OYINA.UZ

2021-05-10 16:23:34 Oyina | siz bilan
https://t.me/oyinauz Ochish/sharhlash

2021-04-11 16:53:11 ​​Термизда мактаб ўқувчиси зўрлангани юзасидан жиноий иш қўзғатилди

Сурхондарё вилоятининг Термиз шаҳрида вояга етмаган қизнинг номусига тегилгани бўйича жиноят иши қўзғатилди. Бу ҳақда Бош прокуратура матбуот хизмати хабар берди.

Маълум қилинишича, 16 ёшли қизнинг номусига тегилгани юзасидан Термиз шаҳар бўйича ИИО ФМБ ҳузуридаги ТБ томонидан қўшимча текширув ҳаракатлари ўтказилган. Мавжуд қарама-қаршиликларни бартараф этиш ва ҳақиқатни аниқлаш мақсадида 2021 йил 11 апрель куни ҳолат юзасидан Жиноят кодексининг 118-моддаси (шахснинг 18 ёшга тўлмаганлиги айбдорга аён бўлган ҳолда номусга тегиш) 3-қисми «а» банди билан жиноят иши қўзғатилган.

Ҳолат бўйича судга оид қайта комиссион тиббиёт экспертизаси тайинланган бўлиб, тўпланган ҳужжатлари Соғлиқни сақлаш вазирлигининг Республика суд-тиббиёт экспертиза илмий-амалий марказига юборилган.

Ҳозирда Сурхондарё вилояти ИИБ ҳузуридаги ТБ томонидан тергов ҳаракатлари олиб борилмоқда.

Эслатиб ўтамиз, термизлик эркак 2020 йилнинг январь ва февраль ойида мактаб ўқувчисини икки марта зўрлагани ҳамда ҳуқуқни муҳофаза қилиш идоралари бу ишни «тинчитиб» юборгани ҳақида хабар берилган эди. Сенатнинг Мудофаа ва хавфсизлик қўмитаси аъзоси Фарҳод Боқиев ушбу жиноятни содир этган шахсга нисбатан Термиз шаҳар Ички ишлар органлари фаолиятини мувофиқлаштириш бўлими қарийб 14 ойдан буён қонуний чоралар кўрилмаганини таъкидлаганди.

Ушбу ҳолат юзасидан ИИВ ҳузуридаги Тергов департаменти кўрсатмасига биноан масъул ходимларга нисбатан хизмат текширув тайинланган.

Ҳолат юзасидан Гендер тенглигини таъминлаш бўйича комиссияси аъзоси Саида Мирзиёева муносабат билдириб, жиноятчини ҳеч қанақасига оқлаб бўлмаганидек, Термиз ҳуқуқни муҳофаза қилиш идоралари ходимларини ҳам умуман оқлаб бўлмаслигини айтганди. Шунингдек, ИИВ бу ҳолат юзасидан суриштирув-тергов ишларини ўтказишига ва Термиз ИИБ ходимлари жиноятни яширгани учун қонун олдида жавоб беришга умид қилишини таъкидлаган.

@oyinauz Ochish/sharhlash

2021-04-04 05:57:06 ​​Ўзбекистонда нега болалар COVID-19’га қарши эмланмаяпти?

Нима учун болалар коронавирусга қарши эмланмайди? Бу саволга Санитария-эпидемиологик осойишталик ва жамоат саломатлиги хизмати раҳбари ўринбосари Ботир Қурбонов жавоб берди.

— Коронавирусни юқтириш ҳолати болаларда ҳам учрамоқда, аммо нега уларни эмлаш тавсия этилмаяпти?

— Болалар ўртасида ҳам касалланиш ҳолатлари кузатилаётган бўлса-да, дунё олимлари, нуфузли илмий-тадқиқот институтлари томонидан яратилаётган вакциналардан болалар ўртасида фойдаланиш мумкинлиги ҳозирча тасдиқланмаган.

Айни пайтгача тайёр бўлган ёки ЖССТ томонидан фавқулодда ҳолатларда фойдаланишга рухсат этилган вакциналар билан болаларни эмлаш ҳозирча кўзда тутилмаган. Шунинг учун 1 апрелдан бошланган эмлаш тадбирларида 18 ёшгача бўлган болаларни эмлаш тавсия этилмаяпти, – дейди Ботир Қурбонов.

Аҳолини коронавирусга қарши эмлаш тадбирлари 1 апрелдан бошланди. Ўзбекистонда бугунги кунда 1 миллион 660 минг доза вакцина бор. Уларнинг 660 минг дозаси COVAX жамғармаси томонидан олиб келинган AstraZeneca вакцинаси, 1 миллион дозаси — Ўзбекистон—Хитой ҳамкорлигида ишлаб чиқилган ZF-UZ-VAC 2001 вакцинаси.

Аҳолини ушбу вакциналар билан эмлаш бир пайтнинг ўзида амалга оширилади. Бунда эмланувчи биринчи эмланишни қайси вакцина билан бошласа, иккинчисини ҳам айнан ўша вакцина билан якунлайди. AstraZeneca вакцинаси билан 2 маротаба, ZF-UZ-VAC 2001 вакцинаси билан 3 маротаба эмлаш кўзда тутилмоқда. Яъни вакцинация икки хил вакцинада икки хил амалга оширилади. Шунингдек, Ўзбекистонда хусусий клиникаларга COVID-19’га қарши пулли эмлаш ўтказишга рухсат берилади. Тўлиқ эмлаш курсини тамомлаган фуқароларга QR-кодли сертификат берилади.

Ўзбекистонда 2 апрель ҳолатига кўра 9211 нафар фуқаро эмланди.

@oyinauz Ochish/sharhlash

2021-04-03 22:18:02 Давлат ҳокимияти ва бошқаруви органлари ходимлари сони 15 фоизга қисқартирилади

Президент давлат ҳокимияти ва бошқаруви органлари, уларнинг идоравий ва ҳудудий бўлинмалари бошқарув ходимларининг штат бирликларини қисқартириш ва тузилмасини мақбуллаштиришни назарда тутувчи қарорни имзолади.

2021 йил 1 майдан бошлаб давлат ҳокимияти ва бошқаруви органлари ҳамда уларнинг идоравий ва ҳудудий бўлинмалари бошқарув ходимларининг сони 15 фоизгача мақбуллаштирилади ҳамда уларнинг янгиланган чекланган сони белгиланади.

Амалда:
мавжуд бошқарув ходимлари штат бирлиги сони - 43 969 та;
қисқартирилаётган штат бирликлари - 5 288 та;

Шундан:
давлат бюджети ҳисобидан мавжуд штат бирликлари сони - 39 925 та;
қисқартирилаётган штат бирликлари - 5 175 та.

Бюджетдан ташқари маблағлар ҳисобидан:
мавжуд штат бирлиги сони - 4 044 та;
қисқартирилаётган штат бирликлари - 113 та.

2021 йил 1 май ҳолатига бошқарув ходимлари штат бирлиги сони 38 681 та қолади.

Маълумот учун, вазирликлар, давлат қўмиталари, қўмиталар, агентликлар, шунингдек улар ҳузурида ва Вазирлар Маҳкамаси ҳузурида ташкил этиладиган давлат бошқаруви тузилмалари республика давлат бошқаруви органлари жумласига киради.

@oyinauz Ochish/sharhlash

2021-04-03 15:01:21 ​​Эрон ташқи ишлар вазири Жавод Зариф Ўзбекистонга келади

2021 йилнинг 5 апрель куни Ўзбекистонга Эрон ташқи ишлар вазири Муҳаммад Жавод Зариф бошчилигидаги делегация ташриф буюради. Бу ҳақда Ўзбекистон ТИВ матбуот хизмати хабар берди.

Бўлажак учрашув ва музокаралар давомида сиёсий, савдо-иқтисодий, инвестициявий, транспорт-логистика ва бошқа соҳалардаги Ўзбекистон—Эрон алоқаларининг ҳозирги ҳолати ва ривожланиш истиқболларини муҳокама қилиш режалаштирилган.

Томонларни қизиқтирган минтақавий ва халқаро масалалар бўйича ҳам фикр алмашилади.

Эслатиб ўтамиз, 2017 йилнинг октябрида Абдулазиз Комилов ва Жавод Зариф Ўзбекистон ва Эрон ТИВлари ўртасидаги Ҳамкорлик дастурини имзолаган эди. 2018 йилнинг февралида Теҳронга амалга оширилган ташриф давомида Ўзбекистон ташқи ишлар вазири Эрон ТИВ раҳбари билан БМТ, ШҲТ ва бошқа халқаро ташкилотлар доирасида ҳамкорлик қилиш масалаларини муҳокама қилганди.

@oyinauz Ochish/sharhlash

2021-04-03 06:04:37 Йил охирига қадар Самарқанд шаҳри миллионли бўлади. Шаҳар таркибида 5та туман ташкил қилинади

Самарқанд вилояти ҳокими Эркинжон Турдимов 2021 йил охирига қадар Самарқанд шаҳри аҳолиси бир миллиондан ортиқ шаҳарга айланишини маълум қилди.

Вилоят ҳокими шу йил 31 март куни бўлиб ўтган «Ҳоким, вазир ва ёшлар учрашуви»да аслида ҳозирда Самарқандда 1 миллион аҳоли яшашини, шаҳарга яқин жойлашган бир неча туманлар қўшилиб кетганлигини, Самарқандни бир миллионли шаҳар қилиб, унинг таркибида бешта туман ташкил қилинишини айтган.

Шунингдек Турдимов Қозоғистоннинг жами аҳоли сони Ўзбекистонга қараганда икки баравар кам бўлсада, Олмаота, Остона ва Чимкент шаҳарлари аҳолиси миллиондан ошишини, Ўзбекистонда эса фақат Тошкентгина миллионли аҳолига эга эканлигини айтган.


@oyinauz Ochish/sharhlash