Abdulloh Shamsutdinov

2022-07-06 08:16:56 Jamoani samarali boshqarish

Odamlar siz bilan birga ishlashni istashini, ajoyib jamoa shakllantirishni, oʻzingizdagi energiya va ishtiyoqni barcha jamoa aʼzolaringizda ham bo’lishini xohlasangiz ularga “Nima uchun?” shu ish bilan shugʻullanayotganingizni tushuntirishingiz kerak.

Baʼzan esa “Evaziga nima” olishlarini ham aytib oʻtish foydali boʻladi. Hammamiz insonmiz, tabiiy ehtiyojlarimiz va kutilmalarimiz bor. Kimdir yaxshi ishlagani evaziga pul mukofoti, boshqa birimiz esa maqtov yoki eʼtibor kutishimiz normal holat.

Yaxshi menejerning muhim vazifalaridan biri qaysi xodimni, nima qiziqtiradi yoki harakatga undashini aniqlash va shunga koʻra u bilan munosabat oʻrnatish hisoblanadi. Boshqaruvchi sifatida endi sizni vazifangiz ishga javob berish emas, balki, ishga javob beruvchi insonlarga javob berish boʻladi.

Biznes natija sizni muammo, unga qanday erishish esa jamoangizning muammosi. Ular natijaga qanday erishishni oʻzlari hal qilishlari kerak, siz esa umumiy qoidalarni, jarayonlarni birgalikda kelishib olasiz va nazorat qilasiz.

Xodimlarni hamma ishlariga aralashaverish toʻgʻri emas, bu ularga xalal beradi — kreativ fikrlashni kamaytirishi va ish samarasiga taʼsir qilishi mumkin. Albatta, ishlar tartibsiz — kelishilgan ishlash qoidalari, avvaldan kelishilgan muddatdan choʻzilgan hollarda ish jarayonga aralashish kerak, bu ham menejerning vazifasi.

“Yaratishga arzigulik narsalarni yaratish borasida g’ayriodatiy qo’llanma” kitobidan olingan xulosalardan.

https://t.me/abdulloh_shamsiddin Ochish/sharhlash

2022-06-28 14:17:24 Menejer bo'lish borasida oʻylay boshlagan ekansiz avval quyidagi 6 narsani bilishingiz lozim.

1. Aslida, zoʻr yashash uchun menejer boʻlishingiz shart emas. Jamoani boshqarishni aksar odamlar boy boʻlish va obro' qozonishning yagona yoʻli deb ishonishadi. Ammo, individual hissador — bir sohaning mutaxassisi boʻlish orqali ham yuqori daromad, katta taʼsir va baxtli hayot kechirishingiz mumkin. Masalan, hozirda xalqaro kompaniyalarda ishlaydigan oʻzbek Senior dasturchilar haftasiga 35-40 soat, 5 kun ishlab oyiga $4 000-10 00 dollar daromad qilishmoqda, koʻp yoshlar ular bilan suhbatlashishni istashadi, ijtimoiy tarmoqlarda obroʻlari yuqori, boʻsh vaqtlarini hayotdan rohatlanish bilan oʻtkazishmoqda. Agar odamlarni boshqarishdan rohatlanuvchi bir shaxs boʻlsangiz, unda menejer boʻlishga intilishingizda hech qanday muammo yoʻq. Lekin, aynan pul, obro', taʼsir va baxt izlab boshqaruvchi boʻlish xato boʻlishi mumkin. Chunki, hamma ham menejerlikdan rohatlanolmaydi, yukini ko'tarolmaydi, balki, stresi ko’paygani, boshqalarga yomon ko’rinib qolgani qoladi, xolos. Ayni shu sabablar tufayli eski vazifalariga qaytgan bir necha insonlarni shaxsan taniyman.

2. Yodda saqlang, menejer boʻlishingiz bilan sizni menejer boʻlishingizga sabab boʻlgan eng asos ishlarni toʻxtatasiz. Endi siz oʻzingiz zoʻr uddalaydigan vazifani bajarish bilan vaqt oʻtkazmaysiz, balki, boshqa insonlarni samarali ishlashlarini taʼminlash ustida ishlashni, ularga yordam berishni boshlaysiz. Sizni asos vazifangiz kommunikatsiya — odamlar bilan suhbatlashish, rekruting — jamoaga munosib xodim qidirish, ishga olish, boʻshatish, resurslarni toʻgʻri taqsimlash, bajarilgan ishlarni kuzatish, birga-bir suhbatlarni olib borish, qiyin suhbatlarni oʻtkazish, jamoaviy majlislar, treyninglar tashkil qilish bo'ladi.

3. Menejer bo’lish sizdan intizom talab qiladi. Boshqarish san’ati tug’ma emas, uni o’rganiladi, ha, to’g’ri o’qidingiz, hamma zo’r menejer bo’loladi, faqat… Siz odamlar bilan samarali muloqot qilish usullarini kitoblar o’qish, kurslarga qatnash, sohadagi maqolalarni tahlil qilish, mentorlar yoki tajribali menejerlar ko’magi bilan o’rganasiz.

4. Talabchan bo’lish va jamoadan ajoyib ishlarni kutish - bu mikro menejment (chayka menejment desa ham bo’ladi) emas. Sizning boshqaruvchi sifatida vazifangiz jamoangizni yuqori sifatdagi mahsulot yaratishiga / xizmat ko’rsatishiga amin bo’lish. Ularning har bir kichik ishlariga, jarayonlariga aralashaverishingiz esa sizni mikro menejerga aylantiradi. Bu negativ ibora, barchaning ishiga burun suquvchi ma’nosini anglatadi. Siz jamoangizga nima qilish kerakligini aytishingiz, ammo, qanday va qachon bajarish kerakligini ularning o’zlari bilan birga hal qilishingiz kerak. Shunda dedlayn va usul borasida ortiqcha talabchan bo’lib ko’rinmaysiz.

5. Ochiqlik va rostgo’ylik usuldan muhimroq. Har kimning o’z usuli bor - kimdir sokinlikni, kimdir keskinlikni, boshqalar esa emotsiyaga ta’sir qilishni, ba’zilar esa raqamlar asosida boshqarish usulini tanlaydi. Yuqoridagilarning istalganini to’g’ri qo’llab ajoyib menejer bo’lishingiz mumkin, faqat bir sharti bor: Jamoangiz bilan doimiy ravishda, qiyin mavzularda ham suhbatlashish va aytilishi lozim bo’lgan achchiq, og’riqli haqiqatlarni aytolishingiz kerak.

6. Juda ko’p xavotirlanavermang, jamoangiz siz kutgandan a’lo ishlar qiladi. Aslida, bu sizning maqsadingiz bo’lishi kerak. Ya’ni, xodimlaringiz shunday tayyorlashingiz kerakki, ular o’z ishlarini sizdan ko’ra yaxshi bajaruvchi bo’lishsin. Qancha ular aqlli, samarador bo’lishsa shuncha sizga yaxshi, bu endi sizni boshqa loyihalarni ham boshqarishga va yakunda menejerlarni boshqarishga olib boradi. (CEO)

“Yaratishga arzigulik narsalarni yaratish borasida g’ayriodatiy qo’llanma” kitobidan olingan xulosalardan.

https://t.me/abdulloh_shamsiddin Ochish/sharhlash

2022-06-28 08:08:52 Oddiy ishchi menejer bo’lishi uchun nima qilishi kerak?

- Individual hissador (oddiy ishchi)- biror ishni belgilangan muddat ichida bajaruvchi shaxs, odatda boshqa odamlarni boshqarmaydi. Bu kabi xodimlarning mas’uliyati o’zlariga berilgan vazifagagina diqqat qilish bo’lib, ularning aksariga o’z menejerlari aniq yo’nalish va qanday bajarishni o’rgatishadi, ki, ular o’z vazifalariga to’liq diqqat qilolsin. Aloqa markazi operatori, g’aznachi (kassir) yoki do’kon sotuvchisini bunga misol keltirish mumkin.

- Odatda, aksarimizning karyeramiz individual hissador sifatida boshlangan, boshlanadi. Ammo, siz tez rivojlanish va ko’tarilishingiz uchun o’z vazifangizni a’lo bajarishingiz yetmaydi. Balki, sizdan atrofingizdagi boshqa soha vakillari bilan doimiy suhbatlashish, fikr almashish talab qilinadi. Ishlayotgan loyihangiz haqida qancha ko’p ma’lumotga ega bo’lsangiz shuncha ko’p rahbar yoki menejerlar kabi fikrlashni boshlaysiz. Menejer bo’lishning sinalgan usullaridan biri shu.

- Bunda 80% vaqtingiz o’z vazifangizni kutilgandan ziyoda bajarishga qaratilishi, qolgan 20% i esa boshqa sohalarni tushunishga harakat qilishga sarf bo’lishi to’g’ri bo’ladi. Bunday qilmasangiz qayerga ketayotganingizni bilmay qolasiz, ehtimol noto’g’ri loyihada, nomunosib shaxslar bilan band bo’lib, qiymatli vaqtingizni isrof qilayotgan bo’lishingiz ham mumkin. Boshqa bo’limdagilar, ayniqsa mijozlar bilan aloqadagi, masalan, marketing va qo’llab quvvatlash sohasida ishlovchi hamkasblaringiz bilan doimiy suhbatlashish sizga yuqoridagi savollarga tezroq javob topishga yordamlashadi.

- Ishlayotgan kompaniyangiz faoliyatiga turli tomondan, turli soha vakillari nuqtai nazaridan ham qarashni boshlagan vaqtingizda sizda boshqalar ko’rmaydigan muammolarni ko’rish, ularga noodatiy yechimlar taklif qilish ko’nikmasi shakllanishni boshlaydi. Ana shunda sizni o’zlari keyingi lavozimga taklif qilishadi. Albatta, to’g’ri insonlar boshqaradigan korxonada bo’lsangiz.

https://t.me/abdulloh_shamsiddin Ochish/sharhlash

2022-06-27 21:54:29 Qahramonlar

- Talabalar ilmiy ish ustida ishlashyotgan vaqtda o’zlariga eng kuchki mentorlarni yoki professorlarni sherik qilishni istashadi, ammo, ularning aksari ish tanlash masalasiga kelganda faqat pulga e’tibor berishadi.

- Ammo, ishdan rohat beruvchi ham, undan butunlay bezdiruvchi ham insonlardir. O’z sohangizni chuqur o’rganishga diqqat qiling va o’zlashtirgan bilimlaringizdan foydalanib shu sohadagi eng mashhur, siz qadrlaydigan mutaxassislar bilan o’zaro aloqa o’rnatishga harakat qiling.

- Shu qahramonlar sizni o’zingiz istagan karyerani boshlashingizga katta yordam beradilar. Ularga qanday to’g’ri murojaat qilishni o’rganing, balki, ba’zilariga telegram orqali yoki Facebookdan xabar yuborarsiz, ammo, yodda tuting, ular sizga qiziqishlari uchun siz ularga ham nimadir beroladigan bo’lishingiz kerak.

- Qiziq va aqlli savollar berishni mashq qiling, qahramonlaringiz ishiga doir o’rinli taklif, fikrlaringizni bildirishdan samaraliroq vosita yo’q. Ular zudlik bilan sizga javob berishmasliklari mumkin, shunday bo’lsa ham sabr bilan doimiy aloqa o’rnatish va foydali bir shaxs ekanligingizni ko’rsatishga intilavering.

- Yirik kompaniyalarga, masalan, Google, Facebook kabilarga ishga kirishingiz mumkin. Ular sizga katta oylik taklif qilishadi. Ammo, siz u yerda bajaradigan aksar ishlar zerikarli bo’lishi tabiiy, chunki, yirik kompaniyalarda turli bo’limlar to’liq shakllanib bo’lgan bo’ladi, natijada siz turli sohadagi mutaxassislar bilan suhbat qurolmaysiz. Qahranomlaringiz bilan birga ham ishlashingiz ancha qiyin bo’ladi Bu esa turli tomondan fikrlash ko’nikmangizni rivojlanishiga va ustoz shogird sifatida o’rganishingizga halal beradi.

- Kichikroq korxonalarda, masalan, 30-100 nafar xodimdan iborat bo’lgan, biroq yangicha texnologiya, mahsulot ustida ish olib borayotgan kompaniyaga ishga kirishingiz foydaliroq bo’ladi. Chunki, birinchidan u yerda siz sohangizdagi qahramonlar bilan ko’proq ishlash imkoningiz bo’ladi, ikkinchidan, turli soha vakillari bilan o’zaro bir maqsad, loyiha ustida ishlash imkoningiz bo’ladi. Yirik korporatsiyalarda esa siz turli loyihalar ustida ishlashga, majbursiz.

“Yaratishga arzigulik narsalarni yaratish borasida g’ayriodatiy qo’llanma” kitobidan olingan xulosalardan.

https://t.me/abdulloh_shamsiddin Ochish/sharhlash

2022-06-27 21:19:10 Ishga joylashish

- Nima ish qilishing muhim. Qayerda ishlashing ham muhim. Ammo, kim bilan ishlashing va kimdan o’rganishing eng muhimi.

- Aksar odamlar uchun ishlashdan maqsad yaxshi pul topish va yakunda ishlashni to’xtatish. Lekin, to’g’ri joyga ishga joylashish dunyoni, o’z hayotingni o’zgartirishga bir imkoniyatdir.

- O’qishini bitirishing bilanoq asosiy boshqaruvchi bo’lishing shart emas, katta, brend kompaniyalardan ish taklifi olishing ham shart emas. Ammo, aniq bir maqsading bo’lishi kerak.

- Sen qayerga ketayotganingni, kim bilan ishlamoqchi ekaningni, nima o’rganishni istashingni va yakunda kim bo’lishga intilayotganingni aniq bilishing lozim. Shundagina biror haqiqiy ma’noga ega loyiha boshlashni tushuna boshlaysan.

“Yaratishga arzigulik narsalarni yaratish borasida g’ayriodatiy qo’llanma” kitobidan erkin tarjima.

https://t.me/abdulloh_shamsiddin Ochish/sharhlash

2022-06-27 08:08:13 18-20 yoshli ukamga so’zim

Universitet yoki kollej senga bajarish, yiqilish va oʻrganish kabi koʻp narsa oʻrgatolmaydi. Ammo, u senga mustaqil qarorlar qabul qilishga muhit berishi mumkin. Ayniqsa, ota-onangdan uzoqdagi talaba boʻlsang.

Qanday holatda, shartlar evaziga boʻlmasin, erkin shaxs boʻldingmi, u seni koʻproq jasoratli boʻlishga undashi kerak. Bu vaqtda “Qanday shaxs boʻlmoqchiman?”, “Nima ishda ishlasam ekan?”, “Qayerda yashash toʻgʻri boʻladi?” singari savollarga diqqat bilan javob qidir.

Risk har doim bor, sen undan qochma, balki, aqlli va maqsadli insonlar loyihalarida ishtirok etish orqali uni imkoniyatga aylantir. Endi sen koʻproq toʻlaydigan ishxonaga emas, koʻproq oʻrgatadigan kompaniyaga kirishga intil.

20 yoshingdagi sen uchrashing mumkin boʻlgan eng katta muvaffaqiyatsizlik — bu harakatsizlikdir. Undan boshqa barcha xatolarni oʻsishga urinish va oʻrganish deb hisoblagin.

Yoshligingda koʻp loyihalaring ishlamasligi mumkinligini tabiiy qabul qil, lekin, harakatdan toʻxtama, chunki xatolar zoʻr dars beradi. Boshlagan startaplaring hayolingda juda muvaffaqiyatli, dunyoni oʻzgartiradigan loyiha boʻlishi, ammo, amalda ishlamaslik ehtimoli yuqori. Shunday boʻlsa ham ularni bajarishga kirish.

Oʻzingga bir mentor, ustoz topishga harakat qil. Hamma risk senda degani barcha qarorlarni faqat oʻzing qabul qilishing zarurligini anglatmaydi. Mentor oʻz amaking yoki sendan kattaroq biror qarindoshing ham boʻlishi mumkin. Ularni tajribalaridan unumli foydalan.

30-40 yoshga yetganingda qarorlaring senga qaram boʻlgan insonlar, masalan, rafiqang, farzandlaring tomonidan, agar oila qurmagan boʻlsang doʻstlaring, jamiyatda tutgan statusing natijasida bir qadar taʼsirlanishni boshlaydi. Ungacha aniq bir yoʻlingni topib ol, biznesingni oyoqqa turgazgan boʻlgin.

https://t.me/abdulloh_shamsiddin Ochish/sharhlash

2022-06-26 19:43:23 Mohiyatga qaytish

Xech o’zingizga “Hayotimdan baxtlimanmi?” degan savolni berib, ich-ichingizdagi javobni eshitganmisiz? Haligacha urinib ko’rmagan bo’lsangiz postni o’qishni shu yerda to’xtatib, hozir o’zingizni savolga tuting.

Aslida, bu juda og’ir savol, chunki, samimiy javobimiz umrimizni bir ma’nosi bor yoki yo’qligini bir qadar ko’rsatib beradi. Ehtimol, shu sabab aksarimiz o’zimiz bilan yolg’iz qolishdan qochib ijtimoiy tarmoqlarga kiramiz, Youtube ummonida bemaqsad “suzib” ichki bo’shlig’imizni yanada kattalashtiramiz.

To’g’ri, ”baxt” tushunchasi har kim uchun turlicha, masalan, kimlardir uni boylikda, boshqalar esa obro’da deb ishonishi mumkin. Ammo, barcha biladiki, boylik ham, obro’ ham ichki xotirjamlik bo’lmasa tatimaydi.

Inson tinch, osoyishta yurtda yashashi uni qalban xotirjam, baxtli umr kechirayotganini anglatmaydi. Shu yerda boshqa bir savolga duch kelamiz “Ichki xotirjamlikka qanday erishiladi?”. Albatta, javob insonning e’tiqodi-ishonchiga ko’ra farqli bo’lishi mumkin.

Yuqoridagi ikki savolga har kimning o’z javobi bor yoki bo’lishi mumkinligini ta’kidlagan holda o’z javobim bilan kelasi postda bo’lishishni niyat qildim. Balki, u vaqtgacha siz o’z haqiqatlaringiz, mulohalaringizni izohlarda biz bilan bo’lisharsiz yoki javobingizni qidirarsiz.

https://t.me/abdulloh_shamsiddin Ochish/sharhlash

2022-06-25 21:20:04 дан ортолмай, турли ажойиб таҳлиллардан, ҳаётий "детектив"лардан, резонанс янгиликлардан, "прикол қовунлар"дан бехабар қолиб кетаётган бўлсангиз, ҳечам парво қилманг: булардан хулоса чиқарган, ечим устида ишлаётганлар билан аллақачон бир йўлдасиз.

Azamat Andreev, Facebookdan. Ochish/sharhlash

2022-06-25 21:20:03 Таҳлиллар ёки воқеаларни шарҳлашга киришишдан олдин бир хулосани айтиб қўйиш вазифам.

Мана, масалан, шу тармоқларда

- нималардир, кимлардир фош қилинади;

- ким қандай жиноий схема билан куппа-кундузи мисқоллаб йиғилган халқ маблағларини контейнерлаб ўзлаштираётгани кўрсатиб, келтириб берилади;

- "ислоҳот қилаяпмиз", "оптималлаштираяпмиз", "чуқурлаштираяпмиз" деган маскалар ортида шунчаки хомталаш, варварак қилаётгани таҳлил қилиб исботлаб берилади;

- "хатолар қилаяпмиз", "ҳозирча уддалолмаяпмиз", "шу ҳафта/ой/йили бажарамиз", "Москва/Рим/АҚШ бир кунда қурилмаган, бироз сабр, барака топгурлар", "мустабид 140 йил / 70 йил / 30 йил асоратлари ҳалал бераяпти", каби отмазкалар ортида аслида "зарилгина кептими, н**уя ўзгартириш ниятимиз йўқ" деган сигнал ётгани тушунтирилади;

- "давлат сири", "хавфсизлик масаласи", "сиёсатга аралашма", каби "серьёз башарани ёқвоган мишиқи бола" нинг агументлари ортида аслида оддийгина туппойлик, очкўзлик, ҳукм юритиш васвасаси, нокомпетентлик, эгаллаб турган мавқеига яроқсизлик, вазифасини эплолмаслик (халқ тилида "ч**қоқлик") тургани кўрсатилади ва ҳк.

Албатта, булар кўпчилик учун қизиқ жараён. Ахборот оқимидан ортда қолиб кетмасликни истаймиз. Фактически қандай муҳитда, қандай одамлар билан яшаётганимизни билиб тургимиз келади. Қандай хавфли муаммолар ичида ва қаршисида турганимиздан хабардор бўлгимиз келади. "Манови умидбахш бўлиб кўринган янги хабар / лойиҳа / давлат дастури / шартнома / баёнот / интервью аслида кимнинг фойдасию жиғилдонига манфаат келтираркин", "где нимкоса, где подвох, наминиэмсин?", деган саволларга жавоб топгимиз келади. Жилла қурса, "информирован, значит вооружен", режимида юрсак деймиз.

Ҳа, айтганча, "ана энди ростанам суриш керак", деган моментни ўтказиб юбормаслик учун ҳам воқеа-жараёнлар пульсини ушлаб турамиз ))

Хуллас, баъзан бу таҳлиллар, жиноий ишлар, резонансларни кузатишнинг ўзига кўп вақт, диққат ва асаб кетиб қолади.

Бир нарсани олдиндан билайликки, ҳозирги шароитда, деярли ҳар қандай кузатиш, таҳлил, виртуалу реал "жанг"лар чанг-тўзон тарқалгандан кейин барибир битта хулосага олиб боради:

"Кўп чалғимасдан, ўзим ва фарзандларимнинг савиясини оширишга куч беришим керак экан."

(бу ерда "савия"га интеллектуал, моддий, жисмоний, техник, руҳий компетенциялар... ҳаммаси киради)

Нега узоқ ўн йилликлар (балки юз йилликлар) давомида чигал занжирлардан чиқиб кетолмаяпмиз?
Чунки халқ сифатида ресурсларимизни, мақсадларимизни, иродамизни консолидация қила олмаяпмиз.

Исталган муаммонинг ечимини олиб қаранг, тизимли бирлашиб ҳаракат қилиш, ресурсларни бирлаштириш ва меҳнат тақсимотига бориб тақалаверади. Буни олдинги постларда айтгандим.

Нега шунақа бирлаша олмаяпмиз?
Чунки деярли ҳаммамиз ўзимиз билан ўзимиз оворамиз, ўз ёғимизга ўзимиз қоврилиб юрибмиз, ўз кўрпамизни ўзимизга тортмасак, совқотиб қолаяпмиз.

Нега шунақа ўзимиздан ортолмаяпмиз?
Чунки, масалан, моддий ҳолатимизни оптимал мутаносибликда яхшилай олмаяпмиз (имкон қадар камроқ вақт энергия сарфлаб, кўпроқ моддий неъматлар етиштириш). Ҳаддан ташқари кўп вақтимиз, ҳаттоки бутун умримиз шунчаки виживать қилишга сарф бўлиб кетаяпти.

Бунақа шароитда тарқоқлантирувчи кучлар бирлаштирувчи кучлардан устун келади. Очкўзлик ва етишмовчилик васвасаси шунчалик кучли бўладики, узоқ муддатда аниқ бир неча баробар фаровонлик келтирадиган режалар ҳам саботаж қилинади.

Натижада бор ўсиш имконлари ҳам бой берилади (масалан, бугун бир сўм юламиз деб эртага ўн сўмдан маҳрум бўлаверамиз.)

Нега бунақа порочний кругга кириб қолганмиз?
Чунки тан олайлик, шу кеча-кундузда, жамият кўламида, на интеллектуал, на технологик, на ижтимоий-сиёсий, на руҳий тарафдан рақобатбардош эмасмиз. Ҳали инсон сифатида ҳам, жамият сифатида ҳам жуда кўп ўсишимиз керак. Мен ва сиз - ўзимизни, зурриёдларимизни, яқинларимизни - юксалтиришга уринаверсак. Ўзимиздан ортолсак, атрофимиздагиларни ҳам шунга тарғиб қилолсак, ёрдам беролсак, жамиятдаги муаммолар неизбежно ҳал бўла бошлайди.

Шунинг учун, ўз юмушларингиз, фарзанд-набираларингиз тарбиясидан, хизматларингиз, илмий изланишларингиз... Ochish/sharhlash

2022-06-01 13:30:05 Buxanka narxi oshgani haqida buxanka yemaydiganlar dod-voy solishyapti.

Yaqinda transport narxi ham oshadi, oʻshanda ham mashinada yuradiganlar “mana nima uchun biz avtobusda yurmaymiz” deyishadi.

Keyin suv, svet va gas narxlari ham oshadi. Oʻshanda ham dangʻillama hovli qurib MIBʼdan millionlab qarzi borlar yigʻlaydi “adolat qani” deb.

Oldin shu sunʻiy kamaytirilgan narx uchun shundoq ham 2-3 (balki 10) barobar koʻp toʻlar edingiz, endi bozor narxida real summa toʻlaysiz.

Davlat monopollarga xalqning pulidan “xalq uchun” deb milliardlab subsidiya ajratib, shu subsidiya xalqga yetib kelmay tepadagilarni qorniga ketgandan koʻra, xalqni oʻzi oʻsha pulni toʻlab qoʻygani yaxshi.

Kam taʼminlangan oilalar uchun juda ham qaygʻurib ketayotgan boʻlsangiz, qoʻshningizdan xabar olib qoʻying, shuni oʻzi yetadi.

Kallani ishlatib, orqani koʻtarib bosish kerak. Noligandan foyda yoʻq.

#thoughts / @thinkwithMirro Ochish/sharhlash