Qalam - Нуқтаи назар (Жиддий канал)

2022-09-01 21:46:01 Мабодо, тафаккур қилмайдиларми?

Фикрлайдиган ва фикрламайдиган одамнинг натижалари бир неча баробар фарқ қилишини кўп кўрдим.

Кўп жойда қаттиқ меҳнат, пул, машҳурлик билан эмас, фикрлаб ҳаракат қилиш орқали ўтиб кетганларни кўрдим.

Динимиз бизни тафаккурга ундайди. Энг буюк одамлар тафаккурни фойдаларини тинмай гапиришади.

Савол: Фикрлашни бошлаш учун нима қилиш керак?

Фикрлаш асли қийин иш — кўп энергия талаб қилади. Ташқаридан бекорчиликка ўхшайди. Тўғри фикрлаяпсанми ёки йўқ — биттада билиш қийин.

Қийин ишларни бажаришни энг зўр усули — уларни қизиқ ишга айлантириш.

Фикрлашни қизиқ машғулотга айлантиришни эса 2 та йўли бор.

1. Кўп илм олиш (китоб, суҳбат, дарслар, кузатувлар)
2. Ундан қизиқроқ машғулотлардан воз кечиш

Фикрлар кучайиши учун камида 5-6 йил тинмай илм олиш керак. Баъзан бу ҳам кам.

Лекин бу узоқ муддат. Ҳамма нарсани тез бўлишига ўрганганмиз-ку!

Демак бизга иккинчи усул қоляпти.

Фикрлашдан қизиқроқ ишлар: лентани доимий варақлаш, видеолар кўриш, каналларни кузатиш, янгиликларни ўқиш, ғийбат қилиш.

Шуларни 48 соатга тўхтатиб кўр.

Аввалига қийин бўлади. Тери остингда жимирлаш сезасан. Телефонингга талпинасан.

6 соатдан сўнг дофамин даражаси нормал ҳолатга қайтади. 12 соатдан сўнг кузатувчанлигинг ошади. Дарахтдаги баргларни, эшикдаги қийшиқ ёзувни, деворингдаги ўргимчакни кўришни бошлайсан.

Кузатувчанлик саволларни туғдиради. Саволларга ичингдан жавоблар келишни бошлайди. Жавоб олишга google га кира олмайсан. Яна ичингдан қидиришни бошлайсан.

Табриклайман. Фикрлашни бошладинг.

Уёғини тушунтириш шарт эмас. Бир марта тафаккурнинг мазасини тотган одам, буни унутмайди. Биринчи усулни қўллаб фикрларини кучайтиришни хоҳлаб қолади. Амаллаб яна тафаккур қилиш йўлларини излайди.

У ёғи Румий айтганларидек: “Сен излаётган нарса сени ҳам излаяпти” бўлади.

Мурод Назаров



https://t.me/changeyourself_uz Ochish/sharhlash

2022-08-31 19:40:07 Бировни қўлида ишлаш жонга тегди.

1. Бу гапни айтиш осон. Балки кўпчилик шу сабабдан ҳам ўз ишини бошламоқчи бўлар. Лекин хўжайинсиз ишлашдан олдин унинг вазифаси нималигини билиш керак:
2. Бошлиқ сен учун вақтингни бўлиб беради.
3. Бошлиқ нима муҳимлигини белгилайди.
4. Бошлиқ мижоз тўламаганда ҳам сенга тўлайверади
5. Бошлиқ натижалар учун жавобгар бўлади
6. Бошлиқ ишга вақтида келишингга сабаб бўлади.
7. Бошлиқ сенга айбни ағдариш учун восита ҳисобланади.
8. Бошлиқ сенга устоз бўлади (ҳеч бўлмаганда нима қилмаслик борасида)
9. Одамларнинг аксари ўзини ўзи ишлашга мажбурлай олмайди. Кўп жойларда бошлиқнинг асосий вазифаси ҳам шу ҳозир.
10. Бошлиқсиз бўлиб олганингда, ишлагинг келмай қолса нима қиласан?
11. Шунинг учун ҳам, агар бошлиғинг бўлмаса, балки уни ўйлаб топишинг керакдир...

Эркин таржима.



https://t.me/changeyourself_uz Ochish/sharhlash

2022-08-30 19:09:47 Фирибгарлар

1. Фирибгарлар ўйлаганимиздан кўп. Уларни ажратиб олиш учун мен оддий принциплар ишлатаман, ҳам асабим тежалади, ҳам пулим.

2. Йилига 35% ($да) дан кўп фойда ваъда қилаётган ҳар қандай инвестиция — ёлғон. Ёки тез орада бу фоиз тушиб кетади.

3. Сенга пул беришни хоҳлаб қолган ва бунинг учун бирор ҳаракат қилишни сўраган ҳар бир одам — фирибгар. Ҳеч ким бегонага ўз-ўзидан пул бермайди. Одамлар қарзини қайтиб ололмаяпти-ку.

4. Осон пулни ваъда қилган ҳар қандай таклиф — фирибгарлик. Бирор нарса осон бўлса у ерда юқори рақобат бўлади. Юқори рақобат = қийин пуллар.

5. Телефонингизга келган кодни сўраган ҳар қандай одам — фирибгар. Банкданман деса ҳам, Путинни ёрдамчисиман деса ҳам.

6. Кичик сумма (100$ ёки 1000$) билан пассив даромад кўришни таклиф қилаётган ҳар қандай таклиф — ёлғон. Ёки бу ерда пассивлик йўқ (меҳнат ҳам қилиш керак), ёки бу пирамида. Ҳақиқий пассив даромад ~10 000$ сиз бошланмайди.

7. Касб, кўникма бермасдан пул топишни ўргатаман деган ҳар қандай одам — фирибгар. Ҳеч қандай кўникмасиз пул топишнинг иложи йўқ. Тадбиркорлик - бу бир нечта кўникма. Ҳаттоки фирибгарлик учун ҳам қобилият керак.

8. Энг муҳими — бирон таклиф шу даражада яхшики, ҳақиқий бўлиши қийинми? Ишонавер бу таклиф ҳақиқий эмас.



https://t.me/changeyourself_uz Ochish/sharhlash

2022-08-29 22:10:39 Билган шошмайди

1. Бир устозимиз бугун мактабимизда меҳмон бўлдилар. Илмлари дарё бўлса ҳам, кам гапирдилар. Фақат тингладилар. Гапиришдан олдин ўйладилар. Фақат кетиш пайтида бир дона маслаҳат бериб кетдилар.

2. Мубашшир Домла билан кўришганимда бир оддий масалага жавоб беришдан аввал 2 дақиқа ўйлаган эдилар.

3. 1 ҳафта олдин Илон Маск Лех Фридманга интервю берди. Ўзи эксперт бўлган соҳалардаги саволларга жавоб беришдан олдин 30-50 сониягача ўйлаб олди. Аудио қотиб қолдимикан деб ўйладим хатто.

4. Илмнинг ортиши доим ҳам ҳозиржавобликка олиб бормас экан. Илм эгалари учун тезкор жавобдан кўра, эшитувчи мақсадига етиши, жавобни тушуниши ва жавобдан максимал фойда ола олиши муҳимроқ экан.

Жахонгир Пулатов



https://t.me/changeyourself_uz Ochish/sharhlash

2022-08-24 20:39:10 Билиш бу тушуниш эмас

Макс Планк Нобел мукофотини олгач, уни Германия бўйлаб маърузалар қилишга чақиришади.

Ҳайдовчи уни ташиб, маърузаларни ҳам эшитиб ўтирарди.

20 марта битта нарсани эшитгач ҳайдовчи профессордан илтимос қилди:

“Профессор Планк, зерикиб кетдим, маъруза ёд бўлиб қолди. Энди бу сафар сиз ҳайдовчи бўлиб ўтиринг, мен маъруза қилай, илтимос?

Ҳайдовчи Макс Планкнинг Физика бўйича маърузасини ўқиди.

Битта профессор туриб қийин савол бериб қолди.

Шунда ҳайдовчи:

Мюнхендек ривожланган шаҳарда одамлар бундай содда саволлар беради деб кутмагандим. Бу саволингизга ҳайдовчим жавоб беради…

Ёдлаш бу тушуниш эмас. Ҳаттоки билиш ҳам тушуниш эмас.

Билган одам айтиб бера олади холос. Амал қилишни бошлаш учун эса тушуниш керак.



https://t.me/changeyourself_uz Ochish/sharhlash

2022-08-23 21:39:31 Суҳбатлардан ўрганиш

-Ассалому алайкум.

-Ваалайкум ассалом.

Мени сўрашишим шундай. Қуруқ ёки қўпол кўринади. Чунки: “Яхшимисиз, нима гап, тузумисиз, уйдагилар яхшими” каби юмшатувчи сўзлар йўқ.

Сабаби:

Суҳбатларда бирон нима ўрганишни ёки ўргатишни хоҳлайман.

Бу нарса доимий бўлиши учун бундай суҳбатлар қизиқ бўлиши керак.

Қизиқ суҳбатнинг асоси — зўр саволлар.

Зўр савол қачон берилади? — Савол берувчига жавоб ростдан ҳам қизиқ бўлса.

Жавоби қизиқтирадиган саволларни беришни бошлаш учун…

Жавоби қизиқтирмайдиган саволларни беришни тўхтатиш керак

Шундай саволларнинг энг кенг тарқалгани - саломдан кейинги ҳол аҳвол сўраш.

Ҳол аҳвол сўрамадимми, демак ҳол аҳволни биламан, ёки қизиқ эмас. Бу самимийлик холос, қўполлик эмас.

Сўрадимми демак — жавоби менга қизиқ.

Номига савол бериш одатидан воз кечиш қийин. Лекин мукофоти — янги одат:

Қизиқ ва фойдали суҳбатлар олиб бориш одати бўлади.

Азиз Рахимов



https://t.me/changeyourself_uz Ochish/sharhlash

2022-08-21 21:54:43 Бир кун

Агар ҳозирги замонда бирор кимнинг ўрнида бир кун яшаш имкони бўлганида кимнинг ҳаётида яшаб кўрган бўлар эдинг?

Постни давомини ўқимай бир зум ўйлаб, ўзинг учун жавоб бер!

1. Бу саволни устозимиз дарсда барча ўқувчиларга берган эди? Ҳамма ҳар хил инсонларни айтди. Элон Маск, Мурод Назаров, Кр Роналдо ва бошқа машҳур турли кишилар.

2. Мени хаёлимдан жуда бошқача ҳаёллар ўтди, негадир мен муваффақиятли одамлар ҳаётини танлагим келмади.

3. Мен ота онаси вафот этган, ўз ёшлигини бой бериб, ичкиликка ружу қўйган, оиласиз, бошпанасиз кишини ҳаётида бир кун яшагим келди.

4. Чунки бир кунлик ҳашаматли ҳаётда яшаш бизни бир умр шу бир кунни соғиниб, ношукур ҳаёт кечиришимизга сабаб бўлиши мумкин.

5. Баъзида нимадир камдек, етмаётгандек, ортда қолиб кетаётгандек ҳис қиламиз, лекин шундай инсонлар борки бизда борини орзу қилади.

6. Ҳаёт қизиқ, кимдир эски телефон ишлатётгани учун хомуш, кимдир эса касалхонада оғриқлар тўхташи учун кўз ёш тўкиб дуо қиляпти.

Инсон ўзида борини фақатгина йўқотганда ҳис қилади, бизда нима борлигини билиш учун балки йўқотиб кўрармиз (тасаввурда бўлса ҳам)



https://t.me/changeyourself_uz Ochish/sharhlash

2022-08-20 20:21:17 All or nothing (барчаси ёки ҳеч нима)

Бир нарсага 90% амал қилгандан кўра, 100% амал қилиш осонроқ.

Интизом қуриш учун ўзинг билан курашсанг - ютқизасан. Шунчаки ўзингга танлов қолдирма.

Бир нарсага 90% амал қиладиганлар ўша амал қилмайдиган 10% ҳолатларини аниқлаш учун кўп вақт кетқазишади.

Бугун залга чиқмасамикан? Балки кейинги сафар китоб ўқийман? Эртага дарс қиламан, бугун кайфиятим йўқ.

Танлов бўлмаганда яшаш анча осонроқ, чунки қарор аллақачон қабул қилиниб бўлганинган.



https://t.me/changeyourself_uz Ochish/sharhlash

2022-08-18 21:47:43 Яшашнинг ўзи бахт.

1. Эрталаб уйғондингми ? Шу нарса 150 мингта одамга насиб қилмади. Шу инсонлар орасида сен ҳам бўлишинг мумкин эди.

2. Статистика бўйича ҳар куни вафот этганлар сони 142 -150 мингта орасида, ҳафтасига миллион кишини ташкил этади. Ҳаммага ҳам тонгда кўз очиш насиб қилмаяпти.

3. Ҳаётда бахтга интилиб яшаш керакми, ё сабр қилиш керакми, қидириш керакми? Тўхта, биринчи сарҳисоб қилиш керак. Яшашингни ўзи аслида бир бахт.

4. Биз ўзимизда йўқ нарсалар орқасидан кўп қувлаймиз, лекин борини қадрсизлантириб қўямиз.

5. Тўхта...

6. Сен бахтли эканлигингни тушунгин...



https://t.me/changeyourself_uz Ochish/sharhlash

2022-08-16 22:54:34 Таваккал қилмаган, ҳеч қачон ютмайди

1. Нега мен ўзим ишлаб турган, яхшигина маош тўлаётган, ишимни ташлаб ҳали тажрибам йўқ бўлган соҳага қўл урушим керак.

2. Оч қорним, тинч қулоғим дея, шундай давом этсам нима қилади ?

3. Шу топаётган ойлигим, ҳафтасига 60 соат иш, бир ойда 4 кун дам билан давом этсам-чи...

4. Таваккал қилиб нима қиламан ? Эртага ишларим ўхшамаса-чи...

5. Баъзи инсонларга мақсадим ҳақида сўзласам, кулишади ўзларича...

6. Аммо бир кун келиб, мақсадларим устидан кулганлар, ютуқларимни кўриб, кулгулари ноўрин бўлганини англашади.




https://t.me/changeyourself_uz Ochish/sharhlash