2022-12-14 05:45:04
Oʻquvchilarning ota-onalaridan qishki ta’til oldidan kafolat xati olish toʻgʻrimi?Ma’lumki, joriy yilning 28-dekabrdan boshlab oʻquvchilar uchun 14 kunlik qishki ta’til boshlanadi. Ammo har doimgidek, ayrim joylarda ota-onalardan kafolat xatlari talab qilish boshlanibdi.
Kafolat xati... Oʻzi bu qanday rasmiy hujjat? Nima uchun sinf rahbarlar oʻquvchilar ta’tilga chiqishidan oldin ota-onalardan farzandlari oʻzlarini qanday tutishlari kerakligi haqida kafolat xati talab qiladi? Bu oʻqituvchilarga nima beradi?
“Umumiy oʻrta ta’lim muassasasining sinf rahbarlari faoliyatini tashkil etish toʻgʻrisida”gi nizomda oʻquvchilarning darsdan keyingi paytdagi xatti-harakatlari uchun qonunchilik hujjatlariga muvofiq ularning ota-onalari javobgar hisoblanishi, bunday holatlarda esa sinf rahbarlariga nisbatan intizomiy jazo choralari qoʻllanilmasligi alohida band sifatida koʻrsatib oʻtilgan.
Shuningdek, Oila kodeksining 73-moddasida ota-onalar farzandlarini tarbiyalashga mas’ul ekanligi bayon etilgan. Ular farzandlarining salomatligi, aqliy, jismoniy, ma’naviy va axloqiy rivojlanishi uchun gʻamxoʻrlik qilishlari shart.
Shunday ekan kafolat xati yozdirib olsangiz ham, yozdirmasangiz ham barcha ota-onalar oʻz farzandining har qanday xatti-harakatlari uchun oʻzlari javobgar boʻladi. Shu sababli ota-onalardan noqonuniy ravishda yozma kafolat xati talab etib, ular orasida norozichilik keltirib chiqarish notoʻgʻri.
Pedagog xodimlar ta’til vaqtida oʻquvchilar oʻzlarini qanday tutishi lozimligi, 14 kunlik ta’tildan unumli foydalanish toʻgʻrisida tashviqot olib borishlari mumkin. Lekin kafolat xati talab qilmaslik kerak.
«METODIK YORDAM» kanaliga obuna boʻling https://t.me/joinchat/AAAAAEPOVqHKFHKTugKY_Q
1.9K views02:45