси ва ХХР Экология ва атроф-муҳит вазирлиги ўртасида ҳамкорлик меморандумини имзолаш масаласи муҳокама қилинди. Ochish/sharhlash

2022-09-06 10:59:02 Давлат экология қўмитаси тасарруфидаги "Чотқол" давлат биосфера қўриқхонаси илмий бўлими ходимлари томонидан ўрнатилган фотоқопқонлар ўрганилиши давомида камера объективи кийикларни муҳрлагани маълум бўлди.

@ecogovuz Ochish/sharhlash