FARG'ONA JAMOAT SALOMATLIGI TIBBIYOT INSTITUTI O‘ZBEKISTON YOSHLAR ITTIFOQI

2022-09-27 06:41:28 ​​ЭНГ ҚИЙИН МАКТАБ – ҲАЁТ МАКТАБИДИР

Қайси синфдалигингни ҳам, кейинги имтиҳон қачонлигини ҳам билмайсан.

Сен ҳаттоки имтиҳонда кўчирмакашлик ҳам қилолмайсан.

Чунки ҳар кимнинг синови ўзгача, бир-биридан фарқли ва такрорланмасдир... Ochish/sharhlash

2022-08-27 23:20:56 Фарғона жамоат саломатлиги тиббиёт институтининг Кубань давлат тиббиёт университети билан ташкил этилган қўшма таълим йўналишида таҳсил олаётган талабалар ва уларнинг ота-оналари томонидан ижтимоий тармоқларда эълон қилинган мурожаати юзасидан расмий муносабати
 
Фарғона жамоат саломатлиги тиббиёт институтида 2019-2020 ўқув йилидан бошлаб Россия Федерациясининг Кубань давлат тиббиёт университети билан ҳамкорликда “Даволаш иши” ва “Стоматология” йўналишида қўшма таълим йўналишлари ташкил этилган.
2019 йил 27 мартда икки томонлама тузилган шартномага мувофиқ, ўқишга қабул қилинган талабалар учун Даволаш иши йўналишида 3 йил Ўзбекистонда ва 3 йил Россия Федерациясида, Стоматология йўналиши учун 3 йил Ўзбекистонда, 2 йил Россия Федерациясида ўқиши белгиланган.
Ушбу шартномага мувофиқ, 2019-2020 ўқув йилида Стоматология йўналишига 50 нафар, Даволаш иши йўналишига 50 нафар талабалар қабул қилинган.
2021-2022 ўқув йили якуни бўйича Стоматология йўналишида таҳсил олган 46 нафар, Даволаш иши йўналишида таҳсил олган 40 нафар талабалар 3-босқични битириб, 2022 йилнинг 21 август куни Россия Федерациясининг Кубань давлат тиббиёт университетига ўқув-услубий бўлим бошлиғи Г.Маматханова, Халқаро факультет декани М.Ашурова, декан ўринбосари А.Абдуғаниевалар бошчилигида юборилган.

Жорий йилнинг 25 август куни Кубань давлат тиббиёт университетида Фарғона жамоат саломатлиги тиббиёт институтининг Стоматология йўналиши 3-босқични битирган талабаларидан имтиҳон олинган. Ўтказилган имтиҳон натижаларига кўра, Стоматология йўналишида таҳсил олаётган 46 нафар талабалардан 25 нафари белгиланган баллни олиб, ўқишни давом эттиришга тавсия этилган. Қолган 21 нафар талабалар белгиланган баллдан паст бахо олиб, имтиҳондан ўта олмаган.
Имтиҳондан ўта олмаган талабалар ва уларнинг ота-оналари томонидан билдирилган мурожаат бўйича жорий йилнинг 27-август куни Фарғона вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Ф.Қосимов, жамоатчилик вакиллари ҳамда ота-оналар иштирокида учрашув ташкил этилиб, муҳокама қилинди. Институт маъмурияти Курск давлат тиббиёт университети маъмурияти билан боғланиб, имтиҳондан ўта олмаган талабаларнинг ўқишини ушбу университетда давом эттириш бўйича музокара олиб бориб, ижобий ҳал қилганлиги учрашув қатнашчиларига тушунтирилди.

Айтиш керакки, имтиҳондан ўта олмаган талабалар Курск давлат тиббиёт университетида ўқишини давом эттирса, ўқиш учун белгиланган контракт тўлови ўзгармайди.
Шуни алоҳида таъкидлаш лозимки, талабаларнинг юқорида кўрсатилган университетларига бориш харажатлари ҳам институт томонидан тўлиқ қоплаб берилиши ҳақида ота-оналар ва талабаларга тушунтирилди.

Farg'ona jamoat salomatligi tibbiyot instituti

Telegram | Facebook | Instagram | Web-sayt Ochish/sharhlash

2022-08-27 23:20:56 Ochish/sharhlash

2022-08-15 11:03:40 “Yoshlar jinoyatchiligini oldini olishda Farg‘ona viloyati tajribasi: muammo va yechimlar” mavzusida konferensiya o‘tkaziladi

Joriy yilning 16-sentabr sanasida Farg‘ona viloyatida “Yoshlar jinoyatchiligini oldini olishda Farg‘ona viloyati tajribasi: muammo va yechimlar” mavzusidagi Respublika ilmiy-amaliy konferensiyasi bo‘lib o'tadi.

Konferensiya 5 ta yo'nalishda tashkil etiladi va unda barcha yoshlar belgilangan yo'nalishlarga doir ilmiy maqolalari bilan qatnashishlari mumkin.

Konferensiya yo‘nalishlari bilan bu yerda tanishishingiz mumkin.

Konferensiyada faol ishtirok eting va ilmiy yutuqlaringiz safini kengaytiring!

Konferensiyada ishtirok etish uchun quyidagi botga murojaat qiling:
@ilmiy_konferensiya_bot

Telegram sahifamiz @yoshlaragentligi Ochish/sharhlash

2022-08-12 09:26:50 #Биласизми

Фуқаронинг ҳаёти хавф остида бўлган тақдирда тиббиёт ходимлари уни даволаш-профилактика муассасасига олиб бориш учун ҳар қандай транспорт туридан фойдаланиш ҳуқуқига эга.

Каналга уланиш
https://t.me/huquqiyaxborot Ochish/sharhlash

2022-07-27 15:11:15 ​​Кишига билганингни ўргат-у, ақл ўргатма. Бошқаларга қулоқ тут, бироқ айтилган гапларнинг барини тўғри деб ўйлама. Сукут сақлаган кишини бевоқиф, кўп гапирган кишини ақлли, деб билма. Ҳаммани ўзингдай кўр. Ким бўлишидан қатъи назар, кишини паст деб топиш – аҳмоқлик, кўкка кўтариш – қўрқоқликдир. Онгли равишда содир этилган жасоратгина ҳақиқий жасорат, саводсизликдан келган жасорат – жаҳолатдир.

Жалолиддин Румий
@liderlar1 Ochish/sharhlash

2022-07-27 15:11:15 Ибн Сино заковати.

Ривоят қилишларича Абу Али Ибн Сино жаноблари аёл беморни кўрмас, кўрсалар уйда ўтирар, аёл кишини олиб келган киши аёл билагидан ипга боғлаб, ипнинг бир учини ибн Сино жанобларига олиб кириб берар, табиб ипнинг титрашига қараб юрак уришини санаб, касаллик сирини аниқлаб, даволар эканлар. Бу улуғ зотга Аллоҳ шундай буюк истеъдод берган экан. У кишидан зиён кўрган инсон бўлмаган экан. Муҳтожни ўз пули билан, дори билан даволар экан. Афсуски яхшининг ёмони, оқнинг қораси бўлганидай ўша пайтда ҳам яхшилик ёқмаган инсонлар бўлган экан. Улар кўчада кетаётишса бир катта она ит кўча четида оч-наҳор аҳволда ётган эмиш. Улар итни масхаралаб кулишибди. Шунда Абу Носир исмли киши биродарларига: “Келинглар, шу итни Ибн Синога олиб бориб бир мазза килмаймизми?” дебди. Биродарлари уни маъқуллашибди. Уларнинг иккитаси итнинг олдинги икки оёғини кўтариб икки томонидан қўлтиқлаб, устига ҳижоб ёпиб Ибн Синога олиб боришибди. Олдинги оёғидан ипга боғлаб, унинг учини Ибн Синога олиб кириб беришибди. Бечора она ит хуришга ҳам мажоли йўқ, хижоб тагида жим ётган эмиш. Ибн Сино жаноблари ипни ушлаб уни титрашига қараб туриб дебди: “Бу киши кимнинг заифалари?”. Абу Носир нима дейишини билмай “Меники” дебди. “Агар ушбу бемор сизнинг заифангиз бўлсалар, бу бемор соғ-саломатдур, фақат жуда оч, ночор. Кўпроқ сут-қатиқ бериб турилса, тез кунда жунлари чиқиб хожатингизга ярайдиган бўлиб қоладилар. Агар Аллоҳ мени адаштирмаган бўлса, беморнинг қоринларида ҳам 5 ёки 6 та ўзларига ўхшаган болалари бор”. Шу ҳазили учун Абу Носир “Итнинг эри” лақаби билан аталадиган бўлибди.

Ҳа азизлар! Илм олмоқ, туғилгандан то ўлгунча фарздур. Илмли киши Аллоҳ севган банда бўлур. Уни ҳурмат қилмоқ, бизга ота-оналаримиздан меросдир.
Тафаккур қилайлик.

Юлдуз Тешаева. Ochish/sharhlash

2022-06-08 13:09:34 1920 йилда Британия шифокорлар уюшмаси ва бош вазир Ллойд Жорж иштирокида тиббиёт олийгоҳининг бир қатор битирувчилари билан битирув кечаси ўтказди. Унда уюшма раиси минбарга чиқиб тиббиёт бу рисолат эканини, у олийжаноб ва инсоний касб эканини гапирди. Боморлар берадиган пул вақт ўтиб унут бўлишини, аммо инсонийлик абадий қолишини битирувчиларга тушунтирди. Сўнг ўз ҳаётида содир бўлган бир воқеани сўзлаб берди:
"Тахминан қирқ йиллар олдин эшигимни бир аёл тақиллатди. Эшикни очдим. Аёл ташвишли ҳолатда деди:
- Жаноб доктор! Ўғлимнинг аҳволи оғир. Илтимос, уни қутқариш учун нимадир қилинг!
Мен шамол ва ёмғир бўлишига қарамай унинг уйига бордим. Уйи Лондоннинг бир чеккасида экан. Улар бир кичкинагина кулбада истиқомат қилишар экан. Унинг ўғли оғриқдан инграр эди. Мен керакли ишларни қилиб қайтаётганимда аёл менинг қўлимга озгина пул тутқазди. У меҳнатимга бериладиган баҳодан анча оз эди. Мен аёлга дедим:
- Хоним! Мен пул олмайман. Ўғлингиз тузалса шунинг ўзи етади.
Сўнг уйимга қайтдим. Бугунгача аёлнинг кўз ёши тўкиб миннатдорчилик билдиргани кўз олдимдан кетмайди".
Уюшма раиси сўзларини тугатар-тугатмас бош вазир Ллойд Жорж ўрнидан сакраб туриб минбарга чиқди ва деди:
- Жаноб доктор! Қўлингизни ўпишга рухсат беринг. Сизни анча йиллардан бери қидираман. Сиз даволаган ўша бола менман. Онам хурсанд бўлсинлар. У киши менга сизни топиб мукофатлашимни васият қилган эдилар.
Доктор деди:
- Мен мукофотни ўшанда олганман. Онангиз айтган миннатдорчилик жумлалари ва у кишининг кўз ёшлари мен учун керагидан ҳам ортиқ мукофотдир!

Инсон бўлиш қандай гўзал!! Ochish/sharhlash

2022-05-30 19:33:29 Смотрите. Скоро 1 июня. Давайте устроим волонтерскую работу. Соберем вещей, что в основном нужно:
памперсы
Раскраски
Карандаши
Игрушки
Салфетки
Так же приветствуются другие вещи Ochish/sharhlash

2022-05-03 18:58:57 3-may kuni «Bilim uchun 100 million» loyihasining 5-tur savollari @bilimtestbot’da e’lon qilindi. Ishtirokchilar mazkur turning savollarini 9-mayga qadar oʻzlariga qulay soatda kirib ishlashlari mumkin.

Shuningdek, hali roʻyxatdan oʻtmaganlar yoki 1-, 2-, 3- va 4-tur savollarini ishlashga ulgurmaganlar boʻlsa, hozir ham @bilimtestbot’da roʻyxatdan oʻtib, olimpiadada ishtirok etishni 5-turdan ham boshlash mumkin!

Eslatma: 5-tur savollari taqdim etilishi uchun @bilimtestbot Telegram botida «Test ishlash» tugmasini bosish va test ishlashni boshlash mumkin. Bilimlaringizni va mantiqni ishga solib, albatta, ishtirok eting!

@alisher_sadullaev Ochish/sharhlash