2023-03-24 08:24:51
Янгиланаётган Конституция- бизнинг келажагимиз
Янги Ўзбекистоннинг тараққиётини таъминлашга хизмат қилувчи Бош Қомусимизни янада такомиллаштириш, инсон қадрини улуғлашдек эзгу ниятни унда мустаҳкамлаб қўйиш мақсадида Ўзбекистон Республикаси Конституциясига таклиф бериш ва уни ҳаётимиз талабларидан келиб чиққан ҳолда янада такомиллаштириш масаласи илгари сурилди. Айни шу масалада жамоатчилик томонидан берилган таклифлар Конституциявий комиссия аъзолари томонидан ўрганиб чиқилди.
Қонун лойиҳасининг ҳар бир моддаси халқчил тарзда халқимиз билан маслаҳатлашган ҳолда такомиллаштирилди. Биринчи устувор йўналиш сифатида инсон, унинг ҳаёти, эркинлиги, қадр-қимматини улуғлаш, дахлсиз ҳуқуқлари ва манфаатларини ҳимоя қилишни мустаҳкамлаб қўйиш лозимлиги кўрсатиб ўтилди.
Кейинги йилларда аҳолини ҳар томонлама ижтимоий қўллаб-қувватлаш Ўзбекистон сиёсатининг бош мақсадига айланди. Давлатимиз раҳбари ушбу ислоҳотларни изчил давом эттириш мақсадида иккинчи устувор йўналиш сифатида «Ўзбекистон – ижтимоий давлат» деган ғояни мустаҳкамлаб қўйишни таклиф қилди. Бу инсон қадрига бўлган яна бир эътибор демакдир.
Юқоридагиларнинг тасдиғи сифатида бу йилги референдум бюллетенида «Сиз Ўзбекистон Республикаси Конституцияси тўғрисидаги Ўзбекистон Республикаси конституциявий қонунини қабул қиласизми?» деб ёзилади. Бунга ҳар бир фуқаро фаол муносабат билдириши шубҳасиз. Чунки Конституция бизники, барчамизники.
Фотима Сиддиқова,
“Адолат” СДП Қўрғонтепа туман кенгаши раиси.
5 viewsНазаров Акбаржон, 05:24