2022-11-18 08:45:24
Fan oʻqituvchilari tomonidan toʻgarak mashgʻulotlari oʻtilishi majburiymi?
Fan toʻgaraklari oʻqituvchining pedagogik yuklamasi tarkibida boʻlganligi bois oʻtilgan toʻgarak mashgʻulotlari uchun ham oylik maosh hisoblanadi.
Chunki pedagog xodimning ish yuklamasini hisoblab chiqarishda oʻquv-tarbiya jarayoni va oʻquv-tarbiya jarayonining metodik ta’minoti va tashkiliy-pedagogik jarayoni hisobga olinadi.
Oʻquv-tarbiya jarayoni pedagog xodimlarga tarifikatsiya boʻyicha ajratilgan dars soatlarini oʻtish kirsa, oʻquv-tarbiya jarayonining metodik ta’minoti va tashkiliy-pedagogik jarayoniga esa fanlarni oʻzlashtirishda qiynalayotgan va iqtidorli oʻquvchilar bilan alohida mashgʻulotlar olib borish nazarda tutiladi.
Shuningdek, Xalq ta’limi vazirligining 2021-yil 1-iyuldagi 206-sonli buyrugʻi bilan tasdiqlangan fan oʻqituvchilarining lavozim majburiyatlarida ham pedagog xodimlar oʻquvchilarning qobiliyat va iste’dodlarini rivojlantirishni nazarda tutgan holda, fanlarni oʻzlashtirishda qiynalayotgan va iqtidorli oʻquvchilar bilan ishlash maqsadida oʻz fani boʻyicha toʻgarak mashgʻulotlarini tashlkil etish lozimligi qayd etilgan.
Shuningdek, "Xalq ta’limi xodimlari asosiy lavozimlarining malaka tavsiflari"da ham oʻqituvchilar fan toʻgaraklarida ishlashi lozimligi qayd etilgan.
Demak xulosa shuki, fan oʻqituvchilari tomonidan toʻgarak mashgʻulotlarini oʻtish majburiy hisoblanadi. Bunda fanlarni oʻzlashtirishda qiynalayotgan va iqtidorli oʻquvchilar bilan qoʻshimcha mashgʻulotlar olib borish maqsadga muvofiq.
«METODIK YORDAM» kanaliga obuna boʻling
https://t.me/joinchat/AAAAAEPOVqHKFHKTugKY_Q
2.5K views05:45