Abdulloh Rahim

2022-07-03 19:15:10 Туркия пойтахти Анқарада бир гуруҳ тиббиёт куллиёти битирувчилари битирув маросимини масжидда ташкиллаштириб, жамоатдан дуолар олишди. Аллоҳ таоло Ўзи булардан умматга хизмат қилувчи ва фойдали шифокорлар чиқарсин.

Порахўр, ҳаромхўр, ўз касбига бегона "дўхтир"ларга ва шу тоифадаги бошқа касбдагиларга намуна, ибрат бўлсин.

@AbdullohRahim Ochish/sharhlash

2022-07-03 17:30:26 Аллоҳ таолони қанча яхши кўрсанг, инсонлар ҳам сени шунча яхши кўради.

Аллоҳ таолодан қанча қўрқсанг, инсонлар ҳам сендан шунча қўрқади.

Аллоҳ таоло билан қанча машғул бўлсанг, инсонлар ҳам сенинг хизматингда шунча машғул бўладилар.

Буткул Аллоҳ таолога йўнал ва Ундан бошқа ҳеч кимга йўналма. Нафсинг сени машғул қилиб қўймасин. Аллоҳ таолонинг фазлидан бошқа нарсага суянма.

Имом Раббоний

@AbdullohRahim Ochish/sharhlash

2022-07-02 21:23:21 Аллоҳ таоло барча камчилик ва нуқсонлардан покдир.

@AbdullohRahim Ochish/sharhlash

2022-07-01 12:39:25 Солиҳа аёл — Аллоҳ таолонинг бандасига хос ҳадясидир.

@AbdullohRahim Ochish/sharhlash

2022-06-29 18:40:45 Ражаб Тоййиб Эрдуғоннинг ёнидаги қиз бир пайтлар ҳижоб ўраб Туркия Олий Мажлисига киргани учун, ўша вақтдаги бош вазир Булент Эжевит томонидан кўчага ҳайдаб чиқарилган Мерве Ковакчининг қизи Фотима Гулхон Абушанаб бўлади.

Эрдуғон бу қизни НАТОга аъзо давлатлар йиғилишида таржимонлик қилиш учун ўзи билан бирга олиб борди.

Онасининг ҳижоби учун Туркия олий мажлисидан, кимсан, бош вазир томонидан ҳайдалган аёлнинг қизи, бугун жуда катта доираларда Эрдуғонга таржимонлик қилмоқда.

Аллоҳ таоло чевар Зот. Ўзи ҳар нарсага қодир ва Зул Жалоли вал Икром Зотдир. Аллоҳ таоло Эрдуғон жанобларини саломат қилсин.

@AbdullohRahim Ochish/sharhlash

2022-06-28 20:39:53 Суратдаги фазилатли шайх Абдулваҳҳоб Ҳофиз роҳимаҳуллоҳ бўладилар. Ҳазрат «Кичкина Абу Ҳанифа» лақабини олганлар.

Шайх ҳар тонг шогирдларини уйига чақириб, иссиқ хонага киритиб дарс берар эканлар. Аёли кекса бўлишига қарамай номаҳрамларга кўринмаслик учун совуқ хонага кириб кутиб ўтирар экан.

Абдулваҳҳоб Ҳофиз ҳазратлари талабаларига шундай дер эканлар:

«Қаҳратон қишда бувингиз ёшидаги аёлимни бошқа хонага киритиб сизга дарс беряпман. Бир кунмас бир кун бирор толиби илм Аллоҳ розилиги учун сиздан илм талаб қилиб келса қайтариб юборсангиз Маҳшар куни ҳисоб-китобимиз оғир бўлади. Сиздан бирдан-бир илтимосим шу, бошқа нарса сўрамайман: Толиби илмни асло рад қилиб юборманг!»

Аллоҳ таоло раҳмат қилсин.

@AbdullohRahim Ochish/sharhlash

2022-06-28 19:36:11 Али Тантовий роҳимаҳуллоҳ айтадилар: Кимнинг ота-онаси ҳаёт бўлса, унга дунёнинг ўзидаёқ жаннат эшиклари очилган бўлади. Инсон жаннатнинг эшиги очиқлигини кўриб туриб ҳам ичкарига кирмаслиги мумкинми? Бугун онамнинг ўлим хабарини олдим, ёзиб ўтирибман...
Кошки, мол-мулкимдан, ёзган китобларимдан, обрў-эътиборимдан айрилсам-да, лекин ота-онамдан айрилмасам эди. Кошки, улар менинг ёнимда бўлсалар эди...

@AbdullohRahim Ochish/sharhlash