Aziz Rahimov

2021-02-02 08:48:41 ​​Bu o'yin qanday tugaydi?

Tasavvur qil men 100$ lik kupyurani auksionga qo'ymoqchiman. Narx 1$ dollardan boshlanadi.

Odatdagi auksion kabi eng baland narx bergan odam pulni oladi, faqat yana bitta sharti bor: sen ham taklif qilgan pulingni yutsang, yutmasang to'lashing kerak. Kelishdik-mi? Boshladik.

1$, 2$, 3$, takliflar narxi osha boshladi. 3$ga 100$ yutib olish imkoni! Zo'rku. Lekin hech kim to'xtash haqida o'ylamaydi, narx oshib boradi.

Taklif 99$ gacha yetib borsa ham o'yin to'xtamaydi. Chunki 98$ qilib turgan odam ichida o'ylaydi: "agar hozir 100$ taklif qilmasam tikkan pulimni yo'qotaman" va narxni 100$ ga olib chiqadi.

Endi 99$ taklif qilgan odam narxni 101$ ga olib chiqadi. Axir 99$ zarar qilgandan ko'ra, 2$ zarar qilgan yengilroq, narigi odam taslim bo'lsa bo'ldi. Endi foyda haqida gap yo'q.

Muammoning negizi - bu o'yin haqida oldindan chuqur o'ylab olmaslikda edi.

O'yin boshlanganda chuqur o'ylamay "-bo'laveradi, zo'r taklif" deb fikrlaysan, lekin sekin asta xatoni tushunib yetib "-Nima qilib qo'ydim?" deyishga o'tasan.

Hayotda juda ko'p insonlar yomon vaziyatlarga shunday qilib tushib qolishadi. Yosh xodim/tadbirkor hozir va kelajakdagi daromadini hisobga olmay, ishi uchun kredit yoki uyi uchun ipoteka oladi. Romantik yigit chiroyli, lekin qadriyatlari to'g'ri kelmaydigan qizga sevib uylanib oladi. Biroz o'tib esa ular qarzga botib ketganliklari va oilada baxtsizlikdan nolishadi.

Biror narsani boshlashdan avval, bu qanday tugashi mumkinligi haqida ham o'ylab ko'r. Oxirigacha. Ba'zida eng yaxshi qaror - umuman boshlamaslik qarori bo'ladi. Ochish/sharhlash

2021-02-01 08:47:44 ​​Men undan yaxshiroqman.

Sen o'z ustida ishlaydigan va doimo o'rganishdan qochmaydigan insonsan. Demak hali hayotingda shunday vaziyatlar bo'ladiki, atrofingdagi odamlar sen oddiy deb o'ylagan narsalarni tushunmaydigan, haqiqiy muvaffaqiyat va baxt nimada ekanligi bilmaydigan bo'lib ko'rinadi.

Ichingda ularni fikrlashi, hayot tarzi va qilayotgan ishlarini tanqid qilishni boshlaysan, seni darajang yuqoriroq ekanligi haqida o'ylaysan. Bu fikrlar o'zingga ham yoqmaydi aslida.

Atrofdagi insonlar haqida tanqidiy o'ylamoqchi ekansan, to'xta, shunchaki hayotda hamma ham sen ega bo'lgan imkoniyatlarga ega bo'lmaganini eslab ko'r (qo'llab quvvatlovchi ota-ona, moliyaviy kenglik, aqlli do'stlar, tug'ilgan joying).

Shunda ularni tushunishing osonlashadi. Tanqid qilging emas, yordam berging, bilganingni ulashging keladi.

Unutma, haqiqiy o'sish - boshqalarni o'stirishdan boshlanadi.

@azizrakhimov_blog Ochish/sharhlash

2021-01-31 10:56:35 Kambag'al va baxtsiz bo'lish uchun maslahatlar

Internet boy va omadli bo'lish haqidagi maslahatlarga to'lib yotibdi. Aslida muvaffaqiyatli va boy bo'lishning yo'llari juda juda ko'p. Lekin muvaffaqiyatsizlik formulasi oddiy:

Ishingni qo'l uchida bajar. Avval seni qadringga yetib, oyligingni oshirishsin, keyin chin dildan ishlashni boshlaysan.

Pul topishning ilm, hunar, biznes yo'lini emas, iloji boricha tezroq amalga oshadigan yo'llarini izla: onlayn-qimor, piramida, kriptovalyuta, tarmoqli marketing va hk.

Kitob o'qima. Bu botaniklar uchun. Sen shundoq ham hamma narsani bilasan.

O'zingdan aqlliroq, tajribasi balandroqlar bilan emas, yoshlikdagi jo'ralaring bilan o'rtoq bo'lib qolaver. Chunki birinchilar senga mikrofonni berishmaydi hali beri. Ikkinchilar bilan esa hamma gaping mos tushadi.

O'zingni doimo atrofdagilar bilan solishtir. Ulardan yaxshiroq yashayotganingni isbotlash uchun boringni sarfla. Axir "muvaffaqiyatli" ko'rinishni eplay olsang, rostdan ham erishishni nima keragi bor?

Foydali bloglarni o'qima, menikini ham. Uning o'rniga birovlarning qilgan sayohati, mingan mashinasi, qurgan imoratlarini tomosha qil va muhokamasiga o't.

P.S.
Yuqoridagi maslahatlarni bajarib turib ham ba'zilar boyib ketishlari mumkin, chunki rizq Allohdan, lekin baxtimiz o'z qo'limizda do'stim.

@azizrakhimov_blog Ochish/sharhlash

2021-01-30 05:54:17 Boshqalarga foydali bo'lish haqida

Odamlarga foydang tegar ekan, javobi topilmas savollar, stress, yolg'izlik, maqsadning yo'qligi qiynamay qo'yadi seni.

Xo'sh, foydali bo'lishing uchun birinchi qadamlar nimalardan iborat bo'lishi kerak?

1. Taniqli bo'l

Hamma ishlaringni ommaga olib chiq ya'ni odamlarga ko'rsat, (maxfiy savoblardan tashqari albatta).
Qancha ko'p odamlarga tanilsang, shuncha ko'p foydang tegadi.

2. Boy bo'l

Kasbing yoki tadbirkorliging orqali boyib borayotganing, odamlarga katta foydang tegayotganini belgisi.

Halol boyishga harakat qilar ekansan, sen odamlarga foydali bo'lishga intilyapsan demak.

Boyib olgach, pullaringni foydali ishlarga sarfla. Boy bo'lishing endi jamiyatga ikki barobar foydali.


3. Keskin va kuchli fikrlar bildir.

Keskin fikrlaring odamlar uchun foydali.

Qaror qabul qila olmayotgan va ikki o't orasida yurganlar seni fikringni eshitib qaror qabul qilishlari osonlashadi.

Fikringigga qo'shilmaydiganlar esa, bahslashish orqali o'z fikrlarini mustahkamlab olishadi.

Fikrlaringni bo'lish.


4. Qimmat bo'l.

Odamlar ko'proq pul to'lab sotib olgan kiyimlari va buyumlarini yaxshiroq asrashadi.

Seminar qancha qimmat bo'lsa, bilet sotib olganlarning kelish ehtimoli shuncha oshadi.

Biror tekin maslahatni pulga bersang, amal qilish imkoniyati oshadi. (mana nega treninglar rivojlanmoqda).

P.S.
Endi senga foydasi tegayotgan har qanday taniqli odamni bir eslab ko'r. Yuqoridagilarni barchasini bajarib kelyapti. Navbat senga.

Derek sivers intervyusidan ilhomlanib yozildi. Ochish/sharhlash

2021-01-29 07:41:48 ​​Xatolar

Insondagi har bir o'sish fikrlarning o'zgarishidan kelib chiqadi. Fikrlarini o'zgartira olmaydigan odam bir joyda qotib qolishga, tor fikrlashga, xato qilsa ham kibrlanib, tan olmaslikka mahkum.

Bugun men ba'zi maqolalarimdagi xatolarni tan olmoqchiman. Chunki orada vaqt o'tdi, ba'zi fikrlarim o'zgarib, yozganlarim noto'g'ri ekanligi tushunib yetdim.

Ko'proq ishlab topish yoki tejash barcha shaxsiy muammolarni ham pul bilan hal qilib bo'lmas ekan.

Biznes boshlash uchun sabab, o'z xohlaganini qilish ya'ni erkinroq bo'lish biznes boshlash uchun yaxshi sababligini o'ylab ko'rmagan ekanman.

Marketologlar haqida, ular mavjud, ba'zilari sohani biznes egasidan ham yaxshi tushunadi. Marketing haqida bir necha kitob o'qib xatoimni tushundim.

Yod, buxankaga alohida yod qo'shilishini tasdig'ini topa olmadim.

Institutni bitirishning shu vaqt orasida 3-foydasi ham borligini tushunib yetdim. O'z ustida ishlashga, mustaqil o'qishga o'rganish. Ochish/sharhlash

2021-01-28 08:29:59 Umid G'aybullayevning hayot hikoyasi.

Umid maktabda yaxshi o'qimadi. Nima qiladi yaxshi o'qib. Ayb o'qituvchilarda. Yaxshi bilim bera olishmaydi. Bitirishga yaqin o'qiyman deb o'ziga o'zi va'da berdi. Axir universitetga kirish kerak-ku. Hali vaqtim ko'p deb qo'yardi u.

Universitet(kollej)ga ham kirdi. Lekin o'qimadi. Nima qiladi o'qib. Axir bu bu fakultetga shu sohani yaxshi ko'rgani uchun emas, balki boshqa sabab(tanish borligi, masofa yaqinligi, ball pastligi) bilan kirgandi. O'zi umuman diplom bo'lsa bo'ldi-ku, naxotki kimdur o'qish uchun kelsa bu yerga?. Bitirib olsam, ana o'shanda ko'rsatib qo'yaman deb qo'yardi u. Vaqt bor-ku hali.

Bitirib oldi. Ishga ham joylashdi. Lekin yangi bitiruvchiga kim ham yaxshi ish berardi. Umidning ikkita orzusi bor. U yoki Amerikaga ketadi yoki o'z biznesini boshlaydi. Hozirgi ishi-chi? Bu ishi uni o'ziga yoqmaydi. U bundan yaxshiroq ishga loyiq. Shuning uchun nomiga bajaradi. O'z ustida ishlamaydi. Orzusidagi ishni topsa yoki o'zi biznes ochsa, ana o'shanda ishlashni ko'rsatib qo'yadi.

Yosh ham o'ttizga borib qoldi. Umidning endi yosh chaqalog'i va xotini bor. Endi u risk qila olmaydi. Nima qilaman risk qilib? Ana shunchasi yuribdiku - derdi u. Umidni ishi almashgandi, lekin u hali ham chin dildan ishlamasdi. Chunki oylik past. Bunga sabab - ochko'z boshliq albatta. Bitta yarimta tanishim ko'tarilib ketib, yoniga chaqirib olsa o'sha yerda ishlayman degan hayollar o'tardi. Vaqt borku hali.

-Bolalar tarbiyasi? Erkak kishining vazifasi pul topish. Tarbiyani ana xotinlar qilsin. Maktabdagi o'qituvchilar-chi? Mag'rur gapirib qo'yardi u. Biroq na birinchisini eplardi, na ikkinchisini. Hali hammasini yaxshi bo'lib ketadi. Chunki uning million dollarlik biznes g'oyasi bor. 6 yildan beri o'ylab keladi. Biron nima qildimi? Yo'q, u faqat o'ylaydi. Pishitib keladi. Kerakli muddatni kutadi. Hali vaqt bor.

Bo'ldi, Umid farzandlarini joyladi (uzatdi, uylantirdi). Endi astoydil ishlasa yoki o'zini ishini boshlasa bo'ladi. Shu paytgacha unga farzandlar xalaqit berayotgandek go'yo. Ertadan hammasi boshqacha bo'ladi, bomdodga turaman, sportni boshlayman, firmamni ochaman deb va'da berdi o'ziga.

Ertasi kuni, bomdodga ulgurishmadi-ku lekin peshinga chiqarishdi. Endi vaqt qolmagandi.

Xulosa:
O'rtacha harakatlar o'rtacha natijalarga olib boradi. Sen o'rtacha yashab ketish uchun kelmagansan do'stim. Musulmonlar hamma narsada eng oldinda bo'lishlari kerak. Vaqtingni behuda sarflama, o'z ustingda ishla, til o'rgan, doimo kitob o'qi, yaxshi do'stlar orttir va mana shu hikoyani boshqalarga aytib ber.

@azizrakhimov_blog Ochish/sharhlash

2021-01-27 06:33:57 90 yoshli odamdan 90 ta maslahat
davomi

-Odamlar sen haqingda qanday o'ylashlarini aytmasliklari mumkin, lekin buni doim ko'rsatadilar. Odamlarni o'qishga o'zingni o'rgat, ularning tana tili nima deb o'ylayotganini sotib qo'yadi baribir.

-Ishdan ketish orzuingni amalga oshirmaydi. Orzularni rejalashtirish, maqsadga aylantirish va progressga olib chiqish kerak. Bu hammasini ishlab turib qilsa ham bo'ladi.

-Odamlar senga o'zingga beradigan bahodan ko'ra yuqoriroq baho bermaydilar. Harakatlaring, so'zlaring, usuling seni o'zingga beradigan bahoni ko'rsatib qo'yadi. Senga qirol kabi muomula qilishlarini xohlayapsanmi? Avval o'zingni ham shunga yarasha tut.

-O'z ishining ustasi bo'lmaslik bu - oson hayot va behuda sarflanib kelayotgan vaqtning belgisidir. Bunday insonlar o'zlarini o'zlari tanqid qila olmaydilar, reallikdan uzoqlashib ketganlar va o'zlarini aslidan ko'ra yaxshiroq deb biladilar.

-Agar odamlar seni harakatlaringni va fikrlaringni oldinda aytib bera oladigan bo'lsalar, o'zlarini sendan baland tutishni boshlashadi. Nostandard fikrlashni o'rgan.

-Sokinlik bu kuch. O'zingni shu darajada tarbiya qilishing kerakki, odamlarning arzimagan gapi va harakatlari seni kayfiyatingga ta'sir qilmasligi kerak. Hissiyotlar aqlningni boshqarishiga yo'l qo'yma.

-Sport bilan shug'ullanib turadigan insonlar odatda yaxshiroq ovqatlanishni va yaxshiroq ishlashni boshlashadi. Ular oilada va ishxonada sabrliroq bo'lishni boshlashadi. Depressiyaga kamroq tushishadi. Bu shunchaki badantarbiya, yurish-yugurish yoki og'ir vaznlarni ko'tarish bo'lishi mumkin.

-Pessimist, bemaqsad, tartib va rejasiz yashovchi do'stlaringni senga bo'lgan ta'sirini oz deb o'ylama. Agar kimdur seni kuchliroq qilmayotgan bo'lsa, ular seni kuchsizroq qilmoqda. Yoki ulardan qochasan yoki hozirgi holatingda qolaverasan.

-Agar odamlar seni qarorlaringni boshqara olishligini bilib qolishsa bundan tinmay foydalanishni boshlashadi. Qarorlarni o'zing qabul qil

@azizrakhimov_blog Ochish/sharhlash

2021-01-25 21:53:01 2017 yili ingliz tili o'qituvchisi bo'lib ishlardim. O'sha paytlarda 90 yoshli kishining 90ta maslahati degan postni o'qib qolib evernotimga saqlab qo'ygandim. Qolgan maslahatlarni bir marta o'qib unutib yuborsamda, bularni har 3 oyda o'qib o'zimga eslatib turardim. 3 yil ichida juda ko'pini amalda tasdig'ini va ulkan foydasini ko'rdim. 

Bugun shu maslahatlardan eng saralarini sen bilan bo'lishmoqchiman.
https://telegra.ph/90-yoshli-odamdan-maslahatlar-01-25

Foydasi tegsa qolganini ham yozamiz. Bildirib qo'ysang bo'ldi Ochish/sharhlash

2021-01-24 19:41:11 ​​Dangasalikni qanday yo'qotsa bo'ladi?
Shu maqolani o'qib.

Eh sodda do'stim. Bilaman sen hayotingda katta o'zgarishlar qilmoqchisan. Lekin doim yoki motivatsiya yetishmaydi yoki dangasaliging halaqit beradi. Xo'sh dangasalikni qanday yo'qotsa bo'ladi?

Hech qanday.

Miyang, tanang, nafsing, shaytoning hammasi seni dangasa bo'lishingni, tinmay tik-tok, instagram, YouTube, befoyda yangiliklar ko'rishingni, har bitta yangi chiqqan o'yinni o'ynab ko'rishingni xohlaydi. Sen-chi? Shuncha dushmanga bitta maqolani o'qib kurasha olaman deb o'ylayabsan.

Nima qilasan kurashib. Qolaver shu holatingda. Atrofdagi hammani ayblab o'tiraver. Shuncha maqola ta'sir qilmagan bunisi ta'sir qilarmidi?

"Baribir o'lib ketamiz" gapi kimnidur harakatga undasa, seni harakatsizlikka undaydi. Har kuni yangi maqola chiqganda "-zo'r yozilibdi, yorvoribsiz, to'g'ri gap" deb qo'yasan, lekin amal qilish haqida ham hech o'ylab ko'rdingmi?

Xafa bo'lma, hali butun umring oldinda, yoki bo'laver, balki shunda ertadan bilganlaringga amal qilishni boshlarsan.

Xo'sh, endi
Seni o’rningda men nima qilgan bo'lardim?
1. Namozni boshlardim
2. Quyidagi postlarni boshidan o'qib chiqardim:
Men chekmayman
Tayyor bo'lishdan avval boshla
Beqarorlik
16 000$
Natijaga erishishning eng oson yo'li

P.S.
Agar sen o'qiganiga amal qiladigan 2% odamlar toifasiga kirsang, bu post sen uchun emas, o'qimasdan o'tkazib yubor Ochish/sharhlash

2021-01-23 21:54:04 ​​Ko'rpangga qarab oyoq uzat
Biror narsani sotib olishga puling yetish yetmasligi haqida

Daromading oshib borgani sari ichingda savol tug'ila boshlaydi: "Men qanday telefon, noutbuk tutishga, qanday mashina minishga loyiqman?", "Narxi necha pullik kiyimlarni kiyishim kerak o'zi?" degan.

Iqtisodni yaxshi tushunadiganlar o'z raqamlarini hisob-kitob qilib topishadi. Tushunmaydiganlar esa atrofga qaraydi. Do'sti tutayotgan telefonga, qo'shinisi minayotgan mashinaga.

Men biror bir xarid cho'ntagimga mosmi yo'qmi tekshirish uchun oson prinsip qo'llayman. Agar sotib olmoqchi bo'lgan narsamni ikki marta og'rinmay sotib ola olsam, demak bu mening hozirgi iqtisodiy holatimga mos xarid. Misol uchun 500$ lik smartfon olmoqchi bo'lsam, hayolimda narxini ikkiga ko'paytirib (1000$) shu pulni ishlata olish, olmasligimni o'ylab ko'raman. Bu asosan 100$ dan yuqoriroq xarajatlar uchun ishlatiladigan prinsip. (lekin daromadga qarab, kichikroq xarajatlarga moslasa ham bo'ladi)

Bu prinsipning foydalari ko'p: Tejamkorlikka, nafsni boshqarishga, xaridlarni o'ylab qilishga, soddaroq yashashga, qarzga kirib ketmaslikka yordam beradi.

"-Unda rosa pul ortib qoladi-ku" deyishing mumkin. Ha shunday. Ularni qayerga ishlatish haqida ham yozgandim.

@azizrakhimov_blog Ochish/sharhlash