arabic.uz (hikmatlar)

2022-01-06 06:00:59 9220. Аҳлоқ илми дори кабидир. Қолган илмларнинг ўрни бўлса, ғизо, озуқа кабидир. Беморга озуқа дорини қабул қилгандан кейингина таъсир этади.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-05 18:01:08 9219.
– Ким илм истаса, Аллоҳга тақво қилсин: “Аллоҳга тақво қилинг. Ва Аллоҳ сизга илм беради.”, Бақара сураси, 282-оят.
– Ким мушкули енгил бўлишини истаса, Аллоҳга тақво қилсин: “Ким Аллоҳга тақво қилса, У зот унинг ишида осонлик қилиб берадир”, Талоқ сураси, 4-оят.
– Ким Аллоҳнинг дўсти бўлишни истаса, Аллоҳга тақво қилсин: “Огоҳ бўлингким, Аллоҳнинг дўстларига хавф йўқдир ва улар хафа ҳам бўлмаслар. Улар иймон келтирганлар ва тақво қилганлардир”, Юнус сураси, 62-63- оятлар.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-05 12:00:22 9218. Имоми Аъзам Абу Ҳанифа раҳимаҳуллоҳ ҳақларида
Ислом имомларинг таърифлари, мадҳлари
– Муҳаддислар шайхи имом Али ибн Осим деди: “Абу Ҳанифанинг илмини ўша замони аҳлининг илми билан солиштириб тортиб кўрилса, унинг илми оғир келади”.
– Зоҳид имом Бишр Ҳофий деди: “Абу Ҳанифага жоҳил ёки ҳасадчигина рози бўлмайди”.
– Кўфа қозиси ва муҳаддиси Ҳафс ибн Ғиёс деди: “Абу Ҳанифанинг сўзи шеърдан ҳам дақиқроқдир. Уни фақат жоҳил, билимсизгина айблайди”.
– Муҳаддис имом Абдуллоҳ ибн Муборак деди: “Агар Аллоҳ менга Абу Ҳанифа ва Суфёни Саврийларнинг даврида бўлишни насиб этганда эди, мен (уларнинг илми ва амали олдида гўёки) бидъатчи бўлардим”.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-05 06:01:19 9217. Имом Шинқитий ўғлига насиҳат қилиб деди: “Сен учун бўлган нарса заифлигингга қарамай сенга келади. Сеники бўлмаган нарсага қувватинг билан асло эриша олмайсан. Аллоҳдан ўзга ҳеч ким Камол сифати билан ўзгадан ажралиб турмайди. Шундай экан, бошқаларнинг айбларини кавлашдан тўхта. Онг ва билим ақллардадир, умрларда эмас. Умрлар ўтган кунларингни ададлари холос. Ақллар бўлса, тушунчанг, фаҳминг ва ҳаётингдаги билганларингни ҳосилидир. Бошқалар билан сўзлашишларингда мулойим бўлгин. Барча инсонлар ҳаётда ўзига яраша қийинчилик ва аламларни бошдан ўтказадилар, сен буни билмайсан. Ҳаётда барча нарсани агар иккига бўлсанг камаяди, озади. Фақатгина саодат, бахтиёрлик ундай эмас. Сабаби, уни тақсимлаганинг, бошқа билан баҳам кўрганинг сайин ортади, зиёдалашади”.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-04 18:04:57 9216. Хотиржамлик кунларингдаги Аллоҳга тасбеҳинг машаққатли кунларингда манфаат беради. Аллоҳ таоло Юнус алайҳиссалом ҳақларида: “Агар у кўп тасбиҳ айтгувчилардан бўлмаганида эди. Унинг қорнида қайта тирилтирадиган кунгача қолиб кетар эди”. (Ас- Саффот сураси, 143-144 оятлар).
Шиддат ва машаққат кунларингни омонлик билан таъминлаш учун бугун заҳирангни тасбеҳ билан кўпайтиргин.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-04 12:01:09 9215. Ота насиҳати
Шайх Шинқитий ўғлига деди: “Уламолар билан ақлингга кўра, амирлар билан илмингга кўра суҳбатдош бўл.
Дўстларинг билан одобинг билан, оиланг билан эса меҳринг билан, аҳмоқлар билан ҳилмингга кўра ҳамсуҳбат бўлгин.
Роббинг билан зикринг ила ҳамсуҳбат бўл, нафсинг билан бўлса насиҳатинг ила суҳбатдош бўл. Гарчи меҳрибонлигинг учун ер юзида сени тақдирлайдиган, қадрлайдиган ҳеч ким бўлмаса хафа бўлма. Билгинки, самоларда сени муборакбод этувчилар бор. Ҳаётимиз худди гуллар кабидир. Гўзаллиги, чиройи билан бизни бахтиёр этса, тиканлари билан баъзан аламлантиради”.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-04 06:02:01 9214. Икки дўст орасида узоқ давом этган дўстлик алоқаси уларнинг бири иккинчисидан ёқтирмаган бирон хислат кўрмаганини англатмайди. Балки бу ҳол у иккисидаги ўзаро улкан ҳурмат ва қалб поклигини англатади ва бу муносабат ҳеч қачон бошқа нарсаларга таъсир ўтказмайди.

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-03 18:00:29 9213. Одамлар 2021 йил якунини интизорлик билан кутишяпти. (Йилнинг охирги кунини янги йил байрами қилиб нишонлашади, кейинги йилга ўтиш санаси, дақиқаларини уйларда жамланиб, дастурхон тузаб кутишади, бир-бирларини табриклашади).

Улар Набий соллаллоҳу алайҳи васалламнинг ушбу ҳадисларини унутишгандай гўё: «Сизларга бирор замон келмайдики, кейингиси ундан ёмонроқ бўлмаса».

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-03 12:01:39 9212. Тавфиқнинг тўсилиши, бефойда бедорликлар, гуноҳ устида уйқуга ётиш, қуёш кўтарилганидан сўнг кеч уйғониш маъсият ва гуноҳлар учун жазодир. Шундан кейин бу кимса кунни худди бўйинга осилган кишанлар каби мушкулот ва муаммоларга тўла ҳолда қаршилайди.
Аллоҳим, худди (дўл ва ёмғир суви) оқ кийимдан кирни ва доғни кетказгани каби биздан гуноҳларимизни поклагин, тозалагин!

@arabicuz

Telegram | Instagram | Facebook | Twitter | Tiktok | Youtube Ochish/sharhlash

2022-01-03 06:01:02 9211. Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам шундай дедилар: «Жоним қўлида бўлган Зотга қасамки, агар гуноҳ қилмаганларингизда Аллоҳ сизларни кетказиб, (ўрнингизга) бошқа бир қавмни келтирар, улар гуноҳ қилиб, Аллоҳдан мағфират сўрашар ва У Зот уларни мағфират қилган бўлар эди».

Имом Муслим ривояти.

Изоҳ: Инсон ҳеч гуноҳ қилмаса кибрланиб кетиши, гуноҳ қилмаябманку, деб Аллоҳга кечиришини сўрамай қўймасин учун инсонни хато содир этадиган қилиб яратди. Хато қилсинда, кейин Роббисидан кечиришини сўрасин.
Бандадан гуноҳ содир бўлмаслиги иложсиз нарса. Фақат пайғамбарларгина гуноҳдан пок бўладилар. Банда хоҳласа ҳам, хоҳламаса ҳам гуноҳ ичида бўлади. Бу хусусда бандаларнинг яхшиси, ўша гуноҳларни тарк қилишга қаттиқ тиришиб, тавбада бардавом бўлувчисидир. Бу дегани билиб туриб гуноҳни содир этиб, яна тавбани қилавериш дегани эмас.
Банда модомики, ҳаёт экан олдинги гуноҳларига тавба қилиши вожибдир. Аллоҳ таоло Қуръонда амр қилади: "Барчангиз Аллоҳга тавба қилинг, ҳой мўминлар. Шоядки шунда нажот топсангиз…" (Нур сураси, 31-оят).
Аммо бир инсон, мен ҳеч гуноҳ қилмайман, тавба қилиб ялинмасам ҳам бўлаверади деса, демак у энг катта хатони қилган ҳисобланади. Гуноҳ қилмайман, менинг гуноҳим йўқ, деб даъво қилувчилар ҳам учраб туради.
Аллоҳ таоло барчамизни кўп тавба қилиб, истиғфор айтувчилардан қилсин!

@arabicuz

Telegram | Instagram | Facebook | Twitter | Tiktok | Youtube Ochish/sharhlash