TELEFON SIRLARI

2020-09-14 12:53:51 ​Бупул Wi-Fi тармоқларига уланиш хавфсизми?

Бугунги кунда очиқ Wi-Fi уланиш нуқталарини ҳар қандай жамоат жойида топиш мумкин, бу оддий қаҳвахонадан тортиб то савдо мажмуаларигача ёки баъзида бутун шаҳар ҳудуди (Навоий шаҳри).
Ушбу технологиянинг имкониятларидан фойдаланиб, хавфсизлик ҳақида ҳам унутмаслик керак. Фойдаланувчилар маълумотларини (расмлар, ёзишмалар, пароллар, банк ҳисоб рақамлари) қўлга киритиш учун бузғунчилар турли хил усулларни қўллашади.

Қуйида умумий Wi-Fi нуқтасига уланиш қандай хавф туғдириши ва ундан фойдаланишда ўзингизни қандай ҳимоя қилиш ҳақида билиб оласиз. (шахсий Wi-Fi тармоғингиз паролини билган бегона ҳам шу тарзда хавфли)
Энг кенг тарқалган хавф-хатарлар:

Трафик таҳлили
Wi-Fi нуқтаси эгаси ёки унга кириш ҳуқуқига эга бўлган шахс у орқали ўтадиган барча трафикни кўриши мумкин. Маълумотлар тўплами анализатори иловалари ёрдамида, уланган қурилмалардан қайси саҳифаларга кирганларини ва http протоколидан фойдаланадиган сайтларда нима маълумотлар киритганларини билиб олиши мумкин. Бу логин ва парол, хатларнинг матни, форумлардаги хабарлар бўлиши мумкин.
Бироқ, бу эскирган HTTP протоколидан фойдаланадиган веб-саҳифаларга тааллуқлидир, унга кўра барча маълумотлар ҳимояланмаган шаклда узатилади. . Бугунги кунда аксарият сайтларда хавфсиз HTTPS протоколидан фойдаланилади, бу орқали логин ва пароллар шифрланган шаклда узатилади. Ва уларни юқорида келтирилган усулда билиб бўлмайди. Аммо, бу уларни Wi-Fi орқали ўғирлаб бўлмайди дегани эмас.

Сохта саҳифалар
Сохта веб-сайтларни асл нусхаси билан бир хил қилиш, фойдаланувчи шахсий маълумотларини ўғирлашнинг яна бир усули. Wi-Fi уланиш нуқтаси эгаси, паролларни ўғирлаш учун яратилган машҳур ижтимоий тармоқнинг асосий саҳифасининг нусхасини жойлаштиради. Масалан, facebook.com ўрнига facebb00k.com сайтига йўналтиришни ўрнатиши мумкин.
Ҳеч нарсадан шубҳаланмаган фойдаланувчи, ҳақиқий ижтимой тармоққа кириш учун логин ва паролини теради ва бузғунчининг қармоғига илинади.

Зарарли иловалар
Сохта веб-сайтларда бўлгани каби, умумий Wi-Fi нуқтасига уланган телефонни вирусли саҳифага йўналтириши мумкин. Ишонувчан фойдаланувчига бирор иловани юклаб олиб ўрнатиш таклиф этилади ва натижада маълумотлар ўғирланиши ёки смартфон блокланиши мумкин.

Номаълум Wi-Fi тармоқларига уланганда ўзингизни қандай ҳимоя қилиш керак
- Интернет сайт ва хизматларда аккаунт маълумотларини (логин ва парол) киритишда парол менежерларидан фойдаланинг.
- Интернет сайт ва хизматларда, паролни СМС ёки бошқа икки босқичли авторизация усуллари орқали тасдиқлашни ёқинг.
- Иловаларни норасмий манбалардан юклаб ўрнатманг.
- Барча қурилмаларингизда Wi-Fi тармоқларига автоматик уланишни ўчириб қўйинг.
gsmgurusFAQ

Bizdan uzoqlashmang!

@Telefon_Sirlari - telefonlar haqidagi eng so'nggi ma'lumotlar kanali Ochish/sharhlash

2020-09-10 17:53:14 ​Суперилова (SuperApp) нима ва нима учун керак?

Суперилова нима?
Бу, бир вақтнинг ўзида турли хил вазифаларни бажаришингиз мумкин бўлган иловаларнинг битта иловада жамланиши.
Масалан, битта илованинг ўзидан такси чақириш ва таом ҳам буюртма бериш ёки пластик картангиздаги ҳисобингизни текширибгина қолмай, балки Интернетдаги харидлар учун ҳам тўловларни амалга ошириш имконияти.
Суперилова - бу операцион тизим ичидаги экотизим. Фойдаланувчи битта иловада кўплаб хизматларни олади, унда кўпроқ вақт сарфлайди ва тезроқ унга мослашиб боради.

Ҳозирда дунёдаги энг машҳур суперилова - бу хитойликларнинг WeChat иловаси, бу ерда фойдаланувчилар мулоқот қилишади, маҳсулот харид қилиб тўловларни амалга оширишади ва бошқа кўплаб вазифаларни бажаришади.

Юртимиздаги энг машҳур суперилова - албатта Telegram, лекин миллий маҳсулот сифатида банк иловалари ва тўлов тизимларини (Click, Payme, Apelsin) мисол қилиб келтириш мумкин.
Шунингдек, Ўзбекистон бозорига яқинда кириб келишига қарамай суперилова бўлишга барча имкониятлари етарли Яндекс Go — Такси, етказиб бериш, ҳайдовчи, маҳсулотлар, озиқ-овқат ва HUMANS.uz иловалари ҳам мисол бўла олади.

"Google Хариталари" (Google Maps) Ғарбнинг асосий супериловаси ҳисобланади
Ҳозирда иловада такси чақириш, етказиб бериш хизматлари орқали озиқ-овқат буюртма қилиш, ресторанда стол буюртма қилиш, меҳмонхоналарни қидириш ва брон қилиш, диққатга сазовор жойларга ташриф буюриш учун чипталарни сотиб олиш, турли хил компаниялар вакиллари билан боғланиш мумкин. Бироқ, бу имкониятларнинг барчаси ҳозирча Ғарб давлатлари учун амал қилади.
Google яқинда суперилова томон яна бир қадам ташлади ва Хариталар иловасига ижтимоий фаолликни қўшди. 2020 йил июл ойи охирида бутун дунё бўйлаб фойдаланувчилар маҳаллий мутахассисларга обуна бўлишлари ва жойлар ҳақидаги фикр-мулоҳазаларни кузатишлари мумкин. Бундай ҳолда, мутахассиснинг профили очиқ бўлиши ва обуна у томонидан тасдиқланиши керак.

Савол: Қайси ғояни маъқуллайсиз: битта илованинг ўзида барча хизматлар мавжуд бўлишиними ёки ҳаммаси учун алоҳида-алоҳида иловада?
Изоҳларингизни ёзиб қолдиринг.
gsmgurusFAQ

Bizdan uzoqlashmang!

@Telefon_Sirlari - telefonlar haqidagi eng so'nggi ma'lumotlar kanali Ochish/sharhlash

2020-07-05 05:35:59 ​Мобил фирибгарликлар: қўнғироқларда телефон рақамини қалбакилаштириш

Фирибгарлар SIP маълумотларни узатиш протоколидан (IP-телефониянинг бир тури) фойдаланиб қўнғироқларда хоҳлаган телефон рақамини кўрсатиши мумкин.

Телефон рақамини алмаштириш хизматларининг ҳар қадамда учраши (пуллик) ва хоҳлаган фойдаланувчи учун мавжудлиги, фирибгарларга кенг имкониятларни очиб беради.

Масалан, сизга маълум бўлган телефон рақамидан қўнғироқ қилиб лотереяда ютганлигингизни, қариндошингиз номидан ёрдам сўраши ва банк картасини "блокировка қилиш" тўғрисида SMS-хабар юбориши мумкин.
Асосий мақсад эса потенциал жабрланувчининг пулини фирибгарлик билан олишдир.

Ушбу турдаги фирибгарлик қурбони бўлмаслик учун эса, у ҳақида маълумотга эга бўлиш (ушбу хабар шу мақсадда ёзилди) ва текшириш усулларини билиш лозим.

Текширишнинг асосий усули - қўнғироқ қилинган рақамга қайта қўнғироқ қилиш. Шунда сиз фирибгарга эмас, рақамнинг ҳақиқий эгасига қўнғироқ қилиб тушасиз.
gsmgurusFAQ

Bizdan uzoqlashmang!

@Telefon_Sirlari - telefonlar haqidagi eng so'nggi ma'lumotlar kanali Ochish/sharhlash

2020-07-01 16:50:04 ​Ҳиндистон TikTok, WeChat, Likee, UC Browser, Shareit ва бошқа Хитой иловаларини мамлакатда тақиқлади

CNBC маълумотларига кўра, Ҳиндистон электроника ва ахборот технологиялари вазирлиги хитойлик дастурчи компанияларининг 59 та иловасини тақиқлади.

Ҳукумат ушбу иловалар мамлакат суверенитети ва яхлитлигига, шунингдек, давлат хавфсизлиги ва жамоат тартибини ҳимоя қилишга зарар етказиши мумкин деб ҳисоблайди.

TechCrunch маълумотларига кўра, тақиқлаш, баъзи иловалар фойдаланувчи маълумотларини ўғирлаш ва яширин равишда Ҳиндистондан ташқарида жойлашган серверларга узатиш учун фойдаланилгани ҳақида кўплаб хабарлар пайдо бўлгач амалга оширилди.
gsmgurusFAQ

Bizdan uzoqlashmang!

@Telefon_Sirlari - telefonlar haqidagi eng so'nggi ma'lumotlar kanali Ochish/sharhlash

2020-07-01 16:50:04 ​"Бу ижтимоий тармоқ қиёфасидаги маълумот йиғиш хизмати": дастурчи TikTok кодини текширди.

Bangorlol лақабли Reddit фойдаланувчиси TikTok иловасининг ишлаш приципини кўриб чиқиш мақсадида дастур кодини ўрганиб чиққанлигини таъкидлади.

Маълум бўлишича, илова ижтимоий тармоқ учун одатий бўлмаган қуйидаги маълумотларни тўплайди:
- Қурилма параметрлари тўғрисидаги маълумотлар (процессор тури, идентификаторлар, экран ўлчамлари, хотира ва бошқалар)
- Бошқа ўрнатилган иловалар ҳақида маълумотлар, шу жумладан TikTok ўрнатилгандан сўнг ўчирилганлар
- Тармоқ ҳақида маълумот (IP-адрес, Mac-адрес, Wi-Fi га уланиш нуқтаси номи)
- Root хуқуқи мавжудлиги
- Баъзи ҳолларда, ҳар 30 секундда GPS орқали геолокацияни аниқлаш

Энг ёмони, рўйхатдаги маълумотларнинг аксариятини тўплаш буйруқлари масофадан туриб созланиши.

Bangorlol шунингдек, Instagram, Facebook, Reddit ва Twitter иловаларини ҳам ўрганиб чиққанлигини таъкидлади ва уларнинг ҳеч бири TikTok каби кўп маълумот тўпламайди.

Хизмат хавфли эканлигини, илгари Penetrum компанияси ушбу илова қурилма ва фойдаланувчи тўғрисида жуда кўп маълумотларни тўплайди, хавфсизлик сиёсати шахсий маълумотларни учинчи томонга тақдим этишга имкон берувчи Alibaba серверларидан фаол фойдаланади, шунингдек, хавфли дастурий ечимлардан фойдаланади деб маълумот берган эди.

TikTok ойига 800 миллион фаол фойдаланувчига эга ва узоқ вақтдан бери кўплаб мамлакатлардаги 25 энг машҳур иловалар рўйхатига киритилган.
gsmgurusFAQ

Bizdan uzoqlashmang!

@Telefon_Sirlari - telefonlar haqidagi eng so'nggi ma'lumotlar kanali Ochish/sharhlash