Бола тилидан Бир кун ногоҳ йиқилдим, Бошим оғриди бирам, Лек | Она хақида шеър

Бола тилидан

Бир кун ногоҳ йиқилдим,
Бошим оғриди бирам,
Лекин мен мард боламан,
Йиғламадим сираям,

Уйга келиб онамга,
Кўзим тушди ногаҳон.
Дедиларки:"Бошингдан
Оқаётир нечун қон?!"

Шундай мунгли эдики
Онажоним сўзлари.
Мунчоқ-мунчоқ ёшлардан
Тўлган эди кўзлари.

Юрагимга шу дамда
Киргандек эди зиё.
Менинг дардим онамга
Ўтгандек эди гўё.

Онажоним дардлари
Борар эди сезилиб.
Менинг жажжи юрагим
Кетди роса эзилиб.

Шунда дедим, Художон,
Асра менинг бошимни.
Токим қайтиб кўрмайин
Онажоним ёшини.

Ҳамид Насруллоев

Барча, онасини қадрлайдиганлар учун канал

https://t.me/joinchat/AAAAAEUJfGtkhaJapvSWOg