Она хақида шеър

2022-05-10 20:03:10 Сиз бор она

Сиз бор дунё нурли чароғон,
Сиз бор бахтга ошнаман она,
Мехрингизни қанчалар туйсам,
Яна шунча ташнаман она.
Сиз бахорим ёзимсиз онам,
Бошимдаги тожимсиз онам.

Сиз бор қаддим букилмас сира
Шодон қалбим, ўксинмас сира,
Юзим ёруғ сиз билан хар дам,
Зардек қадрим тўкилмас сира.
Сиз мўътабар хожимсиз онам
Бошимдаги тожимсиз онам.

Дуонгиз-ла куним бошланар,
Барака, файз, унум бошланар
Мен шунчалар бахтлиман она,
Қувончлардан кўзим ёшланар.
Сиз қувончим, шонимсиз онам,
Бошимдаги тожимсиз онам.

Сиз-ла умрим кўклам ёз бўлсин,
Бошим баланд, кўксим тоғ бўлсин.
Мехрибоним, жаннатим она,
Сизга жоним поёндоз бўлсин,
Бошимдаги тожимсиз онам
Сиз мўътабар хожимсиз онам

Муаллиф: Хуршид Карим

Оналарни хурсанд қилувчи манзил Ochish/sharhlash

2022-05-10 20:03:10 Онам

Онам кўзимга нур, йўлимга зиё
Онам буюк сиймо-ю, фаришта гўё
Мен учун қўл очиб қилганда дуо
Жаннатларга айланар мен учун дунё

Каналга уланиш Ochish/sharhlash

2022-05-10 20:03:10 Men dunyoga kelgan kundanoq,
Yoʻllarimga boʻldingiz chiroq.
Ulgʻaysin deb chekdingiz firoq,
Onajonim – jonu jahonim,
Duogoʻyim – chin mehribonim.


Yiqilganda suyanch edingiz,
Qoya kabi tayanch edingiz,
Nur edingiz, quvonch edingiz,
Onajonim – dono sarbonim,
Duolari tillo karvonim.

 
Qadringizni goho bilmadim,
Qoʻlingizga hassa boʻlmadim,
Kulbangizga vassa boʻlmadim,
Onajonim – gavhari jonim,
Duogoʻyim – shirin zabonim.


Uzoq ketsam yoʻlimga qarab,
Oʻltirgansiz zor-zor moʻltirab,
Men goʻl esa yurganman “yayrab”,
Onajonim – chashmi giryonim,
Nigohbonim – sarvari jonim.


Ayting, Sizni qaylardan topay
Kalishingiz gardlarin oʻpay,
Qabringizga koʻz yoshim sepay,
Onajonim – toza vijdonim,
Tomirimda oqqan pok qonim.


Oʻlim-ku haq, hamma oʻtadi,
Lekin ona qolsa, netadi?
Nahotki yer toʻymay ketadi?
Onajonim – koʻzda mujgonim,
Munisginam, obroʻyim, shonim.

 
Yulduzlarga boqib soʻzlayman,
Izlaringiz bedor izlayman,
Topib ber deb yelga boʻzlayman,
Onajonim – guli rayhonim.

@BuMeniingOnam Ochish/sharhlash

2022-05-10 20:03:10 Munisim onam,otam panohim
Har ikkisi mening yurak ardogim
Nuridiydam mening ko'zim qarog'im
Uyimiz yoritgan nurli oftobim.

Munisim onam ,otam panohim
Onam bog'imdagi gul-u rayhonim
Otam suyanganim,mehr bulogim
Yurakdagi dard-u,nolayu ohim.

Munisim onam ,otam panohim
Qiblagohim ka'bam ,siz sajdagohim.
Jannatim onajon,otam himmatim,
Tomirda qonimsiz,tandagi jonim.

Munisim onam,otam panohim
Siz orzularga kon tubsiz tilagim.
Dunyoda yagona yolg'iz keragim
Siz mening qalbimsiz-mitti yuragim

Qarzim kopdir mening ota-onamdan
Kulgusiga kechgum mingta jonimdan
Munisim onamdir ,otam-panohim,
Sizlarga berayin ming bitta jonim.

Poyingiz ostida qum -tuproq bo'lay
Duoyingiz olib baxtlardan kulay.

@BuMeniingOnam Ochish/sharhlash

2022-05-10 20:03:09 ЁМОН ЎҒЛИНГМАН ОНА

Юзингда доғлар қўша,
Кўзларинг намга гўша.
Қаддинг ёй этган ўша,
Ёмон ўғлингман Она.

Нигохингда яшар зор,
Ёз бормадим ёғди қор.
Соғинчимда сен бемор,
Омон ўғлингман Она.

Қароғингда қотган нам,
Сочинг оппоқ қилди ғам.
Сен куз ёқда, мен кўклам,
Тамон ўғлингман Она.

Бердинг қанча қарз, қайтмас,
Забонинг жим, арз айтмас.
Хусни кўркам, хулқи хас,
Сомон ўғлингман Она.

Тонг отар сўнг шом ботар,
Сайин бағри тош қотар.
Қон кўксингга тиғ отар,
Камон ўғлингман Она.

Ёр, банд ёнда кўнглим тўқ,
Сен сим қоқсанг гапим дўқ.
Тўртта байт битдимми йўқ,
Замон ўғлингман Она.

Англаб бош тошга тега,
Боқ келдим қаддим эга.
Шунча куйдирдим, нега,
Хамон ўғлингман Она.

Юзингда ажин қўша,
Юрагинг дардга гўша.
Бағринг қон этган ўша,
Ёмон ўғлингман Она.

Ғуломжон Нормат

@BuMeniingOnam Ochish/sharhlash

2022-05-10 20:03:09 Она... Она... Мехрибон она...

Сизга ўхшамади ўғлингиз, у эркароқ ўжарроқ яна. Айтинг, айтинг нима истар кўнглингиз?
Нима егингиз келяпти она? Паловми? Ё сергўшт норинми?

Хеч тортинмай айтинг барини, пойингизга сочай боримни..
Нима егингиз келяпти она?

Болам болам деб юраверманг, хар нарсага куйинаверманг, Э бўлди пенсиянгизни хеч кимга берманг! Хамма қадрини биляпти она...

Энди оғиз ошга етганда, ошқозонга ботар деманглар. Ахир топиб келдингизку биз еганда, Эх бу хаёт шунақа эканда...

Ўйлаб эмас, ўйнааааб енг сиз хам, сал гердайинг, болам топиб келди денг сиз хам. Бизсиз луқма тотмадингиз лек, ёғли ошлар едик сизсиз хам...

Эххх онам-а, онам-а, онам! Бир икки сўм ошинганим бор, юринг кетдик борамиз бозор. Имконим бор айтинг бемалол, Нима егингиз келяпти она?...

Э йўқ дейсиз, болам қўй дейсиз,
Ўзинг еб хам ўзинг тўй дейсиз.
Бунча мени ғамимни ейсиз,
Мен қолиб хатто боламни дейсиз...

Боламанда халихам бола

Қаршимдаги мунис азизам,
Майлими бир гапимни айтсам?
Негадир зўўўр ёзолмаяпман
Зўўр қўшиқлар айтолмаяпман
Менга нима бўляпти она?
Кўўп йиғлагим келяпти она

Шу йўсинда кунлар ўтяпти
Дардим мени секин ютяпти
Шеър ёзилган дафтарни ёпдим
Яна қайтиб ишимга чопдим

Хаёт йўлларида ўзимга бир иккити янги ном топдим
Машхур ўғил, бемехр бола
Қулоғимдан бииир чўзгин она
Юрагимдан кетказиб ғубор
Болам сенг яхшисан денг, бир бор

Атрофизда бўлиб парвона
Рози қилай дейман-да она

@BuMeniingOnam Ochish/sharhlash

2022-05-10 20:03:09 Oта - онам

Қуёшимсиз, бошим узра меҳрин сочган,
Қанотимсиз, саҳролару қирдан ошган,
Жигарбандим, бахтим дебон жондан кечган,
Жондан суйган меҳрибоним ота - онам.

Айтган панду ҳикоянгиз пур ҳикматдир,
Оқ суту пок тарбиянгиз беминнатдир,
Борлигингиз бу дунёда бир давлатдир,
Жондан суйган меҳрибоним ота - онам.

Келса неки заҳмат ҳаргиз қошингизга,
Асраб мени кўтардингиз бошингизга,
Арзийманму бир томчи кўз ёшингизга?
Жондан суйган меҳрибоним ота - онам.

Сиз келсангиз яшнар мудом қалбим уйи,
Сиз бўлсангиз янграр мудом бахтим куйи,
Қарздордирман олдингизда умрим бўйи,
Жондан суйган меҳрибоним ота - онам.

Кетар бўлсам ҳамки бугун сиздан йироқ,
Сизлар билан кетган қолиб қалбим бироқ,
Аллоҳдан мен умр сўрдим, сизга узоқ
Жондан суйган меҳрибоним ота - онам.

Муаллиф: Ҳамид Насруллоев

Барча, онасини қадрлайдиганлар учун канал

https://t.me/joinchat/AAAAAEUJfGtkhaJapvSWOg Ochish/sharhlash

2022-05-10 20:03:09 Бола тилидан

Бир кун ногоҳ йиқилдим,
Бошим оғриди бирам,
Лекин мен мард боламан,
Йиғламадим сираям,

Уйга келиб онамга,
Кўзим тушди ногаҳон.
Дедиларки:"Бошингдан
Оқаётир нечун қон?!"

Шундай мунгли эдики
Онажоним сўзлари.
Мунчоқ-мунчоқ ёшлардан
Тўлган эди кўзлари.

Юрагимга шу дамда
Киргандек эди зиё.
Менинг дардим онамга
Ўтгандек эди гўё.

Онажоним дардлари
Борар эди сезилиб.
Менинг жажжи юрагим
Кетди роса эзилиб.

Шунда дедим, Художон,
Асра менинг бошимни.
Токим қайтиб кўрмайин
Онажоним ёшини.

Ҳамид Насруллоев

Барча, онасини қадрлайдиганлар учун канал

https://t.me/joinchat/AAAAAEUJfGtkhaJapvSWOg Ochish/sharhlash

2021-01-05 20:01:38 ОНАМНИ МАККАГА ОЛИБ БОРАМАН

Ишларим юришиб кетса галма-гал,
Камларим, ғамларим бўлса бутун, хал.
Дунёни бир четга қўйиб энг аввал,
Онамни Маккага олиб бораман.

Кафтидан қадоғи кетмаган хамон,
Мен нодон қадрига етмаган хамон.
Мехримга хеч даъво этмаган хамон,
Онамни Маккага олиб бораман.

Қўйганман кўнглимни кўнглига солиб,
Орзуйим ушалмай кетмаса қолиб.
Йўл бўйи ортимга орқалаб олиб,
Онамни Маккага олиб бораман.

Мен ёмон у яхши кўргани хаққи,
Бормасам келиб хол сўргани хаққи.
Жонидан менга жон бергани хаққи,
Онамни Маккага олиб бораман.

Дунёни ортидан кетсам гар йироқ,
Кутгувчим кўз юммай, ўчирмай чироқ.
Юзида ажин лим, сочлари оппоқ,
Онамни Маккага олиб бораман.

Онамдек мехрибон кишим борми, йўқ,
Бўлак ким улчалик менга зорми, йўқ.
Чин дўстим фарзандим, жигар, ёрми, йўқ,
Онамни Маккага олиб бораман.

Фаслнинг фарқи йўқ ёз, кўклам, куз, қиш,
Айтингчи дунёда битганми хеч иш.
Кетиб қабри узра унмасдан қамиш,
Онамни Маккага олиб бораман.

Жилмаяр, кўнглида яширин арзи,
Бўйнимда осиғлиқ фарзндлик қарзи.
Аллохнинг хохиши, мўминлик фарзи,
Онамни Маккага олиб бораман.

Ишларим юришиб кетса галма-гал,
Камларим, ғамларим бўлса бутун, хал.
Дунёни бир четга қўйиб энг аввал.
Онамни Маккага олиб бораман.




@ona_haqida_sher Ochish/sharhlash

2021-01-05 20:01:37 ........

Забонингиз ширин, Онам, сўзлайсиз майин,
Дардларингизга ўзим дармон бўлайин,
Зинҳор, кўзларингиз намли кўрмайин,
Умримизнинг анвойи баҳори, Онам,
Кўнглимизнинг чароғон, мадори, Онам.

Шудринг каби беғубордир юрагингиз, пок,
Бардошингиз қаршисида тиз чўкади тоғ,
Юрагингиз чечак унган мисоли гулбоғ,
Савоб ишда, саховатда ҳимматли Онам,
Ҳар каломи, ҳар бир сўзи ҳикматли Онам!

Оиламиз қурғонига шамси сирожсиз,
Кўнгли кемтикларга доим ҳамдард, пешвозсиз,
Ҳар бир ўксик дилга яқин дўстсиз, сирдошсиз,
Бахтимизга соғ бўлинг, сурингиз даврон,
Борлигингиз бизга Бахт, жоним Онажон!

Сиз дунёда адоғи йўқ Муҳаббатсиз,
Вафо қасрин малоиги, Садоқатсиз,
Ёруғ манзил, дилбар сиймо, Ҳаловатсиз,
Бор меҳрингиз бошимизга нурдир Онам,
Қанча ардоқласам сизни камдир Онам!

Кўркам исм жисмингизга тушгандир мос,
Энг чиройли фазилатлар сизгадир хос,
Ҳатто сизга фаришталар қилар ҳавас,
Шукроналик забонидан тушмас, Онам,
Меҳри мунчоқ, садоқати олмос, Онам!



@ona_haqida_sher Ochish/sharhlash