bekajon.uz

2021-02-14 13:00:42 ​​#таваллудига_538_йил

БОБУР...

Олисларга кетган ўзбек ўғлини,
Ёлғон ҳайдадими, тухмат қувдими?
Қора булутлардан ёққан ёмғирдек,
Кўзёш юзларини силаб, ювдими?..


Товонига ботган асло тиконмас,
Ғийбатнинг уруғи пойига ботди
Қалқонига теккан ўқлар -- нишонмас.
Ёмонлик найзасин кўксига отди.

У ўз ватанидан йироқлаб кетди,
Тинчроқ яшолмади, туролмади у,
Ҳинднинг ўлкасини кўп обод этди,
Нечун ватанида юролмади у.


Аччиқ ҳақиқатни ким хушламади,
Ширин ёлғонларга алмашди уни,
Тожмаҳал товланиб, порлаб турганда,
Бегона ҳиндлар ҳам талашди уни.

Ўша дам зор йиғлаб кетар чоғида,
Ватан -- келгин дея чақиролмади,
Уни чақирмаган ўша қарғалар
Сўнг "бизнинг Бобур" деб бақиролмали.

Шоира Тўлаганова

https://t.me/bekajon_gazeta_uz Ochish/sharhlash

2021-02-14 12:00:06 ​#ҳангома

КАСАЛХОНАДА ОЛИНГАН ИНТЕРВЬЮ

Бир газетада мухбир бўлиб ишлаган пайтларим эди. Юртимизнинг мустақилликка эришганининг 10 йиллиги муносабати билан махсус сонга тайёргарлик кўряпмиз. Менга машҳур бир шоир билан интервью уюштирилиш топширилганди. Шоир акамизнинг телефон рақамларини аниқлаб, қўнғироқ қилдим, мақсадимни тушунтирдим.
-Майли, пайшанбада вақтим бир оз холироқ. Шу куни келсангиз, суҳбатлашамиз, деб, розилик билдирди. Ишим тез амалга ошганидан хурсанд бўлдим (ҳамма ижодкорлар ҳам интерьвю бериш учун тезликда рози бўлавермайди-да)?! Ҳатто, ишим битди деб муҳаррирнинг кўнглини хотиржам қилдим. Шоир акамиз билан суҳбат уюштириладиган кунга навбат келгач, эрталаб сим қоқиб, унга эслатмоқчи бўлдим. Телефонни бир аёл кўтарди. Муддаомни энди айтмоқчи бўлиб тургандим, унинг сўзларини эшитиб, тарвузим қўлимдан тушиб кетди. Шоир акамиз шамоллаб қолиб, икки кун олдин касалхонага тушибди. Дарров касалхона манзилини сўраб олдим.
Ишни пайсалга солиб бўлмасди. Бошлиқ менга ишонган, буни оқлашим керак эди. Таваккал қилиб шоир акамиз даволанаётган касалхонага жўнадим. Йўл-йўлакай, бозорга бирров кириб чиқиб, иккита иссиқ нон, озроқ мева-чева харид қилдим (бемор олдига қуруқ бориб бўлмайди-да).
Бемор ижодкор касалхона ҳовлисини сайр қилиб юрган экан (шамоллаган бўлса ҳам). У мени кўриб, жилмайди. «Шунақа бўп қолди-да?!», деди хижолат бўлиб, аммо берган ваъдасиинг устидан чиқди.
Хуллас, умримда илк бор интервьюни касалхонада, беморлар даврасида олишга муяссар бўлдим.

Умарбек Умаров.

https://t.me/bekajon_gazeta_uz Ochish/sharhlash

2021-02-14 11:00:52 Hammamizga bilishimiz kerak savollarga javoblar!

1. Qur’onning ma‘nosi nima?
“Qiroat” “O‘qish”
2 Dastlabki tushgan joyi?
Makka,Xiro g‘ori
3. Dastlabki tushgan kuni?
Qodir kuni.
4. U kimning so‘zi?
Allohning
5. Qur’onni keltirgan farishtaning nomi nima?
Jabroil (a.s)
6. Uni birinchi bo‘lib o‘qigan odam kim?
Payg‘ambarimiz Muhammad (s.a.v)
7. Qur’onni har bir harfini to qiyomatga qadar qo‘riqlovchi kim?
Alloh
8. Uni qanday ushlash kerak?
Tahoratli holda.
9. Qur’onda Qu’ronni qanday nomlar bilan zikr etilgan?
Al-Furkaan, Al-Kitob, Al-Zikr, Al-Nur, Al-Xudo.
10. Makkada nechta sura tushgan?
86 ta
11. Madinada nechta sura tushgan?
28 ta
12. Qancha poradan iborat?
30 ta pora.
13. Qancha sura bor?
114 ta
14. Qancha oyat bor?
6 ming 666 ta
15. Qur’onda Allohning nomi nechta marta berilgan?
2 ming 698 marta.
16. Namoz haqida necha marta aytilgan?
700 marta.
17. Muhammad (s.a.v) qanday nom bilan nomlangan?
Sof surasining 6- oyatida Ahmad degan nom bilan nomlangan
18. Payg‘ambarimizning ismi necha marta nomlangan?
Muhammad (s.a.v)- 4 marta, Ahmad Ahmad (s.a.v)-1 marta
19. Eng ko‘p qaysi payg‘ambarning nomi aytilgan?
Payg‘ambar Muso (a.s) ning
20. Qur'on oyatlarini dastlab kim sanab chiqqan?
Halima onamiz
21. Eng dastlabki va tarixiy masjid qaysi?
Ka’ba!
22. Qaysi payg‘ambarni onasining ismi bilan qo‘shib chaqirilgan?
Payg‘ambar Iso (a.s) Mariyam o‘g‘li
23. Qur’onda alohida eslatilgan kun nomi.
Qiyomat kuni.
24 Eng uzun sura qaysi?
Baqara surasi.
25. Eng qisqa sura qaysi?
Kavsar surasi.
26. Payg‘ambarimiz Muhammad (s.a.v) ga Jabroil farishta Qur’onni ilk bor keltirgan vaqtda u zotning yoshlari nechada edi?
40 yoshda.
27. Payg‘ambarimiz Makkada necha yil payg‘ambar bo‘lganlar?
13 yil
28. U zot Madinada nechi yil payg‘ambar bo‘lib turdilar?
10 yil
29. Qur’oni Karimnining nozil bo‘lishi?
22 yilu,5 oy, 14 kun.
30. Qaysi sura namozning har bir rakatida o‘qiladi?
Fotixa
31. Alloh Taolo duo o‘rnida o‘qishga lozim ko‘rgan suraning nomi qaysi?
Fotixa
32. Eng birinchi sura?
Fotixa
33. Qur’onda nomi aytilgan yolg‘iz ayol?
Mariyam (a.s)
34. Qaysi surada Bismilloh so‘zi 2 marta aytilgan?
Naml surasida.
35. Qur’onda payg‘ambarlarning nomi bilan nomlangan qancha sura bor?
6 ta Ular: Yunus,Xud,Yusuf,Ibrohim,Nuh,
Muhammad surasi.
36. Qur’onda Allohning qancha nomi aytilgan?
99 ta.
37. Qur’onda boylik haqida nima aytilgan?
Odam imononining sinovi.
38.Qur’onda nomlangan masjidlar nechta?
5 ta. Ular: Masjid ul- Xaram, Masjid ul- Zirar, Masjid ul- Nabavi, Masjid ul-Aksa, Masjid ul- Kuba.
39. Qur’onda nomi aytilgan va 3- avlod payg‘ambarining nomi?
Ibrohim (a.s)
40. Nomi aytilgan farishtalar?
Jabroil, Mikayl,Xarut,Marut.



Jannatni sizga ilindim , aziz dindoshim

@Arabiy_Arabiya

https://t.me/bekajon_gazeta_uz Ochish/sharhlash

2021-02-14 10:00:06 #факт

2414та боласи бор «ота»

Грейхаунд Тимми - дунёга номи чиққан энг машҳур итлардан. Жонивор 1957 йили Лондонда туғилган. 1961-1967 йиллар мобайнида мутахассислар таъкидлашича, рўйхатга олинган 2414 та кучукваччанинг отаси ҳисобланган. Грейхаунд сақланадиган уй бекасининг айтишича, рўйхатга киритилмаган яна 600дан ортиқ «қонуний» кучукваччалар ҳам Грейхаундга тегишли.

https://t.me/bekajon_gazeta_uz Ochish/sharhlash

2021-02-14 08:30:29 ЮРТ СОҒИНЧИ


Бобур...
Давлат арбоби Жавоҳарлал Неру дилбар шахс деб
таърифлаган шоҳ ва шоир ҳақида ўйлаганимда, қалбимни албатта фахр, шу билан бирга маҳзунлик эгаллади.
Қалбимда кандайдир безовталик пайдо бўлди. Ёзишга жазм қилиб билдимки, юрагимга ботаётган нотинч туйғу-бу юрт соғинчи экан. Соғиниш юки шунчалик залворли , рости, гоҳи қалам ҳам бу юкдан синади, Ёзишга ожизлик қилади.
Оёқ яланг, қишлоқнинг қайноқ чанг-тупроқ кўчаларида кечган болаликни соғинган эканман. Онам ёпган иссиқ кулча нонни ариқлардан тўлиб тошиб оқаётган қўқон сувига оқизиб, болалар билан қий-чувлашиб, нонни тутиб олиш учун чопган ёшлигимни соғинган эканман.
Бобур..

Анда жоним қайларда қолар,
Узоқдан соғинчнинг туғи кўринар,
Юрт нонини соғинган шоир
Қовунлар исини кутди бир умр..

Буни балки тақдири азал дейишар. Ёш бошига юртни бошқариш юки тушди. Қилган саъйи харакатлари зое кетди. У ўз тупроғини ташлаб кетишга мажбур бўлиб, бир умр юрт соғинчи билан яшаб ўтди. Бугунчи? Бизчи? Сизчи? Ҳақли савол туғилади?
Нима қилдик ВАТАН учун?

Толеъ йўқки жонимга балолиғ бўлди,
Ҳар ишниким,айладим хатолиғ бўлди,
Ўз ерин қўйиб Ҳинд сори юзландим,
Ёраб,нетайин,,не юз қаролиғ бўлди.

Ҳар бир воқеликда ҳам бир ҳикмат бор. Ана шу (қаролиқ) ўзга диёр ҳалқларига Бобур тафаккуридан ёруғлик олиб боргандир!?
Забардаст,
шерюрак одамгина юрт олади, Тарихда Бобурийлар сулоласига асос солган саркарда, қисқа ҳаёти давомида бутун бир мамлакатни ислоҳ этиб, юрт яратди. Ўша қалбидаги илҳоми, соғинчининг ховури, зора шу орқали босилган бўлса, ажаб эмас.

Ватан биздан кечмади, биз ватандан кечдикми?
Ҳар бир қилган ишимиз, ёраб хато бўлдими?
Бизга Ватан қайдадур, тинчлик бермайди руҳим.
Асли Ватан ичингда, ичингдадур Султоним.

Мен ватан қадрини "Бобурнома" асарини ўқиганимда билганман. Аслият шу эмасми? Ўз юртингда яшай олмасангда, бутун борлиғинг, нафасинг, юрагинг ила ватан туйғуси билан яшаш. Яшаганда ҳам ватан ҳиссини туйиб яшаш. Жисман яқин бўлмасангда, руҳан ватанни қалбга жо қилиб яшаш.
Ҳаммамизнинг елкамизда қарздорлик юки, фарзандлик бурчимиз бор. Ота-она, ватан олдида. Ватан эса худди она каби ўз фарзандини ҳеч қачон унутмайди, у дунёни қайси бурчида бўлса ҳам.Чунки асл фарзандлар ватан олдидаги бурчини қаерда бўлса ҳам адо этади.

Қанча дилгир кўз тутгандир бағрингга
Тавоб айлай, берган нону тузингга.
Сажда қилай, бошим эгай пойингга.
Болам дегин, фарзандингман
жон ВАТАН!

Ҳилола Иброҳимова.

https://t.me/bekajon_gazeta_uz Ochish/sharhlash

2021-02-14 08:00:03 #кичик_ҳикоя

МУҲАББАТДАН ЭСДАЛИК

Бехосдан Мадали бобога тўқнаш келиб қолдим, бурнимиз бир-бирига тегай деганда тўхтадик.
- Ҳе, кўршапалакка ўхшамай кет! Юракни ёрдинг-ку!
У ғазаб-ла қўлидаги суратни кўзимга тақади.
- Энанг қилган ишни кўриб қўй!
Сурат мих билан илма-тешик қилиб ташланган, таниб бўлмайди.
- Ким бу? Чиройли қиз экан.
- Зубайда! Буни яширмасам бўлмайди. Яшириш керак.
Ким бўлдийкан? Чолнинг кампирининг исми Ойчеҳра-ку.

Шониёз Мелибоев

https://t.me/bekajon_gazeta_uz Ochish/sharhlash

2021-02-14 06:00:02 #адабиёт_даҳоларидан

Ҳатто оддий капалакнинг парвози учун ҳам бутун бир осмон керак.

Пол Клодел

https://t.me/bekajon_gazeta_uz Ochish/sharhlash

2021-02-13 20:00:03 #тафаккур

Кўзингни оч! Сандир кўзин юмарлар бор,
Кўксингга боқ! Тангри берган туморлар бор.
Ишон! Қанча чоҳ қазсалар йўлларингда,
Ўша йўлда шу чоҳларни кўмарлар бор.

Гулжамол Асқарова

https://t.me/bekajon_gazeta_uz Ochish/sharhlash

2021-02-13 18:00:04 ​#назм

Тунлар ўтар зўрға қийналиб,
Тушимга ҳам тонглар киради.
Сочларимга ипсиз бойланиб
Менинг билан баҳор юради!

Қайга борсам ширин бир шивир,
Борар дунё тамом юксалиб.
Кўзларимда Ҳақиқат балқир,
Кипригимда гилам тўшалиб.

Оппоқ орзум - кўргим келади-
Манглайимдан оққан теримни.
Ҳовуч-ҳовуч бергим келади,
Чанқаганлар ичсин шеъримни!.
Фахриддин Шамсиматов

Қишлоқ. Кетдим. На йўл, на дарахт,
Қўл силкмади қол, деб ёлвориб.
Дил ғаш, пурғам, шаҳар ҳам карахт,
Ётоқ мени ютиб юборди.

Ёзлар ўтиб кетди адоқсиз,
Чидаб келдим қалбнинг қишига.
Алла айтиб гўдагимгамас,
Каравотнинг ғижирлашига.

Мен Оналик ҳиссин уқяпман,
Оҳ, бу тонгнинг пичирлашидан.
Кел, қишлоқдан қизим.. қўрқяпман,
Каравотнинг ғижирлашидан...

Муҳаббат Тўхташева

https://t.me/bekajon_gazeta_uz Ochish/sharhlash

2021-02-13 16:00:08 #наcp

"Қулаган қоя"

- Эсингдами Ориф уста, охирги марта ўғил кўрганингни нишонлаш учун йиқилган кечамиз.
- Шунга ҳам ўттиз беш йил бўлибди-я, жўра. Қаридик.
- Қандай ўзгаришлар кўрибсанки, мунақа гаплар айтасан?!
- Ўттиз беш йил олдин отамга суянардим. Энди ҳассага суяняпман...

Нигора МУҲAММAД

https://t.me/bekajon_gazeta_uz Ochish/sharhlash