Mavjud emas

2023-03-29 12:46:29 Ochish/sharhlash

2023-03-29 11:21:17 Лигада Биринчи лигага қуръа ташлаш жараёни. Ochish/sharhlash

2023-03-28 23:28:58 ЎФА халқаро бўлими миллий терма жамоа учун ташкил этиб берган сўнгги олти ўйинга эътибор қаратинг:

Венесуэла
Боливия
Россия
Қозоғистон
Коста-Рика
Камерун

Бу албатта ажойиб. Шундай вақтлар бўлганки, миллий терма ФИФА кунларидан фойдаланмай ҳам қўя қоларди. Ҳозир эса Лига ФИФА кунига кирмайдиган бир кун учун ҳам курашади, ассоциация эса ўз йўналишида ўз принципларини илгари суради. Айнан мана шу жиҳат ўта муҳим. Ҳозир ҳар ким ўз ишини яхшироқ қилишга интиляпти. Ишонамизки, бу Осиё кубогида бизга ёрдам беради. Ochish/sharhlash

2023-03-28 23:16:53 Ўзбекистон миллий термаси Венесуэла билан дуранг ўйнади — 1:1. Жалолиддин Машарипов биринчи тайм сўнгида пенальтидан фойдалана олмади.

Машарипов паненка услубида зарба берди. Дарвозабон алданди бироқ зарба озгина аниқ бўлмади. Бу ерда икки яхши жиҳат бор:

биринчиси, пенальтини Элдор Шомуродов ишлади ва зарба бериш имкониятини Машариповга тақдим этди. Бу жуда эътиборли жиҳат;
иккинчиси, бизда тенг кучли термалар билан ўйинда ҳам ўзлигини кўрсата оладиган футболчилар борлиги, бундайлар керак. 2012 йилдаги Италия ва Англия пенальтилар сериясига қадар етиб борган ўйинни эсланг. Қийин аҳволда қолаётган италияликларга руҳий далда Пирлонинг худди бугунгидек зарбаси бўлганди. Мушкул ҳолатларда катта масъулият қаршсида турган катта футболчиларгина шунга жазм эта олади. Бундай ишонч эса албатта оддий ўйинлар орқали орттирилади.

Аввал ҳам айтиб ўтгандим, ҳамма футболчи ҳар бир хилда одобли ёки камсуқум бўлиши шарт эмас. Бизга майдонда ўзини Элдор ёки Отабек сингари камтар тутадиган футболчилар қаторида, ўз фикрини ва принципларини ўтказишга интиладиганлар ҳам керак. Термага ранг-баранглик жуда муҳим. Муҳими мураббий уларнинг ҳаммасидан бир бутун жамоа ясай олиши.

P.S. Венесуэла қўпол футбол ўйнади, дейишяпти. Ҳа, бироқ Жанубий Америкада футболни шундай ўйнашади. Венесуэла ёки Болиявия кабилар муқаррар Аргентина ёки Бразилияга қарши шундай ўйнамаса бўлмайди ҳам. Рақиблардаги ўрганишга арзигулик жиҳат бу уларнинг тажовузкор эканлиги. Кўриняптики, улар Боливияга қарши ўйинни яхшилаб ўрганган. Элдор шундан келиб чиқиб қўриқланди, Машариповга шунинг учун икки футболчи доим қаршилик қилди, Турғунбоевни шунинг учун тепиб ўтишяпти. Елкама-елка курашда улар билан нисбатан тенгроқ тура олгани менимча Остон бўлди. Ochish/sharhlash

2023-03-28 18:51:14 Ochish/sharhlash

2023-03-28 12:40:37 U23 Ўзбекистон терма жамоаси ҳақида ҳам шунга ўхшаш фикр билдириш мумкин. Кападзе жамоаси Марокашда Африка қитъаси термаларига қарши 3 та ўйин ўтказди.

Ўзбекистон 5:3 Того
Ўзбекистон 0:0 Кот д’Ивуар
Ўзбекистон 0:3 Марокаш

Умуман олганда Осиё қитъаси термалари иштирокидаги мусобақа турган бир вақтда Африка терма жамоаларининг афзал билингани яхши бўлди. Биз Осиёда ким қандай эканлигини ёддан биламиз, Африка ва умуман нотаниш рақиблар эса ғоятда зарур. Олимпиячилар ўзларига маълум бўлмаган ва ўйингача кучига қандай баҳо бериш мумкинлигини билмаганлари рақибларга қарши ўйнаб кўришлари муҳим.

Афсуски, сўнгги икки беллашув тунги 2 дан кейин старт олди. Бизнинг футболчилар одатда бу вақтда ухлаётган бўлади. Бу нафақат Марокашдаги ўйинларда муаммо туғдиради, балки олимпиячилар Тошкентга қайтганидан кейин яна бир муаммо қаршисидан чиқади. Шунчаки Рамазон ойи давом этаётганидан келиб чиқиб, ташкилотчилар шунга жазм этишди.

Марокашнинг биздан бир бош устун эканлигини олдиндан билардик. Ким учундир 0:3 кутилмаган бўлса, демак бу одам Марокаш футболининг бугунги ҳолати ҳақида яхши тасаввурга эга эмас. Марокаш ва Испанияни бир неча ўн километргина ажратиб туради, шунинг ўзиёқ улар кимга қараб интилаётганидан дарак бериши мумкин. Того ва Кот д’Ивуар билан ўйинларга эса кўп хулосаларга сабаб бўлди.

Того билан 2 та муаммо аниқ кўринди. Биринчисида номаълум рақибга қарши ўйинни бошлаб олишда муаммо юзага келди. Кейин эса термамиз 5 та гол урганидан кейин муаммо бошланди. Кападзе ён дафтарига буни битиб қўйгани аниқ.

Ивуар билан ўйиннинг бир таймини эса бир киши кам бўлиб ўтказдик ва дарвоза даҳлсизлигини сақлаб қолдик. Суперлига ва У21 чемпионатининг дастлабки уч турида Кападзе футболчилари кўп бор майдондан четлатилди. Демак, мураббий енгиб ўтиши керак бўлган яна бир мавзу бор.

Шуларни инобатга олсак, Марокашдаги йиғин фойдали бўлди IMHO Ochish/sharhlash

2023-03-28 12:21:30 U20 Ўзбекистон терма жамоаси бир неча дақиқа аввал Россия ёшларига имкониятни бой берди — 0:2.

Беллашувга нисбатан айрим футбол мухлисларининг реакциялари салбий, буни тушуниш мумкин. Бироқ айрим факторларни ҳам кўздан қочирмаслик керак:

ҳар қандай катта ғалабадан кейинги тезкор ўртоқлик ўйини учун мотивация топиш жуда қийин масала, айтайлик, бизнинг йигитлар аллақачон мундиал ҳавоси билан яшашга ўтди ва катта ғалаба таъсиридан тўла чиқиб улгурмади;

қитъа чемпионлигини қўлга киритган оптимал таркиб бугунги ўйинда иштирок этгани йўқ, айрим етакчи футболчилар хориждаги ўз клублари ихтиёрига жўнаб кетган;

мураббий бугун аралаш таркибни синаб кўрди ва тўғри қилди, сиз билган Аббослар ҳам захирадан ўйинга қўшилди;

бугун терма жамоамиз кўниккани каби мухлис тўла стадионда тўп сургани йўқ, жуда катта атмосфредан кейиноқ ҳувиллаган стадионга чиқиб келиш осон кечмайди, мураббийлар энди жамоани мана шунга кўниктириши керак. Чунки Осиё кубогидаги ғалабанинг камида тенг ярми мухлисларники, йигитларга улар ҳар кимдан кўра кўпроқ мотивация бера олишди.

Ҳозир ҳаммасини бир бошдан бошлаш керак бўлади. Асосий йигитлар ўз клубига жуда зарур, бир қанча муддатдан кейин улар яна терма жамоа учун ёнишни бошлайди. Ochish/sharhlash

2023-03-28 12:11:28 Ochish/sharhlash

2023-03-26 19:46:49 Бир неча кун олдин Осиёда тенгсиз бўлган U20 Ўзбекистон терма жамоаси 28 март куни Россияга қарши майдонга чиқади.

Беллашув 12:00 да Жар стадионида старт олади (кўринишидан россияликлар шу куниёқ ортга қайтиб кетиши керак). Жамоамиз жаҳон чемпионатига тайёргарлик кўраётганлигини инобатга олсак, европаликларга қарши ўйинлар катта аҳамият касб этади. Кучимизга яна бир бор баҳо беришимиз, камчиликларимизни текшириб олиш учун яхши рақиб.

Шу куни соат 12:00 да кимнинг вақти бўлса, Жарга келиши мумкин. Ochish/sharhlash

2023-03-26 19:37:46 Ochish/sharhlash