2022-01-25 08:55:00
2023-yil 1-yanvardan boshlab ayrim o‘qituvchilarning oylik maoshlari keskin oshirilishi mumkin.
“2022-2026-yillarda Xalq taʼlimi tizimini rivojlantirishning Milliy dasturini tasdiqlash toʻgʻrisida”gi Prezident farmoni loyihasida aytilishicha, 2023-yil 1-yanvardan boshlab malaka toifasiga ega boʻlgan oʻqituvchilarining oylik maoshlari bosqichma-bosqich oshirib boriladi.
Yaʼni malaka toifasiga ega boʻlgan oʻqituvchilarning oylik maoshi quyidagicha oshiriladi:
2023-yil 1-yanvardan boshlab oliy toifali oʻqituvchilarning bazaviy tarif stavkalarini
100 foizga; birinchi toifali oʻqituvchilarning oylik maoshi
50 foizga. 2023-yil 1-sentyabrdan boshlab oliy hamda birinchi toifali oʻqituvchilarning bazaviy tarif stavkalari yana
50 foizga. 2024-yil 1-sentyabrdan boshlab oliy toifali oʻqituvchilarning bazaviy tarif stavkalarini
30 foizga;
birinchi toifali oʻqituvchilarning bazaviy tarif stavkalarini
25 foizga oshirish nazarda tutiladi.
Shuningdek, olgan milliy yoki xalqaro sertifikati belgilangan talablariga javob beradigan oʻqituvchilarni qoʻshimcha ragʻbatlantirish tizimi joriy qilinadi.
Bunda:
2022-yil 1-sentyabrdan tegishli darajadagi milliy yoki xalqaro sertifikatga ega boʻlgan oʻqituvchilarga
50 foiz miqdorida;
2023-yil 1-sentyabrdan B2 va undan yuqori xorijiy tilni (
ingliz, fransuz, nemis) bilish darajasiga ega boʻlgan STEM (
fizika, kimyo, biologiya, informatika, matematika, geografiya) fanlari oʻqituvchilariga qoʻshimcha
50 foiz miqdorida har oylik ustamalar qoʻllash nazarda tutiladi.
Safimizga qoʻshiling https://t.me/joinchat/AAAAAEinSXEJA0mfKH4KnA
Abituriyentlar.uz | Rasmiy sahifalari: Тelegram | Instagram | ВКонтакте | Youtube
3.6K views05:55