Behruz's blog

2022-11-16 18:30:04 Vaqt bu — pul emas

Bu ikkalovi hech qachon teng bo’lmaydi

Vaqt puldan muhimroq

Pulni ishlab chiqarsa bo’ladi, qarzga olsa bo’ladi, yig’ib qo’ysa bo’ladi

Vaqt esa faqat sarflanadi, foydaga yoki bekorga…

Vaqti bor odam pul topa oladi

Puli bor har doim ham vaqt topa olmaydi, buni millioner qariyalar tasdiqlaydi

Vaqtni pulga tenglashtirish — vaqtni yerga urish degani

Vaqt bu = hamma narsa

Vaqtingdan boshqa hech narsang yo’q

Uyingda yashash, mashinangni minish, sayohatingni qilish

Ishlash, kitob o’qish, do’st orttirish, muzqaymog’ingni yeyish

Hammasi uchun vaqt kerak

Bechora odam - “pulim yo’q” degan odam emas

Haqiqiy bechora

Muhim ishlar uchun ‘vaqtim yo’q’ degan odam
https://t.me/Behruzsblog Ochish/sharhlash

2022-11-09 08:51:50 "Fursat borida ilm o'rganish kerak,ilm kerak bo'lganda esa fursat topilmaydi."

Abdulloh ibn Masʻud r.a
Manba:Oriflar

https://t.me/Behruzsblog Ochish/sharhlash

2022-11-08 17:05:20 MAVLONO XO‘ROZ

   Xo‘roz har kuni tongda qichqirib odamlarni uyg‘otar edi. Uning egasi unga: "Sen bizni bezovta qilayapsan. Yana tongda qichqirib bizni bezovta qilsang patingni bitta qolmasdan yulib olaman", dedi.
  Xo‘roz qo‘rqdi. O‘ziga o‘zi: "Zarurat man qilingan narsalarni muboh qiladi-ku! Jonimni saqlash uchun qichqirmasligim shar’iy siyosatdir. Mendan boshqa xo‘roz bordir qichqiradigan", deya  qichqirishdan to‘xtadi.
  Shu kundan e’tiboran uning ovozini hech kim eshitmadi.
  Bir haftadan so‘ng egasi kelib: "Sening borligingdan nima foyda? Hech bo‘lmasa tovuqlarga o‘xshab "qo-qoq"laysan endi. Bo‘lmasa patingni bitta qolmay yulib olaman", dedi.
  Xo‘roz endi qo‘rqqanidan tovuqlarga o‘xshab "qo-qoq" lay boshladi.
  Bir oydan so‘ng xo‘rozning egasi kelib xo‘rozga: "Har kuni bitta tuxum tug‘masang seni so‘yib yeyman", dedi.
  Shunda xo‘roz:
"Koshki o‘sha paytda qichqirib o‘lib ketganimda edi!", dedi.
   
    Yon berish birgina qadamdan boshlanadi. So‘ngra qaytishning iloji bo‘lmaydi. Chunki siz oyog‘ingizni tuproqqa tiqib tog‘dek turib berish o‘rnida boshingizni egdingiz. Mas’uliyatingiz kattalashgani sari sobit turishingiz ham vojib bo‘lib, sabotingiz farz bo‘lib boraveradi. Oddiy avomdan qabul qilinadigan narsa olimdan, adibdan, mutafakkirdan qabul qilinmaydi. Chunki ular peshvo va o‘rnak bo‘ladilar. Insonlar ularga ehtirom bilan nazar solishadi. Tuyaning yiqilishi bilan echkining yiqilishi bir xil bo‘lmaydi.
   Olimlar kengchilikda bir xil bo‘ladi. Ularni bir-biridan faqatgina yodlagan narsasi, istinboti va ijtihodiga qarab ajratsa bo‘ladi. Ammo qiyinchilik kelsa ular bir-biridan farqlanadi.
   Xalifa Ma’mun imom Ahmad rohimahullohdan “sayramasligini” so‘radi. Ya’ni, qur’onni moʻtazila firqasi kabi maxluq deyishini talab qildi.  Sayramaslikning har asrda o‘z yuzi, o‘z surati bor. Ammo imom Ahmad rohimahulloh hozir sayrashni to‘xtatsa keyingi bosqich tovuq kabi qoqolash ekanligini anglagan edi. Ehtimol Ma’mun bu bilan qanoatlanmay tuxum tug‘ishni ham talab qilishi mumkin edi. Imom Ahmad rohimahulloh faqatgina o‘zini namoyon qilmasligini bilar edi. Dinning komilligi, butun ummatning aqidasi taqdiri o‘zining gardanida ekanligini his qilar edi. Bunaqangi vaziyatda haqiqiy olim dindagi ruxsatni olmaydi, taqiyyadan foydalanmaydi. Imom Ahmad rohimahulloh Ma’mun nima qilsa qilsin, baland ovozda sayrashga qaror qildi. Imomni Bag‘doddagi ommaviy maydonga sudrab olib borib darralashdi. Imom sayrashdan to‘xtamadi. Hatto uning bu kundagi sobit turishini kishilar Abu Bakr roziyollohu anhuning murtadlik kunida sobit turganiga qiyos qilishdi.
   Ob-havo yaxshi bo‘lsa kishilar paltoga ehtiyoj sezishmaydi. Ammo sovuq va bo‘ron boshlanishi bilan paltolariga yugurishadi. Olimlar kishilarning paltosi. Ular kishilarni o‘rashlari, qaltirab titrashiga yo‘l qo‘ymasliklari lozim.
   Aziz olimlar! Biz tahorat, namoz, hayz va nifos ilmlarini bilamiz. Garchi fiqh eng buyuk ilmlardan bo‘lsada, biz sizlardan bularni xohlamaymiz. Biz sizlar bilan himoyalanishni istaymiz. Sizlar o‘zingizni qutqarish uchun sayrashdan to‘xtab ishni boshqa xo‘rozga topshirsangiz biz titray boshlaymiz.
   Aziz fozillar! Beshikdan toki dorga osilgunicha Italiya bosqinchilariga qarshi kurashgan Umar Muxtor rohimahulloh ulamolarga shunday deydi:
   “Ish qanchalar jiddiy bo‘lmasin, egilmang. Aks holda boshingizni yana qayta ko‘tarish imkoni bo‘lmasligi mumkin!”.

- Abdulqodir Polvonov
https://t.me/Behruzsblog Ochish/sharhlash

2022-11-08 10:18:34 Diniy taʼlim kerak. Aks holda, ayollar sumalak kovlab qiziga er, erkaklar aroq ushlab sogʻlik soʻrayveradilar.

Jamoliddin Muhammadjon domla
https://t.me/Behruzsblog Ochish/sharhlash

2022-11-05 06:35:58 #Bir_kitob_tarixi
INSONPARASTLIQ

"Vatanim meni suymas ekan, men uni sevganligimdan, ulusim meni tanimas ekan, men uni taniganligimdan, Vatan ustida bo‘layotgan tarixiy o‘zgarishlarni va ham buning kelajakdagi yaxshi-yomon natijalarini ko‘rsatib, Vatan bolalariga ulgu (namuna) bo‘lg‘udek, boshqalar undan ibrat olg‘udek tarixiy bir asar yozishga kirishdim. Biroq, men yolg‘izgina islomparast emas edim, balki yaralishimdayoq insonparast edim. Xalqqa qaysi yo‘lliq yaxshilik qila olg‘ayman deb, yoshlik-yigitlik davrlarimni g‘am-g‘ussa kunlari bilan o‘tkazdim. Endi soch-soqolim oqarib, qariligim yetdi. Yoshim saksonga erishib, ichki-tashqi kuchlarim orqaga chekindi, qarilik yuki ostida bukula turib, oldimizda ko‘rina boshlagan halokat chuquri yaqinlashyotganiga chidayolmay, kelajak bo‘g‘in nasllarimiz g‘amxo‘rligi uchun, har yoqlama qiyinchiliklar bo‘lsa ham, shu tarixni yozishga boshladim. Qalamim tilidan dardlik so‘zlarim qonlik ko‘z yoshima qo‘shilib, bu kitob varaqlari yuziga to‘kilmish edi. Shuning uchun buning otini «Turkiston qayg‘usi» qo‘ydim..."

Alixonto‘ra Sog‘uniy
https://t.me/Behruzsblog Ochish/sharhlash

2022-11-05 06:33:42 TIL DAYUSLIGI

BIZ NIMAGA BUNAQAMIZ?
O‘zbekchada "YAXSHI BORIB KELDINGIZMI?", "XUSH KELIBSIZ!" bo‘ladi, o‘zbeklarimiz "S PRIYEZDOM!" deyapti.
O‘zbekchada "BARAKALLA!", "YASHANG!", "QOYIL!", "OFARIN!"... bo‘ladi, o‘zbeklarimiz "MALADES!" deyapti.
O‘zbekchada "CHUQUR" bo‘ladi, o‘zbeklarimiz "YAMA" deyapti.
Yana davom ettiraveraymi?
Bunaqa misolni o‘nlab, yuzlab emas, balki o‘nminglab, hatto cheksiz sonda keltirsa bo‘ladi.
Nimaga?
Bu holga qanday tushdik?
Chunki, menimcha, birinchi galda uzoq yil qullikda yashaganimiz bois bizda milliy hamiyat yo‘qoldi. Qizg‘anish tuyg‘usi, or, nomus yo‘qoldi. Yo‘qotildi.
Onasini, opa-singlisini, xotinini, qizini qizg‘anmaslik, ularni har xil tahqirlardan saqlamaslik "dayuslik" deyiladi. Xuddi shuningdek, ey millatimning mard o‘g‘lonlari, tilini qizg‘anmaslik, so‘z boyligini, tozaligini, bokiraligini, go‘zalligini, mustaqilligini, mahramiyatini saqlashga intilmaslik, o‘z holiga tashlab qo‘yish, yot so‘zlar palapartish kirib kelaverishiga bemalol yo‘l qo‘yib berish ham dayuslikning bir turiga kiradi!
Ko‘z o‘ngimizda tilimiz zo‘rlanyapti! Biz esa tomosha qilib o‘tiribmiz!
Bu holimizni "TIL DAYUSLIGI" desa bo‘ladi.
Shu ketishda davom etsak, o‘zbek tili qo‘lma-qo‘l bo‘lib ketadi va juda qisqa zamonda o‘zligimizni yo‘qotishimiz mumkin.
Aziz yurtdoshlarim, do‘stlarim, ukalarim, BIR OZ HAMIYATLI BO‘LING! Gapirayotganingizda va yozayotganingizda ishlatayotgan so‘zlaringizga diqqat qiling! Tilingizni onangiz, opa-singlingiz, xotiningiz, qizingizni qizg‘angandek qizg‘aning! Til dayusi bo‘lib qolmang!
Iltimos...

- Nurulloh Muhammad Raufxon

https://t.me/Behruzsblog Ochish/sharhlash

2022-10-30 14:53:07 Аллоҳ таолони "хурсанд" қилган аёл...
28 oktabr 2022
Аллоҳ таолони "хурсанд" қилган аёл...

Абу Ҳурайра розияллоҳу анҳудан ривоят қилинади: 

Бир киши Расулуллоҳ соллаллоҳу алайҳи ва салламнинг ҳузурларига овкат сўраб келди. Набий соллаллоҳу алайҳи ва саллам оналаримизнинг олдига овқат бор –йўқлигини билиб келиш учун одам юбордилар. Аммо уларда сувдан бошқа оғизга солгулик ҳеч нарса йўқ эди...

Буни эшитиб, саҳобаларга:

---“Буни ким тўйдиради?!”, деб сўрадилар. Ансорийлардан бири “Мен”деди ва хотининиг олдига бориб : 
---“Расулуллоҳ соллаллоҳу алайҳи ва салламнинг меҳмонини иззат қил”, деди. Аёл “Уйда болаларнинг ризқидан бўлак ҳеч нарса йўқ эди-я”,деди. “Майли, сен борини пишириб,чироғингни ёқиб қўявер. Болаларинг овқат сўрашса, алдаб ухлатарсан”, деди. Аллоҳ ва Расулига муҳаббатлик бўлган аёл эрига итоат қилиб, айтганларини бажарди.

Меҳмон келди. Эр – хотин унга бор таомни бериб, ўзларини овқатланиб олгандек кўрсатдилар ва оч –наҳор ухладилар. Аммо эрталаб уларни шундоқ бир хушхабар кутар эдики, буни эшитганлар неча – неча тунларни очликда ўтказишни орзу қилиб қолишди. Расулуллоҳ соллаллоҳу алайҳи ва саллам уларга:

--- “Аллоҳ таоло сизларнинг бу кеча қилган ишингиздан хурсанд бўлди ”, дедилар. Аллоҳ таоло улар ҳақида ушбу оятни нозил қилди: 

---“ Ўзларида эҳтиёж бўла туриб, (эҳсон қилишда бошқа муҳтожларни) ихтиёр қилурлар. Кимки ўз нафси бахиллигидан сақлана олса, бас, ана ўшалар (охиратда) нажот топувчидирлар".
(Ҳашр)
 

Жалакудук туман бош имом хатиби К.Турдиев
https://t.me/Behruzsblog Ochish/sharhlash

2022-10-30 13:29:53 Halol taom so‘rayotgan birinchi musulmonsiz

Bundan o'n yillar avval Sharqiy Еvropa havo yo'llari kompaniyalaridan birida uchishdan avval, ro'yxatdan o'tishda menga halol taom berishlarini so'radim. Masʻul halol taomning nimaligini bilmadi. Undan "kosher" nimaligini so'raganimda, "bilaman", dedi.

Shunda undan so'radim:
— Qanday qilib umumiy soni o'ttiz millionga ham bormaydigan yahudiylarning kosheri haqida bilasizu, bir yarim milliardga yaqin bo'lgan musulmonlarning Halol taomi haqida bilmaysiz?, — dedim.

Shunda masʻul:
— Siz bizdan halol taom so'rayotgan birinchi musulmonsiz, — dedi.

Said Komil

P.s Salohiddin musulmon bo‘lsang axloqing, ilmsizliging sababli musulmonlarni yomon ko‘rsatishdan ehtiyot bo‘l. Sen sababli musulmonlarni ahvoli shu deb aytishmasin. 1.5 mlrlik ummatni sharmanda qilishga seni haqqing yo‘qligini unutma!

https://t.me/Behruzsblog Ochish/sharhlash