2022-08-25 21:40:24
Dasturlashga qanday kirib qolganim haqida | 1-qismMening ushbu sohaga kirib kelish hikoyam ko'plab dasturchilarnikidan biroz boshqacha bo'lishi mumkin ya'ni men bolaligimdan kompyuterlarga qiziqib shu sohada kelajagimni ko'rib ulg'aymadim. To'g'risi vaziyat taqazo qilibmi yoki o'zimni biror narsada to'liq kashf qilishga ulgirmaganim sababmi bu sohani ich-ichiga kirish 2020 yil karantin vaqtlariga to'g'ri kelgan.
Hullas 2019 yil hamma qatori OTM larga hujjat topshirdim, ular Andijon davlat universiteti ingliz tili fakulteti (Inyaz), Toshkentdagi Inha, Westminster, Singapurskiy va Polshadagi Vistula university lar edi ro'yhatda hamma Uzb aytishniklar bir vaqtlar orzu qilgan TATU yo'q edi shundan ham bilsangiz bo'ladi men dasturchi bo'laman deb o'ylamaganman hech . Shulardan Westminsterga, Singapurskiyga va Vistulaga kirdim, fizikam yaxshi emasligi sabab Inhaga yetarli ball ololmadim, ota-onam tanlovni o'zimga qo'yib berishdi (o'zi hayotimda muhim qarorlar kelgandan ota-onam tanlov qilishga imkoniyat bergan doim va hech qachon biror narsa qilishga majburlagaman).
Hullas Westni tanladim, kontrakt narxi deyarli 30 mln edi albatta u vaqtda deyarli daromad qilmas edim shu sabab dadamga tushuntirdim, birinchi yil kontrakni to'laylik keyingi yil yozda 4 oyga o'qish orqali Amerikaga borsam bo'ladi shunda borib ishlab kontraktga ham va boshqa harajatlarga ham pul qilib kelaman deb rejamni tushintirdim, Dadam ho'p dedi. 1-kurs birinchi semester o'qishga ko'nikish va Toshkentda daydish bilan o'tdi tezroq yoz kelishini kutardim. 2-semestr boshlandi 2020 yil bahor kelishi bilan karantin bo'ldi hamma qatori men ham uyga qaytdim. Avval 2 hafta nari borsa 1 oyda o'tib ketsa kerak hammasi deb hotirjam bo'ldim yo'q cho'zildi, cho'zildi va yoz ham kelay dedi men esa Amerikaga ketish uchun vizaga kirishim kerak qanaqa Amerika Toshkentga ham borish qiyin masala endi. Mana endi hammasi boshlandi reja o'xshamadi aksiga olib oilaviy biznes ham to'xtab qoldi, West ham katta ehtimol uhlaydi.
Bu vaqtgacha men dasturlash sohasidan unga-bunga bosh urib ko'rdim va orada photoshop va Adobe illustratorni ham o'rgandim 1-2 kuncha va ohiri web dasturlash, frontend dan boshladim. 1 haftacha web dasturlash nima, frontend nimaligini ipidan ignasigacha o'rgandim va HTML dan ham ancha muncha narsa o'rgandim you-tube dan albatta ingliz tilini bilishim foyda berdi shuyerda va ushbu sohani mukammal o'rganishga qaror qildim maqsad qo'ydim ushbu sohada tezroq daromadga chiqishga.
2020-yil yoz ohirida HTML, CSS, Bootstrap da ancha muncha saytlarni verstkasini qilish darajasiga chiqdim va 2020 ga kuz boshlarida video dars orqali online dars o'tishni boshladim shundan tajriba boshlandi, boshqalarni xatolarini ko'rib ham ko'p narsa o'rgansa bo'lar ekan bu menga ancha foyda bo'ldi. Shu joyida qo'shimcha qilsam online video darslarim unchalik qimmat bo'lmagan va sotib olmoqchi bo'lgan o'quvchilarga barchasi ochiq aytilgan :). 2 kurs birinchi semestr kontraktini amalladim dadam ham yordam qildi va o'qish online bo'lgani sabab ham dasturlash bilan ko'proq band bo'ldim.
2021 yil bahorda men endi to'laqonli frontend dasturchisi edim lekin haqiqiy kompaniyada ishlash tajribam yo'q edi. Shu sabab yozni 2 oyini intervyularga tayyorlanish bilan o'tkazdim va Avgustda birinchi ish joyim mohirdevga ishga kirdim. Bunda networking yordam bergan sababi kompaniya asoschilaridan biri Muhammadhalil aka bilan yil boshida internet orqali tanishib qolgan edim va mohirdev orqali ham video darslarimni sotar edim. Shu vaqtdan boshlab ushbu kompaniyada 2022 yil Martgacha ishladim bu vaqt oralig'ida juda qimmatli tajriba oldim, ayniqsa Ulug'bek aka jamoaga team leader bo'lgandan so'ng large scale loyihalarda dasturlash jarayoni qanday bo'lishini his qildim....
Davomi qiziq bo'lsa keyini postda ulashaman, fikrlaringizga qarab
@nurmukhamedoff_dev
704 viewsedited 18:40