ФИФА палатасида вакилимиз бор (: 23 июнь куни ФИФА Кенгаши та | Mavjud emas

ФИФА палатасида вакилимиз бор (:

23 июнь куни ФИФА Кенгаши ташкилотнинг қатор қўмиталари аъзоларини тасдиқлади. Қувонарли томони эндиликда ФИФА органларидан бирида ўзбекистонлик вакил ҳам бўлади.

Футбол трибуналининг Агентлар палатаси футбол агентлари фаолиятини тартибга солиш ва келиб чиққан низоларни кўриб чиқиш билан шуғулланади. ЎзПФЛ мазкур палатага Жаҳон профессионал футбол лигалари ассоциацияси (WLF) орқали ўз номзодини киритганди. Якунда ФИФА бизнинг вакил номзодини маъқуллади ва эндиликда фахр билан айтамизки, олдиндаги 4 йил давомида ФИФА палатаси аъзолари ичида Лига вакили ҳам фаолият олиб боради.

Маълумот учун, Лигамиз 2022 йил WLF аъзоси бўлишга эришганди. Бу биз учун янги эшиклар ва имкониятлар очаётганидан хурсандмиз.