Mavjud emas

Ахбор Имомхўжаев хотира турнирида уларнинг фарзандлари, набиралари, эвара ва бошқа қариндошларидан иборат жамоа ҳам иштирок этади.

Додамнинг 5 фарзандлари бор эди (аммаларимиздан бирини анча аввал кўпга қўшганмиз): уч қиз, икки ўғил. Шу тариқа яна беш оилага асос солинган. Таркибимизда мана шу бешала оиланинг камида биттадан вакили бор.

Шунингдек, 15 нафар невара мавжуд бўлиб, бугунга келиб улардан 14 та оила бунёд бўлиб улгурган (оила қурмаган биргина набира қолган, у таркибимизда бор). Бу оилалар орқали 26 нафар эвара дунёга келди (катта эҳтимол билан бу сон ўсишда давом этади). Мана шу эварлардан бир нафари ҳам футбол жамоамиз таркибида мавжуд.

Сурат олинганига 14 йил бўлди. Додам барча ўғил набираларни тўплаб, Жар стадионига олиб боргандилар. Яна икки кундан сўнг худди шу суратни такрорлаймиз ва айнан ўша нуқтага қараб турамиз. Аллоҳ уларнинг охиратларини обод қилсин.

Яна икки кундан сўнг додам Ахбор Имомхўжаевни хотирлаб ўтказаётганимиз хотира турнири старт олиши керак.

Мусобақада фахрийлар, журналистлар, яқинлар иштирок этади. Улар орасида яхши инсон, ажойиб журналист, Пахтакор ва умуман ўзбек футболи фидойиларидан бири Мавлон ака Шукурзода ҳам бор эдилар. Афсуски, бугун бу инсон ўткинчи дунё билан видолашиб, боқий дунё сари йўл олдилар. Охиратлари обод бўлсин.

69 ёшда бўлишларига қарамай, Ахбор ака хотира турнирида иштирок этаман деб, 14-рақамни танлаб олгандилар. 1954 йилнинг 31 май куни таваллуд топган Мавлон ака билан кўп фикрлашиб турардик. Ўзим ҳақимда айтган фикрларини доим эслаб тураман, хурсанд бўламан. Додамни кузаётганимизда қандай аҳволда бўлганлари кўз олдимда туради. Ўғиллари билан таништирганлари, бугунги футбол ривожи учун ҳам меҳнат қилганликларини унутмайман.

Раҳматли фейсбукда анча фаол эдилар, ҳозир профилларига кирсам, яшил чироқча ёниб турибди, ичим ғалати бўлиб кетди. Инна лиллаҳи ва инна илайҳи рожиъун.

Пахтакор ва Насафга эътибор беринг. Августда бизда даҳшатли тўқнашувлар кутиб турибди.

Ёдгор Саъдиевни қачон кўрсангиз кўз олдингизга Асадбек келаверади. Зулфиқор Мусоқов ўзининг шедеврлари билан гавдаланади, Тоҳир Содиқов болалигингиз хотираларини эсга солади ёки Леонид Якубовични ўз барабани атрофидан бошқа жойда тасаввур қилишингиз қийин.

Ўзбек футболи ва умуман биздаги катта спорт ивентларини усиз тасаввур қилиш қийин бўлган мана шундай инсон бор орамизда. Даврон Файзиевнинг овози кириб бормаган, сиймоси кўрилмаган оила йўқ ҳисоби. Ҳар қандай спорт мухлиси ва ҳатто соҳадан узоқ кишилар ҳам Файзиевни футбол шарҳловчиси, футбол кишиси сифатида танийди, ҳурмат қилади.

Файзиев жуда ёпиқ инсон, шахсий ҳаёти ва қарашларини ҳаммадан узоқ тутади, бу унинг ҳарактерига хос. Файзиевни ҳеч қачон ур-тўпалон, тортишувларда кўрмайсиз, бировга қаттиқ гапириши ёки ҳақорат қилишини тасаввур қилиш ҳам қийин. У айнан шу ҳарактери билан ўзига хос имидж ярата олган. Унинг табиати, унинг меҳнати, унинг изланиш-у бир неча йиллик хизматлари спорт жамоатчилиги томонидан эзозланади. Бугун эса касб байрамида ҳукумат ҳам спортда ўз ўрнига эга бўлган шахсга эътибор қаратганини кўриб, ўзимизда йўқ севиндик. Чунки у бунга муносиб. Ишонамизки, Файзиев соғлом турмуш тарзи тарғиботчиси сифатида ўз аудиторияси билан ҳали узоқ йиллар бирга бўлади.