Асланов билан футбол

2022-09-01 11:26:55 Ҳоланднинг «Манчестер Сити» ўйинидаги анормаллик кишини ҳайратга солади.

Трансфер содир бўлганида, ҳужумчининг Гвардиола системасида, айниқса, қисқа ва ўртача паслар билан ўйнашда муаммоларга дуч келиши мумкинлиги хавотирга солганди.

Ҳозирча, бунга эҳтиёж ҳам йўқлиги намоён бўлмоқда. Пеп унга майдонда шундай рол топдики, ҳужумчи деярли футбол «ўйнамай» туриб, ўзининг энг устун жиҳатлари билан натижага хисса қўшмоқда.

Қаранг, ўтган 5 ўйинда Ҳоланд атиги 48 маротаба аниқ пас узатган. Бунинг 21 таси дастлабки турда ва 6 таси майдон марказидан тўпни ўйинга киритиш чоғида бўлганини эътиборга олсак, кейинги 4 ўйинда - 21 пас, ўртача бир ўйинга 5.25 дан (масалан, Ҳарри Кейнда 22, Ҳоланднинг ўзи Дортмунддаги сўнгги мавсумида, 13.6) тўғри келади. Гвардиола жамоасида!

Шу билан бирга Ҳоланд 5 ўйинда 9 гол урди ва 1 ассистни амалга оширди. 9 голдан 5 таси дарвозабон майдонидан, 1 таси пенальтидан. 2 таси 4-5 метр масофадан зарба бериб амалга оширилган.

Бир журналист айтганидек, гўёки вазият яратишда дунёнинг энг зўр жамоаси вазиятлардан фойдаланишда дунёнинг энг зўр ҳужумчиси билан бирлашди. Қўрқинчли, тўғрими?

Демак, Ҳоланд очиқ зоналарда, кенг худудда, қарши ҳужумларда топ даражада ўзини намоён қилган бўлса-да, Гвардиола учун муҳим эмас - жарима майдони ичида, керакли пайтда керакли вазиятни ҳис қила оласизми, Пеп тизими сизни катта бомбардирга айлантира олади.
«Сен футбол ўйнашдан воз кечиб, менинг айтганимни қиласан, мен сени рекордсменга айлантираман» - ажойиб таклиф.

Яна бир фикр, эсингизда бўлса, Криштиану Роналду ўтган йили «Манчестер Сити»га ўтмоқчи бўлганда, кўпчилик Пеп-Роналду жуфтлиги у қадар самарали бўлмаслигини тахмин қилганди. Ҳоланднинг Пеп тизимидаги бугунги ролидан келиб чиқсак, айнан роналдубоп вазифа. Жарима майдони ичида тўпни қабул қилиб, голга айлантириш бўйича, Ҳоланддан кам бўлмаган қайси ҳужумчини биласиз? Топдингиз...

@aslanov_futbol Ochish/sharhlash

2022-08-30 11:15:09 АПЛ да биринчи истеъфо - "Борнмут" мураббийи Скотт Паркер бўшатилди.

Сўнгги натижалар жуда ёмон, лекин баҳо беришда тақвимни ҳам ҳисобга олиш керак. Масалан, ўтган мавсумни "Арсенал" қаторасига уч мағлубият билан бошлаган. Лекин у ерда фақат "Брентфорд" кучсизроқ, қолган икки рақиб "Манчестер Сити" ва "Челси" бўлган.

"Борнтмут" дастлабки 4 турда "Астон Вилла", "Арсенал", "Манчестер Сити" ва "Ливерпуль" билан ўйнади. Агар бошида шу 4 ўйиндан "Борнмут" 3 очко олади, дейилса, клуб раҳбарлари ҳам, мураббий ҳам рози бўларди-ку, менимча.

Тўғри, ҳисоблар ўта йирик - уч топ клуб билан ўйинда умумий тўплар нисбати - 0:16. Энди эса, нисбатан осонроқ тақвим бошланади, жамоа икки ой умуман топ-6 даги жамоаларга қарши тўп сурмайди. Янги мураббий учун қулай, вазиятни ўнглаш осон. Балким шу оддийроқ жамоаларга қарши ўйинларда ҳам Паркерга имконият бериш ва вазиятни қандай ўнглашига қараб, кейин қарор қабул қилиш керакмиди?...

Ахир Паркер бир уринишда "Борнмут"ни тўғридан тўғри АПЛга олиб чиққан.

@aslanov_futbol Ochish/sharhlash

2022-08-29 18:29:45 “Аякс”нинг бразилиялик ҳужумчиси Антони “Манчестер Юнайтед”га қарийб 100 миллион еврога ўтиши деярли аниқ бўлди. Футболчининг талантига шубҳа қилмаган ҳолда, барибир бунча пул кўп эканини айтаётганлар кўп. Албатта, қўшилиш мумкин. Аммо футболчи 1) “МЮ” учун зарур позиция – ўнг қанот ҳужумчиси 2) Эрик Тен Хаг билан ажойиб муносабатлар ва 3) ёш экани билан ушбу сумманинг ортиқча қисмини оқлаш мумкин.

Айниқса, Антонининг ёш экани муҳим аҳамият касб этади. Бу қадар ҳайрон қоларли бўлмаган Каземиронинг 70 миллионлик трансфери ва Антонининг 100 миллионлик нархи трансфери мисолида оддий тушунтираман.

Каземиро 30 ёшда ва 4 йилдан сўнг, яъни шартнома муддати тугаётган пайтда 34 ёшга киради. Бу ёшдаги футболчини бирор суммага сотиш қийин, катта эҳтимол билан эркин агентга айланиб, футболни тарк этиши мумкин. Бу дегани, ҳозир Каземирога сарфланган 70 миллион евро ва плюс тўрт йил давомида тўланадиган маош – тўлиқ Каземиронинг фаолияти учун ҳаражат, тўғрими? Бу тахминан 70+48 =118 миллионни ташкил қилади.

Энди Антони. У 22 ёшда ва шартнома муддати тугаётган пайтда, яъни тўрт йил ўтиб, 26 ёшда бўлади. Бу ёшдаги футболчини маълум суммага сотиш мумкин. Агар Антони ростан ҳам суперюлдуз бўлиб етишса, олинаётган нархига ёки кўпроғига кетади. У ҳолда у учун қилинган ҳаражат фақат тўланган маошлар бўлиб қолиб, Каземиродан бир неча баробар арзонга тушади.

Агар 4 йил ўтиб, “Манчестер Юнайтед” Антони билан янги шартнома тузадиган бўлса, қайсидир маънода яна бир трансферга айланади. Яъни, “Юнайтед” деярли текинга, ҳеч қайси клубга пул тўламасдан, яна 4 йил тўп суриши мумкин бўлган юлдуз футболчини қўлга киритаётган бўлади. Бошқача қилиб айтганда, ёш футболчини олдинда иккита цикл (4+4) кутиб турганини эътиборга олсак, унга тўланадиган трансфер суммаси иккита трансфер учун деб ҳам ҳисоблаш мумкин.

Энди мабодо, Антони “Юнайтед”да яхши ўйин кўрсата олмай, ишончни оқлай олмаса, барибир футболчи истеъдодли экани кўриниб турибди, бу “скиллар” билан кучсизроқ клубга ёки бошқа лигага яхши нархга сотиш мумкин. Айтайлик, бозорда ўшандай даражадаги 25-26 футболчилар 40-50 (Ришарлисон) бўлса, ўз-ўзидан клуб ҳозир тўланаётган сумманинг ярмини чиқариб олади. Эсингизда бўлса, Мемфис Депай уч йил Манчестерда ўйнай олмагач, олинган нархнинг ярмига “Лион”га сотиб юборилганди. Бундай мисоллар кўп.

Хуллас, Антони каби талантли футболчининг Англияда тўп суриши фақат ютуқ. Унга тўланаётган пул барибир бизники эмас ва агар бу сумма футболчининг ўзига қандайдир босим юкланмаса, зарари йўқ.

@aslanov_futbol Ochish/sharhlash

2022-08-26 15:02:56 Ўзи шундоғам каналда "Манчестер Юнайтед" ҳақида кўп ёзасиз, деб эътироз қилишади - шунинг учун Европа Лигаси қуръаси ҳақида ёзмайман :) Ochish/sharhlash

2022-08-25 20:29:39 Яна қуръага қараб нималар дейиш мумкин?
а) «Ливерпуль»га осон бўлмайди, анча югурадиган жамоалар тушибди в) «Порту» ва «Байер» иккинчи йўлланмани талашса керак с) Левандовски «Бавария»га қарши ва бечора «Интер» e) «Милан» ва «Челси» - классика f) «Реал» яна «Шахтёр» билан, аммо асосий ўйинлар немислар билан бўлса керак g) Ҳоланд «Дортмунд»га қарши h) Ди Мария собиқ клубига қарши ва Парадесни энди парижликлар «Ювентус»га сотмаса керак.

@aslanov_futbol Ochish/sharhlash

2022-08-25 20:21:13 Агар Роналду ростанам «Спортинг»га ўтишга тайёр бўлса, мана бу қуръадан кейин фикри қатъийлашиши шубҳасиз.

Сабаби, у доим ЕЧЛ, ЕЧЛ, деб жамоа ахтарганини сабабини биламиз - Роналду ушбу турнир тўпурари ҳисобланади ва агар Месси етиб олмаса, яна узоқ йиллар тарихда қолиши аниқ. Мессида голлар сони 15 тага кам.

Бир мавсумда ЕЧЛда 15 гол уриш қийин, лекин билиб бўладими, Роналду ҳеч бўлмаса, 3-4 та уриб, фарқни ошириб қўйиши керак.

«Спортинг» нисбатан осон гуруҳга тушди - «Айнтрахт» ва «Марсель»га голлар уриши ва ҳатто гуруҳдан чиқиш учун курашиши ҳам мумкин, тўғрими?

@aslanov_futbol Ochish/sharhlash

2022-08-25 19:13:50 Ўзига яраша ишончлироқ бўлган манба Роналдунинг «Спортинг»га ўтиши деярли аниқ, деб ёзмоқда.

@aslanov_futbol Ochish/sharhlash

2022-08-24 15:27:29 Эсингизда бўлса, "Брентфорд" билан ўйиндан (0:4) кейиндан кейин, "МЮ" футболчилари рақибдан 13.8 км кам югуришгани маълум бўлгач, Эрик тен Хаг уларни эртасига, дам олиш куни чақириб, шунча масофага югуртиргани ҳақида хабарлар чиққанди.

Маълум бўлишича, ўша куни мураббийнинг ўзи ҳам футболчилар билан бирга шу масофага югурган. Бу билан у мағлубиятда шогирдлари билан қўшилиб, ўзи ҳам айбдор эканини ва жазога лойиқ эканини намойиш қилган.

Манбанинг айтишича, бу ҳаракат аксарият футболчиларга ижобий таъсир қилган. Агар фақат футболчилар жазоланганда, тескари таъсир бўлиши ҳам мумкин эди.

@aslanov_futbol Ochish/sharhlash

2022-08-23 19:01:20 Chinakam futbol muxlislari uchun o'zgacha atmosfera, yolg'on xabarlardan yiroq, top o'yinlardan oldin va keyin kamyob faktlar-u qiziqarli statistikalar, eksklyuziv intervyular hamda matbuot anjumanlaridan parchalar berib boradigan maxsus sahifa.

Biz sizga @stadium_live kanalini tavsiya qilamiz

https://t.me/+whniRj2ZFmJhOWJh

Reklama Ochish/sharhlash

2022-08-23 00:15:33 Эрик тен Хаг ўз услуби ва фалсафасига эга, аммо шу билан бирга анча мослашувчан эканини ҳам намойиш қилди бугун.

Масалан, бутун ёз майда паслар билан ҳимоядан чиқишни шуғулланиб, «Брентфорд»даги хатолар ва «Ливерпуль» прессингда кучли эканини инобатга олиб, вақтинча воз кечди. Де Хеа бирор марта ҳам тўпни ўйинга ҳимоячилар орқали киритмади. Фақат олдинга тепиб юбораверди.

Ёки эсингизда бўлса, фуллбеклар - Далот ва Маласия марказга ўтиб тўп билан ҳаракат қилишни синаб кўришаётганди. Лекин ҳали хом ва анча мураккаб тизим балким машғулотларда синалаётган бўлса-да, АПЛ ўйинларида ишлатилмади.

Афтидан, мураббий янги лигага кўникмоқда ва блокнотини аста секинлик билан, натижага путур етказмаган ҳолда майдонга кўчиради.

(расм фақат 1-таймдан)

@aslanov_futbol Ochish/sharhlash