bekajon.uz

2021-02-13 15:00:40 Заҳириддин Муҳаммад Бобур ҳақида 7 далил

Заҳириддин Муҳаммад Бобур 1483 йилнинг 14 февралида Андижонда, Фарғона улусининг ҳокими Умар Шайх Мирзо оиласида дунёга келган;

1494 йили отасининг ўлимидан сўнг 12 ёшида Фарғона ҳокими этиб тайинланган;

1504 йили Шайбонийхон Андижонни ҳам қўлга киритгандан сўнг, Бобур жанубга қараб йўл олди ва Кобул улусида ўз ҳокимиятини ўрнатган;

1526 йил апрелида Панипатда Ҳиндистон султони Иброҳим Лўди билан ва 1527 йили март ойида Читора ҳокими Рано Санго билан бўлган жангларда Бобурнинг қўли баланд келган;

Бобур 1530 йилнинг декабр ойида Агра шаҳрида вафот этади. Унинг хоки кейинчалик васиятига кўра Қобулдаги “Боғи Бобур”га олиб келинган;

Заҳириддин Бобурнинг «Бобурнома» асарига қадар Ҳиндистон ҳеч қачон бунчалик чуқур ўрганилмаган ва у ҳинд олимларига мамлакат тарихини ўрганишга катта ёрдам берган.

Ҳиндистонда 300 йилдан ортиқ ҳукмронлик қилган «Бобурийлар сулоласи»нинг «Буюк мўғуллар» номи билан аталиши Оврўпо тарихчиларининг хатосидир.

https://t.me/bekajon_gazeta_uz Ochish/sharhlash

2021-02-13 14:00:03 #факт

ҚОРОНҒИ РЕСТОРАНЛАР

Берлин, Цюрих ва Москва шаҳарларида шундай ресторан мавжудки, у ерга ташриф буюрадиган мижозлар қоп-қоронғида овқатланишади. Бу хилдаги ресторанларда кўзи ожиз официантлар хўрандаларга хизмат кўрсатишади.

https://t.me/bekajon_gazeta_uz Ochish/sharhlash

2021-02-13 13:00:47 https://t.me/bekajon_gazeta_uz Ochish/sharhlash

2021-02-13 12:00:05 ​#ҳангома

КАНАРЕЙКА «ОЗОДЛИККА ЧИҚДИ»

Болалигимдан жониворларни яхши кўраман. Айниқса, қушларга меҳрим ўзгача. Буни уйдагилар ҳам, дугоналарим ҳам, хуллас ҳамма яхши билади. Шунданми, менга ким совға бермоқчи бўлса, албатта бирор ҳайвон расми туширилган ё шакли кўчирилган нарсалар, баъзан, ҳатто, тирик жониворларни ҳам туҳфа қилишади. Хонамдаги деворлар ҳайвонлар расми туширилган плакатлар, рамкалар билан тўла. Уйда малла мушугим, туғилганига уч ой тўлган, кичкинагина кучукчам бор. Бу жониворларни дадам менга атаб олиб келганлар. Яқнда туғилган кунимни нишонладик. Айни шу куни ҳеч кутилмаган воқеа рўй бердики, ҳалигача эсласам, кулгим келади.
Дадам галдаги туғилган кунимга атаб чиройли безатилган симқафасда канарейка келтирдилар. Қушча шунчалар ёқимтой эдики, уни кўрган одам олдидан жилгиси келмасди. Канарейкани кўриб дугоналаримнинг оғзи очилиб қолди, бир-иккитаси «менам дадамга айтаман, олиб келадилар», деб ҳавас қилишди. Меҳмонлар тарқалгач, бутун оила жамулжам бўлиб, дастурхон атрофига йиғилдик. Бир маҳал дадам ҳаммамизга бир кўз югуртириб:
-Салим қани, деб сўрадилар.
Беш ёшли укам даврамизда йўқлигига мен ҳам энди эътибор бердим.
-Ҳозир топиб келаман, деб ўрнимдан турдим ва Салимжонни излашга тушдим. Ҳамма жойни қидириб, укамни тополмадим. Охир хонамга йўналиб, эшикни очгандим ҳамки, нимадир пир этиб устимдан учиб ўтди. Салимжон эса ҳайратини яширмай:
-Учиб кетди,- деб юборди. Унинг қўлидаги дарчаси очиқ қафасни кўриб, англадим: канарейка.
Қафасни сал тепароққа илиб қўймаганимиз панд берганди. Канарейка «озодликка чиққанди». Роса алам қилганди ўшанда. Дадам эртаси куни бошқа канарейка олиб келдилар.

Саодат.

https://t.me/bekajon_gazeta_uz Ochish/sharhlash

2021-02-13 11:00:48 Ражаб ойи ҳам кириб келди

Ражаб ойининг фазилатлари. Бу ойда қандай ибодатлар қилинади ва қайсилари бидъатдир

Ражаб ойида ўқиладиган дуо:
«Аллоҳумма баарик ланаа фий ражабин ва шаъбана, ва баллиғнаа ромазона».
(маъноси: «Аллоҳим! Ражаб ва шаъбон ойларида бизга барака бергин ва Рамазон ойига етказгин»)

Яқинларингизга ҳам эслатинг!

https://t.me/bekajon_gazeta_uz Ochish/sharhlash

2021-02-13 10:00:06 #руҳият

Чора

Бахтингизни асраб қолмоқчимисиз? Уни бошқалар билан баҳам кўринг!

https://t.me/bekajon_gazeta_uz Ochish/sharhlash

2021-02-13 09:00:53 НИМТАБАССУМ

Тарих китобларида келишича, амирлардан бири бир тегирмончи олдидан ўтиб қолди. У тегирмон тошини айлантирувчи хачир бўйнига қўнғироқ осиб қўйган эди.
- Нега бўйнига қўнғироқ осиб қўйдинг? - сўради амир.
- Жиринглашдан тўхтаса, тегирмон ҳам тўхтаганини билиш учун, - жавоб берди тегирмончи.
- Қани айтчи, тўхтаб бошини қимирлатиб турса, тегирмон тўхтаганини қаердан биласан? - деди амир.
- Амир жанобларини Аллоҳ ёрлақасин, - деди тегирмончи. - Бу айёрона усул ҳамма хачирларга ҳам маълум эмас.

https://t.me/bekajon_gazeta_uz Ochish/sharhlash

2021-02-13 08:00:05 #кичик_ҳикоя

ТУМАН

Қуюқ туман тушган. Устига-устак тун ёприлиб келмоқда.
- Милтиғингнизни бериб туринг, ака?
- Нимага?
- Бир тулки жонга тегиб кетди. Ўзини кўрмадим, лекин нуқул бизни товуқ йўқолади. Пойлайман. Бу кетишда ҳадемай катак қурийди.
Тун ва туман. Оғил томон бир шарпа эмаклайди. Тулкимикан? Жуда келбатли… Ўқ узилди… Ярим тунда сиртмоқ таранг тортилди, иккинчи жон ҳам худонинг паноҳига кетди.

Шониёз Мелибоев

https://t.me/bekajon_gazeta_uz Ochish/sharhlash

2021-02-13 06:00:02 #адабиёт_даҳоларидан

Ҳозирги дунёда адабиёт мураккаб шароитга тушиб қолган. Фав¬қулодда у кераксиз буюмга айлангандек, зеро, қизиқишлар ҳам, ҳис-ҳаяжонлар ҳам олдингидай эмас, бўлакча. Бурунги китобхонларимизнинг ўй-хаёллари энди бошқа нарсалар билан банд. Бугунги китобхонлар эса асл мутолаанинг завқ-шавқидан, афтидан, бехабар. Шундан келиб чиқиб энди нима қилиш лозимлигини биргалашиб ўйлаб кўришимиз керак.

Чингиз Айтматов

https://t.me/bekajon_gazeta_uz Ochish/sharhlash

2021-02-13 05:33:43 تبارک الله احسن الخالقین

Ассаламу алайкум
вароҳматуллоҳи
вабарокатуҳ!

ХАЙРЛИ КУН!

Агар ҳаётда хурсандчилик севсанг,

Соғлигингга эътибор қил.

Агар ҳаётда бахтиёрлик севсанг,

Хулқингга эътибор қил.

Агар ҳаётда барҳаётлик севсанг,

Ақлингга эътибор қил.

Агар буларнинг барини севсанг,

ДИНингга эътибор қил!

Аллоҳ солиҳ амалларга муваффақ қилсин! Кунингизнинг ҳар сонияси ибодатла, тоат-ла мунаввар, хайрли, фойдали бўлсин!!!
•┈•┈•┈•┈•❁✿❁•┈•┈•┈•┈•

https://t.me/bekajon_gazeta_uz Ochish/sharhlash