23.5° бурчак остида

2021-12-20 14:53:09 35 ёшли сўл сиёсатчи Габриел Борик Чилининг янги президенти бўлди

Чили сайлов хизмати маълумотларига кўра, сўл қанот сиёсатчиси Габриел Борик 55,87 фоиз билан ўнг қанот номзоди Хосе Антонио Кастни ортда қолдириб, мамлакат тарихидаги энг ёш президентга айланди.

Борик ўзининг Twitter саҳифасида "Биз бирмиз. Биз умидмиз. Бирга бўлганимизда кўпроқмиз. Давом этамиз!" — дея пост қолдирди.

@burchakostida Ochish/sharhlash

2021-12-20 14:14:00 Ҳиндистон ва Туркманистон ТАПИ газ қувури қурилишини муҳокама қилишди

Туркманистон ТИВ хабарига кўра, бу масала бошқарма бошлиғи Рашид Мередовнинг ҳиндистонлик ҳамкасби Субраманиям Жайшанкар билан Нью-Деҳлида бўлиб ўтган учрашувида кўтарилган. ТАПИ лойиҳасини амалга оширишда биргаликдаги ҳаракатлар юзасидан фикр алмашилди ва энергетика соҳаси икки томонлама ҳамкорликнинг муҳим таркибий қисми деб баҳоланди.

@burchakostida Ochish/sharhlash

2021-12-20 13:42:01 #бурчакдагилавҳа

Польшада оммавий ахборот воситалари ҳақидаги қонунга қарши норозилик намойишлари бўлиб ўтди

Польшада оммавий намойишлар бўлиб ўтди, намойишчилар мамлакатнинг 100 га яқин шаҳрида президентни жамиятнинг бир қисми нодемократик деб ҳисоблаган оммавий ахборот воситалари тўғрисидаги янги қонунга вето қўйишга чақирди.

@burchakostida Ochish/sharhlash

2021-12-20 13:17:01 Ҳиндистонлик актриса Айшвария Рай Баччан офшор аккаунтлари ҳақидаги маълумотларни ўз ичига олган "Панама ҳужжатлари" юзасидан сўроққа чақирилди, деб ёзади The Indian Express. Ҳозирча актрисага расман айблов қўйилмаган.

11,5 миллион Панама ҳужжатларидан камида 12 мингтаси Ҳиндистон фуқароларига тегишли. Рўйхатда Айшвария Рай Баччандан ташқари унинг қайнотаси, актёр Амитабҳ Баччан ҳам бор.

@burchakostida Ochish/sharhlash

2021-12-20 12:40:00 Германияда Грузия Бош штабининг Саакашвили давридаги собиқ раҳбари ҳибсга олинди

Ҳибсга олингани ҳақидаги маълумотни Грузия прокуратураси тасдиқлади, деб хабар бермоқда SputnikGeorgia.

Бош штабнинг собиқ раҳбари Георгий Каландадзе Грузиядаги қийноқлар иши бўйича айбланмоқда ва унга 17 йилгача қамоқ жазоси берилиши мумкин.

Генерал 2012 йил 8-октабрдан 11 ноябргача Бош штабга раҳбарлик қилган. 2014 йилдан бери у Украинада яшаб, инструктор бўлиб ишлаган ва алоҳида ҳарбий қисмларнинг тайёргарлигини назорат қилган.

Шунингдек, ОАВ хабарларига кўра, Каландадзе Донбассдаги урушда Киевга ёрдам бериш учун Грузиядан ёлланма аскарларни жалб қилган.

@burchakostida Ochish/sharhlash

2021-12-20 12:05:25 #биласизми

Тарихдаги энг кучли зилзила 1960 йил 22 майда Чилида содир бўлган. 9,5 магнитудали зилзила саккизта вулқон отилиши натижасида содир бўлган эди.

"Буюк Чили зилзиласи" Рихтер шкаласи бўйича ўлчанган барча вақтлардаги энг дахшатли зилзиладир. Зилзила натижасида вужудга келган ва баландлиги 10 метрга етган цунами 10 минг километр майдонга тарқалиб, Япония ва Филиппингача етиб борган.

Зилзила оқибатида 1655 киши ҳалок бўлган, 3000 нафари эса яраланган. Мамлакат жанубида жойлашган Пуеуэ вулқони, Чилида 550 миллион долларлик зарар келтирган зилзила таъсирида ҳафталар давомида фаол бўлган.

@burchakostida Ochish/sharhlash

2021-12-20 11:22:01 Индонезияда Семеру вулқони яна фаоллашди

Индонезиянинг Шарқий Ява провинциясида қайта фаоллашган Семеру вулқони 2 километр баландликка кул ва тутунни сочди.

Индонезия вулқонология ва геологик офат оқибатларини юмшатиш маркази томонидан берилган баёнотда, тўгда кеча эрталаб портлаш содир бўлгани ва вулқоннинг 2 километр баландликда кул ҳамда тутун чиқаргани билдирилди.

@burchakostida Ochish/sharhlash

2021-12-20 10:54:03 Россиянинг Швейцариядаги элчихонаси кеча россиялик тадбиркор Владислав Клюшиннинг Швейцариядан АҚШга депортацияси ҳақида баёнот бериб, бу навбатдаги "рус ови" эканлигини айтди.

Элчихона матбуот котиби Владимир Ҳоҳлов, Россия матбуотига берган интервьюсида, "Вашингтон томонидан учинчи давлатларда Россия фуқароларига қарши уюштирилган яна бир ов ҳолатига дуч келдик", — дея очиқлади.

@burchakostida Ochish/sharhlash

2021-12-20 10:26:03 Агар Вашингтон хавфсизлик кафолатлари бўйича музокараларни бошласа, Россия Федерацияси ва Қўшма Штатлар ўртасидаги муносабатлар нормаллашув сари ўтади — Рябков.‌‌

@burchakostida Ochish/sharhlash

2021-12-20 09:56:01 Беларусь халқаро тузилмаларга Польшанинг муҳожирларга нисбатан қўпол муносабатда бўлганлиги исботланган 5 жилдлик жиноий ишларнинг нусхаларини топширади.

Бу ҳақда республика Бош прокуратураси хабар берди.

Аввалроқ Беларусь терговчилари Польша хавфсизлик кучлари "Брузги" назорат-ўтказиш пунктида махсус техника қўллагани сабабли жабрланганларни сўроқ қилган эди.

Шунингдек, Бошқирдистон Республикаси Фанлар академияси вакилининг айтишича, поляклар муҳожирларни ҳашаротларга қарши курашувчи моддалар, шунингдек, қизил қалампир экстракти бўлган аралашма билан сув пуркагичлардан суғорган.

Ўшанда юздан ортиқ қочқинлар, жумладан ўнлаб болалар қурбон бўлган.

@burchakostida Ochish/sharhlash