Asimtota📡 (БЛОГ)

2021-01-28 11:16:16 Алимовнинг мана бу видеопостидан сўнг олдинроқ ўқиган бир маълумот ёдимга тушди.
Сизларга ҳам илиндим.

Нима учун жисмоний машқлар нафақат танангизга, балки миянгизга ҳам керак

1. Миянинг фаоллиги ошади
Тадқиқотчилар аэробика машқлари мия тўлқинларининг амплитудаси ва частотасининг ўзгаришига сабаб бўлишини аниқладилар. Кўпроқ бета-тўлқинлар пайдо бўлади, демак, одам шу дақиқада кўпроқ диққатли ва эътиборлироқ бўлади.

2. Мия маълумотни яхшироқ қабул қилади
Спорт тафсилотларга кўпроқ эътибор қаратишга ва концентрацияни йўқотмасликга ёрдам беради. Фаол одам фон шовқинига чалғимасдан, вазифани яхшироқ бажаради, шунингдек пайдо бўлган муаммоларни дарҳол сезиши ва уларга муносабат билдириши мумкин.

3. Мия функциялари мувозанати сақланиб қолинади
Жисмоний машқлар пайтида мия глюкоза ёки бошқа углеводларни парчалайди. Олимлар ушбу ёқилғининг бир қисми асаб тизимидаги импульсларни узатувчи нейромедиатор ёки нейротрансмиттерлар, кимёвий моддалар яратиш учун ишлатилишини аниқладилар.

@asimtota Ochish/sharhlash

2021-01-24 14:41:17 ​1964 йил 20 октябрда Калифория штатида дунёга келган қизалоққа Камала деб исм қўйишди. Камаланинг ота-онаси Британия колонияларидаги мамлакатлардан келган муҳожирлар эди: отаси ямайкалик Доналд Ҳаррис ва онаси ҳиндистонлик Шамала Гопалан.

Доналд Жаспер Ҳаррис иқтисодчи, Шамала Гопалан эса эндокринология йўналишида фаолият олиб борган. Камала ва унинг синглиси Мая ёшлигидан сифатли таълим олишган. Бугун яхши таълим ва кучли ақл билан буюк давлатнинг энг юксак лавозимларидан бирига эришди.

Ахир бу Америка дейишга шошилманг! Ҳаётда сифатли таълим ва доимо ҳаракатда бўлишлик инсонни шахс сифатида шакллантиради ҳамда халқ орасида қадрини оширади. Қаерда ва қандай шароитида бўлишдан қатъи назар илм олишдан тўхтаманг. Фақатгина илм орқали америкалик муҳожирдан АҚШ вице-президентига айланиш, уйининг гаражида буюк компанияга асос солиш, камида яхши дорамад қиладиган ўз соҳасининг энг зўр мутахассиси бўлиш мумкин.


@Asimtota Ochish/sharhlash

2021-01-22 09:27:48 Биз шунчаки ғояларимизни ёпишиб қолиш-қолмаслигини кўриш учун деворга қараб отамиз. Биз иш берадими ёки йўқ, шуни кўриш учун турли хил ғояларни синаб кўрамиз.

Тони Шей: Бахт етказиш. Миллиард долларлик интернет дўкон тарихи

Telegram: @asimtota Ochish/sharhlash

2021-01-22 09:21:29 Давлат ва фуқаро ўртасида ижтимоий консенсус

Ижтимоий консенсус деган тушунча бор. Келинг шуни содда, тўпори тилда тушунтирай. Сиз тиш докторига бордингиз, пулини тўладингиз ва стоматолог сизга тишизни даволаб берди. Бу ўртадаги келишув билан тартибга солинмоқда. Соққани бер, хизмат кўрсатилади. Давлат ва фуқаро деган икки тараф ҳам ўртадаги муносабатларни шундай келишув билан тартибга солади. Фуқаро тиши оғриган одам, давлат - стоматолог.

Фуқаро солиқ тўлайди, қонунларга риоя этади. Солиқ бу - стоматолог (давлат)га тўлов. Стоматолог даволагандек, давлат ҳам ўз ўрнида керакли ишларни бажаради: ижтимоий ҳимоя (пенсия, стипендия ва ҳо), таълим, соғлиқни сақлаш, хавфсизлик, адолатни ўрнатиш (суд, прокуратура, ИИВ тергов), йўл ва кўприклар қуриш, мулк дахлсизлигини таъминлаш ва ҳо. Булар - стоматологнинг даволашидек сервисга ўхшайди. Мана шу келишув ҳуқуқ тилида - ижтимоий консенсус дейилади.

Бу келишувда шартлар бузилмаслигига жиддий эътибор бериш керак. Пенсия, стипендиялар пастлиги, талабаларга ётоқхоналар йўқлиги, 2 ёшгача бола пуллари берилмаслиги, йўллар "илма-тешик"лиги, коррупция юқорилиги каби симптомлар консенсус шартларини давлат бузаётганлиги белгисидир. Сўнгги вақтларда давлат амалдорлигига соққа қилиш учун келганлар айниқса бу келишувни умуман тушунмайди, бунга ақли ҳам етмайди.

Шартларга риоя қилишни талаб қилиш эса аввало фуқаролар вазифаси. Қачонки иккинчи тарафдан бузмаслик талабини қўймас экансиз, у ялло қилиб юраверади! Ҳуқуқ бу ҳуқуқи бузилган тараф ташаббуси билан тикланади. Бошқача йўл йўқ!

@asimtota Ochish/sharhlash

2021-01-21 08:23:41 АҚШнинг янги 46-президенти қасамёд қилди. Иннаугурациядан сўнг Жо Байденнинг биринчи муддати расман бошланди Ochish/sharhlash

2021-01-20 14:42:17 Жек Ма пайдо бўлиши билан Alibaba акциялари кўтарилди

Чоршанба куни Гонконгда бўлиб ўтган биржа савдоларида Хитойнинг йирик технологик компанияларидан бири - Alibaba'нинг акциялари кўтарилди. Бу компания раҳбари Жек Манинг маълум вақтдан сўнг яна жамоатчиликка кўриниш бериши билан содир бўлди.

Ижтимоий тармоқларда Жек Манинг хайрия жамғармаси ҳақида қишлоқ ўқитувчиларига мурожаат қилган видеоролиги пайдо бўлгач, компания акциялари қиймати 5 фоиздан ошди.

Гонконгда рўйхатга олинган бошқа Хитой технологик компаниялар акцияларининг ҳам қиймати ошди. Tencent 3,13 фоизга ўсди, Meituan акциялари 6, Hang Seng Tech индекси 3,64 фоизга кўтарилди.

Манба: cnbc.com

@asimtota Ochish/sharhlash

2021-01-19 17:10:09 - Humo арена, “Humo” хоккей клуби, Humo карта, Humo Air - буларнинг барчаси кимга тегишли?

- Ҳумо қуши кимники бўлса, ўшанга тегишли.

- Ҳумо қуши кимники?

- Ўзбекистон гербиники.

- Герб кимники?

- Давлатники.

- Давлат ки...

- Сиёсатга аралашма!

@asimtota Ochish/sharhlash

2021-01-18 15:20:10 Yangi O’zbekiston yangiliklari:

Chimboy tumanida o’quvchilar eshak minib maktabga qatnamoqda.

Shu tumanga hokim bo’lgan Aybek Tajetdinov hokim bo’lganidan 1 oy o’tib Equinox xarid qilgan.

Yangi O’zbekistonda bolalar eshak minadi, eshaklar esa Equinox minadi..

@asimtota Ochish/sharhlash

2021-01-13 13:29:41 Айрим сиёсатшунослар ХХI аср охирига келиб ер юзида ҳозирги мамлакатлар қолмаслигини айтишади. Уларнинг фикрига кўра, глобализация натижасида давлатлар ўз аҳамиятини йўқотиб келажакни катта корпорациялар назорати остидаги йирик мегаполислар бошқаради. Яъни йилдан йилга ҳукуматлар таъсири пасайиб, уларнинг ўрнини катта корпорациялар эгаллаб бошлайди. Келажакда ҳам ўнлаб миллион одамлар яшайдиган гигант шаҳарлар ўзаро рақобат қилишади. Масалан, Жанубий Корея ёки Япония мамлакатлари эмас, корпорациялар назорати остидаги Сеул ва Токио шаҳарлари ўзаро рақобатлашиши мумкин.

Бу содир бўладими ёки йўқми, аср охиригача яшаган одамлар кўради. Лекин, бир нарса аниқки, 2020 йил тарихда корпорациялар ва давлат бир-бирига қарши келган йил сифатида қолади. 2020 йилда хусусий компаниялар давлат ўрнига ракета учириб бошлади. Маскнинг бошқа компанияси глобал интернет лойиҳасини синовдан ўтказмоқда.

АҚШда гигант IT компанияларнинг Трампга қарши қилган жанги, уларнинг ғалабаси билан тугади дейиш мумкин. Энди кейинги сайловларда хоҳлаган номзод ижтимоий тармоқлар ва IT компаниялар билан ҳисоблашишга мажбур. Номзодлар ҳатто уларнинг сиёсатига мос гапиришга мажбур бўлишади.

Павел Дуров ва Россия ҳукумати муносабатлари, Жек Ма ва Хитой ҳукумати муносабатлари, АҚШдаги воқеалар давлат ва корпорациялар тўқнашувини кўрсатиб бермоқда. Аср охирида биз Россия ва АҚШ ўртасидаги ўзаро рақобатни эмас, аксинча WhatsApp ва Телеграм ўртасидаги рақобатга ўхшаган корпорациялар тўқнашувини кўришимиз мумкин.

Буларни ҳаммасини вақт кўрсатади, албатта.

allaevuzb

@asimtota Ochish/sharhlash

2021-01-09 12:59:05 ​Хитой 2020 йилда коронавирусга қарши курашда фойдали
- 200 миллиард дона ҳимоя маскалари
- 2 миллиард дона ҳимоя костюмлари
- 800 миллион дона тест

ва бошка маҳсулотларни экспорт қилган.

Тиббий маҳсулотлар экспортидан мамлакат даромади 100 миллиард долларни ташкил қилган.

Кўплаб учинчи дунё мамлакатлар аҳолисига оддий газ ва электр энергияси етказиб берилмаётган пайтда, Хитой иқтисодиёти инқирозга мослашиб, янада кучли бўлиб чиқди.

@​Хитой 2020 йилда коронавирусга қарши курашда фойдали
- 200 миллиард дона ҳимоя маскалари
- 2 миллиард дона ҳимоя костюмлари
- 800 миллион дона тест

ва бошка маҳсулотларни экспорт қилган.

Тиббий маҳсулотлар экспортидан мамлакат даромади 100 миллиард долларни ташкил қилган.

Кўплаб учинчи дунё мамлакатлар аҳолисига оддий газ ва электр энергияси етказиб берилмаётган пайтда, Хитой иқтисодиёти инқирозга мослашиб, янада кучли бўлиб чиқди.

allaevuzb

@asimtota Ochish/sharhlash