2023-11-01 07:38:14
STUDENT BO'LDINGMI?
Student bo'ldingmi, orqaga yo'l yo'q!
Eng avval ko'chirish san'atin o'rgan!
Axir oson emas domlani aldash -
U ham sendaylardan mingtasin ko'rgan!
Student bo'ldingmi, orqaga yo'l yo'q,
Majbursan qo'lingga kitob olishga.
Yoqmasligi mumkin ma'ruzalar sal,
Faqat o'rganmagin uxlab qolishga!
Student bo'ldingmi, orqaga yo'l yo'q,
Kamgap, kamsuqumlik bunda ketmaydi.
Hech yo'q domladan hol-ahvol so'rab tur,
Yo'qsa oxirida baling yetmaydi!
Student bo'ldingmi, orqaga yo'l yo'q,
Internet kafega navbatga yozil.
Besh o'nta referat, taqdimot qilish,
Bilib qo'ygin, senga emasdir hazil!
Student bo'ldingmi, orqaga yo'l yo'q,
Sessiya bir kunlik imtihon emaaaas.
Domla: “Falonchiyev, zachyotkangni ber,
Ayt, senga necha bal qo'yayin?” demas!
Student bo'ldingmi, orqaga yo'l yo'q,
Shularni o'ylaymiz, bedor tunimiz.
Ilohim, bizlarga havas qilganning,
Boshlariga tushsin bizning kunimiz!...
Student bo'ldingmi, orqaga yo'l yo'q…
Saidrasulova Muqaddamxon
@Talabalar_kanali | A'zo bo'ling
https://t.me/+9XamtL7nBmo0ZjAy
16.2K views04:38