23.5° бурчак остида

2021-12-20 21:22:42 #дайжест

Польшадаги намойиш,
Чилидаги сайлов натижаси, Украина чегарасида қазилган ҳандақ: 20 декабрь кунидаги энг муҳим хабар ва янгиликлар аудиодайжестимизда.

@burchakostida Ochish/sharhlash

2021-12-20 21:04:47 ​​Украина ҳарбий кучлари чегарада 400 километрлик хандақ қазишди: "Энди биз душманимиз кимлигини биламиз ва тайёрмиз"

Украина қуролли кучлари Россия томонида ҳарбий кучлар тўплангани ҳақидаги хабарлардан сўнг мамлакат чегараларига жуда яқин ҳудудда хандақ қазишди.

Украина кучлари термал камералар ва дурбинлар билан чегаранинг нариги томонидаги аскар ва техникаларни кузатмоқда.

Олдинги сафда бўлган Украина армияси қўмондони, биринчи лейтенант Анатолий Семененко Украина кучлари ҳозирда "ўз нуқтаи назарини ўзгартирганини" айтди ва вазиятни қуйидагича изоҳлади:

"Энди биз душман кимлигини аниқ биламиз. 2014 йилда уруш бошланганида Украинадаги халққа биродардек кўринган қўшнимиз бизга ҳужум қилишига ишониш қийин эди. Лекин, айни пайтда биз тайёрмиз".

@burchakostida Ochish/sharhlash

2021-12-20 20:34:01 Россия ва АҚШ президентларининг ёрдамчилари телефон орқали мулоқот қилди

Юрий Ушаков ва Жейк Салливан Россиянинг АҚШ ва НАТОга хавфсизлик соҳасидаги таклифларини муҳокама қилишди.

Бу йўналишдаги алоқалар давом этиши маълум қилинди.

@burchakostida Ochish/sharhlash

2021-12-20 20:03:01 Дунё COVID-19 пандемияси ва мигрантлар инқирози каби муаммолар билан 2021 йилни ортда қолдираётган бир пайтда, келгуси йил ҳам инқирозга юз тутиши мумкин бўлган кўплаб халқаро муаммолар ҳамон ўз ечимини кутмоқда.

Қуйида 2022 йилда дунё юз тутиши мумкин бўлган 5 глобал инқироз ҳақида батафсил сўз боради.

@burchakostida Ochish/sharhlash

2021-12-20 19:26:01 Радикаллар Лондондаги Беларусь элчихонасига ҳужум қилишди

Бир дипломат оғир яраланган, дея хабар берди Беларусь Ташқи ишлар вазирлиги.

Вазирлик маълумотларига кўра, бир гуруҳ радикаллар элчихона биноси фасадига зарар етказган, сўнг воқеа жойига етиб келган дипломатларга ҳужум қилган.

Улардан бири оғир жароҳатланган ва шошилинч тиббий ёрдамга муҳтож. Унга бурун синиши, енгил чайқалиш ва тишнинг травматик синиши ташхиси қўйилган.

Беларусь Республикаси Ташқи ишлар вазирлиги Буюк Британиянинг Муваққат ишлар вакилини чақириб, воқеани текширишни талаб қилди. Дастлабки маълумотларга кўра, ҳужум ортида муҳожирлар гуруҳининг радикаллари турибди.

@burchakostida Ochish/sharhlash

2021-12-20 18:51:13 Германия Марказий банки (Бундесбанк)нинг иқтисод бўйича декабрь ҳисоботи эълон қилинди

Бундесбанк янги турдаги коронавируснинг хавотирли Омикрон штамми Германия иқтисодиётини банк кутганидан кўра кўпроқ секинлаштириши мумкинлигини маълум қилди.

@burchakostida Ochish/sharhlash

2021-12-20 18:03:30 Украинанинг собиқ президенти Пётр Порошенко давлатга хиёнатда айбланди. Бу ҳақда Миллий хавфсизлик ва мудофаа кенгашининг собиқ котиби Александр Турчинов маълум қилди.

@burchakostida Ochish/sharhlash

2021-12-20 16:57:35 #бурчакстат

Телефонингизда фитнес иловаси борми?

Фитнесс иловалари бутун дунё бўйлаб катта машҳурликка эришмоқда. Statista Digital Market Outlook маълумотларига кўра 2021 йилда фитнес иловаларидан келадиган глобал даромад 4,025 миллион долларни ташкил этди — 2024 йилга келиб бу кўрсаткич 5,274 миллион долларга кўтарилади.

Statista Global Consumer Survey маълумотларига кўра, Қўшма Штатларда ушбу фитнес иловаларини ўз смартфонларида мунтазам равишда ишлатадиган 18-64 ёшлилар улуши 24% ни ташкил қилади. Бу Германия ва Хитойдан кўпроқ, аммо Буюк Британия ва Ҳиндистондан камроқ кўрсаткич.
Фитнес даражасини кузатувчи ва таҳлил қилувчи бундай иловалар тадқиқотда қатнашган ҳиндистонлик респондентлар орасида айниқса машҳур ва респондентларнинг 34 фоизи фитнес иловаларидан мунтазам фойдаланишини айтишган. Францияда фойдаланувчилар улуши эса нисбатан паст — атиги 18%.

@burchakostida Ochish/sharhlash

2021-12-20 16:02:55 Вашингтон зудлик билан Москванинг хавфсизлик кафолатлари бўйича таклифларига жавоб бериши керак, вазият оғир — Россия ТИВ.

@burchakostida Ochish/sharhlash

2021-12-20 15:28:44 Кремль матбуот котиби Песков, агар НАТО Польшада ядро қуролини жойлаштирса, Россия вазиятни барқарорлаштириш учун тегишли чораларни кўришини ва турли вариантлар устида ишлаётганини маълум қилди.

@burchakostida Ochish/sharhlash