2024-04-10 05:10:06
RAMAZON HAYITI MUBORAK
Bir oy o‘tdi uch kundek go‘yo,
Ibodatda nafsim oromda.
Fayzi oqshom tugadi ro‘yo,
Ramazon deb atalgan nomda.
Farishtadek nafsimiz poklab,
Yashadikmi? O‘lmadik sira!
Endi shu oy hurmatin oqlab,
Qolgan umr bo‘lsin bokira.
Yomon so‘zdan tiyilmoq kerak,
Yolg‘on so‘zdan saqlaylik tilni.
Hasad ila yonmasa yurak,
G‘azab ila kuydirma dilni.
G‘ofil qolma, bo‘l ibodatda,
Ilm o‘rgan, izlan, intil, bil.
Bardavom qil haq saodatda,
Solih bo‘lsin har qizu o‘g‘il.
Oyga boqib sog‘inaman tez,
Osmon qadar yetgan rahmatni.
Nafsimizni qilolsak parhez,
Hayot topar baxt-saodatni.
Mana bugun boshlanar bayram,
Duolardan tolmasin bilak.
Intiq bo‘lib kutilgan shu dam,
Iydul Fitr bo‘lsin muborak!
Hamid IKROM
@AttestatUz - Kasbiy yuksalishni istovchilar uchun!
15.4K views02:10